藝人陳倩揚日前懷有第三胎，現已佗B四個多月，但就未知BB性別。
她接受電台電話訪問時搞笑憶述得知自己懷上第三胎的經過：「其實我自己試過好多次，支驗孕棒都顯示係冇，可能當時仲好早期，我又心急想試。隔咗一段時間之後，中間飛咗去北京做嘢，嗰幾日已經形住自己有啲唔係好舒服，返到嚟第二朝瞓醒，突然醒起聽講朝早試係會準啲，點知就畀我試到係有咗，嗰日夜晚返嚟我就用密實袋袋住支棒，包到好似禮物咁，擺咗喺老公個枕頭邊，等佢返到嚟沖完涼就見到，佢即刻衝出來攬住我，所以我都忍咗成個下晝冇話佢知，忍得好辛苦，不過嗰日下晝都係忙碌嘅，因為我要第一時間約好陪月同埋話畀媽咪聽。」
(on.cc東網)
即使去年《中國有嘻哈》在內地爆紅，令Hip Hop曾經抬頭，但現在內地進行封殺，Hip Hop也只淪為曇花一現的「潮流」。Hip Hop在香港還未能撕下「地下」的標籤，雖然一直有人默默耕耘，但又有幾多人了解及推廣其背後的文化？
MastaMic也只能說一句：「講文化嘢邊有人聽㗎，除非我係G-Dragon啦！」
某個前輩淨係識X！
Hip Hop不只是音樂類型，也是一種生活態度，一種文化，但有幾多人嘗試去明白？或許是大家聽到「文化」二字就卻步，覺得定必是艱深複雜的事情；或者被某些人嚇怕，MastaMic說：「某個前輩淨係識得X，但佢冇話你知背後文化點樣嚟，淨係話你唔識Hip Hop！」
他續說：「其實我哋都係受歐美文化影響，做Hip Hop班人如果真係想多啲人認識，係要諗方法推廣，而唔好將有興趣嘅人拒諸門外，唔好攬住『我好識嘢』個光環啦！」
所謂「Hip Hop文化」並非高門檻事情，MastaMic舉一簡單例子說：「波鞋興起係因為Hip Hop，Air Force 1分『Uptowns』、『Downtowns』都係因為Hip Hop，但係冇人同你講之嘛！」
想改變你就要紅！
香港地就是一個「速食」的地方，身處樂壇想推動一個文化，前題就要變紅，但成名後你如何使用這股「力量」就值得深思。MastaMic說：「啲人成日問我點解要Pop，要上主流，唔係因為要人認同，而係咁樣啲人先肯聽你講嘢，背後個想法係點。」
他續說：「我唔係咁清高，老實講我都想搵錢生活好啲啫！但同時間，你可唔可以用7成時間去搵錢，可唔可以用3成時間回饋個文化先？」
MastaMic舉Kanye West作例子：「我好respect Kanye West，唔係因為佢潮唔潮，而係你睇番佢嘅製作，以佢個level開場show咩都冇，一個video wall，一個DJ，揸支咪就夠啦，咁咪可以cap到最盡囉！但係佢冇，佢每場show都落足心機。」
《中國有嘻哈》嗰期好多客Call我，但係…….
相信不少人因為《中國有嘻哈》再次留意Hip Hop，因為「潮」吖嘛，不少廣告客戶都想食住個勢，但似乎把事情看得太簡單。MastaMic說：「《中國有嘻哈》嗰期都好多客call我，但係佢哋又想平做到嗰個效果，點做呢？」
MastaMic舉一親身案例：「有客戶想幾萬蚊做隻歌加拍MV，條數點篤呢？MC Jin同TT拍支付寶廣告個set，喺香港一定過十萬走唔甩啦！我唔係要吹捧《中國有嘻哈》，但人哋製作費講緊講緊億億聲；香港仲有幾多個單位，肯用多少少資源放喺Hip Hop上面。」
事隔5年再出碟，中間幾年靠咩開飯？
MastaMic上一次推出專輯《流行反擊戰》已是5年前的事，到本月中才推出第二張專輯《MASTAPIECE》兼開音樂會；雖然中間那段時間有「擠牙膏式」出歌，但如何維生？MastaMic笑說：「對於出賣自己靈魂嘅嘢我都係收得貴㗎！」他解釋：「我維生方法不外乎都係嗰三隻，做Featuring、做廣告、做商業Show。我網上post嘢都收錢㗎，啲人唔知咋嘛，佢哋覺得我唔係KOL嘛！佢哋又知我收得平？」
玩音樂燒錢是常識吧！尤其MastaMic是Solo形式運作，任何製作都是自資，那月入多少才能維持生活？他透露：「要營運呢件事月入起碼六位數字先叫穩陣。」
自資幾十萬開Show，玩大咗……
MastaMic 將推出新碟《MASTAPIECE》兼開Show，今次挑戰旺角麥花臣場館，他亦坦言擔心票房：「我所有嘢都係大部份自資，Concert，出碟，成本真係好大，洗到成頭泡！今次個場玩大咗，早知玩細啲啦！如果揀Music Zone我爆咗啦X！」
他續說：「其實我生活同普通人一樣，見到鍾意嘅嘢一千幾百想買都可以；但係今次個Show幾十萬，如果賣得唔好，我蝕到仆X，仲邊有資源做落去呀？真係有諗過收皮！」
MastaMic今次開Show自資幾十萬，坦言：「如果賣得唔好，我蝕到仆X，我邊有資源做落去呀？」(陳順禎攝)
(HK01)
日前31歲生日的麥美恩（Mayanne）出席香港國際珠寶展活動，並戴上價值過百萬港元的首飾為活動擔任主持人。她表示該品牌的首飾適合自己的性格，都是簡潔而自然。她直言想擁有一套這樣的首飾，所以會努力工作賺錢。
問她是否收過男生送贈的首飾，她笑指：「未遇到有男仔咁闊綽送咁貴嘅嘢畀我，等你哋（記者）幫我暗示吓，反而有收到啲小禮物囉，好似啲DIY古靈精怪嘢，其實鑽石對我嚟講係冇得輸嘅。」
她表示在得獎前後工作量增加，但仍希望以合理價錢助己助人。
問她是否蜜運中，她笑言：「緋聞男友（許文軒）？尋日正日生日同同事一齊慶祝，當然包埋佢啦，媽咪都喺嗰度嘅。（順便見埋家長？）係呀，媽咪可以見吓佢（許文軒）真人。（媽咪對許文軒有咩評價？）冇呀，媽咪都知我哋係同事嚟，大家都識咗好多年。（屋企人有冇催你？）佢哋好婉轉咁鼓勵我，仲有幫我分析自己囉，睇吓我依家需要啲咩人，同埋不停叫我啲好姊妹介紹啲friend畀我識囉。」
(on.cc東網)
張新悅喺2007年同楊哲安喺布吉拉埋天窗，婚後淡出幕前，主力照顧囡囡，早前佢po咗條片《一不小心2018大肚婆》，宣佈陀第四胎，自嘲一不小心又有咗，仲爆老公冇做足安全措施。
佢目前粗身大細，今日貼出凸肚相，原來佢去做大肚瑜伽，佢仲話之前已經想試。
見佢一副幸福少奶奶嘅樣就知佢生活幾寫意，之不過細心睇張相，張新悅隻腳忽然一邊粗一邊幼，未知係角度問題，定係P圖時唔記得咗。
(蘋果日報)
無綫藝人袁文傑最近為拍攝化身成一個滿頭白髮的滄桑大叔，和平日官仔骨骨的他大相徑庭。袁文傑將「白頭」相片貼上網，吸引不少網友討論，有不少網友指驟眼看認不了他，又有網友取笑袁文傑的白髮造型與周星馳甚為酷似，袁文傑升呢成為「星爺」。
謝霆鋒同王菲自2014年嚟個世紀復合後，雖然愛得低調，但不時被發現甜蜜外遊，感情一直如膠似漆。
近日趁住好朋友徐濠縈生日，佢哋仲合體唱K，喺房入面互唱情歌，真係冧到爆！
話說3月7日就係徐濠縈嘅生日，一班朋友包括老公陳奕迅（Eason）、霆鋒、王菲等就去咗日本玩，夜晚齊齊去唱K慶祝，徐濠縈就喺社交網度甫咗幾條Eason、王菲、霆鋒合唱嘅現場片，Eason同王菲合唱《因為愛情》，貴為天后嘅王菲唱K都特別有氣勢，平時啲人都係揸住支咪唱，佢就要用咪Stand唱，似足開騷一樣夠晒霸氣。
之後佢哋繼續合唱霆鋒首本名曲《因為愛所以愛》，呢個時候鏡頭就影住Eason同霆鋒，雖然霆鋒冇份唱，不過見佢不時甜笑望住王菲，個樣真係冧到一個點。
期間Eason不停向後挨搵背脊撞霆鋒，示意霆鋒同王菲合唱，唔知係咪有鏡頭影住，霆鋒好決絕唔肯開金口，仲坐過一個位唔畀Eason撞佢。
雖然霆鋒就未有同王菲合唱，但係佢最後都有獻聲，就係同陳奕迅合唱佢哋唱過嘅英文金曲《Better Man》。
(on.cc東網)
16歲入行、近年主力北上發展事業的34歲藝人李彩華，與90年代被無綫力捧的「新五虎」成員之一何遠恆拍拖，二人相戀以來感情穩定，去年11月，李彩華更獲男友安排神秘生日派對慶祝34歲生日。一直希望組織家庭生小朋友的她，更曾揚言不排除2018年閃婚，以趕在35歲前生BB，展開人生新一頁。
可惜話口未完，二人走到談婚論嫁階段之際，臨門一腳卻因婚姻理念和步伐未達到共識，2月時分手收場。飽受情傷的李彩華仍未能放下分手一事，心情未能平復，近日她飛到美國洛杉磯登台工作，東網聯絡上身在當地的李彩華，問到分手一事她隨即爆喊，過了一會才平復的她表示：「上個月已經分咗手，我初時以為時間可以治療傷痛，以為會冇事。點知過咗一段時間個心都係好痛，所以去咗洛杉磯工作，順道散心，但係一諗起呢三年情，都忍唔住喊，覺得好可惜。」
不涉第三者
問到如此相愛為何選擇分手這條路，她無奈地哭着說：「其實想低調啲，冇諗過要公開（分手）。近一年大家都有傾過可以點再走落去，但冇辦法，大家好冷靜咁傾過好多次，但最終步伐唔同，婚姻理念都達唔到共識、唔能夠一致，所以惟有忍痛分手。」她坦言每次回想這段情都會觸動痛處落淚，雖已分開，但二人仍保持好友關係。提到舊愛，最令她感動的莫過於分手時對方的一席話，令她銘記於心：「佢係一個好人，有好多優點，分手時佢仲同我講，無論以後點樣都會當我係一家人，會繼續關心我。佢係我遇到最好嘅男人，奈何大家已走到盡頭。」
原本計劃共諧連理，但結果分道揚鑣，身邊好友無不感到愕然，李彩華強調：「大家係和平分手，雙方都冇第三者。依家只係希望可以畀多啲空間我哋，大家都需要時間Recover（康復）。」
黃智雯（Mandy）今日出席劇集《三個女人一個因》宣傳，自上次《降魔的》成魔的芷若一角，令她的演技備受肯定，今次新劇一人分飾三角，發揮空間大，有機會問鼎視后，可惜劇集被安排在星期日播放，觀眾擔心會大打折扣，收視會少幾個點。
黃智雯之前套《雜警奇兵》都喺星期日播。
對於粉絲的擔憂，Mandy表示未驚過：「完全唔擔心，真係冇擔心，美劇都係一個禮拜一集啦，唔覺得會有影響。其實套劇口碑好好，無論係喺香港定內地，我喺網上見大家轉發量好高。」Mandy指不少粉絲都會特意上網收看，不覺得會影響收視，「我啱啱行入嚟都有人同我講話有上網睇，其實而家都唔係一定要睇電視，手機、電腦都好多人睇，冇咩大問題。」
黃智雯都叫自己做星期日女王。
早前由她主演的《雜警奇兵》同樣被安排在星期日播放，難道Mandy打算進軍「Sunday Market」，她笑言：「我都有聽人講叫我做星期日女王，聽講嚟緊仲會有專門拍劇集放喺星期日播。」
（hk01）
提到早前表示計劃於今年推出新歌，她表示下周將出發到北海道拍攝MV一星期：「產後第一次出門，我依家開始唔捨得BB。」講到當地正受暴風雪影響，問到可會擔心，她笑說：「其實都驚，依家都準備啲厚衫。同自己講唔好凍死，要返嚟照顧BB。」
藝人陳敏之出席理財活動並擔任司儀，投資開資曲奇餅店的她自言對投資略有心得，認為無論小孩及大人都應該有儲蓄習慣。
問到有否為囝囝「雷冬至」儲錢？她表示有為囝囝買基金，還有為他生日及新年收到的利是儲起：「由一出世我已經有幫佢儲起，囝囝好犀利，有時同佢出event，佢賺到嘅錢已經夠交playgroup學費，同一年保險費，係小富翁，哈哈！」
談到在劇集《溏心風暴3》的拍檔唐文龍與無綫36D咪神黃文意的緋聞，陳敏之表示有留意報道：「如果佢有拖拍好開心，係適婚年齡。我有send message恭喜佢，但佢話係好耐之前。（即係已經分咗手？）佢話好耐之前，我冇再追問，唔想咁八卦。（想佢快啲搵個伴？）咁梗係啦！佢大過我，應該快啲結婚、生BB，佢鍾意打功夫、做運動，可以同佢玩。」
(on.cc東網)
