17.4 C
Hong Kong
星期五, 二月 14, 2025
Home Blog Page 2081

【突然瘦咗十磅】清減好多:其實我啱啱出院

原來帶病開工:「其實我啱啱出院,影嗰日仲係有啲攰兼暈暈哋,因為患咗甲亢(甲狀腺功能亢進)。。。

名模歐陽妙芝興趣多多,又學琴又參演舞台劇,最近她獲周大福後人周樹堂邀請,夥拍化妝師好友Gary設計沉香首飾。早前妙芝以一身型格造型擔任首飾模特兒拍硬照,看來清減不少,她自爆帶病開工:「其實我啱啱出院,影嗰日仲係有啲攰兼暈暈哋,因為患咗甲亢(甲狀腺功能亢進),新陳代謝速度太快,突然間瘦咗十磅,搞到又暈又嘔,醫生建議入院檢查安全啲。」

設計沉香首飾改善健康

妙芝表示病後更注重健康:「我同Gary都好鍾意沉香,沉香對瞓覺、健康好啲,而且係結緣,感覺保平安。周生知我哋都好鍾意,有次同佢食飯傾吓畀意見,仲上過佢辦公室,一入去好香沉香味,好正!Gary主要負責設計,我會畀意見,佢手作仔一向好叻,成日串珠仔畀我。」

(東方日報)

【稱職媽媽莫可欣】囡囡遺傳咗方中信嘅幽默感

莫可欣今日喺旺角接受黎燕珊主持嘅奇妙電視中文台節目《朝拜傲媽》訪問,節目中兩人大談仔女經,而珊姐話同可欣老公方中信相識多年,曾經一齊到英國拍電影,珊姐話:「當年方中信好鍾意整蠱我,試過同方平喺半夜㩒我門鐘,然後用冰桶淋我。」身為太太嘅莫可欣話初認識老公時,老公已經變Cool,更從來都冇同佢講過笑話,相反囡囡就遺傳咗爸爸嘅幽默感,不時上網搜尋整蠱人嘅片段,最近更搵咗一條用豉油扮可樂嘅片,未知係咪想整蠱同學。

日前可欣就有份出席劇集《鑑證實錄》廿周年聚會,跟林保怡、陳慧珊同李珊珊等一眾舊拍檔聚舊,可欣話:「最開心係見到李珊珊,因為之前啲報道咁,嗰晚見佢精神幾好。」

當年拍劇時跟陳慧珊對手戲較多,同李珊珊冇乜戲份,所以兩人唔係好熟,甚少溝通,但廿年後大家都成熟咗,兼互相欣賞,故特別珍惜呢份友誼。可欣又話當年拍劇,只維持咗五年,因為演技唔係太好,佢笑話若果要佢做扮驚反應,可能拍50個Take都未能收貨,所以最終佢決定做好媽媽嘅角色。

(蘋果日報)

【陳爽開母乳工場 】母乳整cream送囝囡

索爆人妻陳爽三年抱兩,大囝梁駿彥(Adrian)快滿3歲,細囡Ashley已半歲,靚媽陳爽不但提倡餵母乳,暑假更。。。

索爆人妻陳爽三年抱兩,大囝梁駿彥(Adrian)快滿3歲,細囡Ashley已半歲,靚媽陳爽不但提倡餵母乳,暑假更帶Adrian參加「手作母乳BB Cream班」,夾手夾腳整母乳cream送畀細囡。雖然Adrian年紀細但好醒目,識得加材料同搞拌成cream,聽到媽媽說累,又好乖豬幫手搞多幾下,難怪陳爽甜爆讚囝囝係佢嘅小天使!

 

陳爽覺得母乳整cream好特別:「我同囝囝整完,可以當禮物送畀妹妹,阿妹平時沖完涼抹吓身,母乳好多好處,可以預防濕疹。老實講我好多奶,好想用晒佢。」陳爽兩個寶貝都係餵母乳,大囝食到半歲才停:「餵母乳係好辛苦嘅事,每幾個鐘就要餵奶揼奶,要食好多嘢先可以產到母乳,所以冇諗住快啲瘦身,但覺得佢食咗好健康嘅奶,就有成就感。我覺得母乳係好親密時間,細囡係埋到身嘅,每次佢食完好滿足表情,我都感覺好開心。」

 

谷奶餵奶過程有血有汗,陳爽有冇諗過放棄?佢坦言:「第一個小朋友時一直堅持,衝衝衝到半年,反而第二個衝到三個月唔想再餵,cut咗一日,望住工人姐姐餵奶粉,感覺好唔捨得,bb其實好依賴我㗎,母性出晒嚟,不如順其自然去餵,原來可以搵到平衡,就算有啲媽咪真係好攰,唔可以全母乳,有少少都好,可以畀到BB愛嘅表現。」

香港餵母乳嘅場地少,仲經常惹嚟旁人側目,陳爽就計時間返屋企餵奶:「我唔係好習慣喺出面餵奶揼奶,出街計咗4個鐘就衝返屋企,好佩服在職媽咪餵母乳,我覺得好偉大,香港真係少空間餵母乳,有朋友返工要揼母乳,惟有call車喺車上揼奶,係好大堅持。」有父母安排子女上好多暑期班,陳爽就想囝囝玩多啲:「6個月就帶佢去游水堂,反而學術上返playgroup就夠,主要係親子時間多啲啟發佢,天氣好去行山,多啲見人見世界,盡量想畀佢快樂空間,感受大自然。」

母乳乳霜 (150克) 材料:
母乳 90克
金盞花浸泡油 20克
乳木果脂 15克
甘油 5克
純橄欖乳化蠟 7.5克
蜜蠟 2.5克

洋甘菊萃取液 1.5克製作方法:
杯(1) 先裝入母乳
杯(2) 放入其他材料
隔水加熱杯(1)及(2),將所有材料溶化(溫度約80℃左右)
將杯(1)內的母乳慢慢加入杯(2),不停攪勻,大約攪15分鐘左右至糊狀。
母乳霜溫度降至約40℃左右後,可加入約10滴精油,放入容器內完成。

(蘋果日報:http://hk.apple.nextmedia.com/enews/realtime/20170815/57078834)

【蟹籽3歲啦】大肚Bob嫂、謝天華孖仔女到賀!

藝人呂慧儀(阿蟹)同黃文迪嘅仔仔Anton今日3歲生日,阿蟹特別為Anton舉辦咗個生日派對,請咗好多小朋友到場玩。

咁都唔只呀,現場仲有唔少星級嘉賓,包括謝天華同仔仔,連腹大便便嘅林盛斌太太阿Pearl都有帶埋細女林機兒參加呢個生日Party,真係好熱鬧!

事後阿蟹將大家嘅合照放上社交網,睇相見到現場仲掛咗個「Anton」字樣嘅氣球,阿蟹留言話:「A Happy kids party today! Happy birthday to my lovely little man! (今天有一個快樂的小孩派對!生日快樂給我可愛的小男人!)」有一個咁錫自己嘅媽咪,Anton一定玩得好開心!

(on.cc東網)

【40歲高齡誕下次女】一家人好幸福!

3月以40歲高齡誕下次女,湊成一個「好」字,老公嘅事業又越嚟越好。。。

人妻謝安琪(Kay),今年3月以40歲高齡誕下次女張靖(Karina),同囝囝張瞻湊成一個「好」字。Kay早前現身自己有份投資嘅生煎包店開張時,話自己好肥,未係最佳狀態復出樂壇。

 

其實Kay又使乜咁心急吖,皆因老公張繼聰o依家事業越嚟越好,最近有傳以千萬港元簽蕭定一3年,Kay當然可以「印印腳」做少奶奶。今日張繼聰喺facebook大晒老婆嘅泳裝照…….實情係Kay着住件小背心,抱實囡囡一齊落水﹗喺日落美景下,享受天倫之樂﹗張繼聰留言:「快樂!」而囝囝張瞻就玩水玩到「見牙唔見眼」,喜感十足,張繼聰話:「I love my boy.」雖然未見全家福,但都feel到一家人好幸福!

(蘋果日報)

【肚臍已經凸晒出嚟】今胎喺囝囝定囡囡﹖

距離生B仲有唔夠兩個月,佢貼咗張着住橙色比堅尼嘅相上IG,手腳冇乜贅肉,而最覺眼嘅反而係。。。

今年37歲嘅何嘉莉(Lillian),同前夫甜品店太子爺黃逸璋育有5歲囝囝Jean。前年Lillian宣布再嫁機師Gerald,今年6月,佢喺IG宣佈再度陀B,現時陀住8個月BB嘅Lillian,除咗勤做孕婦瑜伽外,日前仲將個耳筒放喺個肚上,俾肚裡BB聽音樂。

距離生B仲有唔夠兩個月,啱啱Lillian就貼咗張着住橙色比堅尼嘅相上IG,手腳冇乜贅肉,而最覺眼嘅反而係肚中間個肚臍,已經凸晒出嚟。平時勤做產前運動嘅佢,仲hashtag咗#keepinshape,的確靚媽身形又keep得唔錯喎。

(蘋果日報)

【方太與李?】直言欣賞鼎爺夠自然

方任利莎(方太)今日到電台接受訪問,她表示平日都有留意飲食節目,最欣賞李家鼎對烹飪的要求和想法,她說:「他煮食夠自然,唔夾硬,不會一直強調自己的東西一定好食,好食與否是留待食的人去評論。」

問到有沒有電視台招手邀請復出?方太笑言休息多了,就懶得工作,她說:「亞視做咁多年,就算我去第二度做,人家都以為開錯台,我做事有自己要求,講感情,初初由無名氏出來,直至這麼多人喜歡,有份感情在,不會為某些事而改變初衷。」

(明報)

【直播淘汰過程】港姐再Foul一個﹗

今日港姐又Foul一個,成個淘汰過程喺big big channel直播!首先一眾佳麗先逐一進行自己介紹,再接受主持陸浩明(6號)嘅提問!

之後,到一眾星級導師出場,星級導師陳百祥(阿叻)就話第一次做導師教人,仲話要佢揀嘅佳麗做佢女友,但喺戲入面!仲話個佳麗仲可以入到頭三名,因為係專家喎!而另一位導師苗喬偉就話教人際,最緊要唔好得罪人,仲講笑話尤其是唔好得罪阿叻!至於陳凱琳就會教語言方面嘅嘢,王浩信呢就教關於演戲方面嘅嘢。

究竟會淘汰邊個?經港姐評審委員退席商議後,陸浩明宣布被Foul佳麗為Nicole,因為有兩名佳麗都係呢個英文名,其中胡美貽和金美黎都勁緊張,最後上圍驕人嘅胡美貽畀人淘汰!胡美貽接受訪問時強顏歡笑:「學到好多嘢,唔會放棄!」

 

(東方日報)

【10大「幼童危險玩具」】家長要小心﹗

玩具是孩子們成長中不可獲缺的玩伴,殊不知玩具品質優劣將影響兒童健康。臺北醫學大學附設醫院新生兒加護病房護理長鍾麗英建議,新手爸媽挑選玩具時,除了應購買貼有「商品檢驗標識」的商品外,也要注意警語與使用方法。此外,她也整理出10項「幼童危險玩具」,提供父母辨識參考。

鍾麗英列出的幼童危險玩具分別為「填充物的絨毛玩具」、「玩具的眼睛、鼻子、扣子是粘貼製作」、「海綿玩具」、「氣球」、「附有超過20公分繩子的玩具」、「格鬥性質的玩具」、「體積較小的玩具」、「吹泡泡玩具」、「噪音太大的玩具」、「折疊跳床」。

她解釋,小孩經常會抱著絨毛玩具睡覺,有時還會咬著玩,若是不合格的劣質填充物,很有可能導致其產生呼吸道感染等疾病,嚴重還會引起支氣管痙攣、咳嗽甚至哮喘等,也可能發生濕疹等皮膚過敏。

此外,體積過大的絨毛玩具,並不適合3歲以下小朋友單獨玩耍,因為若不慎壓到臉部,小孩可能無力掙脫,釀成窒息。至於玩具的眼睛、鼻子等部位,若非用縫的,也有可能脫落劃傷小孩,或者造成不慎吞下肚的危險情況。

至於小朋友都愛玩的氣球,鍾麗英提到,若在吹氣時突然爆開,可能會造成孩子吸入氣球碎片窒息。尤其各種可愛卡通造型的氣球為氦氣球填充,但遇不肖業者則可能為減少成本將氫氣代替安全的氦氣,充入其中,一旦氫氣氣球接觸燭火就會「砰」的一聲發生爆炸,非常危險。

附有超過20公分繩子的玩具主要為溜溜球等,因為可能致孩子繞頸窒息危險,也可能會絆倒孩子,造成跌傷,繩子也很容易纏在孩子的手指或脖子上,時間長了會造成指端缺血壞死;建議在選擇帶繩玩具時,繩子長度不能超過孩子的頸部周長,強烈建議年齡小的孩子最好不要玩帶繩玩具。

格鬥性質的玩具如仿真玩具槍、彈弓、飛鏢等彈射玩具,在孩子們瘋玩時很容易誤傷眼睛,恐造成永久性的傷害。積木及其他小飾品,材質大部分是金屬或者塑料,包括釦子、硬幣、小哨子等特別危險,孩子很容易吃進嘴巴或者吸進了氣管、鼻腔裡。

吹泡泡的液體大多為鹼性,易腐蝕皮膚或刺激呼吸系統,對於過敏體質的兒童則有可能導致發生過敏症狀。超過70分貝的聲音就會對孩子聽覺系統造成損害,因此噪音太大的玩具應盡量少買。再者,大部分音樂玩具都是用電池作為能源,特別是一些鈕扣電池,被孩子吞食的危險極大,故建議購買帶電池的玩具時,務必要看電池盒是否有可靠的螺絲固定。

折疊彈跳床則是遊戲過程中極易發生兒童頭部或頸部著地,恐造成嚴重受傷、癱瘓或死亡,即使落到中間軟墊處也可能受傷,故建議盡量避免為孩子選購。

最後,鍾麗英表示,兒童都有好動及好奇的天性,若要有效防範兒童事故傷害的發生,家長們更需要為孩子選擇安全的玩具。惟有家長們處處留心兒童生活週遭環境的安全,時時確認玩具的狀況,方可確保有效排除孩子們成長環境中潛伏的危險因子,守護寶貝們健康快樂的茁壯成長。

(ETtoday)

【囡囡被笑好醜樣】後悔到想退出娛樂圈

近日憑JTBC熱播劇《有品位的她》而人氣急升嘅金喜善,於綜藝節目《我家的熊孩子》擔任嘉賓。

金喜善亦繼續提到自己家庭事。金喜善坦言愛女無論係性格定樣貌,都係似老公多啲。

「佢嘅性格同爸爸好似,唔會做啲激嬲人嘅舉動,就好似喺佢2、3歲時我就已經教佢要講敬語,所以係從小養成嘅習慣。」

「而且有時我開住水龍頭刷牙嘅話,佢就會入嚟關水龍頭,唔使浪費水,有啲地方佢做得好過我,所以我都好少鬧佢。」

及後金喜善表示自己曾打算退出娛樂圈,令在場人士大感震驚。

「以前曾經公開囡囡嘅相,但因為有太多『好醜樣』嘅評價,所以我好後悔公開咗。雖然我難以理解啲人點解可以咁樣話小朋友,但囡囡係因為我咁做先畀人批評,心情好難過,當時後悔到甚至想離開韓國。」

被問到婆媳關係,金喜善稱與奶奶就好似母女咁,相處得好好,又指同老公嗌咗交嘅話奶奶會幫自己多過幫老公,相當爆笑。

(Apple Daily)