趙學而日前接受大台節目《StarTalk》專訪，大談將舉行入行首個紅館演唱會及入行多年感受。佢話：「紅館大咗，擔心自己體力能否應付，亦緊張自己表現，所以要練氣，我有跟老師上堂學唱歌同玩空中瑜伽練肌肉，肌肉緊啲身型都唔同啲，着衫會好睇啲。」
趙學而話以前拍《皆大歡喜》時個人做乜都好急，被謝天華叫佢做「狂燥婆婆」，之後套劇完咗，一下子停落嚟，成個人有啲迷失。
《皆大歡喜》劇照
佢話﹕「有中年危機，患上情緒病，多得林一峰喺工作同生活上嘅指引，當時同佢合作做咗《一期一會》音樂劇，係佢哋嗰團火刺激到我，而黃偉文搵我翻唱《最佳位置》亦喺事業上幫到我好多。」佢又話：「o依家我喺工作上唔會刻意追求乜嘢，有工作就去做，我係一個隨遇而安嘅人，我同我老公步伐一致，大家都係慢活嘅人，去到呢個階段，人又嫁咗，要錫自己多啲，享受下靜落嚟嘅時間，就算有幾多困難都會過，只要搵到自己嘅心態去面對就得。」
（Apple Daily）
洪朝豐被指去年12月中旬接受割了三分二條脷的手術，另外舌癌的癌細胞擴散到左邊頸的淋巴核，洪朝豐透過WhatsApp表示：「暫時不接受訪問，我要休養生息。電療還未結束。請你原諒。」追問到手術可影響他的說話能力，他沒有回答，禮貌地重覆不接受訪問。
而在2月24日寫的《我的覺悟之路》中，手術後的洪朝豐只可食流質食物，他提及「『唔～好香呀～』我閉着眼睛，輕聲呼嘆面前這碗前妻為我熬煮的三文魚蕃茄粥，吃了一口，欣喜難禁。」他又在文章透露過手術後的心情「這舌癌手術以後，我已非我，一切變天。因為自悲，我婉拒了許多朋友，不讓他們來探病。我就活在自己的深淵中，自殺的念頭不斷竄起，如箭，刺痛我虛弱的心。我家住大廈的21樓，多少次經過欄杆，駐足，向下俯望，也許，下面就是我的斷腸之處。也許。也許。」幸有學生鼓勵，開解，才沒再有自殺念頭。
拒做生命鬥士
之後洪朝豐又於2月25日在社交網上一篇《我對燈火告白》的文章中，曾提及患舌癌外，還有患淋巴癌：「我無意當一個生命鬥士，因為一個生命鬥士要承受太多苦難。我已經得了舌癌，淋巴癌。不想得到更多。我無意當一個生命導師，因為一個生命導師要歷劫。而我害怕歷刧。我不要我的歴刧成為別人的祝福。真的。很怕。我只是一個平凡人，想過平凡人的生活，平平安安，平平淡淡，終此一生。我的生命已經太戲劇性，我無意尋覓更多戲劇。」
鄭希怡囡囡梁浸浸一去到雪地就非常興奮，唔止同媽媽一齊鬥擺甫士，仲落力拉動坐喺滑雪板上嘅爸爸梁學儲。而黃依汶嘅囝囝陳真就相對冇咁活躍，佢去到雪地拍拖
第一樣做嘅嘢竟然係瞓覺，認真搞笑！不過身為大姐姐梁浸浸，對住咁貪瞓嘅陳真亦照顧有加，佢除咗拖住陳真影合照之外，仲做埋佢嘅司機，用滑雪板拖住陳真行路，兩小無猜咁真係好有愛呀！梁浸浸咁細個就識得照顧人，唔怪得鄭希怡同老公都咁錫佢啦！
阮兆祥話日日食菜好悶，特別係見到屋企人大魚大肉時。「我唯有幻想啲菜好好食。」（黃國立攝）
阮兆祥、王祖藍和李思捷為下月舉行的《福祿壽十周年演唱會》進行綵排。開騷在即，身穿運動服的祥師兄狀態看起來不錯，他透露用6星期減去了20磅。「開騷前再減多少少，睇下到時效果如何再決定騷唔騷肌啦。」
減肥從來都是痛苦的，尤其對無殿粉質不歡的祥師兄來說，現在連聞到米飯香都想流淚。「飲食方面全走油、糖，淨食白肉、菜同蛋白，我新年淨係食咗半塊蘿蔔糕。運動主要係跑步同練肌肉，一星期兩次，每次跑兩小時左右，我開頭跑五分鐘已經想死，但依家可以邊跑邊練歌，所以辛苦之餘都開心，因為感覺自己健康咗。」
祥師兄笑言人生的磅數不時起起落落，但今次瘦得最健康，連朋友也大讚他看起來精神飽滿。「以前肥咗有啲衫著唔到，我搵返出嚟竟然著到，你話開唔開心？」祥師兄表示近日因忙於排練演唱會，所以無時間做運動，但未有影響其瘦身成效。「跳舞一跳跳四小時，我返到屋企都呆晒。」祥師兄愈說愈開心，之後更拿出自備的食物盒，內有雞肉及沙律菜。「雞肉加了點黑椒同鹽，其實唔應該加，但真係好難頂。」問到無否從此見到雞肉都怕怕，祥師兄即大搞爛gag，說自己最鍾意叫雞，他又透露此瘦身餐單是由錢嘉樂所提供的。「之前180磅，依家接近160磅左右，開騷前可以再減少少，磅數其實唔重要，係健康問題。接下來要好好保養，令自己唔好病。」
祥師兄笑言人生的磅數不時起起落落，但今次瘦得最健康，連朋友也大讚他看起來精神飽滿。「以前肥咗有啲衫著唔到，我搵返出嚟竟然著到，你話開唔開心？」祥師兄表示近日因忙於排練演唱會，所以無時間做運動，但未有影響其瘦身成效。「跳舞一跳跳四小時，我返到屋企都呆晒。」祥師兄愈說愈開心，之後更拿出自備的食物盒，內有雞肉及沙律菜。「雞肉加了點黑椒同鹽，其實唔應該加，但真係好難頂。」問到無否從此見到雞肉都怕怕，祥師兄即大搞爛gag，說自己最鍾意叫雞，他又透露此瘦身餐單是由錢嘉樂所提供的。「之前180磅，依家接近160磅左右，開騷前可以再減少少，磅數其實唔重要，係健康問題。接下來要好好保養，令自己唔好病。」
同樣有份開騷的王祖藍，就話因為新年期間先後與家人同老婆外出旅遊，加上一個又一個的飯局，導致他即時增磅，但祖藍就話無意減肥，因為接下來將拍攝新一季《奔跑吧兄弟》。「我開騷前要飛去拍，所以需要體力，哈哈！至於新一季有咩驚喜呢？其實我都哈係好知。」
福祿壽預告每晚都有5位嘉賓，其中一位更係大人小朋友都十分喜愛的份量級人馬。（黃國立攝）
(HK01)
南韓冬季奧運會正式閉幕，前大律師林作喺社交網上有感而發，透露出他約十歲時曾到北韓的經驗，佢話：「望住南北韓運動員好團結咁一齊步入會場，我就想起當年10歲左右，媽媽曾經貪玩，靠著（着）喺內地嘅政經人脈，用假身份喺吉林帶咗我入去北韓近中國邊境嘅特別經濟區觀光，並渡（度）過一夜。」
「呢個決定，太過不負責任。」
林作憶述：「呢個係我人生最黑暗嘅一日。我亦感覺此後同媽媽嘅關係冇溫暖過 – 呢個決定，太過不負責任。」林作指自己並不是到了有地鐵的平壤等大城巿，而是鄉下，佢話：「我去嘅，係連食水、熱水供應都有問題嘅鄉下。導遊兼挾持人質式嘅半軍佬帶我地（哋）去遊客商店逛。見到細瓶日本製汽水，即刻大讚然後俾（畀）面買咗支。上番車，睇番製造日期 – 過期兩年。」
「夜晚住嘅酒店別墅，似乎死過人。」
至於住宿方面，林作又憶述：「夜晚住嘅酒店別墅，似乎死過人 – 床單唔乾淨有血跡（漬）、浴缸嘅污跡證明好耐冇人住過。間房佈滿蜘蛛網。我媽媽要求自費去附近佢見到嘅一間「國際酒店」。導遊話 – 你今晚唔留喺度住嘅話，聽日有可能會被扣留。我地（哋）嗰晚冇訓（瞓）過。」
「媽媽細個好瘋狂。」
林作接受訪問，他對往事仍猶有餘悸，稱「驚到依家。」對於林母如何搞假身份入北韓，林作說：「媽咪有大陸朋友，畀臨時中國證件我哋。（畀錢搞？）媽媽朋友送嘅。大約發生2000年左右，我嗰時大約11歲，我當時仲未去英國。當時我真心覺得會被扣留，因為我哋基本上唔願意留低，當晚就想走，個導遊唔畀，我哋話換間正常啲酒店都唔畀，僵持不下，然後佢凶我哋，我覺得我哋玩完，尤其係身份係假嘅。（點解媽咪咁大膽？）媽媽細個好瘋狂，人生就係找尋刺激，媽以為自己識人就OK。（有咩人去？）一啲內地官員嘅配偶同親戚。（你媽咪到依家都冇驚過？）我媽知自己過意唔去，從未再提過，我咁大個人佢都基本上從未再叫我去旅行，全家新年遊除外。」問到爆料會否擔心對媽咪及其他人有影響時，林作淡定地說：「咁多年，驚咩？」
(on.cc)
鄭中基與太太余思敏、白只、顏卓靈及周秀娜等出席電影《大樂師。為愛配樂》首映禮時，對於憑該片角逐應屆金像獎「最佳男主角」獎項，鄭中基坦言心情不緊張，因為之前入圍過，反而「最佳原創音樂」輸了，好想邊度輸邊度拿返來，所以會瞄住這個獎項，又認為每個對手也是勁敵。
談到戲中的表現獲得讚賞，他說：「我諗導演有阻止我做好多野，有幾個Take搞笑咗，今次喝止我搞笑，否則忍唔到。」在旁的太太余思敏笑言當日有睇公布金像獎名單的直播，也戥老公緊張，又笑謂會為老公揀戰衣出席金像獎頒獎禮，盡力而為搞到老公好靚仔。鄭中基聞言搞笑謂：「呢樣最難。」
他續說曾做金像獎司儀好緊張，反而今次會坐在台下的心理壓力不會好大。問到可有信心一擊即中？鄭中基即時登大眼睛，便說：「所以導演話gag啲唔應該gag嘅野。」隨即追問可會追生B？余思敏即點頭，但鄭中基笑笑口謂：「我問你又擰頭。（獲獎同生B也一擊即中？）睇下點先啦！有冇咁筍先。」
（singtao）
歌手譚嘉荃（Amy）早前為新歌《插翼難飛》拍MV，拍攝當日遇上氣溫急降，令衣衫單薄的她凍上加凍，她說：「我哋喺南生圍拍，嗰日好似得8度。形象指導揀咗件吊帶背心畀我，雖然有外套，但係唔暖嘅，初初打算黐暖包，點知黐唔實，一路拍就一路跌，好在只係落微雨，拍完都冇冷親。」Amy與工作人員其後移師朋友家中繼續拍攝，遇上好人好事，她說：「我哋問朋友借咗間屋拍攝，但間屋乜嘢都冇，朋友就同鄰居單聲。大家喺南生圍拍到超時冇食晏，點知個鄰居拎咗雞湯畀我哋飲，我當時食素飲唔到，但工作人員飲完都暖咗好多，真係覺得好有愛！」
內地女星范冰冰於2015年公開與李晨的戀情後，去年9月，在范冰冰的36歲生日會上，李晨求婚成功，宣布訂婚，兩人三年間愛得黐纏，就連李晨處男執導的大電影亦拉女友當女主角說情話。
李晨終於漏口風，他在接受內地媒體採訪時透露，將會在2018年下半年完成和范冰冰「人生中的大事」，並表示會在第一時間和粉絲分享這個好消息。
按照李晨的工作時間表看來，2018年他要接拍即將開拍的《奔跑吧兄弟》，這將會佔去了李晨上半年的時間，而下半年可以比較空閒，至於新娘子范冰冰呢？佢一早就講咗好想喺今年生個BB。咁大家明白晒啦！
李晨定了時間娶范冰冰的消息公布後，網民瘋狂猜測伴娘團有誰，並擬訂了名單，首選是林心如，因為冰冰曾出席過對方的峇里島婚禮，跟住就係閨蜜張鈞甯，二人親如姊妹，而被李晨視為胞妹的Angelababy一定要有份啦！至於伴郎，首選係鹿晗，兩人關係極之親密，鹿晗為李晨執導的電影獻唱主題曲更斗零都唔收。
(on.cc)
要數近10年香港拍攝的經典劇集，相信有好多人第一時間都會諗到《天與地》這套劇。受歡迎的原因是因為題材大膽，加上對白同情節及對社會的不滿，引起不少觀眾共鳴，因而被譽為「神劇」！該劇甚至成為首部遭內地禁播的華語劇，可想而知劇集有幾好睇。
呢個組合好令人懷念~~
今日就傳來好消息就是《天與地》的班底包括周旭明及戚其義，將於下個月底在內地開一部有關律師的新劇，而除了女主角是早前公佈的佘詩曼之外，據知男主角更是陳豪，而黃德斌亦有份演出，可以說是《天與地》的續集！！
相信最令人意外的一定係原來男主角是陳豪，早前已經透露過3月會到內地拍攝劇集的他，當時就未肯透露詳情。唔知大家仲記唔記得其實當年《天與地》剛播出的時候，收視都不太理想，因為在台慶前播出更被認為是「炮灰劇」。而且其中人食人的劇情，已惹起一輪爭議。但劇情越來越有張力，經常爆金句，成為網友個個嗌「走寶」的神劇。
而幕後推手戚其義在劇集播出後亦離開TVB，到內地發展，之前更開拍長達780集，由黃德斌及張可頤主演的內地劇《荔芳街之海岸風雷》。當中黃德斌在今次新劇中亦有份演出，他接受傳媒訪問時就透露，可以再與《天與地》班底合作十分開心。
戚其義
（tvb / hk01）
藝人陳偉霆（William）近年轉戰內地搵銀，工作一浪接一浪、做到冇停手。William近日趁住工作嘅空檔帶屋企人出國旅行度假，仲喺社交網站晒出同姪仔玩水嘅相，佢留言：「螳螂捕蟬……….」William喺相中大晒麒麟臂，貪玩嘅William同姪仔喺泳池大玩水戰，仲拎起水槍向姪仔射水，畫面真係好有愛。
除咗玩水之外，William仲氹兩個小朋友食嘢，似乎玩得好開心。唔少網民都大讚William對小朋友好有耐性，仲有人話佢第時一定會係個好爸爸添！
