周杰倫（周董）和昆凌婚後，生下女兒小周周（Hathaway）及兒子Romeo，不時可見兩人在IG放閃，今天適逢情人節，周董不免俗也放了張照片，祝妻子情人節快樂，只不過，照片中卻多了一位「國際巨星」級的閃亮電燈泡。
周董14日在IG貼出一張照片，照片上成龍摟著昆凌，周特別標註成龍，寫著，「Thanks
Jackiechan 大哥for ur dinner and the kids gift」（謝謝成龍大哥的晚餐，和小朋友的禮物）最後不忘標昆凌，並祝情人節快樂。
許多網友紛紛獻上祝福，不過也有人發現，兩人在今天共進晚餐，是否為大陸春晚表演前的聚會。
(噓！星聞)
吳尊一向十分保護太太林麗瑩，就連錄製《爸爸去哪兒5》媽媽特輯時，吳太也戴著口罩亮相。吳尊昨天就趁著情人節晒恩愛，大方公開太太甜蜜合照及一家四口合照。
吳尊老婆的樣子一直成謎，昨日，他首度在微博分享一家四口與夫妻兩人正面照，留言說：「知道大家都很好奇…好啦…我們就大大方方吧！今天我們第22年一起過情人節，她就是我背後辛苦的拍檔… 感恩大家一直以來的祝福，祝大家也要幸福快樂。」網友們大讚吳尊老婆很有氣質！一家四口甜到漏呀！
當年紅遍亞洲的小鮮肉吳尊一直低調處理感情事和家事，在結婚4年、誕下一女後才對外公開太太與女兒的身份。吳尊近來因《爸爸去哪兒5》再度與子女成為話題，原來他曾於訪問裡大談當年隱婚的原因，更揭露了一段鮮為人知的傷痛經歷。他慶幸這20多年來，一直有初戀太太在身邊，陪他走過無數個高山低谷。
吳尊在初初出道時，與當時還是女友的林麗瑩已經交往10多年。二人在年輕時透過親戚介紹認識，雖由相睇開始，但吳尊對太太一見鍾情，早已認定她為吳太。在拍拖多年間，林麗瑩與吳尊經歷了不少高山低谷。吳尊透露，二人曾分隔汶萊與澳洲兩地，在那沒有電郵的年代，他們只能靠書信傳情。
在吳尊的好友和母親離逝時，他都有女友在旁共同渡過低潮。從學生、健身室老闆、到成為當紅偶像，太太都從一而終地陪伴著吳尊，見證他多次的身份轉變。吳尊感激太太為他誕下子女，組織了幸福的家庭，不少網民都大讚他們一家四口顏值超高！
2009年，吳尊與經歷18年愛情長跑的太太結婚，翌年誕下大女吳欣怡(Neinei)。作為當紅偶像的他為了保護家人，避免他們受到滋擾，一直隱藏著已為人父的真相。吳尊憶述，不公開婚訊和女兒身份是和太太定下的協議，在隱婚的數年間，其實他一直於心有愧。
有一次吳尊兩父女外出用餐，Neinei竟然大聲叫爸爸，嚇得吳尊不知所措，立即叫停愛女。他憶述：「那時候感覺很糟，所以一兩次之後，我再沒有這樣子了，我想，假如大家看到，那就算了吧。」結婚4年後，愛女終於可以光明正大叫爸爸，而隨著時間過去，吳尊的好爸爸形象亦為他重新贏得粉絲的愛戴。
(SINA)
胡定欣昨天中午在社交平台放閃，情人節收到神秘人送的花，即時獲各方讚賞，恭喜定欣身邊出現追求者。
最後定欣在晚上10時許，於社交平台揭曉答案，原來是她老豆單立文（豹哥），還公開豹哥窩心的心意卡。
定欣留言表示：「你的心意，已經深深印在心中!~ 佢話…” 無人錫你，我錫你! “我以為呢束花係送俾佢老婆，原來佢一早已經打算送花俾我，希望我開心! 仲附上一張催淚的心意卡! 所以未來的情人，你一定要找數俾豹哥!😂老豆，多謝您，情人節快樂!❤」
網民都話好感動好Sweet！
(明報)
1958年出生於香港的陳美琪，20歲便畢業於TVB訓練班，29歲榮獲澳門工商管理碩士。陳美琪對待工作兢兢業業，私下裡也堅持做善事。因堅持做義工的善舉，被稱為「天使的母親」
陳美琪一生拍攝過很多經典的電視劇，但是最經典的莫過於《新白娘子傳奇》了，也憑藉此片在大陸一夜走紅，還被封為「最經典的青蛇」
17歲那年在一次就會上邊相識了第一任老公，22歲便嫁入豪門。婚後懷孕期間被小三關之琳打電話騷擾，明明自己才是名正言順，小三卻比她還囂張，因此受到刺激，最終流產至今不育。
時至今日，陳美琪已經沒有了當年的水靈勁，身體也日漸消瘦，在昨日得知「老法海」過世，在微博上於趙雅芝一起用自己的方式悼念老法海。
《新白娘子傳奇》已經活躍在熒幕上25年了，已經三個角色相繼過世：劇中飾演戚寶山的石乃文，因癌症去世，年僅46歲。
劇中飾演金鈸法王的李敏郎，2013年過世，享年83。
(大時代)
昨日是袁偉豪 (Ben) 與女友張寶兒拍拖以來首個情人節，當然要浪漫慶祝一下。早前Ben出席無綫劇集《三個女人一個因》宣傳活動時，被問到情人節會怎樣跟女友慶祝，他說：「聽日（14/2）唔使開工，我哋都唔會出街，會喺屋企食餐飯，享受下喺屋企嘅時間，我負責煮，一陣都會去睇下啲食材。自己最拿手整朱古力心太軟同Pizza，到時都會畀驚喜女朋友。」
袁偉豪預告情人節會給女友驚喜。
提到他的老友周柏豪日前於更衣室被偷拍一事，曾在洗手間被偷拍的Ben當然好明白柏豪的感受。他說：「科技帶嚟嘅方便有時會令人遺忘咗要尊重別人，喺更衣室同洗手間偷拍已經超越咗基本嘅尊重，我一定會出聲。試過搭𨋢都畀人拎個手機出嚟影，對我係一種冒犯，我係咁避佢都繼續影，最後我背住佢企正喺佢面前佢先影唔到。其實想同我影相可以開聲問我，唔好鬼鬼祟祟，大方同我講無問題的。」
袁偉豪呼籲大家不要鬼鬼祟祟玩偷拍。
袁偉豪
（hk01）
演員羅仲謙與太太楊怡晚上在圓方戲院包場，請家人與雙方粉絲欣賞羅仲謙演出的電影《西遊記女兒國》。
謙仔自言比較懶，故少有和粉絲聚會，難得情人節與大家一齊慶祝。問羅仲謙與楊怡怎樣慶祝情人節？楊怡笑說：「我哋好casual，唔會喺特別日子大肆慶祝，同埋都好耐冇睇戲，以前睇戲驚畀人影到，依家可以光明正大，同咁多人一齊睇戲係好值得回味。（有冇準備禮物？）就係Casual到乜都冇。」謙仔笑說：「你扮嘢話有得唔得？」
講到《西遊記女兒國》在內地情人節開售1小時，票房已超過1億人民幣，謙仔笑說：「應該要問老闆有咩表示，老闆應該非常開心，希望之後成績更好。出字幕都唔好走住，留意彩蛋，會見到我唔係藍色嘅樣。」
講到香港賀歲檔期對手強勁，謙仔認為最好是百花齊放，大家也有好成績，整個電影圈也好。問到楊怡老公拍戲辛苦，可有煲湯水給慰勞？她笑說：「我冇去探班，知佢拍得辛苦，化妝後基本上唔食得嘢。我心態上支持，有打電話同開視頻鼓勵佢，同佢講好快過，加油。（返香港再慰勞老公？）慢慢唔急，日子流流長。」
謙仔完成今次電影宣傳最後一站後收爐過年，但若票房成績好，過年後也可能到內地和東南亞謝票。楊怡表示新年兩公婆會留港休息，之後再衝刺。問到是否衝刺生BB？楊怡笑說：「兩樣一齊，希望喺冇壓力下進行，有好消息會公布。」
(on.cc東網)
胡杏兒去年10月為老公李乘德誕下囝囝Brendan，轉眼囝囝已4個月大。昨日情人節，杏兒在社交網站曬囝囝萌照，Brendan肥嘟嘟，精靈可愛。另一張相Brendan側面吻向媽媽，杏兒望著鏡頭甜笑。杏兒寫道：「我的小情人知道爸爸要工作，所以代替他給了媽媽一個香吻，謝謝寶貝，祝大家情人節快樂！」
有網民留言道Brendan好似女孩子~
胡杏兒好開心呀！
(IG / 明報)
16年被爆拍拖，之後大方承認戀情，但昨日突然PO文。。。
前新聞主播周嘉儀喺16年被爆同經民聯立法會議員、全國政協林健鋒嘅仔林凱章（Victor）拍拖，事後大方承認戀情，仲讚男友對佢好好，好關心佢，大家相處得開心，希望呢個甜蜜期可以繼續落去。
昨日係情人節，周嘉儀如常喺fb同fans玩互動，佢貼咗幾張著住紅色背心裙嘅相兼留言話：「各位早晨，今日係2月14號星期三。今日部份時間有陽光，夜晚沿岸有霧，都幾溫暖，15至19度。正所謂女為悅己者容，不過+2(嘉儀)就覺得扮靚啲可以令自己開心啲醒神啲，唔需要係為任何人嘅，+2(嘉儀)喺度祝各位無論有情人定冇情人都快快樂樂，開開心心過每一日。今晚我就同一大班朋友一齊食團年飯喇，你哋呢？」
話晒情人節同農曆年嘅日子好接近，約埋啲朋友一齊食團年兼慶祝，都唔係啲乜嘢奇怪事，不過睇埋佢啲hashtag，似乎有啲嘢發生咗：「#冇情人嘅情人節都可以好快樂 #各位都為自己努力 #周嘉儀 #venuschow」
昨日《蘋果》搵過嘉儀了解，佢承認自己單身咗一段時間，再問佢新年願望係咪搵到有情人？佢就話：「順其自然啦，都唔強求，多謝關心！」
(蘋果日報)
鄭裕玲（Do姐）出咗名認真，連劉嘉玲都話初出道時好驚佢，Do姐日前邀請咗嘉玲上佢嘅電台節目，佢好直接咁問嘉玲：「我有無鬧過妳？」嘉玲話：「有，嗰時真係好細個，好貪玩，啲稿又難背成日背唔熟，您又出咗名勤力認真，真係背到個劇本滾瓜爛熟，有一次我背唔熟啲對白，俾你發現咗，問我：『你知唔知場戲講乜？』我當時勁心虛答您：『知知哋』。」Do姐問：「咁你有無嬲我？」嘉玲話無：「經歷果次，我自此就好認真對待我嘅工作。」睇嚟Do姐嘅認真工作態度都對嘉玲有正面嘅影響，嘉玲仲大讚Do姐有幾認真:「6點嘅通告，佢5點半就到，咁早到仲自己燙埋衫。」
其實Do姐同嘉玲之後就做咗朋友，間中仲會約埋食吓飯，Do姐出咗名養生，好早瞓覺休息，佢大爆嘉玲相反：「佢真係好貪玩，同佢食完飯，佢原來仲有下一場，一晚幾個飯局，又鐘意去蒲。」嘉玲就話：「好在我當年有去蒲，依家香港無咩好嘅蒲點，好懷念當年個個都著得好靚咁去蒲，依家無人咁做。」
IG圖片
IG圖片
IG圖片
IG圖片
嘉玲喺空閒時間鐘意去行吓山。(IG圖片)
IG圖片
IG圖片
(HK01)
騙徒手法真係層出不窮，而偷用藝人個樣嚟做廣告更加係屢見不鮮，今次就到台灣天后小S（徐熙娣）中伏，更被造謠話佢婚姻出現危機。
小S兩公婆
近日網上流傳一篇以簡體字撰寫嘅文章，當中圖文並茂咁話小S身材走樣，令到老公許雅鈞出走偷食去上海同o靚模密會，仲貼咗一張小S聲淚俱下嘅相，之後又話小S用咗佢嘅產品之後，成功令到老公回心轉意云云。呢件事當然就係假㗎啦，至於小S嘅落淚照係一次去探患有腦退化症嘅嫲嫲嘅時候，嫲嫲竟然唔認得自己，令到小S不禁感觸落淚，而就今次事件，小S亦喺自己嘅Facebook上貼咗段聲明話：「鄭重聲明：小S本人從未使用過磁石肚臍貼，該內容完全虛構，請大眾千萬不要受騙。」
小S特別發出聲明闢謠。
小S今年1月為了奶奶不記得她而落淚。
（Apple Daily）
