【如廁都好困難】關寶慧突然被斷水斷糧！

2018-02-09

關寶慧為新片創新難度，挑戰驚嚇妝容，慘被針線縫實雙唇，搞到斷水斷糧，但她笑指可以變相減肥，還透露雙手都有特技化妝，搞到去廁所都困難重重，認真大犧牲！

藝人關寶慧、衛詩雅、林德信與吳耀漢等日前到馬來西亞拍攝新片，其中戲路多變的關寶慧以破格造型亮相，慘被針線縫實雙唇！雖然看起來非常驚嚇，但她卻笑說：「其實咁樣都有好處，因為嗰邊實在太多嘢食！唔單止好食，仲要好平！畀人縫住個口就有晒理由抵抗呢啲誘惑，因為我每次開工都係堅持邊拍邊Keep弗。」

吳耀漢與關寶慧

雙手化特技妝呻如廁難

除了慘被「縫嘴」，關寶慧又透露連雙手都有特技化妝，所以連如廁都非常不便，索性唔飲水！問到有否頂唔順？她即稱自己意志堅定：「開工唔肥得！就算拍完通宵戲，我都一定會着晒『全副武裝』先至瞓。（煞科即破戒？）梗係啦！又食榴槤又食麵，一日食幾餐！」

不過，關寶慧坦言只能放縱一會，因為除了為ViuTV主持節目，稍後又要與劉玉翠及莫家堯等演藝學院校友排練舞台劇，準備在年末公演：「劇本仲翻譯緊，完成後就會圍讀。（好高難度？）都係！因為我個角色喺外國多數會搵大牌演員做，我唔敢講自己有呢個Level之餘仲要做十幾場。」她又指今次是畢業後首次與劉玉翠合作，非常期待：「我深信大家一排戲就會上晒手，效果應該會好好，但真係估唔到一眨眼就畢咗業成30年！」

為咗靚好辛苦呀！

佢話瞓覺都要着晒『全副武裝』！

關寶慧與小演員~

關寶慧話馬來西亞實在太多好嘢食！

食到停唔到~

(ON.CC)

【比不上陳冠希】余文樂：我難辭其咎！

2018-02-09

早排內地網民刮起旋風，逐一抽出在內地的企業，是否有將將港澳台及西藏列為「國家」。原本只是國際著名酒店集團萬豪國際，後來達美航空、美國醫企美敦力（Medtronic）及服裝品牌ZARA的中國官方網站，都被抽出。

本以為隔了差不多一個月，事件經已告一段落，但藝人余文樂創下的潮牌MADNESS剛剛又中招，因為官網寄送說明中，就是將港澳台及西藏列為「國家」，惹上內地網民質疑「港獨」問題，余文樂作為創辦人立即道歉，在微博「跪玻璃」，承認自己對公司品牌監管不力，「出現這麼大的錯誤和誤會，我難辭其咎」。
余文樂聲明中指：「我作為MADNESS的主理人，對於公司品牌監管不力，出現這麼大的錯誤和誤會，我難辭其咎，也感到非常抱歉。對於此事，我們將深刻檢討，日後工作中絕不容許此類錯誤再次發生！再次向所有關心我的人致歉！」不單是余文樂自己發聲明，連官方IG都要道歉。

部分網民繼續鬧爆！

事情發展始料未及，在網民一邊指罵余文樂「政治不正確」的同時，粉絲轉為改投向陳冠希擁抱，他們說：「你真的比不上陳冠希！」，原來今日陳冠希在天貓上推出心口寫上「華人」兩字的T恤，是於紐約時裝周走秀款，粉絲大讚陳冠希是為中國人爭光。陳冠希和余文樂自2008年「撞膊事件」不和，明爭暗鬥至今足足10年，看來今天終於分出勝負。

(Singtao / HK01)

【執定走佬袋】下個月生得啦：但原來我發覺有得賣

2018-02-09

藝人楊潮凱及周志康到馬鞍山出席無綫明珠台「BE MY VALENTINE 情濃二月」活動，楊潮凱透露太太的預產期為下月中，他笑說：「我都好緊張，周圍搵奶粉錢，太太想自己順產生BB。（執咗走佬袋未？）執咗啲，但原來我發覺有得賣。」提到近期流感肆虐，楊潮凱表示之前要濕身拍遊戲節目，搞到「病病哋」，問到有否自我隔離，他笑說：「我擰轉面瞓，戴口罩瞓仲辛苦，瞓唔到仲病。」

問到會否入產房剪臍帶，楊潮凱說：「其實我想嘅，因為我想入去影相。」他又笑謂因太私隱，所以不會直播。至於是否已為BB改名，他說：「未，想出嚟睇吓嗰感覺點諗。（男定女？）我知嘅，但唔講畀大家聽住。」

而周志康笑言待對方BB百日宴才準備禮物，楊潮凱即笑謂人可以唔到，但禮要到。

此外，對於有指哥哥周志文緋聞女友劉佩玥（Moon）已「融入」家中，周志康否認說：「冇啲咁嘅事。（佢話見過你阿媽？）我都唔知。（有冇問阿哥感情事？）冇問啦！我同阿Moon都係朋友，佢平時都有一齊出席我哋活動，佢哋係Happy Live骨幹成員。我有老婆，唔好傳我同佢。（佢阿哥會唔會隱瞞你？）應該唔會。我睇吓佢瞓覺會唔會叫阿Moon個名。」

他又笑謂可以與楊潮凱組成「人夫HeHe」組合。

(on.cc東網)

【陳妍希將採取法律行動】承認出軌包括「女神級藝人」

2018-02-09

台美混血歌手倪安東，09年由《超級星光大道》走紅，但近年來負面新聞係咁爆。呢位育有一女嘅人夫，去年六月被爆偷食女歌手管罄，激吻照曝光，倪安東老婆ViVi頂唔順老公係咁偷食，日前以配偶權遭侵害為由入稟，向倪安東與管罄分別索償100萬新台幣（即27萬港元），及爭取女兒撫養權。案件於下月14日台北地方法院開庭。

管罄同倪安東至今尚未回應，但有指倪安東早就將財產轉移去母親名下，ViVi就算打贏官司，拎唔拎到錢都成問題。講番倪安東，佢真係「出色」到一個點。2010年同任職護理師嘅ViVi結婚，2011年女兒出世，倪安東因為擔心婚訊曝光，竟狠心唔陪太太入院；直至2014年才拍片承認秘婚誕女，稱：「因為愛，暫時不讓妻女接受外界關注。」

為人父後，倪安東感情生活仍然精采，偷食嫖妓都做齊。去年同管罄激吻照曝光，原來仲有後續。當時Vivi向倪迫供，倪亦和盤托出，自揭曾偷食「女神級藝人」、某女藝人、知名主播，甚至曾於新加坡召妓。

據錄音稱，當時Vivi追問倪安東同該名女神級藝人上過幾多次床？倪回答兩年前喺北京，稱「只有一次」，ViVi追問：「她床上表現如何？有沒有比我好？」倪安東答：「比你好。」嬲到ViVi要倪安東用微信同女方對質，但對方回覆：「我以後不會和他再見面了、我都要結婚了。」

問題就係，曾經同倪安東合作過且能稱為女神嘅，只有2012年合拍《愛的麵包魂》嘅陳妍希，同2013年合拍《天后之戰》嘅劉香慈，仲要係咁啱兩女都結咗婚。

結果劉香慈同陳妍希急急澄清，劉香慈話：「我沒去過北京。」陳妍希就透過公司駁斥，稱若有傳媒或網民發表不實言論，將採取法律行動。

(蘋果日報)

【擔心到五點先瞓得著】孫慧雪：驚自己有啲咩做得唔夠好

2018-02-09

去年7月榮升做媽咪嘅「女神」孫慧雪(雪雪)，不時都在社交網貼出仔仔「小饅頭」Riley嘅得意相。而她近日就開始復工，今日中午雪雪就現身銅鑼灣出席保險公司活動，場面墟冚。

雪雪今午現身銅鑼灣街頭派「蕉」俾市民，呼籲關注精神健康。

雪雪透露近日精神壓力甚大，皆因昨日帶六個月大的兒子打防疫針，「返到屋企 BB 就鼻塞，擔心到五點先瞓得著，好大壓力。有時驚自己有啲咩做得唔夠好，其實如果唔係為咗打防疫針都會閉關，唔帶 BB 出街。」提到謝安琪（Kay）質疑疫苗成效的聲帶流出引起爭議，雪雪表示未有留意報導，但認為每個人有不同的看法：「都有朋友叫我唔好幫BB打防疫針、唔好食藥，每個媽媽都有自己嘅方法，阿Kay一定有佢自己嘅觀點同立場，我自己就選擇如果有疫苗就會幫BB打，因為都擔心如果冇打，可能會容易有流感。」

雪雪經常在Instagram上po出仔仔「小饅頭」Riley嘅得意相。

近日有報導指雪雪產後半年仍未修身，她笑言「減磅」也是壓力來源之一：「其實我生完之後就140磅，已經瘦咗，依家大概130磅，希望再減多20磅。暫時都唔會生BB住，如果唔係啲脂肪就好大鑊。」她又指兒子已開始學爬行及講 BB 話，更會對她說「I love you」：「老公都有教佢叫媽媽，但其實我知道佢心底裡係想 BB 叫佢做爸爸多啲。」

雪雪透露現時大概130磅，希望再減多20磅。

（HK01）

【勤洗手、戴口罩就夠哂？】預防流感點止咁簡單！

2018-02-09

近期係流感高峰期，截至2月4日已經錄得212宗嚴重流感個案，共奪去114人生命，當中有11宗嚴重兒童流感個案，甚至有2個小童因此送命。政府更因流感疫情嚴重而宣佈小學及幼稚園停課，可見其威力驚人。

流感初期症狀同普通感冒好似，所以唔少家長都會對此掉以輕心，直到仔女出現併發症先驚覺有問題，但已經太遲。。。

要預防流感，醫生建議除咗病人要記得戴口罩、勤洗手、必要時在家中休養之外，仲要留意環境衛生！消毒濕紙巾梗係必備！病毒大多可以生存6至8小時、甚至可達1、2天，所以更加要注意通風，令空氣中嘅病毒盡快消散。

但你以為留意通風就夠？喺辦公室、交通工具、家中甚至係BB車入面，往往因為各種限制而唔可以做到通風嘅效果。咁點樣先可以確保趕走空氣啲病毒？

由香港製造嘅Air Halo優化空氣隨身寶將Plascide等離子技術微型化，之前TVB《創科導航》有介紹過呢個咁犀利嘅技術，而各大機構例如港鐵羅湖及落馬洲站嘅過境通道等等原來都係用緊佢！Air Halo優化空氣隨身寶同時經過權威測試及認證，自然用得安心又放心啦！

最特別嘅係呢個專利並唔需要濾網都可以有效消滅流感病毒、細菌同霉菌，唔需要換濾網，細菌自然就唔會回流返去室內空氣，避免二次污染。Air Halo所使用的Plascide等離子技術能夠係少於一秒就把經過的細菌殺滅達至90%以上。絕對係鼻敏感人士同各大家庭嘅理想之選！

話明隨身，外型梗係又靚又輕啦！AirHalo 只有約300g重，用USB充一次電，啟動靜音模式就可以用足5個鐘，而充電時亦能繼續使用，用途廣泛。擺喺手袋又得、擺喺Office冇問題、甚至擺喺BB車都得，隨時隨地享受清新空氣無難度！

【早產孖仔開始…】楊采妮瘦晒：真係好攰

2018-02-09

藝人楊采妮（Charlie）身穿黑色透視長裙出席品牌開幕活動，現場所見楊采妮清減不少，但是她說：「冇話特別去減肥，湊仔自然會變瘦咗，頭一年好緊要，用咗好多時間去了解佢哋，佢哋食啲咩都要安排。」她指小朋友剛剛戒奶，又認為餵人奶經驗十分特別：「佢哋係早產B，所以盡量可以都會餵人奶，但真係好攰。」

現場所見佢成個瘦晒，佢話因為湊仔辛苦。

她指現時已經開始復工，但仍然會記掛一對孖仔：「上機嗰陣會睇佢哋啲相，落機之後會同佢哋視頻。」她透露一對孖仔最近開始學行和叫人，並直言：「最近佢哋識扶住啲嘢嚟行，哥哥開始識叫『PaPa』，細佬就識叫『MaMa』，有時都唔知佢係叫緊我定係叫食嘢，叫佢講多次嗰陣佢仲識笑，又會肯伸手做Give Me Five。」她表示新年期間會與老公帶同一對孖仔到台灣探望太婆，這次將會是大家首次見面。

楊采妮將會帶一對孖仔返台灣過年。

楊采妮講起孖仔就好開心。

楊采妮超瘦復工！

(ON.CC)

【火速造人成功】曬靚靚三點式孕照

2018-02-09

33歲嘅《東張西望》主持梁麗翹（Nicole），去年2月同圈外男友結婚，12月就同老公火速造人成功，喺社交網宣佈懷孕，預產期係今年5月。

昨日梁麗翹就係ig貼咗一張三點式孕照，為寒冷嘅天氣，帶來點點溫暖，佢留言話：「here is no better feeling than the movement of life inside you!(世上沒有一種感覺，比你肚裏的生命流動更爽)」跟住佢仲Hashtag「#正唔使縮住個肚嚟影相 #因為已經縮唔到 #但係亦都到咗冇人會話你肥咗嘅階段#amazingfeeling #throwback #tbt #pregnancy…」

梁麗翹仲喺Hashtag度話，呢張相只係舊相，應該係上月佢去泰國時影嘅泳照，唔知係咪喺咁凍嘅天氣，麗翹太懷念陽光與海灘嘅泰國，所以就po番張舊相懷念一吓呢！

(蘋果日報)

【強制接種】政策見效澳洲維省幼童防疫率創新高

2018-02-09

正值香港處於流感高峰，以至香港政府日前宣佈小學、幼兒園及幼稚園提早放年假之際，澳洲維多利亞省（首府墨爾本）早在去年頒下的「不接種，無得玩」(no jab, no play)法例，令該省免疫注射率達史上最高。

《澳聯社》（AAP）昨日引述衛生廳長軒妮絲（Jill Hennessy）說，有關法例令到維省幼童接受防疫注射率達95.3%。她指出，「不接種，無得玩」是向家長發出的重要訊息：如果他們要送子女到託兒所或幼稚園，先要讓子女接受防疫注射。軒妮絲表示，5歲幼童接受防疫注射率高達95%，顯示這一年齡組別兒童已是「群體免疫」，意味即使其他兒童沒有注射，也受到保護。

不過，反對黨衛生事務發言人胡德芝（Mary Wooldridge）說，有關法例存在漏洞，令到逾7萬名兒童沒有接受注射。她指出，維省是執行「不接種，無得玩」法例同時容許優惠卡持有人豁免注射的唯一省份。胡德芝所稱的優惠卡包括保健卡、長者優惠卡或退伍軍人卡等。

不過，軒妮絲堅稱，他們並非獲豁免，但擁有兩星期寬限期，使大部份適齡兒童仍可獲託兒照顧，又可接受防疫注射。她指出，寬限期使法例可保護特別容易受感染兒童，使他們可以在託兒服務機構受到保護。

（Sing Tao Australia)

【網民奇怪「仲未瞓」】Do姐自爆夜蒲！

2018-02-08

資深藝人鄭裕玲（嘟嘟）同農夫嘅陸永及C君一拍即合，佢哋主持嘅《Do姐去Shopping》深受唔同年齡層觀眾歡迎，而最新嗰輯黃翠如、蕭正楠及馬國明有份客串嘅《Do姐再Shopping》仲攞埋《萬千星輝頒獎禮2017》最佳節目主持獎，非常犀利，呢晚佢哋終於舉行慶功宴，台前幕後都喺度，嘟嘟仲「萬歲」請客添，真係勁熱鬧！

嘟嘟仲勁大方請客，仲要咁多人添！網民都話邊個仲話嘟姐孤寒？

嘟嘟喺Instagram上載合照，留言：「#do姐再去shopping 今晚慶功可惜蕭公子（蕭正楠）因工作不能出席！#happy」雖然嘟嘟心裏成日叫陸永同C君「嗰兩隻嘢」、「垃圾」，其實不知幾咁錫佢哋！翠如都留言：「多謝Do姐盛宴❤」而蕭正楠就喺嘟嘟返咗歸瞓覺覺先出現，嘟嘟話：「Good good good! @edwinsiu 收工後有出現，不過我已經回家 💤 馬明今早要工作，沒有『最佳節目主持人』的合照，下次再約！Thanks you guys!」所以都係未能成功六個人合體影相！

而有「千杯不醉」之稱嘅嘟嘟一向深閨簡出，好少「夜蒲」，粉絲笑問佢：「仲未瞓？」又話：「呢間爐端燒一看就係貴嘢！Do（嘟）姐好好啊請得那麼豪！邊個仲話Do（嘟）姐孤寒？」網民都話好期待佢哋開新輯，希望長拍長有！亦有網民留意到馬國明咁凍仲着短袖衫，真係厲害咁話！