郭富城老婆方媛（Moka）曾被網民質疑係人工美女，噚日城嫂喺社交網自爆一直喺面上「動手腳」，佢貼咗一張半邊面嘅大頭相片，寫道：「畫了一個全妝，眼妝化的可還行。」
本來係炫耀化妝技巧嘅城嫂，怎知被眼利網民發現大秘密，留言問：「我怎麼記得你沒有痣啊？」
之前面上美白無瑕嘅Moka，左頰忽然多咗一粒銷魂痣，甚至有網民估係咪畫上去呢？怎知城嫂卻留言自爆：「之前遮了」！揭破了自己左邊面頰中間，原來有粒小痣嘅秘密，其他網民都留言表示：「有痣更好看」又讚佢皮膚好，甚至叫城嫂下次晒全面相，城嫂亦回覆：「好。」
（蘋果日報）
73歲嘅白姐姐白韻琹，與59歲謝偉俊結婚之前，曾有過一段婚姻。前夫家是緬甸首富，老爺鄺榮輝來港創立機械工程王國，而當時任空姐嘅白姐姐，機艙認識了鄺榮輝及其私人秘書莊永楚、即胡漢清之母。鄺榮輝仲介紹白姐姐識自己次子Andrew。白姐姐同Andrew嘅婚禮，仲請來陳寶珠任伴娘。
可惜這段豪門婚姻不能天長地久，白姐姐為鄺家誕下一子，撫養權歸男家。多年來白姐姐鮮有談及兒子，但卻在今日出版之周刊專訪大方談及，指兒子已45歲，長居美國，她多年來一直經濟上支持兒子，供書教學。至於母子關係，白姐姐形容：「OK啦。」白姐姐在訪問中表示，兒子只係一個普通人，唔想佢受自己盛名所累，破壞其平靜生活、無啦啦變公眾人物。她說：「Out of sight, out of mind。唔睇見就唔好諗。」
兒子定居美國洛杉磯，據謝偉俊在訪問中所講，他曾入讀牛津，以及法國、比利時等著名學府，現於美國政府軍部效力，仍然單身。喜歡貓。有指白姐姐不時往探望，且一直經濟支援。至於是否預留財產俾個仔？白姐姐不欲正面談及，只反問：「佢點會攞我啲嘢？」謝偉俊就稱，鄺家以前相當顯赫，但此一時彼一時，據他了解鄺家沒有留低乜嘢俾白姐姐個仔，故白姐姐於財政方面支援亦不足為奇。
講番鄺榮輝。多年前曾有報道指，鄺送過一隻八卡古董鑽戒俾新抱白韻琹，鑽戒係其中一位美國總統第一夫人戴過，鑑於這位總統夫人既高貴又勤力，鄺榮輝先至買嚟送俾新抱。白韻琹當年被問及此事，亦承認謂：「鄺先生認為如果擁有珠寶嘅舊主，喺社會上有一定地位之類，更可以令珠寶無限增值。」
據知當年鄺榮輝跟有飛虎將軍之稱嘅陳納德是知交，兩人經常結伴到拍賣會投心頭好。鄺榮輝對珠寶素有研究，拍板之前會先了解首飾背後嘅歷史故事。當年佢嫁女，鄺本來想買荷李活影星李察波頓送俾玉婆伊莉沙白泰萊嘅結婚戒指做嫁妝，但後來又覺得玉婆嫁咁多次，意頭唔太好，所以唔俾個女買。
(蘋果日報)
「時間過得好快，會好唔捨得化妝、梳頭同工作人員，好鍾意同佢哋傾偈……男友好支持我返去，佢知道我要喺香港留一年都有啲唔開心」她昨日下午在將軍澳電視城接受訪問。
「香港嘅節奏唔係咁適合自己，其實本身都諗住返嗰邊發展，選嗰晚都講咗一句想去荷里活發展，喺香港玩咗一年，時間過得好快，會好唔捨得化妝、梳頭同工作人員，好鍾意同佢哋傾偈。」
卸任港姐後將返回加拿大生活及尋求工作機會的雷莊𠒇，透露返到加拿大會隨即投入工作：「嗰邊有幾份工作等緊我，嗰邊嘅經理人公司覺得我喺香港嘥咗一年時間，希望我快啲返去，因為荷里活嗰邊好需要中國人面孔嘅演員，自己有信心可以做得到，由細到大都好希望拍西片，今年都學詠春同埋不停做運動準備，自己希望做打女拍動作片覺得好刺激。」
返回加拿大後雷莊𠒇要前往試鏡尋找機會，她說：「自己唔怕排戰，嗰邊嘅工作制度會好啲，同埋可以賺得多啲錢，自己都要照顧父母。」講到返回加拿大生活，問男友是否最開心？雷莊𠒇笑說：「係呀！佢好支持我返，當選之後佢知道我要喺香港留一年都有啲唔開心，我當時同佢講我會好快返去，不過返去都係工作第一、男友排第二。」
（on.cc）
臨床上，看到便祕的孩子實在是非常多。1-2 歲大概 10%。然後逐步攀升。六歲以前會上升到 35 % 左右。適當的益生菌當然可以處理便祕問題，但是這樣是對的嗎？便祕對於很多孩子來講，主要是身體在提醒孩子：飲食有問題、生活作息有問題，應該要好好調整。
每天要足夠的水分攝取（奶、水、湯等等通通都算）。計算方法很簡單。十公斤的孩子，一天至少需要 1000 cc 的水分，15 公斤需要 1250 cc，20 公斤需要 1500 cc，25 公斤需要 1625 cc，30 公斤需要 1750 cc。如果您有興趣。算式為：第一個十公斤（0-10）需求為 100 cc/Kg/day。第二個十公斤(11-20)為 50 cc/Kg/day。第三個十公斤以上(21以上)，就是 25 cc/Kg/day。這是最基本的需求，如果有大量流汗，則需求會再往上升。
多攝取高纖維食物，如：各式各樣的青菜，與某些水果（桃子、木瓜等等吃起來會一絲一絲的水果）孩子的生長是需要油脂的。善用各種天然帶有油脂的食物：如鮭魚、鰻魚、三層肉等等。充足的運動。減少坐著的時間。久坐也是便祕的成因之一喔！
總之，便祕主要是因為飲食與生活作息有問題導致的，根本性的改變飲食與生活習慣，才是解決問題的辦法。靠藥物或益生菌的輔助爭取時間，然後去調整孩子的飲食與作息，才是王道。而且一定要儘早處理。
(白袍旅人兒科醫師楊為傑)
真係超可愛啊～恭喜正式榮升爸爸媽媽！爸爸就話佢感動到喊，媽媽睇落精神都唔錯～同BB一樣健健康康！你哋覺得BB似媽媽定爸爸呢？
韓國樂隊FT Island嘅25歲成員崔敏煥，今年1月宣佈跟女團LABOUM嘅20歲前成員律喜婚訊，隨後崔敏煥宣佈做爸爸嘅消息，自爆BB胎名叫「贊兒」，而崔敏煥及律喜早前亦已經登記結婚。
今日崔敏煥方面傳來好消息，表示律喜日前平安誕下兒子，二人榮升父母，目前律喜跟BB都非常健康，崔敏煥亦正悉心照顧老婆，而FT Island成員亦因為「姪仔」平安出世而非常開心。
隨後崔敏煥於Instagram公開跟老婆及囝囝嘅合照，留言指囝囝於18日出世，當日佢感動到喊，同時感謝大家嘅祝福。而崔敏煥跟律喜嘅婚禮，會於律喜調理完身體後、於10月19日舉行。
(蘋果日報)
佗B六個月嘅女星鍾嘉欣現時喺加拿大專心養胎，雖然香港粉絲有一排都唔會見到佢，但佢亦不時喺社交網同大家分享最新近況。
呢日，佢喺IG就Post出一張同囡囡Kelly去公園玩嘅相，仲留言：「I guess this is what life’s gonna be like in a couple months. 😊👨👩👧👼💟🌼（我估這就係嚟緊幾個月嘅生活）」仲hashtag「cantwait」，睇嚟佢真係好期待腹中BB嘅出世！
相中鍾嘉欣同囡囡Kelly齊齊着上白色母女裝，鍾嘉欣着上孕婦裙坐喺櫈上，將個肚完美咁遮住，而Kelly就坐喺BB車內天真無邪咁對住鏡頭笑，畫面真係好有愛，網民都讚簡直Warm爆呀！
(on.cc東網)
去年因髮型師丈夫偷食以致離婚收場，結束五年多嘅夫妻關係，目前佢當單親媽媽獨力照顧兩名囝囝，上節目時又自爆一直受長期便秘困擾，原來已經20年，單親媽咪真係唔容易做！
近日，日本女星小倉優子亮相TBS醫療節目提到自己忙於照顧兩名小朋友冇覺好瞓，又一直受便秘困擾：「我一直希望靠日常生活改善，但我已受便秘困擾20年。」
獨力照顧兩名兒子~
小倉優子話現每日要五點起床，平均睡眠時間只得五小時：「每兩、三小時起床一次為小朋友換片，基本不能熟睡，而在小朋友起床前更預備早餐，然後化妝外出工作。」
小倉優子指自己一坐底就瞓得着，如亮相會播片嘅節目，都要先飲營養品提起精神。而節目嘅醫生，就話佢便秘係運動不足，睡眠不足亦會引導自主神經紊亂，導致腸胃不適。
（apple daily）
圈中模範夫婦陳豪（阿Mo）與太太陳茵媺（Aimee）喺社交網愈愛愈高調，不時公開放閃。
呢日陳茵媺就喺IG上載一張陪老公食早餐嘅相，仲留言：「Good morning sunshine！😜 A quick rare breakfast date after dropping off the kids！😍（陽光早晨！送完小朋友返學後，極速罕有咁食早餐！）」
相中見到阿Mo叫咗一碗沙嗲牛肉麵食，不過重點唔係佢食啲乜嘢，而係有老婆陳茵媺陪食早餐，阿Mo就笑到見牙唔見眼，十足大細路咁開心，真係恨死隔籬！
(on.cc東網)
許多父母都會選擇兒童繪本作為學前兒童讀物，於1969年發行，以5至8歲的兒童作為導向，故事情節改編自非洲民俗故事。
日本一本畫風「超驚悚」的兒童繪本，由於插畫與故事內容太驚嚇，讓兒童大哭不已，當局緊急回收這批出版僅7日的繪本。
由松谷美代子所著繪本《蜘蛛丈夫與青蛙》於1969年發行，以5至8歲的兒童作為導向，故事情節改編自非洲民俗故事。然而，繪本故事內容與插畫太過可怕，許多兒童閱讀後嚇到不停大哭，甚至引發痙攣及昏倒的症狀，因此發行不到1周，就被緊急下架，禁止發行。
《蜘蛛丈夫與青蛙》故事內容包含獵人蜘蛛將青蛙抓來吃、青蛙威脅蜘蛛吃掉心臟、還有青蛙威脅蜘蛛丈夫毆打蜘蛛太太等情節。書中的插畫風格帶血腥成份，配色也以黑、紅為主。由於該書內容以童話繪本的基準而言，實在太過殘忍，因此造成當時輿論反彈，要求下架回收。
由於繪本發行當時不過7天就被緊急下架，因此市面已很難找到這繪本，但亦有人看準商機，在網上拍賣《蜘蛛丈夫與青蛙》。
(singtao)
鄭俊弘（Fred）與何雁詩前年10月到美國為無綫拍節目時秘密撻着，秘戀近半年後，被Fred當時未婚妻踢爆偷食，最後男方情歸新歡何雁詩。去年4月兩人拖手認愛，但仍要面對各種問題，有指公司施壓，何雁詩爸爸又唔係太喜歡鄭俊弘等，令二人屢傳情變。
日前蘋果讀者Fion透過《爆相爆片》透露早前晚上八時許，見到Fred同何雁詩喺西貢一間餐廳撐枱腳，佢哋逗留逾兩小時，Fion話：「佢哋食咗好耐，但全程冇乜交流，各自叫嘢食，之後就你有你睇手機，佢有佢睇手機。」Fion話餐廳內大部份都係外國人，所以冇乜人認得佢哋，食完之後就由Fred負責埋單。
何雁詩噚日接受傳媒訪問時話經常會同男友一齊食飯，問到好少傾偈，佢笑笑口話：「我諗好多情侶都係咁，哈哈，經常話我哋分手邊緣，但實際上我哋super OK」。何雁詩再補充：「I think we are just really comfortable and happy with each other.So we are Okay with doing whatever we want when we spend time together.(我覺得我們擁有彼此已經非常快樂，無論我們想做甚麼，只要我們在一起就足夠了)」，真係冧到爆！
何雁詩透露現正一個人去旅行，佢講笑話：「唔好又話我們分手或去散心，因為佢真係好擔心我，哈哈。」
何雁詩因為抑鬱症減少幕前工作，佢早前參加EFG Hong Kong ladies open嘅哥爾夫球賽，直言對病情有幫助，佢話：「Yes much better! golf is my cure!(好咗好多，哥爾夫球係我嘅治療方法)」。
(蘋果日報)
