藝人歐弟婚後育有一可愛的女兒JoJo，先前受訪時還提到「隨時準備好要生第二胎」，沒工作的時間都留給家人，「這輩子沒享受過的家庭生活，很爽」，沒想到在元宵佳節這天，歐弟就在微博曬出超音波圖公佈太太懷二胎喜訊，樂稱「家裡多了一個人吃元宵。」，讓粉絲又驚又喜。
今天適迎元宵佳節，一直想為女兒再添弟妹的歐弟突然宣布喜訊要2度當爸了！2日在微博，證實喜將再添2寶，並附上寶寶超音波照，笑稱今天的燈謎是猜猜看胎兒性別，可愛又溫馨的畫面，讓粉絲看了會心一笑，紛紛送上祝福。
歐弟：我的粉絲們一定都是大仙來的⋯⋯未卜先知，太厲害了，家裡多了一個人吃元宵[憧憬]，祝大家元宵快樂～今天的燈謎是猜猜是弟弟還是妹妹？ — 歐弟
歐弟公開喜訊後讓粉絲又驚又喜，紛紛在留言送上祝福，也有不少人忙著猜測，寶寶是「 jo妹」還是「 jo弟」，但夫妻倆目前尚未公布2寶性別。
(Sina)
憑《大樂師．為愛配樂》獲提名影帝的鄭中基，昨晚元宵節到銅鑼灣入戲院謝票，並與戲迷玩遊戲。
問元宵佳節撇低太太余思敏工作，可有被「詐型」？他說：「太太沒有！因為3歲兒子在家中被狗抓傷眼，我們都去了醫院，忙了一大輪，幸只抓傷眼角眼皮，太太緊張得原本跟女兒上補習班，都要早走，兒子之後雖然要再返醫院覆診，但覺得自己完全無事，還說貼了紗布可回家和隻狗講已不痛，可以繼續玩，太太當然不放心，要先將狗隔離。」
(明報)
胃灼熱是指胃酸倒流進入食管，造成食管粘膜的腐蝕。其症狀很容易被察覺：胸部產生燒灼痛，在躺下或彎腰時情況更為糟糕。通常是由於吃下辛辣或油炸食物，或攝入咖啡因和酒精引起的。治療胃灼熱的方法有很多，不一定要通過藥物治療。一些天然的食物和飲料也能幫助緩解不適。健康生活網站prevention.com向讀者介紹了以下8種天然食物。
1. 薑茶：自古以來，生薑一直是治療消化系統疾病的靈丹妙藥。把生薑剝皮碾碎，泡在開水中製成薑茶，可起到舒緩疼痛的作用。美國腸胃病專家查特坎（Robynne Chutkan）建議說，生薑能有效地抗擊炎症，也是治療胃酸倒流的最佳食物之一。
2. 香蕉：這種天然的低酸性水果可改善體內的過酸環境。香蕉會附在食道的黏膜上，形成了一個保護膜，包裹及保護食道和胃黏膜，從而有助於緩解不適。
3. 杏仁奶：每天早餐時喝一杯杏仁奶昔，可減少消化系統問題。如果經常有胃酸倒流的問題，杏仁奶可起到極佳的平衡作用。由於杏仁奶屬鹼性食物，可幫助中和酸性食物。在早餐時，可將一杯草莓、一支冰凍香蕉與不加糖的杏仁奶及一杯菠菜一起打成奶昔，不僅能緩解胃灼熱，而且口感獨特，有益健康。
4. 燕麥：一碗燕麥粥不僅能起到包裹和保護胃黏膜的作用，其含有的粗纖維也對健康有益。但不能在燕麥粥中撒上大量的奶油，因為這種高脂肪，哪怕是健康的高脂肪都會使食道括約肌放鬆，造成胃酸倒流。
5. 綠葉菜：在胃灼熱時吃一盤沙拉，這種做法可能多數人都不會接受，但沙拉中的綠葉菜確實能起到舒緩不適的作用。查特坎說，當人們覺得自己是因為吃了蔬菜才產生胃酸倒流時，通常是因為沙拉中的醬汁或奶酪引起的。如果吃一碗蒸蔬菜或生菜，撒上些檸檬汁或橄欖油，其刺激性就會減小，因為蔬菜都是低脂肪的。相反，高脂食品會減緩胃排空，從而產生胃酸回流。
6. 茴香：查特坎建議在胃灼熱產生時將茴香泡在水中飲用來緩解不適。只需將兩茶匙的茴香種子和蜂蜜泡在開水中，隨後放置在容器中，半小時後過濾掉殘渣飲用。也可放入冰箱，在需要時重新加熱飲用。同時，經常咀嚼茴香種子不僅能清新口氣，也能保持胃酸平衡。
7. 甘草：儘管沒有確實證據顯示甘草能治療胃灼熱，但一些專家認為純黑色甘草能保護食道黏膜。但必須是純甘草，而不是含有高果糖玉米糖漿的零食。純甘草能在食道粘膜上形成一層保護膜，此外，咀嚼甘草產生的唾液又能幫助減少胃酸。
8.酸牛奶和蘆薈：將一茶匙蘆薈汁與幾盎司發酵乳飲料混合在一起，可治療胃灼熱。蘆薈汁可抗擊炎症，治療腸胃道疾病，而鹼性的酸牛奶可中和胃酸，因此兩者混合在一起能有效緩解胃灼熱的症狀。但過多服用蘆薈汁將導致腹瀉和胃痛。
(大紀元)
2011年港姐季軍兼最上鏡小姐許亦妮，去年3月被爆與從事餐飲同食品批發生意嘅朱曜楚（Choris Chee）拍拖，但男方俾人喺網上唱衰，許亦妮最終以「唔適合」為由，拍拖僅一個月極速分手。
不過許亦妮仲後生，29歲，仲擁有34D出眾身材，身邊當然不乏追求者。今年嘅情人節，許亦妮喺ig放閃，貼出一張拖手相，以留言”Fall in love with the person who enjoys your madness……It’s not exactly love at first sight, it is more like soul recognition.”
佢引用咗Lynette Simeone一句語錄嚟回覆，認為墜入愛河並唔係完全係一見鍾情，而係有一種似心靈認可嘅感覺。噚日元宵佳節，許亦妮嘅拖手相中仲見到一隻好閃嘅鑽石戒指，疑似求婚成功。
許亦妮仲作狀嘟嘴，留言話對方乜都啱，好似Boss咁，真係冧死人！而男友亦好浪漫，仲送上一束鮮花同情人節卡，不過許亦妮今次好保護對方，男友全程唔見樣，即使同大班朋友合照，都只有男友個樣被遮住。
許亦妮今日回《蘋果》時否認結婚，佢話﹕「No la,慶祝情人節而已。其實係成日影”follow me” 呢種相，冇咩特別意思。（要保護男友唔俾出鏡？）我向來拍拖都好低調。」
(蘋果日報)
現年32歲的韓國男神宋仲基與36歲女星宋慧喬因合作神劇《太陽的後裔》而結下良緣，二人於去年10月底舉行世紀婚禮，榮登巨星夫婦後相當恩愛，還不時外出約會被網民捕獲。
而曾與宋仲基合作韓劇《軍艦島》的男星黃政民，主演的舞台劇《Richard III》由上月6日起至明天在韓國首爾瑞草區的藝術殿堂進行公演，昨日宋仲基便與宋慧喬特地前往捧場，令在場的粉絲十分驚喜，更紛紛用手機拍攝二人。
雙宋均未有戴上口罩，由一名女工作人員及兩名男保安陪同下急步離場，宋慧喬用頸巾遮住半張臉，而戴帽及頸巾的宋仲基則緊隨其後，穿上大褸的宋慧喬沿途用手護肚，因而再度傳出大肚疑雲，至於宋仲基則細心輕擁愛妻，十分體貼。
(on.cc東網)
相隔16年，歌手黎瑞恩將於4月5及6日再踏紅館舉行《黎瑞恩感恩有你演唱會2018》，小恩子接受東網專訪自爆2002年在紅館唱完騷後，曾經有人問她：「你幾時會再喺紅館開演唱會？」她笑說：「當時我答：『當我離婚之日就係喺紅館再開演唱會之時。』點知畀我講中咗，真係邪惡呢件事，哈哈！（點解當時會咁講？）你冇理由冇啦啦走去開騷㗎嘛，我嗰時做完個騷就去結婚喇，結完婚一路冇嘢梗係唔會再唱歌㗎嘛，係咪先？當你再有機會唱歌，咪就係我離咗婚嘅時候囉！（你開口中！）真係好鬼烏鴉嘴。」今次唱完呢？她笑言不會有事，因為她已回復單身。
小恩子與前夫曾智明於2014年離婚，但她不覺得是人生一大挫折，她說：「我成日覺得如果有啲嘢係唔啱，你監生要擺埋一齊，會唔會覺得好痛苦先？有啲嘢可能已經唔再屬於你，你夾硬再落去會唔會變番好？我真係好難諗，因為我自己個性格，有啲嘢唔得就唔得，你過咗我底線，永遠都唔得㗎喇，我係好堅持呢樣嘢。」
小恩子坦言分開後可能大家都開心，但她直認當時確實好嬲前夫，她說：「肯定有啦，癲咗！（被另一半背叛接受唔到？）我想知有邊個可以接受到？當其時火遮眼，乜都唔得㗎，但依家覺得可能未必係佢一個造成呢件事，可能真係有啲嘢自己都做錯，都有朋友提醒我，話唔可以賴晒佢，話我都可能要負番啲責任。（咁你覺得自己責任喺邊？）個人太Man，可能有啲男人鍾意啲嬌嗲女人。（她隨即扮嬌嗲聲）『我真係好需要你！』但我真係唔係囉！」她坦言當時夜闌人靜，都會忍不住爆發喪喊。
她可有想過再婚？她笑說：「嘩！冇諗喎，又唔係未結過，唔使啦！（驚咗？）我冇驚喎，不過年紀大結婚都幾浪漫呀。」
(on.cc東網)
藝人龔嘉欣（Katy）出席香港國際珠寶展活動，她表示相信每個女人都會喜歡珠寶，自己就非常喜歡鑽石。Katy透露去年買了一粒1卡心型鑽石，並把它用作做鑽石戒指，作為獎勵自己一直努力工作。
她說：「嗰陣話畀契媽想買啲嘢，開頭都唔敢同佢講買石，後尾佢知道咗都覺得鑽石好保值，所以佢都鼓勵我去買石嘅，佢仲幫我揀埋。（買咗幾錢？）5位數字囉，依家希望每年買一粒。（會唔會試吓6位數字？）今年可以嘗試吓嘅，自己都鍾意買石嘅。（有冇男仔送過咁貴嘅嘢畀你？）留番畀男友第時同我求婚嗰陣先買啦，拍拖嘅話都喺自己買番啦。」
問到元宵節有何安排，龔嘉欣表示已經約了譚凱琪和沈卓盈到陳凱琳家中玩「煮飯仔」，每人都會下廚炮製一款餸菜。問她為何在元宵節只約了少婦聯盟成員，她笑言：「之前佢哋情人先各有各節目，所以佢哋都好有義氣，元宵節都撇低晒另一半嚟陪我，所以到會影吓靚相擺上網。（你有心儀對象未？）有嘅，了解中囉，係圈外人嚟嘅。」
(on.cc東網)
大台藝人走下一個，走下又一個，好似鍾嘉欣咁，生完B之後，大家都等緊佢番TVB拍劇！
點知拍完《再創世紀》後，就宣佈陀B及離開無綫：「我和TVB的合約剛屆滿。面對着很多很多的不捨，但家人希望目前這段時間的我，專心和安心的去迎接家庭新成員。所以，暫時只會有限量和享受工作，待新成員出世後，再和大家見面，努力賺奶粉錢。」
走咗個花旦，呢日原來又走個綠葉。
敖嘉年出席活動後話，同大台得番部頭合約，依家已經滿約成為自由身，工作由老婆負責安排：「年底會返去幫手拍一套劇，嚟緊四月去上海拍電影，月中會演出舞台劇，今次會同好多前輩合作，自己都係第一次，所以感覺好新鮮。」
前兩輯《巾幗》也有敖嘉年，先是演敗家仔蔣必文，為他贏得「飛躍進步男藝員」，在續集演經常被欺負的「排骨仔」，亦獲提名男配角最後五強，有獎攞有劇拍，再下去…，原來沒有後續，或者說你會在電視上見到敖嘉年，如《來自喵喵星的妳》中「真小人」，《梟雄》的工會領袖，但卻難以叫出一個令人留下深刻印象的角色，而在拍攝《鐵馬戰車》前，敖嘉年毅然考了24噸貨車牌傍身，應該不會是為興趣吧！
敖嘉年14歲時父母離異，家庭環境驟變，令他明白適者生存的道理，在當上演員前，他做過製衣廠設計師、跟隨張叔平擔任助理美術指導，其後投考港台DJ訓練班，主持深宵節目《輕談淺唱不夜天》，直至98年加入無綫主持《城市追擊》，千辛萬苦捱到拍劇贏得「飛躍」，想不到差點打回原形，要轉行揸貨車。敖嘉年笑了兩聲，說是美麗的娛會，「我同TVB關係好好，一直都有工作，當時我去考電單車牌，咪順便考埋貨Van，後尾諗諗下不如直接考貨車啦。不過從未實戰過，反而拍《鐵馬戰車》時，自己親自落場揸電單車，唔使坐在拖架上拍。」
去年敖嘉年宣佈自己早已跟圈外女友結婚，亦作出了離巢外闖決定，他承認純靠TVB的收入，難以養妻活兒，他表示：「餓你唔死囉，但幫到你喺出邊搵外快，整體上cover到嘅。」敖嘉年的太太Betty，是前美聯社記者，在嘉年演藝事業低潮時，夫妻檔膽粗粗開了一間廣告公司，主要是做外國客戶，諗橋、搵演員、拍攝製作一腳踢，較為人熟悉的廣告有周大福及美素佳兒(上海)，嘉年笑指現時生意不過不失，由於公司上了軌道，他亦放心交給太太打理，自己專心返回內地掘金。
想不到敖嘉年剛跟無綫改簽部頭約，即接拍了在內地票房大收的電影《盜墓筆記》，打開了內地市場，「喺無綫咁多年，都想試吓其他嘢，之前都有考慮過去內地發展，咁啱又遇上呢個機會，每一個男人都應該趁年青時努力工作，唔可以乜都靠太太。」敖嘉年現時在一部內地投資的警匪片擔當男主角，飾演一名香港警察，該片更在泰國及香港取景。今年中則會接拍另一齣內地古裝電影，之後再有一齣古裝電視連續劇，再次擔當男一，坐了一回演藝人生過山車，讓敖嘉年對很多事也看開了。
對於伯樂李添勝的劇集，《巾幗梟雄之諜血長天》及《財神駕到》，淪為倉底劇，會否戥添哥不平？敖嘉年坦言：「其實無所謂嘅，至緊要有得出街，已經好開心啦，之前有啲同事，拍咗啲劇都未知幾時播出。」在行內打滾多年的敖嘉年，亦明白「親生仔」的遊戲規則，對於獎項不存厚望，「都做咗咁多年，唔會去強求㗎啦，其實拍劇為攞獎已經諗錯晒啦。」不去強求，機會卻滾滾而來，新劇《同盟》中飾演張國強兒子令智煽，在社團屬第二把交椅，將會成為鮑姐的眼中釘，繼《巾幗》的二世祖蔣必文後，又會是另一個令人津津樂道的角色，值得期待。
(Sina / HK01)
董敏莉同可嵐昨日到荔枝角出席《港式婚姻的前世今生》講座，獲邀嘅可嵐話自己經歷過婚姻失敗﹕「曾經傷心同恐懼，但經一事長一智，會檢討自己同將來嘅愛情觀，而且唔會講前夫壞話。」
講到離婚經歷，可嵐話會令佢感到自卑﹕「即使有人追都覺得自己離過婚又有個仔，對人好無信心，又怕揀錯人，所以依家將心機專注落囝囝度。」又話聽日係囝囝七歲生日，已經安排好同佢開Party慶祝。
(蘋果日報)
講到女兒任晴佳（Ella），琦琦總有講不完
的快樂事。回想當日懷孕，自己懵然不知，更險出意外。
「大肚嗰時真係唔知，仲好忙，飛來飛去，只係覺得個肚唔舒服，老公就話去睇下醫生，我係完全冇諗過自己大肚。我喺床上面，醫生話：『恭喜你！你有咗BB！』我話：『係咩？』，即刻啲眼淚嘩嘩聲流出嚟，因為真係冇諗過，係一個surprise。我之後即刻打俾華哥，聽到佢喺電話嗰面大叫。」
儍呼呼大肚，懷孕頭三個月是高危時段，琦琦竟然去了泰國跳水：「我去咗海邊玩，又跳水，又著高跟鞋，又飲椰青，乜都做晒，好彩無焗桑拿。我即刻同醫生講：『死啦，我咁咁咁咁，又坐飛機！』好彩冇事，真係上天俾嘅。」
本來名模keep fit大過天，琦琦為了腹中骨肉，積極進補，一胎就胖了57磅。「我知道大肚之後，醫生叫我飲牛奶，我就飲牛奶：朋友叫我食藍莓就食藍莓，一日食七種水果，食到自己好鬼肥，肥咗57磅。不過肥唔緊要，只要佢健康就得。」
暫停所有工作，懷孕那段日子，琦琦每日留在家中睇電視，和朋友見面，心情輕鬆，非常開心，「原來人生最幸福係做媽媽。你睇住BB喺肚入面一日一日大，個腳板仔踢你呀，係好enjoy。到生嗰陣，我咁大個人，從來未住過醫院，我好怕好怕醫生。嗰日瞓喺手術床上面，望住啲燈，真係好驚好驚。麻醉師話，你唔使擔心，數三下，數完真係瞓著，之後一睜開眼，醫生就同我講：『琦琦，你生咗個好靚嘅女』。」當日6磅3的小嬰兒，如今已長成170cm的美少女了。
(蘋果日報)
