夏季紫外線強，要預防寶寶曬傷，蔡妍筠醫生建議6個月以下嬰兒可採用遮蔽式防曬法，「可穿長袖或幫寶寶蓋一層毯子，只要光線無法透過去，就算是成功隔絕紫外線。」
美國醫學會建議6個月以上的寶寶可塗抹防曬產品，市售防曬乳可分為化學性防曬與物理性防曬，前者清爽不油膩，缺點是較刺激、恐引發過敏，後者含二氧化鈦（Titanium dioxide）、氧化鋅（Zinc oxide）等物質，雖較油膩，但成分相對溫和。
爸媽在幫寶寶挑選防曬乳時，應優先選擇物理性防曬產品，此外要避免含防腐劑、香料與奈米成分，因奈米分子小，容易穿透皮膚，遭人體吸收，建議使用前可先塗抹在孩子手臂做過敏測試，若有紅腫癢等反應，則不建議使用。
以從事戶外活動來說，平均2個小時要補擦1次，回家後只要在洗澡時用沐浴乳、肥皂等清潔用品洗掉即可，不需特別卸除，若發現寶寶皮膚出現乾燥情形，可塗抹適量乳液滋潤。
（嬰兒母親）
藝人陳法拉喺2014年毅然決定去美國紐約茱莉亞學院修讀戲劇碩士課程，眨吓眼4年又過去，法拉BB正式畢業喇！
法拉在最後一個學期以全科A成績獲頒MFA (Master of Fine Arts) 戲劇表演碩士，成為首位獲得該校戲劇表演碩士嘅華人學生。呢日，法拉喺IG晒出畢業禮嘅靚相，相中見佢着上黑色畢業袍、戴上四方帽笑容燦爛，而佢除咗上台領取證書外，當然唔少得與一班同學仔影大合照，真係恭喜晒！
陳法拉仲留言：「我唔知道4年會過得咁快，但喺呢度，我同#group47同學正式從＠juilliardschool畢業喇！呢點靠我一個人力量絕對做唔到。感謝鼓勵我嘅家人和朋友，仲有教我知識與激發我靈感嘅老師們，你哋使我日後成為一名更好嘅藝術家，當然唔少得多謝一直支持我嘅中國與香港團隊、客戶們。最後感謝一直關注我動態嘅粉絲們，喺生命中能遇上你哋所有人，我真係一個非常幸運！ #畢業 #感恩 #juilliard2018 #dramaschool #actorslife #mfa」
(on.cc東網)
如果你係八十後，recall番啲童年回憶返嚟先……細個睇無綫劇，會唔會覺得奸仔吳啟華個樣變化好大？有冇懷疑過係兩個唔同嘅人？
冇錯，真係兩個人。《流氓大亨》嗰個PK係吳啟華，《大時代》俾人掟落街嗰個丁旺蟹係吳啟明。吳啟明係吳啟華親生大佬。兩兄弟從來不曾於無綫合作，因為吳啟明係喺吳啟華離開大台之後，先至考TVB藝訓班。兩兄弟明明戴上金絲眼鏡活脫脫就係一個斯文人，但無綫總係安排佢哋兩兄弟演敗類。吳啟明87年加入無綫，都拍過唔少劇，包括《鐳射青春》、《鬥氣一族》、《奇幻人間世》、《邊城浪子》、《絕代雙驕》、《義不容情》、《大時代》同《恨鎖金瓶》（單立文飾演西門慶！） 95年吳啟明拍完電影《狼吻夜驚魂》後，就離開娛樂圈，吳啟華亦回歸大台，例如拍《壹號皇庭V》、《900重案追兇》、《妙手仁心》等等，都算係另類「無縫交接」。
星途不算順利嘅吳啟明，呢廿幾年嚟都陸續有啲花邊新聞傳出，有次甚至上埋港聞——有傳吳啟明轉行做投資顧問，甚至傳佢曾炒燶股票欠債過千萬，之後由人生低谷之後又上番去高峰。三年前大台重播《大時代》，四隻蟹仔陶大宇、邵仲衡、郭政鴻聚舊三缺一，獨欠吳啟明，當時大宇都話同啟明20年冇見。
消失咗23年嘅吳啟明，日前現身中環被《蘋果》獨家捕獲，現年54歲嘅吳啟明樣子滄桑咗、身型比後生時發脹咗少少，官仔骨骨嘅形象冇晒，變得成熟穩重。當晚大約7點幾，吳啟明單拖現身中環九如坊，一個人喺公園食雪茄，之後入番餐廳同朋友食飯，紅酒白酒連環飲，食完飯後約一粒鐘後，吳啟明又出門外食雪茄。其後記者上前採訪，初時吳啟明唔太願意做訪問，其後亦大方傾幾句。
問及近況，吳啟明話：「我咪搞間細細間餐廳玩下啫嘛。」有冇諗住再拍番戲？問到之前《大時代》蟹仔飯局冇出嚟，吳啟明坦言：「基本上離開咗呢行，我唔想再高調出番嚟。」冇諗住再拍番戲？佢搖頭：「做啲小生意得啦。」
問到開咗幾多間餐廳？吳啟明表示：「一間喺河南，一間喺湖南，第三間喺北京，係旗艦店好大間，跟住仲會喺上海。」香港暫時就得中環呢間總店，吳啟明坦言：「因為我係借香港嘅牌子去大陸，俾人知道我哋香港嘅製作係非常之嚴謹，並唔會用嗰啲地溝油呀、唔知乜嘢嚟，所以我係借中環總店開上大陸，係香港中環有先，跟住將呢個名帶上大陸。」
諗住開幾多間分店？吳啟明話：「呢個係希望，未必做到，我諗住開十間，喺大陸開完之後，可能喺九龍開一間，我對食好有要求，我嘅理念係將好食嘅嘢畀所有人食到，咁香港嘅人食到，我都想九龍嘅人食到，我想share好食嘅嘢畀大家。」
(蘋果日報)
陸詩韻接受訪問時大方承認：「係呀！不過應承佢做姊妹時，根本唔知佢丈夫係邊個，世事就係咁巧合，我同佢十幾年前已認識，但唔係話好熟，之後拍劇重遇番，有時大家共同朋友聚會都會見到，佢當日叫我做姊妹，我一口就話：『好呀』！根本冇問過佢丈夫係邊個。。。」
現年31歲的2006年落選港姐李美慧與富商曾文豪將於6月3日在淺水灣設婚宴，二人拍拖半年即「閃婚」，更耗資近百萬在不丹及喜瑪拉雅山影婚紗相，之後會在男方最新於法國購買的美麗花園開派對，屆時會請香港的親友到場分享喜悅。
陸詩韻做姊妹團
現時美慧期待着自己的婚禮，問到姊妹團方面時，她表示會找陸詩韻及一些以前的圈內朋友擔任，說到陸詩韻之前曾與曾文豪的弟弟曾文能拍拖，她笑說：「哎呀！我哋之前真係唔知，一叫佢就應承，大家都冇講過，不過依家大家都知，佢應承咗都要做啦！（怕唔怕佢哋尷尬？）咁大個人唔會啦！」
唔怕尷尬
而陸詩韻接受訪問時大方承認：「係呀！不過應承佢做姊妹時，根本唔知佢丈夫係邊個，世事就係咁巧合，我同美慧十幾年前已認識，但唔係話好熟，之後拍劇重遇番，有時大家共同朋友聚會都會見到，佢當日叫我做姊妹，我一口就話：『好呀』！根本冇問過佢丈夫係邊個。（會唔會驚到時見到曾文能尷尬？）又唔會，我哋大家都係朋友，有時喺啲聚會都會見到，見到佢家人都唔會尷尬囉！」
難掩興奮
提到法國的結婚派對時，美慧難掩心中興奮：「嗰個園地係佢（曾文豪）最新買嘅，到時我哋會安排親友飛過法國，然後坐直升機到達園地，佢都識揸直升機，到時會親自揸過去，我都係第一次坐，依家派對場地搵人布置緊。」
(on.cc東網)
無綫處境劇《愛．回家》系列深受觀眾喜愛，劇集更開拍完一輯又一輯，唔少劇迷都好掛住第一輯嘅一班演員，呢日佢哋終於重聚啦！
呢日一眾演員，包括陳芷尤、莊思明、湯洛雯、岑杏賢、李霖恩、姚瑩瑩同張達倫相約見面，張達倫仲帶埋老婆同囝囝張凱碩（勁秋雞）嚟添。
陳芷尤喺社交網上載大合照，留言話自己啱啱由外地返嚟香港冇耐，第一時間就見呢班「愛回家之友」。
佢仲甫出多張抱住「勁秋雞」嘅相，並大讚BB好可愛。
(on.cc東網)
藝人葉翠翠呢日於上午時分喺社交網站上載一張隻手有牙印嘅相，自爆畀囝囝「小王子」周津羲咬成咁，雖然冇流血不過睇見都覺得痛，翠翠留言：「又咬人……我不是故意給他咬的！是小王子玩玩下突然咬人……真係好痛㗎……」雖然係咁，但翠翠話冇辦法，仲話囝囝只係咬佢冇咬老公添，蝦佢咁話！
但翠翠冇嬲，夜晚又再發文話滿咗一歲無耐嘅囝囝，喺自己細心照顧下，發育得好好，之前畀囝囝咬嘅痛都唔記得晒：「呢個小朋友咁樣坐㗎……昨天小王子去了身體檢查，醫生說他的身高和磅數都是兩歲的尺寸。在小王子幾個月大的時候，好多人話小王子好肥，要減肥，但醫生說是正常範圍之內。新手媽媽不要聽太多旁人的說話，健康正常飲食，小朋友慢慢長大便會瘦下……」
成日分享護膚心得嘅翠翠幾時分享吓育兒心得呀？
(on.cc東網)
雪糕竟然有毒？有生物科技公司利用魚胚胎對雪糕作毒物測試，指29個雪糕樣本中，有約35%樣本表現不及格，或含有毒化學成分。測試機構表示，雪糕中若含多種添加劑、色素及防腐劑等化學成份，容易互相影響，產生混合毒性，尤其是脆皮及石板街雪糕等，建議市民選擇雪糕前應注意成分，選擇簡單口味的雪糕，如雲呢拿口味的雪糕會較為安全。
於今年5月從香港各大超級市場及便利店選購9個雪糕品牌，共29款雪糕樣本，利用魚胚胎進行毒性檢測。
測試結果顯示，29個雪糕樣本中，有12個屬「綠魚」級別，即表現理想；7個屬「黃魚」，品質基本合格；餘下10個即約35%樣本是「紅魚」，即測試表現不及格，品質有待改善。但該公司並沒有公布「黃魚」及「紅魚」名單，而所含的有毒物質及具體對人體的影響亦未有進一步解釋。
首席執行官杜偉樑強調，該毒性測試並非要檢測出單一有毒物質，而是靠生物科技檢測雪糕中多種成份互相影響，從而產生的混合毒性，至於「黃魚」及「紅魚」名單，現階段不適宜公布，但已向相關品牌聯絡跟進情況。
營養師李杏榆提醒市民應注意進食雪糕的安全，避免進食含多類添加劑的雪糕，如脆皮雪糕、石板街雪糕等。
合格List如下：
(東方日報)
湯怡噚晚中環出席電影《某日某月》嘅特別場， 導演劉偉恒搵咗一班90年代歌手出席，包括黃翊、何婉盈、黃寶欣、黎明詩、文佩玲、黃和興(前樂隊ZEN成員)、洪楗華、袁志偉、鄭梓浩等。
今年係湯怡同洪卓立拍拖十周年，今年30歲嘅湯怡話唔心急結婚：「覺得o依家先係我黃金時間，唔到35歲都唔會諗結婚，愛情唔係第一位，事業家庭行先。」
洪卓立聽到咪好傷心，湯怡就話：「唔會，我哋有共識，大家做嘢先，我反而好懷念90年代愛情，當其時冇WhatsApp、冇視像，只係靠電話維繫 ，反而o依家見到電話響有一種恐懼感。」
(蘋果日報)
陳智燊(Jason)同懷孕5個幾月嘅太太宋熙年今日喺九龍塘出席新車發佈會，Jason就嚟升呢為人父，心情既期望又興奮，表示呢幾個月係我人生中揸車最多嘅時間，因為要接送太太，而大會就向呢對準父母送上一架BB車，合照嗰陣，Jason輕搭太太嘅肚。
着上吊帶裙嘅宋熙年明顯見肚，問重咗幾多磅？宋熙年話：「醫生話唔算重好多，但係比以前肥咗，係幸福肥。」Jason即刻話：「幸福肥，有小朋友好正常，最重要係健康同開心，之前真係好緊張，但係過咗3個月，所有嘢都穩定。」
至於BB嘅性別，Jason甜笑咁話：「我爸爸呢邊想我哋生女，因為我係4兄弟，而佢嗰邊就全女班，而佢陀嘅係仔，爺爺嫲嫲好想我哋之後生孫女，下一個會偏向生女。」宋熙年透露生B之前會去澳洲探父母。雖然宋熙年陀B胃口冇乜改變，不過Jason話當初經常提住太太唔好飲凍嘢，俾人覺得佢霸道，Jason笑指：「因為我緊張佢、關心佢。」
熙年都認為佢緊張：「佢話有啲大肚婆會抽筋，所以佢唔俾我揸車，O依家佢就做我司機，叫佢陳記。」問Jason到時會唔會入產房陪太太？佢猶豫咗一陣，問佢係咪怕血？然後Jason先話：「係因為我未諗，就算驚，都要入去撐老婆。」
(蘋果日報)
生咗喇！《東張西望》主持人梁麗翹（Nicole）喺社交網甫出手抱囡囡嘅合照，並用英文留言話歡迎B女嚟到呢個家庭，仲公布佢嘅英文名叫Nanette添！
相中見Nicole望住囡囡甜笑，一面幸福，果然係「有女萬事足」！
而Nicole嘅好友謝文欣（Ally）都有第一時間去探佢哋，佢晒出同兩母女嘅合照，相中仲清楚見到Nanette嘅正面樣，真係非常可愛！Ally除咗留言恭喜Nicole，仲應承遲啲會帶Nanette去主題樂園玩添！
(on.cc東網)
