【狗年新娘出爐】搵人擇好日　木偶哥林師傑11.23娶歐陽巧瑩！

2018-02-13

藝人林師傑早前成功向拍拖四年的女友歐陽巧瑩（Tammy）求婚成功，二人拍拖四年，對於節日一向未有大肆慶祝，不過師傑就想二人做夫妻前過一個浪漫的情人節，早前就帶Tammy整翻糖曲奇，更宣布婚期已訂，二人會在11月23日正式拉埋天窗！

林師傑與歐陽巧瑩今年拉埋天窗。

歐陽巧瑩含情脈脈望住林師傑整曲奇。

兩人拍拖4年，一早已經認定對方。

好SWEET呀。

兩人都好用心做翻糖曲奇。

打算中午搞Cocktail Party

林師傑爆料指其實是老闆何哲圖為二人擇日結婚，他說：「老闆知道我哋準備結婚好開心，搵埋玄學家幫我哋擇日，仲話如果無場地嘅，可以嚟公司做簽字儀式！」Tammy則表示仍未決定要擺酒結婚還是旅行結婚：「其實我哋就覺得唔使大搞，但親戚朋友好多，我哋好初步寫低要請咩人，寫寫吓都成200人，我諗起都覺得好麻煩呀！」師傑直言如果擺酒會有經濟壓力，故二人正打算中午搞Cocktail Party！

好認真咁學。

林師傑忍唔住要咀歐陽巧瑩。

兩人希望婚禮簡單啲，可能會搞中午Cocktail Party。

二人拍拖四年，早已認定對方，Tammy直言拍拖初期與師傑嗌交會死撐不道歉：「我同佢撐到行㗎！有時知係自己唔啱都會死撐，佢就唔理我嘅，因為佢個人比較理想，我就唔係，依家一齊耐咗，大家嗌交會一齊道歉！」

閃爆

場地: Cake Aholic

(東方日報)

【佗第三胎一日食五餐！】頭兩個都係女今次…

2018-02-13

佗大女時肥咗16公斤，三年後懷二女時就肥咗14公斤，今次。。。

曾屬水着界人氣偶像嘅35歲女星熊田曜子，正為圈外老公陀第三胎，噚日佢挺住大肚出席一個關於朱古力嘅活動，熊田現時懷孕6個月預產期係今年6月，被問到BB性別，佢話暫時未知。

熊田指喺2012年佗大女時肥咗16公斤，三年後懷二女時就肥咗14公斤，o依家佢就咩都想食，一日食五餐。

提到情人節將至，熊田話自從有小朋友後，一切以囡囡為先，已經好耐冇同老公講我愛你，所以趁情人節，會送朱古力畀老公，並同講佢：「一直以來多謝你，我愛你。」

(蘋果日報)

【星爺R爆頭】年輕香港先生唔知四大天王有邊個：可唔可以畀貼士？

2018-02-13

最近有唔少街坊訪問仲係學生嘅00後，問佢哋對90後嘅印象如何，有小學生直指：「係古代人！」讓一眾90年代出世嘅人心碎，仲驚嘆自己真的老了。就住呢個話題，問到90後、而且比較接近00後（1997年出世）嘅丁子朗，有冇接觸過00後，佢說話：「見到朋友嘅兄弟姊妹，真係覺得自己老咗…但好在同佢哋相處，又唔會畀佢哋話我老。其實好似啲90後遇到啲80後咋嘛！」丁子朗的圖片搜尋結果

2016年度香港先生選舉亞軍及最上鏡先生:丁子朗

97年出世嘅丁子朗暫時未畀人話老。（陳順禎攝）

90後唔只畀00後話係古代人，就連90年代最具代表性嘅樂壇人物「四大天王」，新一代嘅小朋友都好似唔太識，不過呢個問題原來都考到丁子朗！當問佢「四大天王」有邊幾個嘅時候，最初佢都數到劉德華出嚟，但後來答案都幾有突破性！「我知道周潤發唔係喇，佢唔係唱歌…之後係咪周星馳…（你肯定？）呀！仲有張學友…其餘兩個可唔可以畀貼士…」丁子朗笑住問。好在經過貼士之後，丁子朗都答到黎明同郭富城！佢事後就話：「我平時都比較常聽Kpop，不過近期都有聽返廣東歌，都知道坤哥（吳業坤）啲歌㗎。」

至於情人節，丁子朗就話會喺公司度過，不過就得到麥玲玲師傅贈兩句。「師傅就話我喺狗年會有長輩介紹姐姐畀我識，自己之前都未試過大過自己嘅人拍拖嘅，所以都有啲期待呢個人出現。（最接受對方大你幾多？）咁又唔知喎，要睇下相處成點。（大十歲又點睇？）又好似大得滯喎！大4、5年都仲可以嘅！」

(HK01)

【新春前夕突然急急入院】：現在靠藥物和宗教信仰來克服病情

2018-02-13

已移居檳城的資深藝人馮寶寶，於新春前夕突然被送院治療。原來近日她受到胃酸倒流影響導致失聲、咳嗽和失眠，被病魔折騰多日後她終抵受不住入院接受檢查。

醫生為她進行了詳細檢查後，發現在食物和水果敏感測試中，測試到她對蘋果產生敏感，馮寶寶自嘲說現在靠藥物和宗教信仰來克服病情。

今日，她又接受了內窺鏡檢查，過程中她善用了思維轉移法自娛減低恐懼，她表示「內窺鏡程序順暢、我也同步觀看（螢光幕）、了解自身内部結構多了。絕對沒有癌迹象。内窺鏡進入鼻腔慢慢向咽部移進、停頓、拍照、這過程很有趣。」

性格樂觀的馮寶寶更笑言「做内窺鏡過程中，我看着投射畫面、彷似孫悟空跳進了鐡扇公主的内臟，憶及兒時看到過的卡通片。」她又感激檳城的醫生有耐性地回答她提問，指醫生看着她寫字條發問並細心回答，大家猶如私人補習老師與學生的關係。

另外，馮寶寶的孻仔早已安排到當地探望並順道陪她過年，直言等了三十二年終於等到了這一天，是最好的一份新年禮物。

(on.cc東網)

【2013年結婚】開心報喜原來係B囡！

2018-02-13

恭喜恭喜！去年9月宣佈造人成功，開心報喜BB已經出世，仲曬BB腳仔話。。。

美劇《絕命毒師》（Breaking Bad）38歲男星Aaron Paul與太太Lauren Paul於2013年結婚，直至去年9月宣佈造人成功，兩人將榮升父母。

直至日前，Aaron報喜公告BB已經出世，Aaron透過社交網站透露太太已誕下B女，開心公開BB腳仔並寫着：「My Heart」，之後Lauren亦公開抱住可愛B女嘅照片。

(蘋果日報)

【浪漫情人節】袁文傑霸氣送花再唱情歌　女友張潔蓮感動到喊！

2018-02-13

袁文傑張潔蓮不時於網上放閃曬恩愛。（袁文傑Facebook）

網上有唔少人分享激嬲女友小故事，好多時都因為女仔口不對心，男仔聽到口嗰句又估唔到心嗰句，咁咪出事囉。由田蕊妮主持嘅情人節特備節目《1+1的深情》，第一集搵來袁文傑張潔蓮擔任嘉賓。原來佢地拍拖七年嚟，袁文傑都未送過花俾Jacqueline﹗

袁文傑張潔蓮原來已經拍拖七年，隨住去年憑游生一角爆紅，令佢地不時有情侶檔合作機會。（袁文傑Facebook）

袁文傑去年憑住《不懂撒嬌的女人》霸氣游生一角爆紅，除咗佢自己工作機會大增，連帶佢嘅感情生活都被受注目，亦喺呢個時候大家先留意到，佢女友正正係細個日日睇兒童節目都見到嘅Jackeline姐姐張潔蓮﹗佢地兩個當年分屬唔同電視台，第一次見面原來都係勁老套嘅情節 — 朋友介紹，Jackeline妹妹車車安排佢地認識

呢一張沙龍照，就係令袁文傑一見傾心，決定要出手追求嘅契機。（影片截圖）

節目中佢地由相識經過傾到二人嘅小秘密，唔好睇袁文傑牛高馬大昂藏七呎，拍拖去睇恐怖片驚嘅居然係佢自己：「我又要睇又要驚，一睇到恐怖位就會挨住佢，係咁話好恐怖呀﹗」Jackeline都不禁笑言每次見到男友好似小朋友咁撒嬌，都會覺得好好笑。

有邊個會估到，足足189cm高嘅袁文傑居然會有撒嬌一面。（影片截圖）

拍拖七年，袁文傑居然從未送過花，佢望住Jacqueline好疑惑又壓低聲量咁話：「你好似講過唔使……」換來女友一句：「咩呀我無講過呀﹗」田蕊妮襯機會帶袁文傑到買花，於摩天輪附近拍攝時，趁Jacqueline不為意，袁文傑同一隊LIVE BAND於流動展覽車上深情唱出《追》，唱完之後更加送上七年來第一札花，令Jacqueline又驚又喜，流下幸福嘅眼淚，不禁話：「平日兩個人一齊佢一定唔會唱，有啲嘢平日唔做，忽然見到佢咁，真係會好感動架。」男士們記得學嘢啦﹗

袁文傑為女友送上意外驚喜，於摩天輪高歌一曲《追》。（影片截圖）

係感動嘅眼淚呀﹗（影片截圖）

又唱歌又送花，女主角仲感動到喊，難怪外界誤會袁文傑求婚啦。（影片截圖）

(HK01)

【魔童即爆喊】靚靚試人工受孕：佢諗諗下又喊

2018-02-13

袁詠儀（靚靚）同張智霖（Chilam）結婚17年，只得張慕童（Morton）一個仔，但其實早幾年前，張氏夫婦曾經講過希望追多個女，不過咁多年都未見喜訊，問到靚靚會唔會考慮人工受孕等方法？靚靚帶笑說：「其實你所講嘅我都試過晒，首先我中醫調理身體啦、又針灸呀、又瑜伽呀，到咗某個時候呢，我覺得可能要依賴一啲醫學上面嘅嘢，咁我就去‥‥‥當然去試就係可唔可以人工受孕啦。」

講到想生多一個小朋友嘅原因，靚靚話全因為魔童：「我生完個仔之後，個仔到咗六、七歲啦，我就全力咁去試去做，點解呢，因為我個仔，我發現佢得一個嘅時候佢又悶啦，同埋佢好自己呀，好多嘢嘅角度好自己，但係我想話俾佢聽個世界唔係得你自己，仲有好多人好多嘢，我好想佢懂得同人分享，所以我就好想去生多個。」

魔童雖然今年只得11歲，但靚靚話個仔有時傾啲好深嘅問題時，都表現得幾成熟，就好似佢同Chilam決定生多個之後，靚靚當年都有同魔童講呢個決定：「我話俾佢聽我想試下有無多個bb，我同佢討論，我話俾佢聽我做緊啲乜嘢，佢初初唔贊成㗎，但後尾唔知點解佢就好贊成。例如我要食一啲藥呀，或者我要做啲乜嘢，我都會同佢講，因為我想要多個bb，所以就要咁樣做囉！咁佢就會『哦！』咁樣。」

靚靚試咗幾次人工受孕之後，有一次以為好有機會成功懷孕，仲已經同魔童講咗呢個喜訊，點知最後‥‥‥「但係最後都冇緣份，我覺得我需要話俾我個仔聽，因為佢成個過程同我一齊去見證，我話俾佢聽『sorry呀！我真係對唔住，無辦法喇‥‥‥』我個仔即時爆喊呀！喊到呢！傷心到呢！好似搶走咗佢所有玩具咁！因為佢好想要個細佬或者細妹，所以佢諗諗下又喊，諗諗下又喊，我真係無諗過佢會咁，因為以前同佢講嘅時候，佢就係嗰啲話『如果有個妹妹就一定會要虐待佢，如果係細佬就唔會俾佢入房！』佢係講埋呢啲嘢㗎！所以我哋無諗過話俾佢聽真係無緣份嘅時候，我以為佢係嗰啲，哦ok is okay！嗰啲咁樣，我哋無諗過佢喊到咁！我覺得我個仔真係好善良，個人好感性呀！」

其實魔童見住媽咪又食藥又做試唔同方式時，佢覺得自己即將多個細佬或妹妹，佢仲已經諗埋叫咩名個添，直到最近靚靚同魔童講，佢同Chilam真係放棄咗再生多個時，魔童先至接受。除咗因為知道冇細佬妹而爆喊之後，仲有一個人係可以令魔童放棄一切嘅，嗰個人就係靚靚個媽咪，因為靚靚同Chilam唔係香港嘅時間，魔童都係由婆婆照顧，所以魔童好黐婆婆，靚靚話：「佢好識得氹我媽咪，如果你話送走佢婆婆呢，佢咩都可以唔求你，但就淨係求你唔好送走婆婆！」

(蘋果日報)

【相差23歲】唐文龍同大台10億千金地下情…

2018-02-13

現年48歲嘅男星唐文龍早前喺無綫劇《溏心風暴3》中偷嗒陳敏之，人氣不跌反急升，更成為全城熱話。入行廿多年，唐文龍甚少傳出緋聞，最為人熟悉係早年因迷信與相戀六年嘅陳少霞分開，以及拍攝劇集《十月初五的月光》時被指力追佘詩曼，直至近年更被傳性向成疑，但佢立即闢謠澄清，早前公開承認喺網上結交圈外女友，但因意見不合而分手收場。

自稱單身嘅唐文龍原來已經有着落，可以話係事業、愛情雙收！佢同「十億千金」、無綫36D咪神黃文意（Mandy）暗撻半年，雖然兩人看似並無交集，但據知上年唐文龍重返無綫拍劇，期間喺電視台邂逅Mandy，並即席主動向對方「抄牌」。隨後再用舊橋冧女，透過社交網與女方互動並聯繫感情，加上細心又溫柔，成功抱得美人歸，果然橋唔怕舊，最緊要受！

雖然兩人相差23歲，但無阻戀情發展，仲為保愛苗玩地下情，拍拖都低調過人，女方亦配合向外宣稱單身以掩人耳目。

日前，兩人到尖沙咀一間餐廳撐枱腳後，唐文龍即走到街上截的士，隨後急急腳上車離開，顯然唔想引人注目，令戀情見光死！

可惜紙包唔住火，上年11月正值唐文龍生日之際，兩人到大嶼山「避世」兼低調慶祝，但Mandy錯手上載合照，相中兩人笑容甜到漏，關係不言而喻！

隨後佢秒刪合照，並重新上載一批單人相掩飾，呢批相明顯由男友操刀。

而翻查兩人嘅社交網，遍布甜蜜足迹，只見佢哋不時隔空傳情，互相「點讚」對方嘅貼文外，唐文龍亦不時留言冧女友，例如日前女友換新Look，佢賣口乖以「女神」稱呼對方：「女神焗油幾好睇！」

女友亦以一句「有CEO焗油」嚟冧爆回敬，Sweet到爆！

(on.cc東網)

【離巢有運行】夜蒲王子攜女伴漫步維園年宵新戀情曝光？

2018-02-13

現年34歲嘅沈震軒，自細喺加拿大長大，05年回流返嚟香港發展，之後就已經加入大台做小生，10年喺《潛行狙擊》做配角「爆登」令佢人氣急升，之後仲拍埋《喜愛夜蒲2》做「蘭柱坊USB」，更提名金像獎最佳新人。

現年34歲嘅沈震軒，自細喺加拿大長大，05年回流返嚟香港發展。（資料圖片）

入行超過十年，沈震軒喺娛樂圈無論歌影視都涉足過。（資料圖片）

入行超過十年，沈震軒喺娛樂圈無論歌影視都涉足過，沈震軒曾經喺一次訪問話過自己每十年就會有一個大轉變，因為咁，佢離開咗大台轉戰樂壇，唔知係唔係因為佢成名角色都係啲「花弗」類角色嘅關係，令到形象唔太正面所以都試過被雪，不過其實沈震軒喺現實中一啲都唔花心，上年年尾出嘅新歌《我很好》更加係寫俾初戀女友，不過喺今年年頭接受傳媒訪問時佢就話自己仲未有女友，但係就有心儀對象努力中。一個月都未夠，沈震軒就有新消息喇！日前夜晚大約10點45分左右

日前夜晚大約10點45分左右，《蘋果》發現沈震軒同一名女伴漫步遊維園年宵花巿。

沈震軒頭帶cap帽加口罩，一身便服look，女伴就一路嘆住冰糖葫蘆。

兩人四圍行，又走到一間專賣泰國小食攤位，沈震軒就自己揞荷包俾錢買咗一包小食。

唔知係唔係因為現場人多擠迫，兩人冇拖手。

《蘋果》發現沈震軒同一名女伴漫步遊維園年宵花巿，沈震軒頭帶cap帽加口罩，一身便服look，見佢手上拎住一隻狗公仔，而女伴就一路嘆住冰糖葫蘆，唔知係唔係因為現場人多擠迫，兩人冇拖手，不過見到沈震軒都冇話特別保護身邊女伴。兩人四圍行，又走到一間專賣泰國小食攤位，女伴仲話：「唔食喇好肥。」之後沈震軒就自己揞荷包俾錢買咗一包小食離開。雖然沈震軒帶哂cap帽同口罩，但活沿途不少途人都一眼認得出佢，有人要求同佢沈震軒合照，佢亦都禮貌地除下口罩同市民影相，其時身邊位女伴就好醒目，立刻行遠左去幾個身位，等沈震軒同途人影完相先再會合繼續行花巿。

有人要求同佢沈震軒合照，佢亦都禮貌地除下口罩同市民影相。

(蘋果日報)

【血管都會老化】5大食物讓你的血管逆齡！

2018-02-12

天氣冷颼颼，小心血管硬化增加心血管疾病風險。醫師指出，久坐不動，飲食失衡，血管恐提早衰老。特別是有「三高病史」者，應防範血管硬化危機，包括：少吃鹽、多運動，以及攝取5大強化血管的食物，讓血管保持年輕。

台北醫學大學教授、市立萬芳醫院家醫科謝瀛華醫師指出，血管是健康指標，由於老化會造成血管壁纖維化，進而失去彈性，易導致心血管疾病風險。除了年齡之外，三高（血壓、血脂與血糖高）、肥胖與抽菸都是造成血管硬化的危險因子。

血管硬化，易造成血管狹窄與栓塞

血管硬化對健康造成的影響，最主要的是狹窄與栓塞。因血液中壞的膽固醇堆積在血管壁上，易造成血管狹窄或是栓塞，若是頸動脈栓塞，易引發危險的腦中風或是失明；如果塞在心臟，則有狹心症或是心肌梗塞，可能引發死亡危險。

值得注意的是，雖然血管的硬化是不可逆的，但可透過健康的生活形態，延緩硬化的危機。而目前對於栓塞引發的中風，可緊急注射抗凝血藥物，打通血管；心肌梗塞則多數是置放血管支架，避免心臟因缺血而壞死。

血壓是檢測血管是否老化的最佳指標

謝瀛華教授強調，「血管」就像水管，「血液」像水，一旦阻塞或充滿廢物就會不暢通，讓血液不循環，加重血管負擔，導致血壓升高。而「血壓」是檢測血管是否老化的最佳指標，如果久坐不動、吃太鹹，就會增加血管老化的速度。

多吃綠色蔬菜，可讓血管與血液充滿活力，預防動脈硬化

有血管硬化者，建議應做好自我健康管理，降低血管硬化風險，包括：規律運動，平日不要吃太鹹食物，每天半茶匙鹽巴剛好；另每餐8分飽、細嚼慢嚥，先吃蔬菜，再吃其他食物，阻絕高血糖。

同時要多吃5大類強化血管的食物，飲食均衡，才能達到血管保健的功效，下列抗氧化食物要多吃。

1.魚：含有優良蛋白質，幫助血管新陳代謝。

2.黃豆：含有大豆蛋白，讓血液更清澈，血管變年輕。

3.蔬菜：富含抗氧化成分，讓血管與血液充滿活力，預防動脈硬化。

4.水果：含有多酚、食物纖維等，幫助排出多餘鹽分，減輕血管負擔。

5.醋：改善血液混濁，降低血壓，不妨用醋代替鹽巴調味。

(SINA)