「我找數！」
冇錯，城城郭富城宣佈，佢找數！講緊嘅當然係日前See See TVB fb搵番佢1994年接受祝文君訪問，應承大家：「我希望有一日，到將來我結咗婚嘅時候我先至派利是吖！
城城：（望向鏡頭）個個都有份！我講過嘅，全港嘅市民，都會收到我嘅利是（舉起手指，語氣肯定）不過可能係好多年之後…」
由1994年等到依家，等到喇！今日城城到海港城出席狗年新春活動，身穿藍色唐裝衫、戴住藍色太眼鏡風騷現身，笑到四萬咁口，開開心心大派做咗人夫之後嘅利是。
一講到94年嘅承諾，城城話佢都有睇條片，眼神有啲唏噓咁話：「廿幾年前喇！其實嗰陣時我真係一個小朋友，咁但係到依家成家立室，係一個大人啦！我找數！」嘩！「但係有一個問題係，你唔可能叫我逐家逐戶咁派利是，係冇可能發生嘅事，依家我有一個方法，咁呢封利是呢，我會集埋一封，集合全港市民嘅利是捐出去，希望分享呢個福氣，代表全香港市民，去傳承落去，好唔好呀？希望呢個福氣，可以更多人去受惠。」而受惠機構，就係聯合國兒童基金會。
多謝城城！
(蘋果日報)
楊冪同劉愷威結婚3年幾，近年屢傳兩公婆聚少離多，屢傳婚變，不過楊冪同劉愷威均否認傳聞，去年楊冪工作室指下半年時間，楊冪會將更多嘅時間用喺劇組拍戲同陪伴家人上，之前老爺劉丹都講過新抱農曆新年嚟香港一齊過節，點知今日有報道指，年初二當日只係見劉愷威載父母及囡囡小糯米，去深灣食開年飯，不過老婆楊冪則未有同行。
剛才劉愷威喺微博貼文回覆屋企過年嘅事，希望大家唔好以訛傳訛，「希望報道的話還是把我們的回覆說完整，此前我也回答過『會回來』、『回來了』，而當時情況不方便多做停留才沒顧慮太多。」
劉愷威又指爸爸劉丹之後再回答傳媒都係如實告知「回來了，我們一起去會所度了假」，劉愷威認為過年係家事，大家都高高興興。言下之意係楊冪有來港一齊喺會所過節。其工作室微博亦寫道「過年是家事，請給予應有的隱私空間，請不要以訛傳訛！」
(蘋果日報)
車婉婉去年為中澳混血老公Jonathon Quinlan生咗囝囝BBQ，做咗人母，車婉婉都唔覺得辛苦，好樂意分享自己湊B經歷，早前BBQ發燒，退燒之後成身出晒紅疹。
原來BBQ係出玫瑰疹，婉婉凌晨貼出抱囝相，寫道：「這個新年前後其實Q氏都在為安撫BBQ而忙碌不已，平時好少扭計的BBQ，突然變成十分腌悶，成日都要黐住我；平時好動又喐身喐勢的BBQ，突然腳仔軟軟站不起來，仲成日戇居居咁；平時好為食嘅BBQ，已經有四日吃不下正餐，陰功豬成個人瘦哂⋯Q MaMa擔心之餘身心俱疲，但一直在鼓勵自己不要病倒，感恩so far okay!」
(資料圖片)
觀察完BBQ後，婉婉話原來出玫瑰疹係會高燒大概3日，再出疹大概三日，小朋友先會慢慢好番，現在BBQ已經漸入佳境，今天可以食正餐，婉婉即刻放心又開心，不過婉婉覺得第一件事係幫BBQ增肥，要囝囝食番多啲補返先得。
已往湊B都有嚇親既經歷(資料圖片)
(蘋果日報)
踏入狗年，佢哋正式宣佈同時陀B嘅喜訊！認真值得恭喜！
混血名模Ana R.同師妹Jessica C.（JC）私底下情同姊妹，兩人已為人妻，家庭美滿，仲分別生咗囡囡Maya同Tessa，踏入狗年，佢哋正式宣佈同時陀B嘅喜訊！認真值得恭喜！
為迎接狗年同兩位狗年BB，佢哋就帶同寶貝狗女Gucci同Charlie同大家拜年，並分享佢哋再度懷孕嘅喜悅，BB生肖屬狗，佢哋都覺得好funny，仲希望BB似狗仔咁忠誠同有活力，問到新年願望，佢哋都異口同聲話：「希望順利生產，身體健康。」
回顧去年嘅難忘事，Jessica就話同安志杰結婚，係一生中難忘，JC話：「沒有預計婚禮是這麼amazing，所有人都在那裏，由懷孕、結婚到第二個BB，一件事比一件事好，時間過得很快，Andy努力工作，而我亦會將優先放在小朋友身上。」
懷孕近3個月嘅Ana就話今胎嚟得意外又驚喜，佢話：「今次真是很大的驚喜，我跟Jessica一同懷孕，其實我們都沒有家人在香港，我們就像姊妹，有人說好姊妹無論結婚、生小孩都會很接近，上次我的Maya比她的Tessa早4個月，今次她的BB比我的早3星期，對我來說兩個已經比足夠還多了。」
不過JC就話希望生夠3個，而佢哋都話希望家庭同工作取得平衡，繼續成為事業型女性，畀小朋友一個好榜樣。JC同Ana兩個都係愛狗之人，提到有唔少人因為懷孕就藉口棄養寵物，Ana家中有三隻狗女、包括17歲半嘅Gucci、9歲嘅Angel、同4歲狼狗Lily，即將又有新成員，佢話：「其實棄養很不負責任，Maya很愛寵物，我的人生也不能沒有牠們的存在，小孩照顧寵物會學懂責任、照顧與愛。」
(蘋果日報)
無綫小花梁嘉琪與電台節目監製阿金拍拖四年，早前仲被影到雙雙外出購物準備過年，嘉琪更有講過視對方為結婚對象，不過有指嘉琪男友疑「偷食」，有人更搞出人命，而阿金與一位小姐嘅對話曝光，對話中除了曝出密會地點，仲有提到懷孕一事，二人商討處理方法，而有指經手人提議墮胎兼玩失蹤。
梁嘉琪就此事喺社交網上載咗張獨自於樹林中嘅相。
豹嫂胡蓓蔚(Paisley)同老公單立文拍拖11年，結婚10年，兩人整整一起走過21年的歲月，是圈中有名的模範夫妻，這天下午，約了Paisley細談她與豹哥二十年的感情：「我哋嘅相識始於音樂，豹哥係唱片公司老細介紹畀我認識，佢係我第一隻碟嘅監製，嗰時成日借故上佢屋企練歌，當時對佢唔係特別有意思，係練吓練吓開始『有啲嘢』，久而久之，慢慢變得一唔上佢屋企，就好似有啲咩未做咁。」
胡蓓蔚細談與豹哥的相識經過。
Paisley以歌手身份出道，當年只有 24歲，剛入行不久，與同樣熱愛音樂的豹哥趣味相投，Paisley大讚豹哥有才華，雖然未至於心生仰慕，但對他相當欣賞：「我果時幫佢起咗個朵，叫『人肉卡拉ＯＫ』，佢一拎起支結他，咩歌佢都識彈，佢聽一次就識彈，覺得佢好厲害。」Paisley說，加上他說話不多，望落好cool，令她覺得他很有型，不過談到與現在的豹哥，風趣幽默，形象好像有點落差，Paisley笑說：「依家成個親善大使咁係咪？可能因為人會變啦，不過依然成日嫌我嘈同多嘢講。」
豹哥年輕時
Paisley大讚老公非常有才華，聽一次歌就會彈。
兩個人愈走愈近，愈來愈有默契，情愫漸生，終於在1996年年底，其中一方主動走前一小步，才能促成一段良緣：「無話邊個追邊個，兩個人互相對對方有意思，你會感覺到嗰種空氣中嘅特殊電波，只係欠一個人開口問，我算係叫做主動行第一步，問佢要唔要開始呢段關係，其實大家都對對方有感覺先會Take action，我唔會向一個對我無意思嘅人表白。」之後兩人一起拍了11年拖，本來是「不婚主義者」的Paisley，卻因為朋友的一句說話而決定與豹哥結婚。
與豹哥單立文經常出席活動
(hk01)
現年71歲的荷里活動作巨星史泰龍（Sylvester Stallone）的死訊昨日在社交網瘋傳，網友分享假新聞指史泰龍因不敵前列腺癌而病逝，並上載疑似之前史泰龍拍戲時「甩毛」的老妝照片，「報道」更指他秘密抗癌但最終仍被擊敗。消息傳出後立即惹來網友紛紛討論，有些網友更誤以為真。
無良網民上載史泰龍在電影中的老妝照傳佢不敵癌魔。
情人節期間，史泰龍在社交網上載健身照。
而史泰龍即透過社交網Instagram（ig）留言急澄清：「請大家唔好理呢啲愚蠢嘢…活得好及快樂健康…仍然在揮拳！」而今早史泰龍就在ig上載拍攝兩女兒在屋外風暴底下嬉戲的片段並有自拍，他留言自嘲：「死過翻生感覺實在好好！！！」
除了史泰龍澄清之外，他的歌手胞弟法蘭史泰龍（Frank Stallone）亦有在社交網留言澄清兄長「死訊」：「有關我哥哥離世的傳聞是假的。有咩病態腦殘嘅思想會諗出咁嘅嘢然後網上公布？呢啲咁嘅人係精神錯亂，根本唔值得喺社會佔一席位。」
史泰龍留言叫人唔好信死訊傳聞。
細佬（左）批評傳阿哥死訊嘅網民殘忍。
(東方日報)
無綫藝人陳豪愛飲咖啡，近年將興趣變成生意，除了開烘焙工場，還在尖沙咀開咖啡店。談到狗年願望，他希望咖啡生意大展鴻圖，演藝事業上有更多不同發展：「今年想貪心啲，演藝事業有更多唔同發展，更上一層樓。咖啡生意亦希望有更大發展，屋企人開心，小朋友快高長大，聽聽話話。」
陳豪希望演藝事業可以更上一層樓，咖啡生意就有更大發展。
屋企方面，陳豪就想家人開開心心同埋小朋友快高長大加聽聽話話。
陳豪與太太陳茵媺育有三個小朋友，一家五口出動拜年十分熱鬧，他笑說：「新年會幫小朋友打扮得靚靚，着紅色衫，帶佢哋去長輩、朋友屋企拜年。自己屋企會擺桃花、揮春、全盒，會畀利是佢哋，依家自己大個咗都會畀利是長輩。」
一家五口出動拜年一定好熱鬧。
(東方日報)
有「英國奧斯卡」之稱的英國電影學院獎（BAFTA），香港時間今日清晨在倫敦舉行頒獎禮，繼上月的金球獎後，BAFTA亦響應「Time’s Up」反性侵運動，安祖蓮娜祖莉（Angelina Jolie）、瑪歌羅比（Margot Robbie）等獲提名的女星紛紛響應，穿著黑色晚裝現身，令紅地氈呈現一片黑海；但也有人沒遵從，正懷第三胎的劍橋公爵夫人凱特跟丈夫威廉王子到場，凱特挺着巨肚穿著墨綠色晚裝現身，據報王室只會在喪禮上穿著黑色，所以若選穿黑衣支持這活動是違反王室禮節。但網上卻議論紛紛，有網民認爲「當每位女士都穿上黑衣，凱特穿綠色晚裝坐在前排，不會不好意思嗎？」「說實在的，如果她不打算展現對女性的支持，就應該好好待在家。」
不過，這日並非只有凱特沒響應「Time’s Up」黑衣行動，憑《廣告牌殺人事件》在BAFTA封后的法蘭西絲麥杜文（Frances McDormand），亦穿著黑底紅色圖案的禮服到場，但致謝時她承認自己沒守規矩，但她會跟姐妹們團結一起，又説「權力在人民」，成功避過指摘。
腹大便便的凱特
凱特坐在前排
（mingpao / hk01）
跟年輕一代說「李元霸」，或會被當成歷史人物。但如果有睇開電影台翻播又翻播的舊港產片，應該絕不會對這貌似「成龍」的筋肉演員感到陌生，只是總喊不出「李元霸」三個字。
這天，霸哥接受了《蘋果動新聞》訪問，提到跟成龍似樣時苦笑說：「我好尊重呢個人，但係我可唔可以唔想似佢呀？」
現年59歲的霸哥，早在八十年代初，食住當時諧趣功夫片水尾，拍攝了元奎執導的《龍之忍者》紅遍亞洲。《龍之忍者》雲集「聯合國」演員，日本有真田廣之、韓國有黃正利，而霸哥則是由美國回來拍，共通點是全部不懂廣東話，片場一時日文一時韓文，完全雞同鴨講，霸哥笑說：「我哋講嘢係笑到你死，我廣東話就亂講，總之嘴形啱就得！」
說得輕鬆，但當日有幾辛酸只有自知：「佢哋用到我盡呀！你睇番我部戲，每一拳係入位，佢哋真係打我，我返去沖涼係全身瘀晒。」霸哥的付出換到回報，88年有機會跟周潤發合演《老虎出更》，扮演四肢發達頭腦簡單的差佬，他記得發哥在片場不時搞gag：「佢係幾好人，幾好玩。有料啲人，做乜嘢你都會欣賞。」後來霸哥又拍了《老虎出更2》，其中拍攝一個飛電燈柱的危險鏡頭，差點賠了性命，他說：「個個都話『喂唔好做呀』，咁我諗吓，出嚟21呎，落地下三四層樓，我二百磅。我好想做一個動作，一世唔會忘記，我預咗斷兩隻腳。」
很不容易捱出名堂，霸哥卻突然在高峰中離開，甚至完全銷聲匿跡，原因只有一個，就是母親患了怪病：「我離開電影界因為媽媽生病，佢患硬皮膚症，抵抗力係零，佢病嘅時候全身郁唔到。」
霸哥為照料行動不便的母親，全天候24小時都待在她身邊，由刷牙梳頭換衫沖涼抹屁股全部做齊，他說：「我唔係孝順，我係好愛我阿媽！」
如今母親已經離世，霸哥將兩人相處的經歷拍成電影。霸哥還會客串麥浚龍的電影《風林火山》，似是有意回歸影壇，他自信滿滿的說：「我係李元霸，我返嚟啦！」
(蘋果日報)
