前港姐吳忻熹（前名吳文忻）婚後育有一對女兒，目前以相夫教子為主。女兒陳芊彤及陳施辰長得精靈可愛，絕對是吳忻熹的心靈雞湯。近日施辰一歲生日，身為天主教徒的吳忻熹安排對方於這個值得紀念的時刻領洗，加入教會大家庭。當日施辰與姐姐芊彤皆以一身白紗袍現身聖堂，忻熹親手抱起施辰讓神父於其前額灑水。受洗後施辰及芊彤坐在聖堂門前合照，芊彤更吻賀妹妹，場面Warm爆。
真係一個值得紀念嘅時刻。
家姐錫妹妹！
真係好得意呀！
(ON.CC)
【都要請傭人…】蕭正楠：最緊要有你
藝人黃翠如及蕭正楠（Edwin）情侶檔出席開幕禮，Edwin在台上被問到對未來家居構想，他對着翠如說：「最緊要有你！」又大講愛的宣言公開冧翠如，但他事後補飛說：「咁我都要請傭人嘅！」
黃翠如同蕭正楠一齊出席活動
財政獨立
翠如被問到Edwin是否情深說話日日講，她說：「我都係第一次聽，頭先聽到有啲驚訝！（陣間揀埋大床？）我就好鍾意睇家品，之前去外國旅行都買好多煲煲叉叉返嚟，夠開餐廳！（Edwin有冇話肉赤？）咁我哋（財政）好獨立嘅！（情人節點慶祝？）佢要開工，我就會同屋企人去旅行，依家未定去邊，但對上一次一家一齊去旅行係十年前，所以都探唔到佢班！（Edwin唔係屋企人咩？）未係住！」
講完愛的宣言打冷震
Edwin做完情聖，笑言：「其實我自己講完，自己都打冷震！（你同翠如財政獨立？）佢直頭係強悍添啦！不過我都希望佢將來可以使到我啲錢！（情侶檔出席活動，酬勞好啲？）我都唔記得咗係第三定第四次一齊出活動，可以一齊去做好件事係開心嘅！（趁狗年拉埋天窗？）出年好忙，我忙開工，佢忙旅行，暫時未諗呀！」
蕭正楠仲大晒愛的宣言冧翠如。
翠如同機械人玩。
翠如同蕭正楠笑到呢！
(ON.CC)
【超驚！】龔嘉欣喊到變四眼皮！
龔嘉欣今日喺新城接受訪，近日佢拍緊劇做一個慘情婦人，每日拍攝時都要狂哭，佢喺社交平台話「喊到眼皮都甩」，佢今日指住自己一雙大眼話：「喊到o依家四眼皮，所以我覺得o依家唔靚，眼都腫了。劇中講我俾老公打，個仔又被老公殺埋，所以癲咗，每日拍要崩潰爆喊，好辛苦，都驚情緒病翻發，拍《平安谷之詭谷傳說》都要成日喊，真係唔想同人講嘢，唔出街，拍完一個多月都係咁，後來先搞得掂。」佢話會盡量放假出街同朋友食飯，有時會下廚平衡心理，新年後要到橫店拍外景，希望之前抽到時間一個人去日本旅行。
唔靚咩？仲係好靚呀！😄😄😄
龔嘉欣
(Apple Daily)
牙膏入面有氟化物 有無危險性？
在牙膏內添加氟化納等氟化合物可預防蛀牙，日本也有販賣這種產品。不過為什麼氟化物能夠預防蛀牙呢？蛀牙是由於口腔內的蛀牙菌，也就是轉糖鏈球菌所製造的酸溶解牙齒的琺瑯質所引起的。琺瑯質是羥磷灰石所組成的。牙齒的琺瑯質能吸收氟離子增加密度，變得能夠抗酸（圖）。這是由於氟可以填入化合物的空隙，使得結構更為穩固。而且氟離子也擁有減低蛀牙菌製造酸的作用。氟化物可藉由「強化牙齒」與「抑制蛀牙菌活動」這兩種作用預防蛀牙。
每天刷牙安全嗎？
日本在一九五五年，有間學校為了預防蛀牙，而在供餐時添加氟化鈉，卻誤添加百倍的劑量，因此引起一百名以上的兒童急性中毒。幸好症狀只是輕微腹痛、腹瀉、嘔吐而已。我們藉由這次事件得知，氟化鈉最低中毒性為一公斤體重五毫克。而法律規定，市面上牙膏的氟化物濃度為一○○○ppm。每次使用一公克的牙膏，其中所含的氟化物劑量為一毫克，就算刷完牙後殘留於口中的氟化物被人體吸收，那也只有○・一五毫克以下的劑量。因此我們平常在刷牙時，不用擔心因此引起急性中毒。
那麼慢性毒性又是什麼狀況呢？二十世紀初美國科羅拉多州的居民，牙齒多呈現白斑或斑點的氟斑牙，很少蛀牙，我們已知原因就是飲料水中所含有的氟化物所導致。飲料水中含有大量氟化物地區的居民，會因氟化物的影響，代代出現骨頭變硬的骨硬化症與氟斑牙。不過現已得知，十年以上每天喝一・五公升氟化物濃度八ppm以上的飲料水，也只有一五％的居民出現骨硬化症，以及每天飲用氟濃度一・五ppm的水才會出現氟班牙。換算成含有氟化物的牙膏，等於每天要喝下二到十二公克。我們只要在刷完牙後漱個口，就不用擔心刷牙會引起中毒。
（元氣網）
【好嬲老公！】張新悅：又唔小心有咗第四個
三女之母張新悅上年去咗一間慈善機構工作，要返朝9晚5，嗰時佢仲話夜晚會少咗時間陪佢哋，不過今日佢就喺facebook宣佈，屋企會再多一個小朋友喇。
今日張新悅喺facebook貼咗一條片，係佢自己自編自導自演嘅「電台」訪問，佢一開始就話：「近日好多人發現我拒絕佢哋嘅活動，特別係夜晚嘅派對，更有人覺得我好唔畀面佢哋，同佢哋飲番杯酒，所以想借呢個自編自導自演嘅『電台』訪問，我想講聲抱歉，令大家有所誤會。」之後條片就係一首張新悅自家製作嘅歌，首歌叫做《一不小心2018大肚婆》，就係講佢自己有咗第四胎，首歌仲有埋MV，全家總動員出動拍攝加出演，老公同3個囡囡都落力演出。
首歌除咗話自己有第四胎之外，仲有呻自己做媽媽嘅辛酸，但都有啲有趣位，其中一句係咁：「一不小心又有咗囉，感覺很惆悵，明明話3個夠，點知俾老公呃咗。」其中仲有歌詞講到未知係仔定女，仲話仔女都冇所謂。條片貼咗出嚟之後，好多網民都恭喜佢。記者問過張新悅有關第四胎嘅事，佢就回覆話：「完全冇諗過生第四個，睇完條片都知係唔小心，做三個嘅媽咪已經好辛苦，估唔到個天畀多次挑戰我，希望小朋友健康，其實本來想好低調處理呢件事，但街上嘅人開始發現我個肚凸出嚟，佢哋覺得我好似好肥咁，我接受唔到人話我肥，咁唯有話畀大家聽啦，因為生到第四個，又好耐冇填過詞喇，咁一家一齊玩下都好開心，輕輕鬆鬆咁接受呢個事實，個人會樂觀啲啦。」張新悅又呢首歌係送畀所有大肚婆同埋各位媽媽，佢話：「我都第四個，我都有經驗同感受，相信大家都會好認同。」講到老公，佢就話老公已經諗緊名：「佢好興奮，好似個小朋友咁，興奮過我一百倍，而我就好惆悵同好嬲佢。」
仲有少少呻出街要兩部的士
（Apple Daily）
【羅嘉良好識搶鏡~】倉底貨《無間道》網民連鬧都費事！
最近大台播出的由羅嘉良主演的《無間道》，劇情跟電影版《無間道》沒太大關係（主角其實都轉晒人），名字確實有點混淆觀眾，說是外傳或者也說得過去。這套劇找來不少老戲骨，例如羅嘉良、劉松仁、曾志偉，又有久未出現於大台的廖碧兒。原來劇集早於去年年初在內地網站愛奇藝播畢，現於大台推出廣東話版，亦刪減了6集，但觀眾對《無間道》似乎不感興趣。
「的水」意外搶鏡羅嘉良重現《難兄難弟》髮型
羅家良的髮型可謂劇集一大看點，他在《無間道》的「的水」非常吸睛，想不到還會用marker畫下去（真的很像）。有脫髮危機的人或者可以參考羅家良髮型師的做法。
造型師實在太有眼光了！可能他也覺得羅嘉良在《難兄難弟》中的造型是他最有魅力的時期。
希望羅家良在戲中沒有下雨的場景，如果有，希望他的鬢角的防水的。
當年的羅嘉良確實很有魅力，「的水」也很搶鏡。
倉底貨、合拍片多數攬炒？
《無間道》是由愛奇藝與寰亞傳媒合作拍攝製作的中港網絡劇，2016年已經完成拍攝，並於翌年在愛奇藝播出。而TVB在1年後的今日播出。
然而，播出已經一星期，幾乎沒有呼聲，所謂「有人鬧好過冇人鬧」，之前《使徒行者》，甚至是收視創新低的老套劇集《溏心風暴3》都受到不少討論，至少有人知它正在播放。但《無間道》在接近無人關注的情況下，播出了5集，確實有點可惜。
《無間道》在內地的評價算不錯，大家都喜歡看港產警匪片，來到香港反應一般，劇集似乎比較符合內地口味。網民似乎沒有太大興趣，連鬧都慳番！
徹大台警匪片特色
不少網民發現了一個警匪片的formula，它幾乎可套用在近年的警匪片中，就是：所有警察＝黑警；所有黑社會＝臥底。反正都圍繞在好警察變黑警，亦不離臥底變節等等。如此的變化已經不太能吸引到觀眾了。
《無間道》也有不少警察變節、黑社會混入做臥底的戲碼。不知道由羅仲謙擔正，大家有沒有興趣呢？
（TVB / 新傳媒 / Nmplus）
【佛都有火👿】周潤發入稟高院 怒告求賠償！
由周潤發、張家輝、謝霆鋒、劉德華、張學友及杜汶澤等人主演的《賭城風雲》系列，曾分別由王晶、鍾少雄及劉偉強聯合執導，橫掃2014至16年間，中港賀歲片票房。但日前發哥經其出任董事的公司入稟高等法院，指該片製片商博納影視娛樂有限公司違約，要求博納支付相關費用，及交出合約文件等，並就違約作出賠償，但未有透露合約金額。
周潤發就《賭城風雲》系列，在2014至16年間連拍了3集，角色為石一堅。（劇照）
由周潤發夫婦擔任董事的藝才製作有限公司及Misto Trading Limited，日前控告由製片人于冬創辦的博納影視娛樂有限公司，要求法庭頒令，需該公司交出2013年至2015年期間，就電影《賭城風雲》1至3集簽下合約的文件、未支付款項及相關利息，並就被告違約作出賠償。
該系列大收旺場，參予演員愈來愈多，曾參與的有劉德華、張學友、張家輝、謝霆鋒、余文樂等。（劇照）
《賭城風雲》自2014年至2016年間一共推出三集，每集全球票房平均都可高達1億美元，電影推出至今在香港引起不少紛爭，更曾有網民發起罷睇行動，以表示對導演王晶的言論不滿。
(HK01)
【輕鬆一下】阿姐今日棄械投降！
日理萬機的娛樂圈阿姐汪明荃剛剛Po了與老公羅家英的郊遊照，兩公婆經常各自忙，羅家英忙住北上拍戲賺人仔，而身為八和會館主席嘅汪明荃除咗演藝事業外仲要處理粵劇界嘅事務，為業界謀幸福，真係忙到冇時停。
二人罕有的在微博上晒恩愛，照片中兩個人靠在一起親密自拍，汪明荃發文：「終於可以在星期日輕鬆一下了。」見她穿上紫色上衣，戴上紫色帽，艷中透霸氣，但企喺71歲嘅羅家英身後卻變得小鳥依人，可愛到暈！
汪明荃在老公羅家英身後小鳥依人，好冧呢！
汪明荃
汪明荃呢身配搭好搶眼。
汪明荃示範乜嘢叫霸氣？
背後的女人~家英哥個樣好英！
(汪明荃微博 / ON.CC)
【作品係恩愛夫妻】《我的港女老婆》作者離婚！
facebook專頁「我的港女老婆」一向都以漫畫形式，分享作者Cuson同太太嘅日常事，深得網民歡心，不過呢個故事要畫上終結，原因係作者同太太嘅關係出現問題。
《我的港女老婆》以作者和老婆之間的趣事為中心
今日作者Cuson喺專頁「我的港女老婆」出PO，內容指「我的港女老婆」呢個故事要完結，佢仲話：
「一直以來，我們帶給大家的印象是恩愛夫妻、模範情侶、天造地設的一對，我們會一起白頭到老是理所當然的。實際上卻不盡然，我們之間的問題早已存在，而且根深蒂固，只是旁人察覺不到，多年來我們曾多番嘗試挽救，但唔work就是唔work，勉強下去只會令雙方更受傷害，情非得已，我們是不會選擇走到這一步，今天我們各走各路，是有必要在此向大家作出一個交代。感情事無所謂對錯，也許我們分開一事，讓大家感到驚訝，但希望大家不要作太多無謂猜測，或者未知實情下妄加指控，希望愛錫我們的朋友，留一些空間給我們。所有漫畫故事都有完結的一天，只是這一次來得比較突然，今後將不會再有《我的港女老婆》漫畫連載及書籍出版，在此謹向喜歡過我們、支持我們、愛錫我們及一直買我們書的讀者致歉，抱歉令你們失望，我們沒能再一起走下去、沒能再給大家分享Caca和我的搞笑生活漫畫。至於這個專頁的去留，我還未決定怎樣處理，是繼續保留或改換另一個專頁名稱?還是乾脆把它刪掉?可以的話請大家留言把你的意見及感受告訴我。《我的港女老婆》漫畫、這個專頁及衍生出來的各種商機，這一切都是源自於Caca，沒有她，也就沒有以上的東西，我這十年的際遇也會截然不同、甚或什麼都不是，在此也要對Caca說聲:「多謝。」再一次衷心感謝這麼多年一直支持我們的每一位朋友，祝生活愉快。Cuson」
Cuson和太太Caca 曾一起接受訪問
作家Cuson前幾日上載畫作，透露心情很低落。
（Facebook / Instagram / Apple Daily）
【三百字大吐苦水】謝安琪咖啡兜頭淋全身！
今日天氣好凍，唔少人都鍾意飲熱嘢暖身，好似人妻謝安琪（Kay）食完醒神早餐後，就諗住慢慢歎番杯咖啡，點知飲飲吓期間，竟唔小心倒瀉杯咖啡，仲要搞到成身一陣味！
之後，Kay喺社交網用咗三百幾字、以《咖啡色的人》為題撰寫咗篇文章，佢憶述：「一早起身幫張生整完早餐 送佢出門口之後 自己都整返（番）份早餐 黎（嚟）個金絲雀feel 坐係（喺）窗門邊慢慢嘆（歎） 自以為悠然自得之際 唔小心倒瀉左（咗）杯凍咖啡+Protein Shake 可能天氣太凍定唔知乜 又或者係我性格太悠閑（閒） 啲咖啡濕到入去底底 我先至扶得返（番）正隻杯 呢種倒瀉野（嘢）飲 並唔係一般倒瀉少少嗰種 而係成張舒服椅同附近地下 同埋我成隻左腳 由大腿到小腿 全部都係咖啡咁狀況。」
Kay 以新詩模式詳述被咖啡淋全身經過
Kay續說：「一向樂觀積極嘅我 一邊覺得好凍 一邊痞（踎）係（喺）地下抺 立下（吓）眼望吓杯咖啡仲有大約1/3杯 仲覺得好開心仲有少少可以飲 就係（喺）呢個時候 唔知係太開心定係抹得太投入 我個頭又撞到張枱仔 剩返（番）果（嗰）半杯仔咖啡 就係咁兜頭淋左（咗）落黎（嚟） 我諗連做咖啡師既（嘅）朋友 都好少會有由頭到腳都一陣咖啡味嘅經驗 其實我真係好鍾意飲咖啡 我好開心自己有一個咖啡色的人生。」仲Hashtag「#我和咖啡有個約會 #咖啡色的大半身 #咖啡色的一生」，成件事真係好有戲劇性…網友睇完後一方面好同情Kay，另一方面亦忍唔住笑咗出嚟。
另外，Kay老公張繼聰昨晚就喺社交網晒出一張合照，透露同Kay帶咗一班小朋友去嘉年華玩，見佢哋個個都玩得好開心，唔知Kay係咪因為玩得太攰兼休息不足，而搞到今朝咁失魂呢？
Kay自嘲係「咖啡色的人」。
Kay昨晚同老公張繼聰帶咗一班小朋友去嘉年華玩。
玩得好開心！
（Instagram / ON.CC）