黃子華與佘詩曼主演的新片《棟篤特工》票房報捷，優先場港澳票房收逾270萬，而首日正式上映，票房亦超過250萬，子華與阿佘聯同演員張建聲、陳嘉莉及C君等齊齊到旺角一間戲院謝票，子華更與阿佘預先入場與觀眾齊齊睇戲，令在場觀眾十分驚喜！子華更笑問觀眾是否付款入場睇戲時，有觀眾大叫「回水」，相當搞笑！
子華與阿佘表示都是與家人吃飯後到場，談到觀眾的反應，子華說：「開心，有上網留意反應（對票房滿意？）冇得唔滿意啦，做電影我係新仔，有咁嘅成績好好，呢個只係起步，希望有下一步！」
談到子華多年來背負「票房毒藥」的稱號，今次票房成績理想，是否一洗雪恥？子華笑謂最開心是觀眾知道電影是笑片但不胡鬧，是一部認真的電影，至於是否因為阿佘旺？他說：「 呢啲嘢唔使講啦！（下集預埋阿佘？）係阿佘要預埋我呀！」佘詩曼則謂與對方合作是榮幸！
(ON.CC)
利申，以下呢單嘢，唔係網民搞事0架……而係無綫……
前日呢，劉嘉玲鄭裕玲喺節目中，重提32年前嘅拍《流氓大亨》有人遲到單嘢，今日大年初一，無綫嘅一個fb page，又loop舊聞，呢單「新啲」，係1994年。當年一臉稚氣、只得29歲嘅郭富城，接受祝文君嘅訪問，內容如下：祝文君：今年會唔會派利是？
城城（震驚）：吓？我未結婚喎！
祝文君：嘻！唔使一定結婚0架嘛！
城城：傳統嘅思想就係話呢，係結咗婚先至派利是嘅！（甩一甩頭）我希望有一日，到將來我結咗婚嘅時候我先至派利是吖！
城城：（望向鏡頭）個個都有份！我講過嘅，全港嘅市民，都會收到我嘅利是（舉起手指，語氣肯定）不過可能係好多年之後…由1994年等到依家，等到喇！
咁城城幾時找數、全香港市民一人一封利是？講起城城嘅承諾，仲有一單更經典，但已經講過幾百次，就係……1991年，城城喺台灣度過佢26歲生日，喺歌迷面前立願：「30歲前不會失身！」相當之霸氣。好多年之後，城城為當年誓言解畫，佢話佢嘅意思係：「三十而立之前，要潔身自愛，照顧形象，唔會亂搞男女關係。」城城當年呢個「不失身論」真係好爆，更掀起一段「圈中處男大搜查」風暴，仲辣埋古巨基嗰疊。又係199幾年，一次古巨基出席電台活動，應大會要求即場填寫一份相當詳盡嘅個人資料問卷，裡面竟然問及其性伴侶、性經驗、避孕方法同對一夜情嘅睇法，令基仔「紅都面晒」尷尬話會「照實填」。當時記者問基仔喺有冇性經驗一欄中填咗乜嘢？24歲嘅基仔直言：「咪填冇囉！」……之後基仔又話不贊成一夜情：「一晚之後，對方都唔知去咗邊，我會覺得自己好似好蝕底咁。我唔止要『One Night Stand』（一夜情），我係要『Night Night Stand』（晚晚嚟？）呀！」吓……
(蘋果日報)
上山詩鈉的囡囡Hilary Fan樣子生得標緻，同賭王千金何超蓮齊齊被稱為「最索星二代」，雖然大家都有數不盡的名牌袋用，但原來兩人的品味都差不多。
上山詩鈉的囡囡Hilary 最近比較少在Instagram post相。
近日難得更新ig，哂黑色的Gucci Sylvie手袋。
另一個星二代何超蓮都用同款手袋。
Gucci Mini Sylvie bag $19,500
身為上山詩鈉的囡囡，Hilary大把名牌袋用。
Hilary最近比較少在Instagram post相，近日難得更新ig，手拎住黑色的Gucci Sylvie手袋，更寫上「 I love my #sylvie」，看來特別鍾情於個袋；而早前超蓮post相，亦同樣有一個紅色的同款手袋，一人有一個。這個Sylvie bag可算是近年的It bag之一，既優雅又有型，仲非常百搭，難怪深受星二代及女明星們的追捧。
貼潮的她之前就用過Prada的Cahier袋。
(蘋果日報)
台灣歌手羅志祥（小豬）不時喜歡扮女人搞吓笑，每次以朱碧石示人都創意十足，令人發笑。近日羅志祥喺社交網上載扮「妹仔」造型嘅相片，見到佢化晒裝、紅粉緋緋咁，皮膚又白裏透紅，仲着住碎花衫配上一個空氣瀏海、紮起孖辮嘅髮型，兼做出多個賣萌嘅動作，扮相真係維肖為妙，又成功吸引到網民嘅注意喇。
(on.cc)
農曆新年，香港人傳統習俗都會「𢭃利是」，象徵住「好意頭」。藝人莊思敏更有自己一套增加財運的方法：「我𢭃完啲利是之後，會放喺嗰一年嘅財位，放到下個年三十晚。我試咗呢個方法5，6年，效果仲唔錯添。」
至於新年放假，莊思敏更說爸爸媽媽專程由馬來西亞到港與自己一起過年。莊思敏指現在過年反而會派利是與父母：「因為而家自己有收入，所以都會調返轉派利是俾爸爸媽媽。雖然封利是佢哋都唔知可以用嚟做乜，不過最緊要都係心意啦。呢個新年佢哋只會留一個星期左右，都會想花多啲時間陪佢哋。自己朋友可能會喺11點後先見，日頭同晚飯時間都會同屋企人一齊食。瞓醒就一齊行下街，或者搵啲uncle拜下年咁。」
講起拜年，一眾未婚女性最怕遇到的莫過於是姨媽姑姐「嚴刑迫供」。不過，莊思敏就表示她本人並沒有這個煩惱：「啲親戚朋友都知咩事，都唔好意思再問。不過感情事其實係好被動，我好難應承話今年一定嫁得出，都要我搵到個人先得㗎。」
(HK01)
擔心過年發福，營養學專家傳授「加減乘除」飲食法，包括多吃雞蛋、豆漿等優質蛋白質，每餐只吃7分飽，避免甜食、糖飲和油膩食物，並且每天走路30分鐘，可避免年後身材走樣。
台灣食品科學技術學會常務理事王進崑今天在記者會中表示，加減乘除飲食法中的「加」代表加對東西，而優質的蛋白質就是這時應注意補充的，很多人認為過年的大魚大肉就是優質蛋白質，但其實也會一併攝取過多油脂和膽固醇，對健康不利。
實際上，所謂優質蛋白質指的是乳蛋白質與大豆蛋白質，例如雞蛋、豆腐、豆漿等，三餐都應平均吃20至25公克。
「減」的意思是減少熱量攝取，王進崑說，過年期間最好每一餐都吃7分飽，少碰甜食或含糖飲料，避免暴飲暴食；
「乘」指的是和成群好友一起運動，他建議一定要出去走春，每天至少走路30分鐘；
至於「除」則代表去除油膩的飲食習慣，例如含油量多的肉類、油炸食物少吃，避免把油滋滋的食物通下肚。
現代人工作壓力大，吃飯經常隨便吞兩口就了事，台大醫院營養室主任鄭金寶表示，這樣不僅容易消化不良，沒有經過仔細咀嚼，讓食物和唾液充分混合，身體對於食物營養的吸收率也可能直接砍半。
鄭金寶建議，一餐至少要吃30分鐘，切記細嚼慢嚥，尤其是玉米、燕麥這類比較難消化的食物，務必嚼碎後再吞下肚，以防食物無法消化，就原封不動再次被排出。
（元氣網）
阿公蘇永康老來得子，在IG不時PO出愛兒Jazz最新動態！
今日大年初一，阿公又PO出快一歲的Jazz新片，並留言：「絕對是遺傳！我喜歡的歌曲或歌手Jazz 很少無反應.但反應大到如此唯有久保田利伸.下個月你就滿一歳了,時間能否走得慢一點？祝大家新年快樂,感恩！」
(INSTAGRAM)
因為拍《平安谷》而成為好姊妹、仲組成「少婦聯盟」嘅陳凱琳、龔嘉欣、譚凱琪同沈卓盈，因為喺劇中表現相當好，演技大爆發，唔少網民話，套劇由頭追到尾，喺佢哋身上，完全感受到當時女性嘅慘況！
年卅晚除夕夜，佢哋再度合體，不過今次係開心嘢，一班人齊齊去行花巿！之旦係相入面仲多咗一個「盟友」，佢就係蘇玉華！
(SINA)
許志安患上乙型流感，因為高燒，要喺情人節入院留醫，昨日中午就精神好轉就喺ig貼相，宣佈過年要休息，仲做唔到嘉賓，要缺席黎小田演唱會。
另一邊廂，Sammi鄭秀文當然有去探病啦，Sammi今日中午不停咁更新微博，佢話呢個乙型流感真係幾可怕，全身肌肉、骨痛、發冷、喉嚨痛又咳，Sammi仲透露安仔燒到39.7度，見到重病都嚇咗嚇，仲以為自己睇錯探熱針，要即時安排安仔入院，佢又話好彩醫生早一日處方咗特感福，希望快啲見效。
Sammi依家口罩不離身，連屋企工人姐姐都係長戴口罩，Sammi下午去咗醫院探病，安仔食病人餐肉丸麵，Samm就食薯條同漢堡包。下午先探病，咁上午Sammi做緊咩呢？佢都有喺ig話你知，原來佢今朝七點起身，喺屋企整蘿蔔糕，仲好足料咁有瑤柱、冬菇、蝦米等等，佢真係言出必行，成個下廚過程都有戴住口罩，唔怕受到傳染。
(蘋果日報)
90年攞港姐冠軍、91年拍第一部劇《我愛玫瑰園》做女主角，紅得好快嘅袁詠儀（靚靚）當年只有20歲，年少輕狂目空一切，加上性格又直率，把口永遠快過個腦，緊接嘅後果就係得罪人多，試過嫌劇本唔合理，直接搵監製投訴，再向傳媒投訴，結果被無綫踢入「雪櫃」挫銳氣。
回望過去冇後悔，靚靚接受《蘋果》連載專訪直認：「其實嗰段時間我係好容易得罪人嘅，講嘢可能真係冇思考過，我唔係唔知天高地厚，我覺得有啲嘢真係要講㗎，怕我都要去做，你又唔講，佢又唔講，咁做唔到㗎喇喎，咁我咪去講囉，當然你話我問題喺邊度呢，我就係說話藝術修飾得唔好，我唔識呢樣嘢，我會直接就係：『喂！咁樣得唔得呀？可唔可以呀？』咁你咪就係第一個衝去前面、又冇禮貌、死咪死嗰個囉！」
當年橫衝直撞，係咪成日俾人鬧呢？靚靚坦言：「我直接雪藏啦，乜鬼嘢鬧啫。」咁有冇上公司搵高層解決？靚靚話：「我冇呀，其實TVB雪咗我咁耐，我根本就唔知自己得罪人，但對我嚟講其實都係好運，因為我就係太得閒，突然有個電影導演叫柯受良就話：『喂，可以搵下呢個叫袁詠儀嘅人。』咁我就出咗去拍電影。」
因為柯受良賞識，靚靚加入影圈拍處女電影《亞飛與亞基》，得到金像獎最佳新演員，事業開始一飛沖天，一年拍14部戲，94年憑《新不了情》及95年憑《金枝玉葉》兩奪金像影后。
然而，攀上高山後，卻突然走向低谷，靚靚都覺得莫名其妙：「97、98年，突然間冇戲拍，突然間冇人搵你拍，就算搵你拍都係嗰啲7日呀10日呀，我又冇去了解喎，淨係覺得突然間，你拍開啲大製作㗎嘛，30幾組40組㗎嘛，突然間嚟搵你都係10組，我唔係話嗰啲唔好，只不過唔係自己想拍嘅嘢，咁再跟住慢慢發現，直頭連呢啲10組8組嘅都唔嚟搵你，唔知點解！」
當時靚靚冇好唔開心，只係覺得會唔會係突然間，呢個娛樂圈唔適合自己？靚靚皺眉話：「係咪我有啲乜嘢唔係好啱呢個圈呢？咁我又冇諗退休，我最多都係諗歇一歇啫，橫掂都冇乜嘢做，不如去學下普通話、演戲呀，咁都好呀係咪先，都要知道自己嘅不足，嗰時嘉禾就畀我去上海。」
喺上海留咗幾個月，靚靚返港拍完一兩部戲，之後就接咗台灣電視劇《花木蘭》：「公司（嘉禾）問我想拍乜呀？我梗係想拍女人戲喇，成日都好想拍好似張艾嘉呀蕭芳芳呀張曼玉呀呢啲女人戲，但係唔知點解就冇，你梗係希望唔同階段有唔同作品，想再追另一個叫做進步，咪去咗拍《花木蘭》囉。其實我覺得遇着一部《我愛你》，我都好鍾意嗰個劇本，但可能嗰時氣氛唔係好適當時機，因為佢哋話好灰呀，但其實真係一個好劇本，因為你寄予厚望，但出嚟個成績唔好，對我嚟講都係一個打擊。」
(蘋果日報)
