正佗B嘅藝人宋熙年（Sarah）日前孖住老公陳智燊（Jason），齊齊出席活動宣布一索得男，之後Jason喺社交網大晒攬住老婆嘅溫馨合照，再次報喜：「it’s a BOY」。而Sarah亦有附和老公，佢貼出一張着上沙灘裙嘅大肚孕照，並用英文留言分享佗B仔嘅心情，佢提到Jason屋企男仔多，而自己屋企就女仔多，所以認為老公嘅基因好強大，仲話為咗迎接BB，要積極操弗自己。唔少網民都有送上恭喜，亦有人指Sarah已經好弗，大讚佢係「Sexy Mama」。
相中嘅宋熙年手腳仍然纖幼，白色薄裙喺陽光照耀之下，隱約透出裏面嘅黑色under，性感誘惑，網民都留言讚：「Sexy mama」、「陳生影啲相好pro」，而07年獲國際中華小姐冠軍嘅宋熙年，當年上圍只有33吋，依家因為懷孕谷奶關係，上圍開始升cup，宋熙年低頭望海嘅甫士，有網民抵死留言：「告別飛機場，傲視珠峰」。
（on.cc / apple daily）
藝人劉愷威與內地著名花旦楊冪嘅愛女「小糯米」依家差不多4歲，小糯米喺香港讀書香港大，不過老竇同媽咪就長年喺大陸做嘢，冇咩時間陪囡囡，不過佢哋感情依然非常深厚。
最近劉愷威上一個大陸歌唱節目，仲公開一封「給小糯米的信」，一提到阿女仲內心激動眼濕濕想喊添！
劉愷威喺節目上深情獻唱《給寶寶的信》，睇個歌名就知係唱畀個女聽，唱到尾留段，螢幕上仲公開一封給小糯米的信：「To米米 最初是希望帶着你了解這個世界，卻發現是你陪着我重新認識了這個世界，謝謝你。」真係Sweet到爆！
劉愷威續表示自己經常在家唱歌畀小糯米聽，又多次向女兒致謝，雖然每次做嘢都不舍離家，但係為咗更好地照顧女兒都冇辦法，又感謝囡囡幫助父母成長成更好的生命，講講吓仲幾度欲落淚，場面感人又溫馨。提到當時喺產房睇住個女出世、剪臍帶，劉愷威自爆自己一定要囡囡個初吻，所以小糯米出世後一抹完身，佢就即刻錫錫阿女完心事。
(on.cc)
今日係名模周汶錡（Kathy）嘅44歲生日，噚晚已有慶祝活動，約埋一班好朋友，包括丁子高、前男模侯維德（Walter）、妹妹周麗淇等開派對，當然唔少得Kathy嘅法籍有米老公Julien Lepeu啦。
(ig圖片)
但就唔見一對寶貝仔，相信都因為太夜，小朋友要瞓覺豬喇！
Walter亦都話﹕「Happy Birthday to the most charming, beautiful and crazy mama, my dearest Kathy! Wishing you more happiness, fun and fabulous along the journey! 祝crazy mama 愈夜愈美麗，愈活愈精彩！」
大合照
(ig / apple daily)
雨僑同老公羅力威結婚兩個月都無，突然話咀完想嘔，唔通咁快過咗蜜月期？
藝人雨僑與蔡瀚億於尖沙咀拍攝網劇，二人在劇中是KOL與經理人關係，因為做KOL的雨僑沒有工作，蔡瀚億幫她接咖啡飲品廣告，但遭雨僑拒絕，二人鬧交收場。
現實中同樣是KOL的雨僑，對角色當然駕輕就熟，在劇中與蔡瀚億有感情瓜葛的她，透露有機會與偶像孫耀威拍攝咀戲：「我由細到大都視孫耀威係男神、偶像，能夠親近佢，不知幾開心！但點知拍嗰日好唔舒服，咀完想嘔，浪費咗呢個咁值得回味嘅機會！」原來講緊男神孫耀威！咁都無咁驚~~
(on.cc)
早前被指其圈外女友懷孕四個月，更有傳二人打算在BB出世後拉埋天窗，但男方一直都未有承認。惟昨日突然喺社交網貼出一首名為《歡迎光臨》嘅新歌，並留言：「用寫的可能又要罵人，我還是用唱的好了。」
早前被拍到陪女友產檢
呢一首新歌可以話充滿咗相當濃厚嘅父愛，除咗話BB嘅降臨係一種天意之外，當中寫到「當老婆肚子一天比一天的大，超音波圖，看起來好像小青蛙，到底像我還是像媽媽？最好不要鼻子像我，就慘啦」，跟住仲話「莫名其妙當了爸爸，歡迎光臨地球的家，長大帶你翹課玩耍」，睇嚟台灣歌手張震嶽似乎暗示自己將為人父之餘，更表示相當期待小生命嘅到來。
(on.cc)
55歲武打影星李連杰近年健康情况備受關注，有指他自多年前患上甲狀腺機能亢進症後，不能做劇烈運動，要服用藥物控制，導致面部浮腫，身形發福，心臟也出問題。年前他曾被指面容憔悴現老態，近日網上更瘋傳一張他一頭白髮、行路時駝背要人攙扶的照片，卻如尤如80歲阿伯，網民初時認不出是他，感到心痛又難過。不過對比他數天前在內地出席活動的照片，精神甚佳，又沒有那麼老態，引起網民議論。
李連杰被瘋傳的照片，據稱是他到西藏時被拍到的。李連杰當日被大批粉絲包圍，他不時雙手合十，感謝大家的款待。
之前曾有傳李連杰要坐輪椅，他已立即否認。有現場目擊人士說，李連杰這天雖然看起來有些駝背，但步伐穩健，不過面容的確有些蒼老。他到小學視察時，有小學生叫他「爺爺」，他聽到都哈哈大笑。
日前李連杰在微博轉發他出席內地活動的照片，看他當日精神不錯，臉龐圓潤，沒有瘋傳照片的老態。（網上圖片）
日前李連杰曾在微博轉發他出席內地活動的照片，看他當日精神不錯。還有另一張照片他正接受訪問，談笑風生，臉龐圓潤，沒有瘋傳照片的老態。因此有網民議論是否拍攝角度問題，令李連杰變蒼老。
羅家英昨日看到李連杰被指蒼老的照片，在微博留言送上祝福，羅家英說﹕「祝福李連杰，身體安康，心境寧靜，修得真諦，開心快樂。」
(mingpao)
藝人賈曉晨（JJ）去年為老公樊少皇誕下囡囡「小飯兜」，早前佢喺囡囡半歲時首次曝光愛女嘅正面相，卻引來大批網友攻擊。
呢日JJ喺微博發長文為囡囡發聲護航，兼自爆老公樊少皇多年來受盡輿論壓力，並為佢抱不平。
其實樊少皇一直是非多多，佢喺2012年被踢爆有一名結婚十多年嘅太太陳少霞，並育有一對子女，但為咗JJ而被指拋妻棄女。當時樊少皇喺微博承認有仔女，但強調冇同仔女生母結婚，並同對方早於2011年分手，力洗JJ小三之名。
而戥老公不值嘅JJ亦承認老公當年處事唔成熟，並疑似暗指同陳少霞有關。
(微博圖片)
佢留言：「我承認我的先生剛成年時和大他很多的女友發生的事是很不好！很不成熟！並且處理的也很不好！但他用了二十年的青春、感情和那二十年所賺的一切來賠償了，為此和他老父親也斷絕了十幾年父子關係，二十年來他嚴重抑鬱，想要自殺無數次，況且具體是怎樣的事情你們並不知道！也並沒有你們想像的那樣！」之後，佢亦表示為咗屋企人，會繼續向網友反擊，仲話以後唔會再喺公閞場合放出囡囡嘅相。
(微博 / on.cc)
大家都貼咗合照相上社交網，都稱呼佢係「準人妻」，其中有人就留言：「同準人妻慶祝最後嘅單身生日派對之餘，仲收到多一個好消息，呢個周末真係雙喜臨門！」
自15年與大台前藝人羅鈞滿分手之後，戀情生活就未有再公開，今日佢班新聞部新舊同事包括姚雋彥、李朗怡、陳正犖聚會，原來佢哋幫「新聞之花」張文采補祝返33歲生日，仲hashtag大家係#tvbuddies #將軍澳街坊福利會，更賀佢雙喜臨門。
(網上圖片)
姚雋彥同李朗怡都貼咗合照相上Ig，都稱呼張文采係「準人妻」，其中姚雋彥就留言：「同準人妻慶祝最後嘅單身生日派對之餘，仲收到多一個好消息，呢個周末真係雙喜臨門！」
(網上圖片)
此post一出，等同踢爆張文采告別單身將為人妻，猜測佢婚期將至！
張文采晚上回應傳媒，問到未婚夫是否圈外人？幾時擺酒？有冇打算婚後退出幕前及生小朋友？她以短訊回覆：「我冇嘢回應，多謝關心。」但據知張文采將於今年10月結婚，準老公任消防員，一對新人早前去日本輕井澤追櫻影櫻花婚紗相，浪漫滿瀉。
(網上圖片)
張文采舊愛羅鈞滿則回覆《蘋果》，恭喜舊愛：「多謝提醒，祝願文采新婚快樂！會有一個幸福美滿，甜甜蜜蜜既家庭啊！」
其實，張文采與前大台藝人羅鈞滿拍拖四年，直至15年7月，導火線是男方疑不忠，令張文采決心分手，並於facebook宣告「分」訊，更以「重生」形容分手後心情。
(APPLE DAILY)
英國哈利王子與美國女星梅根拉埋天窗，周六（19日）迎來萬眾期待的大婚日子，典禮定於當地時間中午12時（香港時間晚上7時）在溫莎堡聖喬治教堂舉行，英女王在場見證，新娘挽王儲查理斯手入教堂。料有10萬民眾和國內外傳媒來到溫莎堡外，與一對皇室新人分享喜悅。
最新：
● 哈利全程眼濕濕，又低頭抹眼淚，二人交換戒指及讀誓詞成婚，梅根正式嫁入皇室。
● 查理斯攜梅根入教堂，哈利不斷抹眼淚。
● 梅根全身婚紗曝光。
● 哈利穿軍服現身，但仍然留鬚，兄長威廉兼伴郎陪伴
● 荷里活影星佐治古尼、萬人迷碧咸夫婦、美國名嘴奧普拉、英國黑人男星艾迪斯艾巴等名人先後到步
● 英女王授予哈利王子薩塞克斯公爵爵位，梅根將成為首位薩塞克斯公爵夫人。
● 賓客陸續抵達溫莎堡
據公布的婚禮流程，溫莎堡於周六早上9時開放予1200位來賓進場，9時半起600名特別獲邀的賓客陸續抵達聖喬治教堂。皇室成員於早上11時20分現身，而新郎哈利與擔任伴郎的兄長威廉則於11時45分左右到場，新娘梅根乘專車，與英女王壓軸出場。婚禮於中午12時開始舉行，之後一對新人會踱步接受祝福。據報今次婚禮一擲千金，花費多達3200萬英鎊（約3.4億港元）。
肯辛頓宮周六宣布，哈利王子會被封為薩塞克斯公爵（Duke of Sussex），以及敦巴頓伯爵和基立夫男爵（Earl of Dumbarton and Baron Kilkeel），後者分別是蘇格蘭和北愛爾蘭的頭銜。而梅根婚後會成為首位薩塞克斯公爵夫人，亦是敦巴頓伯爵夫人和基立夫男爵夫人。
婚禮前夕，無論是一對新人、工作人員抑或前來祝賀的民眾都十分興奮，梅根與母親拉格蘭（Doria Ragland）在前一晚入住已包場的克里维登酒店。拉格蘭已先後首度與英女王、菲臘親王及其他高級皇室成員會面，她與梅根看來都心情輕鬆快樂。
溫莎堡內加緊進行綵排，工作人員亦忙於布置，在聖喬治教堂供賓客進場的南門放滿鮮花綠葉。最輕鬆的應該是溫莎堡的小住客，孩子照舊無憂無慮地在草坪上玩樂。除了親臨祝福的民眾，料全球亦有數以千萬計的觀眾，透過電視見證哈利與梅根揭開人生新一頁。
(on.cc東網)
今日喺深水埗出席下月公演嘅舞台劇《我是過來人之南北一家親》發佈會，出身於亞洲電視第一期訓練班嘅區靄玲，現時係無綫合約演員，最近仲有份參演《逆緣》，佢話：「公司畀我自由度好大，好鼓勵我哋多方面發展，雖然我6月要開劇，但已經向公司度期。」
至於久未露面、亞姐出身嘅王薇則表示首次演出舞台劇，面對一班演技派演員，佢坦言感到有壓力：「又要做戲、唱歌，舞台劇又唔可以NG，o依家練緊歌，但記歌詞好難，加上又有唔同嘅方言。」王薇透露喺劇中飾演來自上海嘅表妹，同傅晉杰一對，但亦會介入麥翠嫻同甄志強呢對夫妻之間。而甄志強就話：「今次係我從影以來一個新突破，因為我要扮奇哥。」麥翠嫻笑言要扮寶珠。
(蘋果日報)
