今年45歲嘅吳美珩，曾經拍過《鑑證實錄》、《天地豪情》同《刑事偵緝檔案》系列，當年仲喺無綫當家花旦，佢喺01年同美藉華人富商王華麟結婚，但直至07年佢已婚嘅消息先至曝光，而同年7月佢為老公生咗囡囡Maegan後淡出娛樂圈專心相夫教女，到11年再為老公生咗二仔，一家四口生活幸福美滿。
近年大台啲小生花星走得就走，不得不搵舊人「救亡」，雖然淡出娛圈超過10年，不過吳美珩仲keep得非常好，多年嚟屢傳大台想搵吳美珩復出，不過做咗少奶奶多次嘅佢似乎真係無意回歸幕前，好友宣萱去年都幫好多開腔話對方無意復出幕前。
雖然吳美珩絕跡演藝圈，但就不時見到佢行街濕平。
日前(2月2日)，記者又見到佢單拖喺中環出現。
吳美珩下午3點幾逛中環太子大廈童裝店，佢帶住黑超着長boot喺舖頭揀童裝，有外國店員招呼，見吳美珩專揀冷衫冷帽厚身衣物，估計係買比仔女。
期間吳美珩攞起啲衫拼埋身睇度長度，揀咗成個鐘，買咗5、6件衫，然後再另一間舖頭買咗啲童裝長袖底衫後，攞住兩袋戰利品離開。
(蘋果日報)
近年長駐大陸發展嘅「啫神」徐錦江，佢拍戲重質不重量，反而投放大量時間搞藝術，師承已故嶺南畫派國畫大師關山月嘅佢，早年已轉營當畫家同雕塑家，徐錦江嘅藝術作品有價有市。日前《蘋果》就喺旺角捕獲到佢同老婆殷祝平、囝囝徐菲濕平大出血！
徐錦江幾年前喺安徽蚌埠市龍子湖旁邊籌備藝術園，據知藝術園投資額高達60億人民幣，園中有錦江藝術中心、螞蟻咖啡館及錦江藝術酒店三個項目，徐錦江個人總投資約5千萬人民幣，將於今年中開幕。正當藝術園籌備得如火如荼之際
徐錦江老婆殷祝平(微博圖片)
徐錦江日前一家三口返港探親。
徐錦江日前就同老婆殷祝平偷得浮生半閒，帶埋囝囝徐菲返港探親，返到嚟呢個購物天堂，梗係要去濕平。佢哋呢個三口之家，除咗幸福滿瀉，最特別係全家都剷咗平頭裝。
想當年徐錦江因為拍古裝扮大俠要剃光頭，徐太以行動支持，結果囝囝自細也係光頭仔，至今不變。返到香港，徐錦江一家三口就選擇咗住喺旺角，佢哋趁空檔去咗旺角新世紀廣場行街
一家三口去咗旺角血併。
徐太雖然生得細粒，但有高大老公徐錦江同囝囝傍實，份外突出，18歲嘅囝囝徐菲已身高6呎，媽咪撓住小鮮肉囝囝臂彎，感覺好溫馨。農曆新年將至，好多品牌都大減價，徐錦江佢哋就入咗一間大型連鎖店，一家三口就分頭睇心頭好，最後囝囝大有收穫，又買新外套，又買新波鞋，媽咪就當然負責畀錢埋單啦！
兩父子有商有量。
擁有六尺身高嘅徐菲，成個模特兒。
徐錦江仲幫老婆襯衫。
正當佢哋準備步出舖頭後，即有影迷上前拉住徐錦江夫婦合照留念，跟住佢哋就轉戰下一層去買化妝品，見到徐太對唇膏情有獨鍾，喺貨架前好細心咁揀顏色，徐錦江就好細心咁等候，非常體貼
徐錦江同囝囝感情要好。(微博圖片)
事後《蘋果》致電徐太，佢話：「帶Figo（徐菲）嚟香港玩幾日，佢鍾意港式飲茶，嗰日我哋啱啱飲完茶，就行吓商場。」有指徐菲備受電影公司睇中力邀拍戲，徐太話：「暑假時有畀佢拍過，佢好有興趣，但我哋o依家主要想佢讀好書先。」天氣轉冷，問到徐太可考慮留番長頭髮，佢話：「習慣咗短髮，好方便打理，我哋一家都同一個髮型，佢哋父子都係我嚟剪，我就自己剪，節省咗唔少理髮錢，又用少啲洗頭水，好環保。」
(蘋果日報)
黎小田（Michael）喺嚟緊農曆年初二同初三（17及18日）假紅館舉行《小田金曲50年》演唱會，今日佢同表演嘉賓薛家燕、陳曉東及湯寶如喺新蒲崗綵排。家燕姐唱Michael作俾梅艷芳嘅《心肝寶貝》，Michael喺側邊聽得好入神好冧咁款，家燕姐唱唱吓，Michael仲走埋去鍚咗家燕姐面珠一啖，家燕姐唱完之後，Michael仲好冧咁話：「冧晒！」
黎小田今日搵嚟演唱會嘉賓綵排
家燕姐話對任何人都會唱出感情！「我同小田合作咗幾十年，佢呢個作品演唱會，我一定俾心機練好啲歌詞，我成個心都俾咗佢啦。」講到被Michael錫錫，家燕姐話：「冇人喺度佢錫多幾啖呀。」
家燕姐唱歌時，被黎小田錫咗啖
Michael話好開心有今次演唱會，自己作曲嘅作品有700首，所以揀歌方面都好頭痛，佢話：「有啲歌手都唔喺度，諗邊個唱番啲歌真係有啲困難。」講到新年開演唱會，好多觀眾都會俾利是，Michael話：「我唔知呀，因為我唔會行台，我要彈嘢。」又話自己會俾演出嘉賓好友大利是。Michael話佢好友成龍可能都會出現，但對方冇講實嚟唔嚟。至於陳曉東太太王妤嫻帶埋兩個女朵朵同多多今日都有到場探班，阿東話：「2月10號我喺澳門有場演唱會，自己今日都要排，兩個女都要排練。」
陳曉東太太同兩名囡囡都有嚟
問到佢兩個囡囡係咪都會上台演出？阿東話:「試吓啦。」咁兩位陳小姐會唔會唱爸爸啲歌？阿東話：「唱兒歌好啲，近排自己綵排都比較密集，聽日都要繼續練舞。」阿東話會喺Michael演唱會唱張國榮嘅《儂本多情》、《我願意》及同湯寶如合唱，而農曆年會同太太及囡囡喺香港過，諗住同佢哋去搭吓巴士同去海洋公園，又計劃帶囡囡去台灣探婆婆。阿東話兩個女都好鍾意香港，問會唔會同囡囡喺香港長住？阿東話：「咁我要搞好多嘢㗎喎，總之暫時喺內地住，紿終小朋友學校喺內地，o依家乜都會以小朋友行先。」
湯寶如
(蘋果日報)
流感疫情嚴重。消息指，港府將宣布，小學及幼稚園明日(8日)起提早放年假。
今年香港累計已有311宗學校爆發流感個案，當中逾九成屬小學及幼稚園，昨日(6日)再有20名師生染病。據了解，政府決定幼稚園及小學最快明日停課，以切斷傳播鏈，但學校需維持開放，方便有需要學生回校。
特首林鄭月娥昨聽取港大及中大專家袁國勇及許樹昌意見，今早再與教育局商討，作出上述決定。
衞生防護中心今早(7日)10時半舉行記者會，由總監黃加慶匯報冬季流感的最新情況。中文大學醫學院呼吸系統科講座教授許樹昌、和港大醫學院微生物學系講座教授袁國勇亦會出席。
(on.cc東網)
現年37歲的藝人鍾欣潼（阿嬌）日前宣布答應有「醫界王陽明」之稱的台灣婦科醫生男友賴弘國求婚。
之後有消息指一直恨生B的阿嬌，早年秘密接受「雪卵」手術，隨時Ready生B！
阿嬌透過經理人霍汶希（Mani）大方承認，Mani更說：「雖然呢個唔係不可告人嘅秘密，但亦都唔想咁公開講。阿嬌係一個好鍾意小朋友嘅人，做呢個手術嗰陣佢當時係單身，仲未搵到Mr. Right，雪卵都係希望有個保障先去做。」
據悉，阿嬌是在兩年前進行「雪卵」手術，因為阿嬌覺得當時的身體狀況處於最健康及是最適當的時間，不過她要先依計劃打賀爾蒙針，導致當時身形突然暴脹，而阿嬌為掩飾「雪卵」大計，當時以賀爾蒙失調為由瞞天過海。
(on.cc東網)
電影《西遊記女兒國》舉行慈善首映禮，「四師徒」郭富城（城城）、馮紹峰、羅仲謙及小瀋陽聯同導演鄭保瑞、女主角趙麗穎等一眾演員齊齊出席。
一齊預祝
郭富城被問到今次拍戲被吊上十五樓是否很辛苦，他表示早就講過拍西遊記是他入行以來最辛苦的一部電影
本來打算拍畢《西遊記之三打白骨精》後不再接拍，但老闆表示其他演員都會演出，只欠他一人，而且前集獲不少粉絲支持，故今次決定再拍，更透露今次角色較有喜感，動作場面亦更多，他又大讚羅仲謙的普通話進步神速，羅仲謙亦即場晒普通話。
提到馮紹峰因拍攝此戲與趙麗穎傳緋聞，馮紹峰被問與對方的緋聞是真的嗎？
（資料圖片）
着埋情侶裝。（資料圖片）
趙麗穎同馮紹峰被斷正度春宵。
城城搶答謂：「當然是真的！緋聞寫的時候都是真的，但是不是真的你就要自己問他。」此時馮紹峰則面露尷尬，耍手擰頭表示不回答，而小瀋陽則為他解圍，表示戲入面女兒國國王與唐僧的感情是真的。
(東方日報)
歌手吳若希（Jinny）為澳門闊少男友Alex（何兆鴻）於去年4月誕下愛女淼淼後，同年10月10日註冊結婚成何太，早前花40萬到巴黎10日影婚紗相。
穿上白色喱士婚紗的她冧笑樣如額頭鑿住「幸福」兩字，兩人除在巴黎鐵塔下擁吻及做出心心甫士外，穿上便裝時也攬到實一實，好鬼癡纏。
首次踏足巴黎的Jinny接受東網訪問，分享拍婚照的甜蜜事，她指只影了一套婚紗：「其實我之前做event都着咗好次婚紗，今次正式做人妻影婚紗相時，唔使着咁多套，只要靚靚就得㗎啦。」
影其他相時，Alex見她凍，就以體溫送暖，她說：「嗰度天氣都好凍，老公就全程攬住我，用佢件大褸包住我囉。」
除拍照外，兩人狂食和購物，問可有劏到老公「一頸血」？她晒命：「佢自願，任我劏㗎，佢成日叫我去Shopping，我睇中啲手袋，但怕行另一間有更抵嘅，就唔買住，點知佢偷偷買咗啲我試咗好耐又冇買嘅袋畀我，我都多謝佢嘅。」
今年是Jinny首年以人妻身份派利是，問她是否已準備豪派大利是，她說囡囡淼淼亦是第一年𢭃利是，更突變「精明何師奶」說已準備了利是攻略，她稱：「我已經有策略同朋友講晒，就係我派雙封，而囡囡收番單封，但利是錢係同等，咁就唔會蝕。」
今年將正式回歸香港樂壇的她將搬回香港，她又說：「本來同老公『暫時分居』，但佢唔捨得我，我又唔捨得佢，所以佢會跟埋我返香港住，或者我會喺香港買個大啲嘅單位。」而囡囡就港澳兩邊走，更指她媽媽最開心可常見外孫女，又謂：「我問阿媽我得意啲，定囡囡得意啲，阿媽次次都話囡囡最得意，好可愛，依家冇人阻擋到阿媽覺得阿女真係好得意。」
另外，Jinny近日曾向朋友呻食欲不振，情緒低落，令人擔心她情緒病復發，但Jinny說：「我冇事，只係氣管敏感，嗰排覺得辛苦啲啫，但依家我唔想食，都會照食嘢。」
(on.cc東網)
昨晚深夜台灣花蓮發生六級淺層地震，身在當地的伊能靜也有感，今早上發文透露地震持續好久「家裡所有的燈都在晃」，伊能靜趕緊抱起女兒「小米粒」，而在震動的30秒之間，伊能靜和褓母打開大門、拿墊子保護愛女，也讓她直呼：「三十秒，我們卻感覺做了很多事」。
昨深夜地震，全台幾乎都感受到搖晃，伊能靜早上近7點則發文透露，自己還沒睡「今晚的地震，感覺持續了好久」，甚至家裡的燈都在晃，而地震晃動的30秒之間，伊能靜趕緊抱熟睡的小米粒「再和褓母一起打開大門跑到走廊靠在三角處。」
（中時）
無綫劇集《平安谷》已進入結局篇，最後的高潮是有新人物登場，鬧得平安谷雞犬不寧。這壓軸角色是徐榮飾演的大軍閥龐大虎，他預告這是大反派，衰到貼地，村裡最惡的村長(劉江)在他手上也生不如死，一班女仔更慘，受到他的凌辱。他的角色跟韋家雄、朱晨麗與鄭子誠有淵源，他的出現是要滅村。
一向是好爸爸、好老公形象的徐榮接受大挑戰，《平安谷》監製陳耀全卻睇中徐榮的惡樣讓他發揮。原來陳耀全對徐榮的要求不是一般的惡，要他發惡的程度加大三倍，最後大家將會看到一個喪心病狂的軍閥。徐榮說演這個角色令他好攰，要很用力與眼神，衰到自己也討厭自己但又感受成功感。為演好這角色，徐榮參考《The Walking Dead》裡經常揸住碌棍扑人的Negan，並以個人方法演繹，他期待觀眾的反應。
徐榮的盡心演出有一位忠實粉絲最難討好，究竟是誰?他在TVB近20年，一直在發掘寶藏，他也樂於跟大家分享寶藏在那裡。
（明報）
日本國立橫濱大學研究團隊，在科學期刊《生物材料》（Biomaterials）上發表論文，該論文研究指出，速食店薯條的炸油中，含有幫助治療禿頭的化學物質。
日本研究發現，速食店薯條的炸油中，含有幫助治療禿頭的化學物質。（法新社）《商業內幕》（Business Insider）報導，日本橫濱國立大學的研究團隊發現，速食店炸薯條油中的「聚二甲基矽氧烷」（dimethylpolysiloxane）成份，能用於大量生產毛囊胚胎，這些毛囊胚胎移植於實驗鼠身上後，可成功長出毛髮。「聚二甲基矽氧烷」（dimethylpolysiloxane），則可在添加在炸薯條油中的矽氧樹脂（Silicone）內發現。
研究團隊表示，毛囊胚胎大量生產的關鍵，在於培養皿基質材料，「我們在培養皿中使用了聚二甲基矽氧烷，效果非常好」。研究團隊用「聚二甲基矽氧烷」培養出5000個毛囊胚胎，再將囊胚胎移植到禿毛實驗鼠的頭部和背部皮膚。實驗證明，這些實驗鼠受移植後，原本禿毛的身體開始長出黑色毛髮。
論文撰寫人之一，橫濱大學教授福田淳二（Junji Fukuda）表示，這項研究在治療脫髮上「很有前途，我們希望這項技術改進治療雄性禿的療法」。但《商業內幕》報導，儘管「聚二甲基矽氧烷」有助於毛法生長實驗，但這種化學物質本身不會促使頭髮生長，因此多食用速食店的炸薯條，無法治療禿頭。
(自由時報)
