譚耀文今日著起一身軍裝，現身新蒲崗，同林峯、蔡卓妍及方中信同場，拍攝英皇網劇《PTU機動部隊》，他在劇中飾演高級督察，阿譚今年48歲，多咗幾條魚尾紋，男人味湧晒出嚟，拍住出晒名嘅型佬方中信，都沒有被比下去。
阿譚拍住出晒名嘅型佬方中信，都沒有被比下去。(梁碧玲攝)
阿譚話去年係豐收的一年，做完《風雲5D音樂劇》之後非常忙碌，電影一部接一部，他說每個月都有新戲開，成日中港兩邊走，究竟在內地工作同香港拍戲有咩唔同，阿譚就話：「喺香港方便好多，放工可以返屋企，有太太照顧，有湯水同住家飯食，病咗又可以搵睇開嘅家庭醫生。喺內地拍劇病咗無醫生睇係經常發生嘅事。」咁點算呀？「劇組啲同事好好，我每次病咗，就會有好多人關心我，俾藥我食，先可以頂住先。」
患難見真情，套用喺黃百鳴身上最合適不過。
黃太97年證實患上癌症，但絕處中見到曙光，黃太由懷疑丈夫到完任信任，黃百鳴話：「嫁畀你嗰陣做洋行，突然之間去做電影喎。跟住係顛倒日夜喎，完全冇安全感，咁梗係嘈。」
黃百鳴直言太太一場病扭轉夫婦關係，佢笑言「有事在身邊，勝過無事時日日送玫瑰。」當時為咗鼓勵老婆練氣功抗癌，黃百鳴帶頭練，天一光就拉老婆起身練，醫病同時減少咗黃太同三姑六婆打麻雀，聽少咗閒言閒語。
現時黃太龍馬精神，四出當義工，分享治癌心得，事實證明一場病令兩人感情更好，再加添了一份信任。
（蘋果日報）
藝人陸永同Reina生咗一對好可愛嘅囡囡陸一穎（Hannah）同陸一心（Simsim），眨吓眼Hannah就已經6歲大喇！趁住生日呢個大日子，陸永同Reina就當然會同囡囡慶祝喇，但就竟然有「不愉快事件」發生咗！
Reina就喺社交網甫相講晒成個故事畀大家知，事源係Hannah就開咗個生日會，Reina就偷偷約咗佢嘅同學仔嚟參加，一見到有同學嚟Hannah就好興奮仲玩得好開心。
但呢個時候Reina同Hannah講訂咗個佢最愛嘅菠蘿包做生日蛋糕，Hannah都忍唔住講咗句：「媽咪，你係咪整蠱我咋？」到陸永拎個蛋糕出嚟，Hannah個心先定番啲，仲感動到眼濕濕！
連佢媽咪都話估唔到6歲嘅囡囡會感動，不過唱生日歌嘅時候Hannah個樣勁唔開心喎，原來佢唔捨得切爛喺蛋糕上面隻貓頭鷹，所以最後大家決定唔切隻貓頭鷹淨係切個蛋糕，Hannah即刻開心番晒！
對於呢個咁可愛嘅舉動，網民都大讚Hannah可愛，仲話佢除咗個樣之外完全唔似6歲！當然仲有一大班網民祝佢生日快樂喇！
(on.cc東網)
奇妙電視主持黃芳雯（Paula）日前舉家前往印尼出席堂哥的婚禮，Paula表示從未參加過如此盛大的婚宴：「全場有成100席，現場用上超過8成嘅鮮花布置，仲有好多位印尼歌手接力獻唱！所以為咗隆重其事，成家都專登準備咗晚禮服，囝囝就打哂煲呔好斯文咁。」她又笑言自從結婚之後都未見過老公咁型，當然就要不停拍照留念。
佢就帶咗囝囝去印尼出席佢堂哥嘅婚禮。
但就話囝囝成個行程不停撩女仔！
又話好耐冇見過老公咁靚仔。
Paula指今趟旅程除了參加婚禮之外，亦都順便避寒及食盡當地美食！不過她就大爆在旅程完結之前就發生了一件驚險事：「囝囝喺臨上飛機之前一日發燒，都好擔心，因為發燒搭飛機會好辛苦，所以都即刻去咗當地嘅醫院睇兒科醫生，發現原來係因為生牙仔，而佢就係咁食手仔止痕，食到啲污糟嘢而發燒，返到嚟香港就即刻出咗3隻牙仔，但依家就傳染咗畀我。」
囝囝再努力啲，黃芳雯好有就飲新抱茶！
一家三口都打扮到好靚～
另外，Paula再爆快將一歲的囝囝在旅程期間都成日撩女仔：「喺飛機就經常留意住啲空姐舉動，望住佢哋推餐車，跟住人哋啲視線，又成日撩前後啲乘客傾偈，好搞笑！去到印尼，佢連百貨公司啲職員都唔放過，當我買嘢嗰陣佢就望住人係到笑，又講好多BB話，完全就好似個PR咁，希望佢可以Keep住，咁我應該好快就有新抱娶㗎啦！」
黃芳雯又話囝囝返香港前一日發燒，搞到要喺當地睇醫生。
(東方日報)
美國樂壇百變天后Lady GaGa近年受痛症傷患折磨，去年在其紀錄片《Gaga: Five Foot Two》中已透露因飽受纖維肌痛症之苦而需要暫停巡唱，去年9月佢出席多倫多國際電影節（TIFF）時已透露將暫別歌壇作長時間休息，又一度擔心唔可以懷孕。
今日，Lady GaGa再次為歌迷傳來壞消息，佢已取消世界巡迴演唱會嘅10場歐洲巡演，包括倫敦、曼徹斯特、蘇黎世、科隆、斯德哥爾摩、哥本哈根、巴黎、柏林及里約熱內盧，原因係纖維肌痛症情況持續惡化，導致GaGa全身疼痛，佢於社交網表示：「我很沮喪，我不知道怎樣來形容。」為咗長遠計及能夠再發展音樂事業，GaGa忍病叫停餘下歐洲個唱，佢亦唔想因為目前痛楚影響其台上表現。GaGa日前才現身第60屆格林美頒獎禮（Grammy Awards），並站台擔任表演嘉賓。
去年9月，GaGa出席多倫多國際電影節已透露將會暫別歌壇。
Lady GaGa 社交網貼文，宣佈取消歐洲巡唱
佢日前為格林美頒獎禮表演。
(Instagram / Apple Daily)
許多人「一天走萬步」拿來當日常運動，但它真能對健康起作用？如果用快走取代，是否也有同樣效果？一項實驗發現，走路能否達到效果，關鍵在速度而非時間長短，專家指出，每天走3組10分鐘快走，其實比一天走萬步更有益健康。
根據BBC報導，一天走萬步概念起源於日本，1964年東京奧運前一家營銷公司發明了萬步計，後來有學者鑑於年輕人仿傚歐美人，生活方式愈來愈懶散，於是發起一天走萬步活動。
為了解一天走萬步的實際功效，BBC科學節目主持人邁克爾·莫斯利（Michael Mosley）的製作團隊做了對照實驗，將志願者分成兩組，一組一天走完一萬歩(8.05公里)；另一組則是每天完成3個10分鐘的快步走(2.4公里)，加總步數大約3000步。
結果出人意外，走萬步的人雖能完成，但覺得吃力，相較之下，另一組感覺輕鬆，還多30%「中等到比較劇烈的運動」。
從數據可看出，快步走志願者占明顯優勢，還多做了30%「中等到比較劇烈的運動」。科普蘭德教授解釋，由於速度快，他們的心律增加，有點上氣不接下氣，這才起到了鍛鍊的作用。因為許多證據顯示，這樣能降低人們得糖尿病、心血管疾病以及一些癌症的風險。
科普蘭德教授還說，「當你做中等強度以上運動時，你才開始獲得有益健康的最大好處」。
(中時電子報)
新加坡天后孫燕姿相隔三年再來港宣傳新碟，吸引近400粉絲到場支持。今日天氣寒冷，懷有第二胎的她照樣身穿短袖、長裙，看到她腹部微隆，更身穿厚底鞋，她上台時小心翼翼，一出場粉絲即齊聲向孫燕姿講恭喜，孫燕姿亦心情大靚，不時向粉絲微笑兼揮手，台上司儀問孫燕姿再懷孕的心情，她笑言：「沒有那麼孤單地宣傳。」她亦透露已來港六天，前三天都在與家人一起玩，之後就要到新加坡宣傳。而活動期間，孫燕姿不但與粉絲玩遊戲，又應要求清唱了幾句新歌，氹得粉絲很開心。
孫燕姿來港宣傳
一身鬆身衫上陣，短袖衫？唔怕凍咩？
一定會來港開騷
受訪時問到孫燕姿佗住BB宣傳可會很累？她說：「還好，有時還是會比較容易累，但現在已經比較好。」她亦謂前三個月是有些狀況出現，例如嘔、不舒服和體力差，車程長亦會不適，但現在已較好。問到老公可有擔心？她笑言：「我幾乎是高齡產婦，所以會小心一點，同事也很照顧我，這幾天宣傳到五、六點就可以吃晚飯休息，但最重要的當然是來港見歌迷，之後還有馬來西亞和新加坡兩站。」講到現場很多歌迷支持，可是很感動？她表示做她的歌迷很辛苦：「因很少見到面，但很開心可以見到一些以前的歌迷。（會來港開演唱會嗎？）一定會！但暫時不行。（等生完小孩嗎？）對，但生完也要照顧小朋友，要再規劃。」
Say 個Hello先！
個個著幾件厚衫，同孫燕姿好大分別
同粉絲大合照~
著埋厚底鞋！ 
預產期七、八月
問到5歲的仔仔知道自己將成為哥哥嗎？孫燕姿笑言：「他已經跟全校講，我還未公布前他已經跟全校講。（他有吃醋嗎？）還沒有，但最近比較多娃娃音。（他還有甚麼反應？）他說想一起分享玩具，我還想為甚麼他那麼好。」孫燕姿透露預產期在七、八月，暫時未知性別，問到可會想要女兒嗎？她說：「都好，但最緊要是健康。」講到農曆新年將至，她表示會回新加坡跟姐姐妹妹一齊過。
(ON.CC)
歌手蘇永康於2014年與圈外女友Anita結婚，去年更喜添愛子Jazz，一家三口幸福美滿！同其他父母一樣，升呢老竇嘅蘇永康依家幾乎日日都喺社交網Post囝囝嘅成長點滴，簡直父愛爆棚！
Jazz第一次行路。
蘇永康唔捨得囝囝大得咁快。
呢日，蘇永康就Post咗一段囝囝學行路嘅片，仲透露心情複雜：「Jazz終於邁出小小的幾步，太太感動得幾乎哭出來.我卻百感交集！孩子，怎麼你長大得咁快？我沒有問過其他父母.是否每個父親都捨不得孩子長大？不管怎樣這種感覺仍是喜悅的…我真的很感恩🙏」
BB學行影片:
(東方日報)
阿嬌在網上甜曬鑽戒，點頭嫁給「醫界王陽明」賴弘國，為演藝圈拋下震撼彈。外型帥氣的賴弘國曾有一段婚姻，2016年與有「華航林依晨」稱號的網紅Ivy登記結婚，同年10月卻閃離。如今賴弘國火速再傳喜訊，Ivy昨則在臉書發文，言語間頗耐人尋味。
Ivy發文。（FACEBOOK）
賴弘國前妻Ivy
網民斥Ivy「消費」前夫
Ivy寫道﹕「我們花很多時間去關心跟自己沒有關係的人，我們花很多憤怒在不值得的人身上，我們說了很多陌生人的小道八卦，我們不知不覺中成為這個世界上負能量的製造者、參與者與傳遞者。我一直相信我們的每個所作所為、每個選擇都會由不同形式影響自己或是他人，不管是自身還是子孫，是今生還是來世，幸福會循環，悲傷也會循環，當我們想要自己愛的人快樂平安幸福時，就要在幸福的循環中盡一點心力。」Ivy的心聲獲粉絲支持，但也有網民留言罵她跟賴弘國已離婚，仍在「消費」前夫，看她的社交平台仍保留很多她跟賴弘國昔日的恩愛照片。
(FACEBOOK / 自由時報 / 明報)
《平安谷之詭谷傳說》入面有一位女生，跟其他的女性不同，別的女性都是白白淨，即使在一個男尊女卑，要女人做粗活的平安谷內，依然可以保持靚樣。但這位女生卻全身都是黑色，擔抬畫面特別多，好像谷內所有勞動都是由她做一樣，她就是牛屎妹（樂瞳飾）。
大家認唔認到佢係樂瞳？
或者有好多人未必一看可以看出她是樂瞳(Cilla)，事關平時都以靚樣、性感示人的她，突然變成一個「黑臉」，天使的面孔變成了魔鬼。而且原來變成黑炭頭並不是將黑粉塗上面就可以，在接受訪問時，Cilla表示為了拍這部劇有極大犧牲。首先她是要全身變黑，得咗！但原來得咗的背後絕對辛酸，監製一開始要求她曬黑，她是拒絕的，唯有去找美容院自己畀錢用療程將身體噴黑，每兩個星期便要噴一次。最慘的是，為了拍劇在所難免，但這場戲卻要連到去現實，在生活中也要黑著見人，Cilla說：「嗰時我真係身又黑，人又黑，無自信到唔想見人，連朋友介紹男仔我識都唔想出去。有次我喺美容院噴黑緊，因為要噴到腳趾都有，係要除衫，點知我做緊嗰陣突然有個男人衝入嚟睇晒我全相，好委屈但又唔敢同人講，而家拍完成年先慢慢放低，將呢部劇入面嘅事講返出嚟。」當時正值她與無綫約滿的時候，心靈上的煎熬，加上拍劇的辛酸，Cilla直情覺得自己有抑鬱！
係全身都黑㗎！（Instagram圖片）
平時靚爆嘅樂瞳~
除了要噴黑全身，在劇中她也有一個經典畫面，就是不停食饅頭。牛屎妹這個角色係好大食，而且好搬得，Cilla指當時要擔的水桶真的有水在裡面，好在有健身的她有所準備。而食饅頭，大家睇落無乜特別，但原來個個饅頭都真的要吃下去，Cilla從此患上饅頭恐懼症！最慘的是，普普通通一個饅頭係無咩所謂，最多都係飽，但因為劇中牛屎妹從來都沒有良好的待遇，食的東西都是剩下的、過期的，Cilla說：「啲饅頭為咗要變硬，擺咗喺廠幾日先拎出嚟食，有啲人哋掂過，甚至咬過我都要食，我真係食晒落肚。嗰時搞到肚痾，腸胃好差，拍劇嗰段時間嘢都唔敢食，要留肚留返喺劇中食，嗰陣連肥都減唔到，我喺度諗我嘅人生會唔會就咁完？」連她自己都想過，點解全個平安谷都是靚女，得她一個要變黑呢？好在，落力演出是有人會留意到的！
你睇佢食到幾慘。（Instagram圖片）
和《平安谷》演員合照
（HK01）
