老人家話，賣懶賣到年卅晚，咁黎姿一家人年三十晚又做咩呢？佢哋好忙，忙住整湯圓！團團圓圓！
噚晚黎姿真係忙得不可開交，一家人難得一起下廚，三個寶貝女都落場幫手。黎姿喺社交網分享相片之餘，又寫道：「廚房裡馬上十分熱鬧。看她們一副忙碌認真的樣子，比吃到湯圓更覺甜絲絲。希望她們長大以後也會記得和媽媽一起做湯圓的感覺，溫暖、甜蜜、滿足。」
呢餐團年飯仲有豬手同蟹等等，非常豐富；而三個囡囡當然都冇上到鏡，只係見到少少，但孖女眼睫毛長長，細女輪廓似足媽咪，咁靚女新年應該逗到好多利是！
休息咗一晚，黎姿喺大年初一終於有時間擺下啲靚相，佢話：「以感恩心送走過去、以虔誠心把握現在、以祝福心迎接未來。」佢仲借呢個機會同大家拜年，祝各位新春愉快，平安健康，心想事成。
(IG / Apple Daily)
去年11月為動作影星老公樊少皇誕下囡囡「小飯兜」嘅藝人賈曉晨（JJ）今日突然喺社交網站有感而發，發長文指經歷咗多年嘅風風雨雨，覺得真係好攰，直言自己性格太認真、直接：「很累，認識我久了知道我的性格，太認真太直接，常常被很多事氣個半死，再安慰自己，開導自己……自己也明白我的性格實在不適合做公眾人物，但演戲是我熱愛的事情，我無法放棄，就算現在家庭讓我很忙，但我還是會繼續的……」
JJ話自己經常被人攻擊，但係佢會用時間事實去證明，仲話千祈唔好傷害到佢嘅囡囡：「如今，這些事情還在繼續，攻擊的人還在，閒得全身疼的人還在整理那些我對天發誓是胡說八道，甚至事實完全相反的八卦新聞，繼續傷害攻擊我們！我，可以繼續被你們攻擊傷害，我也還會繼續用時間事實證明，但我跪下求你們，高抬貴手，千萬千萬不要傷害我的孩子，做了媽媽之後，終於明白，為了她，我可以去死……」
JJ和囡囡小飯兜
長文如下：「又是新的一年了，經歷了多年的風風雨雨，說實話，很累，認識我久了知道我的性格，太認真太直接，常常被很多事氣個半死，再安慰自己，開導自己……自己也明白我的性格實在不適合做公眾人物，但演戲是我熱愛的事情，我無法放棄，就算現在家庭讓我很忙，但我還是會繼續的……我是個女生，可是保護愛人，家人成了我這幾年最傷神傷力的事情，跟不弄清事實就攻擊人的對抗，跟把八卦雜誌亂編的內容信的十足的人講道理……朋友們說我活的太累了，也許在古代我早已吐血身亡，或為路見不平一起被人打死了……還好現代醫學發達……
如今，這些事情還在繼續，攻擊的人還在，閒得全身疼的人還在整理那些我對天發誓是胡說八道，甚至事實完全相反的八卦新聞，繼續傷害攻擊我們！我，可以繼續被你們攻擊傷害，我也還會繼續用時間事實證明，但我跪下求你們，高抬貴手，千萬千萬不要傷害我的孩子，做了媽媽之後，終於明白，為了她，我可以去死……所以，最後我再一次希望新的一年，假的事情大家都可以認清，不再有人攻擊傷害我們，雖然這個世界真的有壞到極點的人，但我發誓我們不是！還有希望狗年了，流浪狗狗可以安全的生活下去，再次祈求動物保護法可以實現！」
(微博 / ON.CC)
台灣天團五月天嘅低音結他手瑪莎2014年11月喺社交網站宣布同女友Vicky（謝葦怡）結婚，二人結婚三年多，一直都相當甜蜜。今日瑪莎趁住大年初一呢日大好日子，就喺社交網站宣布同太太即將榮升父母，繼成員冠佑同石頭之後第三個成為人父。
瑪莎留言：「再過幾個月，我們就要迎接這個家的新成員了！當心跳聲從超音波（超聲波）儀器響起的那一刻，是這一生中難以言喻的感動。這是我們的媽媽手冊和爸爸手冊。而未來的未來，我除了是個大家熟知的bass手，我也會努力緊牽著（着）媽媽和孩子的手。這將會是個開心且熱鬧的一年，新年快樂！謝謝你們。」唔少網民都紛紛送上祝福，仲話好期BB嘅來臨添！
(on.cc)
黃子華與佘詩曼主演的新片《棟篤特工》票房報捷，優先場港澳票房收逾270萬，而首日正式上映，票房亦超過250萬，子華與阿佘聯同演員張建聲、陳嘉莉及C君等齊齊到旺角一間戲院謝票，子華更與阿佘預先入場與觀眾齊齊睇戲，令在場觀眾十分驚喜！子華更笑問觀眾是否付款入場睇戲時，有觀眾大叫「回水」，相當搞笑！
子華與阿佘表示都是與家人吃飯後到場，談到觀眾的反應，子華說：「開心，有上網留意反應（對票房滿意？）冇得唔滿意啦，做電影我係新仔，有咁嘅成績好好，呢個只係起步，希望有下一步！」
談到子華多年來背負「票房毒藥」的稱號，今次票房成績理想，是否一洗雪恥？子華笑謂最開心是觀眾知道電影是笑片但不胡鬧，是一部認真的電影，至於是否因為阿佘旺？他說：「 呢啲嘢唔使講啦！（下集預埋阿佘？）係阿佘要預埋我呀！」佘詩曼則謂與對方合作是榮幸！
(ON.CC)
利申，以下呢單嘢，唔係網民搞事0架……而係無綫……
前日呢，劉嘉玲鄭裕玲喺節目中，重提32年前嘅拍《流氓大亨》有人遲到單嘢，今日大年初一，無綫嘅一個fb page，又loop舊聞，呢單「新啲」，係1994年。當年一臉稚氣、只得29歲嘅郭富城，接受祝文君嘅訪問，內容如下：祝文君：今年會唔會派利是？
城城（震驚）：吓？我未結婚喎！
祝文君：嘻！唔使一定結婚0架嘛！
城城：傳統嘅思想就係話呢，係結咗婚先至派利是嘅！（甩一甩頭）我希望有一日，到將來我結咗婚嘅時候我先至派利是吖！
城城：（望向鏡頭）個個都有份！我講過嘅，全港嘅市民，都會收到我嘅利是（舉起手指，語氣肯定）不過可能係好多年之後…由1994年等到依家，等到喇！
咁城城幾時找數、全香港市民一人一封利是？講起城城嘅承諾，仲有一單更經典，但已經講過幾百次，就係……1991年，城城喺台灣度過佢26歲生日，喺歌迷面前立願：「30歲前不會失身！」相當之霸氣。好多年之後，城城為當年誓言解畫，佢話佢嘅意思係：「三十而立之前，要潔身自愛，照顧形象，唔會亂搞男女關係。」城城當年呢個「不失身論」真係好爆，更掀起一段「圈中處男大搜查」風暴，仲辣埋古巨基嗰疊。又係199幾年，一次古巨基出席電台活動，應大會要求即場填寫一份相當詳盡嘅個人資料問卷，裡面竟然問及其性伴侶、性經驗、避孕方法同對一夜情嘅睇法，令基仔「紅都面晒」尷尬話會「照實填」。當時記者問基仔喺有冇性經驗一欄中填咗乜嘢？24歲嘅基仔直言：「咪填冇囉！」……之後基仔又話不贊成一夜情：「一晚之後，對方都唔知去咗邊，我會覺得自己好似好蝕底咁。我唔止要『One Night Stand』（一夜情），我係要『Night Night Stand』（晚晚嚟？）呀！」吓……
(蘋果日報)
上山詩鈉的囡囡Hilary Fan樣子生得標緻，同賭王千金何超蓮齊齊被稱為「最索星二代」，雖然大家都有數不盡的名牌袋用，但原來兩人的品味都差不多。
上山詩鈉的囡囡Hilary 最近比較少在Instagram post相。
近日難得更新ig，哂黑色的Gucci Sylvie手袋。
另一個星二代何超蓮都用同款手袋。
Gucci Mini Sylvie bag $19,500
身為上山詩鈉的囡囡，Hilary大把名牌袋用。
Hilary最近比較少在Instagram post相，近日難得更新ig，手拎住黑色的Gucci Sylvie手袋，更寫上「 I love my #sylvie」，看來特別鍾情於個袋；而早前超蓮post相，亦同樣有一個紅色的同款手袋，一人有一個。這個Sylvie bag可算是近年的It bag之一，既優雅又有型，仲非常百搭，難怪深受星二代及女明星們的追捧。
貼潮的她之前就用過Prada的Cahier袋。
(蘋果日報)
台灣歌手羅志祥（小豬）不時喜歡扮女人搞吓笑，每次以朱碧石示人都創意十足，令人發笑。近日羅志祥喺社交網上載扮「妹仔」造型嘅相片，見到佢化晒裝、紅粉緋緋咁，皮膚又白裏透紅，仲着住碎花衫配上一個空氣瀏海、紮起孖辮嘅髮型，兼做出多個賣萌嘅動作，扮相真係維肖為妙，又成功吸引到網民嘅注意喇。
(on.cc)
農曆新年，香港人傳統習俗都會「𢭃利是」，象徵住「好意頭」。藝人莊思敏更有自己一套增加財運的方法：「我𢭃完啲利是之後，會放喺嗰一年嘅財位，放到下個年三十晚。我試咗呢個方法5，6年，效果仲唔錯添。」
至於新年放假，莊思敏更說爸爸媽媽專程由馬來西亞到港與自己一起過年。莊思敏指現在過年反而會派利是與父母：「因為而家自己有收入，所以都會調返轉派利是俾爸爸媽媽。雖然封利是佢哋都唔知可以用嚟做乜，不過最緊要都係心意啦。呢個新年佢哋只會留一個星期左右，都會想花多啲時間陪佢哋。自己朋友可能會喺11點後先見，日頭同晚飯時間都會同屋企人一齊食。瞓醒就一齊行下街，或者搵啲uncle拜下年咁。」
講起拜年，一眾未婚女性最怕遇到的莫過於是姨媽姑姐「嚴刑迫供」。不過，莊思敏就表示她本人並沒有這個煩惱：「啲親戚朋友都知咩事，都唔好意思再問。不過感情事其實係好被動，我好難應承話今年一定嫁得出，都要我搵到個人先得㗎。」
(HK01)
擔心過年發福，營養學專家傳授「加減乘除」飲食法，包括多吃雞蛋、豆漿等優質蛋白質，每餐只吃7分飽，避免甜食、糖飲和油膩食物，並且每天走路30分鐘，可避免年後身材走樣。
台灣食品科學技術學會常務理事王進崑今天在記者會中表示，加減乘除飲食法中的「加」代表加對東西，而優質的蛋白質就是這時應注意補充的，很多人認為過年的大魚大肉就是優質蛋白質，但其實也會一併攝取過多油脂和膽固醇，對健康不利。
實際上，所謂優質蛋白質指的是乳蛋白質與大豆蛋白質，例如雞蛋、豆腐、豆漿等，三餐都應平均吃20至25公克。
「減」的意思是減少熱量攝取，王進崑說，過年期間最好每一餐都吃7分飽，少碰甜食或含糖飲料，避免暴飲暴食；
「乘」指的是和成群好友一起運動，他建議一定要出去走春，每天至少走路30分鐘；
至於「除」則代表去除油膩的飲食習慣，例如含油量多的肉類、油炸食物少吃，避免把油滋滋的食物通下肚。
現代人工作壓力大，吃飯經常隨便吞兩口就了事，台大醫院營養室主任鄭金寶表示，這樣不僅容易消化不良，沒有經過仔細咀嚼，讓食物和唾液充分混合，身體對於食物營養的吸收率也可能直接砍半。
鄭金寶建議，一餐至少要吃30分鐘，切記細嚼慢嚥，尤其是玉米、燕麥這類比較難消化的食物，務必嚼碎後再吞下肚，以防食物無法消化，就原封不動再次被排出。
（元氣網）
阿公蘇永康老來得子，在IG不時PO出愛兒Jazz最新動態！
今日大年初一，阿公又PO出快一歲的Jazz新片，並留言：「絕對是遺傳！我喜歡的歌曲或歌手Jazz 很少無反應.但反應大到如此唯有久保田利伸.下個月你就滿一歳了,時間能否走得慢一點？祝大家新年快樂,感恩！」
(INSTAGRAM)
