33歲嘅《東張西望》主持梁麗翹（Nicole），去年2月同圈外男友結婚，12月就同老公火速造人成功，喺社交網宣佈懷孕，預產期係今年5月。
昨日梁麗翹就係ig貼咗一張三點式孕照，為寒冷嘅天氣，帶來點點溫暖，佢留言話：「here is no better feeling than the movement of life inside you!(世上沒有一種感覺，比你肚裏的生命流動更爽)」跟住佢仲Hashtag「#正唔使縮住個肚嚟影相 #因為已經縮唔到 #但係亦都到咗冇人會話你肥咗嘅階段#amazingfeeling #throwback #tbt #pregnancy…」
梁麗翹仲喺Hashtag度話，呢張相只係舊相，應該係上月佢去泰國時影嘅泳照，唔知係咪喺咁凍嘅天氣，麗翹太懷念陽光與海灘嘅泰國，所以就po番張舊相懷念一吓呢！
(蘋果日報)
正值香港處於流感高峰，以至香港政府日前宣佈小學、幼兒園及幼稚園提早放年假之際，澳洲維多利亞省（首府墨爾本）早在去年頒下的「不接種，無得玩」(no jab, no play)法例，令該省免疫注射率達史上最高。
《澳聯社》（AAP）昨日引述衛生廳長軒妮絲（Jill Hennessy）說，有關法例令到維省幼童接受防疫注射率達95.3%。她指出，「不接種，無得玩」是向家長發出的重要訊息：如果他們要送子女到託兒所或幼稚園，先要讓子女接受防疫注射。軒妮絲表示，5歲幼童接受防疫注射率高達95%，顯示這一年齡組別兒童已是「群體免疫」，意味即使其他兒童沒有注射，也受到保護。
不過，反對黨衛生事務發言人胡德芝（Mary Wooldridge）說，有關法例存在漏洞，令到逾7萬名兒童沒有接受注射。她指出，維省是執行「不接種，無得玩」法例同時容許優惠卡持有人豁免注射的唯一省份。胡德芝所稱的優惠卡包括保健卡、長者優惠卡或退伍軍人卡等。
不過，軒妮絲堅稱，他們並非獲豁免，但擁有兩星期寬限期，使大部份適齡兒童仍可獲託兒照顧，又可接受防疫注射。她指出，寬限期使法例可保護特別容易受感染兒童，使他們可以在託兒服務機構受到保護。
（Sing Tao Australia)
資深藝人鄭裕玲（嘟嘟）同農夫嘅陸永及C君一拍即合，佢哋主持嘅《Do姐去Shopping》深受唔同年齡層觀眾歡迎，而最新嗰輯黃翠如、蕭正楠及馬國明有份客串嘅《Do姐再Shopping》仲攞埋《萬千星輝頒獎禮2017》最佳節目主持獎，非常犀利，呢晚佢哋終於舉行慶功宴，台前幕後都喺度，嘟嘟仲「萬歲」請客添，真係勁熱鬧！
嘟嘟喺Instagram上載合照，留言：「#do姐再去shopping 今晚慶功 可惜 蕭公子（蕭正楠）因工作不能出席！#happy」雖然嘟嘟心裏成日叫陸永同C君「嗰兩隻嘢」、「垃圾」，其實不知幾咁錫佢哋！翠如都留言：「多謝Do姐盛宴❤」而蕭正楠就喺嘟嘟返咗歸瞓覺覺先出現，嘟嘟話：「Good good good! @edwinsiu 收工後有出現，不過我已經回家 💤 馬明今早要工作，沒有『最佳節目主持人』的合照，下次再約！Thanks you guys!」所以都係未能成功六個人合體影相！
而有「千杯不醉」之稱嘅嘟嘟一向深閨簡出，好少「夜蒲」，粉絲笑問佢：「仲未瞓？」又話：「呢間爐端燒一看就係貴嘢！Do（嘟）姐好好啊 請得那麼豪！邊個仲話Do（嘟）姐孤寒？」網民都話好期待佢哋開新輯，希望長拍長有！亦有網民留意到馬國明咁凍仲着短袖衫，真係厲害咁話！
（ON.CC）
藝人沈卓盈到馬鞍山出席無綫明珠台「BE MY VALENTINE 情濃二月」活動，問到與拍拖兩年的男友如何慶祝情人節？她笑言未有計劃，但大讚男友廚藝不錯，試過對方的煮的龍蝦湯和意粉，希望對方在情人節這重要節日能夠再為她下廚：「等佢plan，睇佢畀啲乜嘢節目我先。上年因為工作冇慶祝情人節，不過我最想佢親自下廚、煮餐情人節晚餐畀我食。佢對上一次廚下廚已經係好耐之前，係啱啱識嘅時候，追到我之後就出去食比較多，不過有時佢都會煮湯丸畀我食。」
問到想不想於食物中收到戒指？她即說：「唔好！我驚啃親，我覺得要喺口吐番出嚟好肉酸，開開心心食餐飯就算。（接唔接受到驚喜？）正常就OK。」
問到有否向男友暗示想結婚？沈卓盈冧住笑言：「應該問佢，我準備咗結婚好耐，22歲就已經Ready，因爲我三個家姐都係24歲結婚生BB。我已經Ready咗10年，緣分到、時間啱就會去做。」然後她又謂與男友已經有共識。
此外，沈卓盈於活動上被司儀問她會否接受異地戀，她說：「我好難去認佢哋個樣！法國係好浪漫嘅地方，嗰度啲人應該會被薰陶，同埋啲法國菜好好食。」
(on.cc東網)
無綫藝員譚凱琪、黃美棋出席活動。譚凱琪與黃美棋表示稍後會僑裝神秘顧客到食肆、商店測試品質。譚凱琪笑言愛吃，會選擇去食肆測驗，仲會試吓退貨，測試店員可會黑面；而黃美棋就會去時裝店試衫。
黃美棋表示遇過很多不愉快的使錢經歷，尤其是搭車，自嘲是「的士剋星」和「Call車殺手」，她說：「有次喺山頂做完嘢搭的士返屋企，遇到個唔熟路士司機，佢話唔識過海，我就話唔緊要，用導航帶路，但係去到公路，佢突然間失控叫我哋落車，話真係唔識路，仲話係老婆逼佢揸的士，最後我哋要一路安撫佢先成功返到屋企，事關佢情緒激動，對我哋生命都會有危險，之後搭車都有啲陰影。」
（ON.CC）
狗年煙花匯演將於下周六(17日)大年初二舉行，天氣如何？天文台預料，接近農曆新年華南沿岸天氣和暖及有霧，年初二當日介乎17至20度，大致多雲。最重要的是，當日早晚潮濕有霧，最高相對濕度達100%，恐會影響市民觀賞煙花。
根據九天天氣預報，明日(9日)大致多雲，並有一兩陣微雨，氣溫介乎14至17度，周六(10日)進一步回升至最高20度，天色變明朗。其後氣溫轉冷，下周日(11日)和下周一(12日)介乎12至16、17度，但之後氣溫逐步回暖，大年初一(16日)高見21度，除溫度上升，更漸轉潮濕，年初一和年初二(17日)濕度最高達100%。
天文台表示，隨着冬季季候風緩和，未來一兩日華南沿岸氣溫及濕度會略為回升，但一股季候風補充會在周六晚上抵達廣東沿岸，並在下周初再度為該區帶來寒冷及乾燥的天氣。預料受一股較潮濕的偏東氣流影響，接近農曆新年華南沿岸天氣和暖及有霧。
(東方日報)
邊行邊玩手機，一不留神「叉錯腳」，或拉傷頸椎牽連神經受壓，痛到手腳痲痺動彈不得。骨科專科醫生陳英琪提醒，若市民覺得腳步浮浮、走路不穩、郁動頸部時，腳部迅即有閃痺，走路要打醒精神之餘，也要盡快求醫，因為可能是神經根受壓所致。陳英琪曾接獲六旬男患者用手機時意外踏進坑渠跌倒，牽連手臂痺痛，寫字無力，估計跌倒的衝撞力加深原有頸椎退化，令神經根同時受壓，需施手術矯正。
頸椎間盤病變本屬「老人病」，但近年首次病發的患者趨年輕化，甚至四十歲患者都有。陳英琪指出，因要承受人體重量，椎間盤退化很多時在腰脊位置發生，但頸椎亦會出現椎間盤退化病變。而每四個腰椎椎間盤突出的病人，有一人同時引發頸椎退化。陳英琪解釋，頸椎間盤退化通常在第五、六節頸椎發生，多因年紀退化及坐姿不正引起。低頭使用電子產品是高危動作，長年累月令椎間孔的空間減少。若長出骨刺，空間更有限，從而壓住神經根，受壓反應折射到手、腳痺痛，導致動作笨拙、控制不協調等情況。
陳英琪舉例，最近接獲四十多歲任職銀行業的女患者因頸、手痛求醫。女患者有跑馬拉松習慣，運動量充足，但長期坐姿不正，頸椎常向前傾，X光檢查發現第四、五節頸椎的椎間孔極少，幾近壓住神經，相信已有椎間盤退化，但暫未令神經根受壓。另一名六十五歲病人則同時出現神經根受壓，及頸椎間盤病變。
陳指，當退化的頸椎受外力影響時，軟骨可能腫脹，同時刺激骨刺生長或壓住椎間孔，部分人的腫脹可消退，但亦有人病情持續太久，若加上外力，例如碰撞、跌倒，均會激發神經根受壓。
頸椎間盤病變患者若經物理治療及藥物治療後情況沒好轉，需考慮接受手術，包括椎間盤融合術，植入融合器連接兩節頸椎，或植入人工椎間盤。若只是神經根受壓，七至八成患者可透過物理治療改善姿勢後減少痛楚，亦可以止痛藥紓緩。陳英琪提醒打工仔工作時應保持良好坐姿，適當運動舒展頸部。
頸椎間盤病變知多啲
– 經常桌面工作者，應每10至15分鐘做頸部運動
– 坐姿良好，椅子宜有靠背及扶手，坐下時盡量頭部收向下巴，正面向電腦屏幕
– 保持運動習慣
– 站立時，頸部勿長時間向前屈，要盡量頭部收向下巴
– 現時未有證據顯示注射血清素可止頸椎神經痛，若不當使用更有細菌感染風險
(資料來源：骨科專科醫生陳英琪/東方日報)
流感肆虐，當局及專家都呼籲盡早接種疫苗，惟家長群組近日廣傳一段錄音，聲稱今次疫苗效用極差，並有加入水銀、鋁等，且接種疫苗後再染病，會令病毒更強勁等。不過港大微生物學系講座教授袁國勇直指這些資訊錯誤，並在商台節目逐點反駁。
港大微生物學系講座教授袁國勇
這段錄音長逾5分鐘錄音，有人聲稱是歌手謝安琪對流感疫苗的見解。錄音中，一把女聲表示，今次疫苗成效非常低，「少過10%」，形容「夏天時科學家買大小般估今年哪隻流感會中」，又說科學家把病菌打入母雞身體，讓帶着病毒的母雞生蛋，再從蛋中抽取病菌製作疫苗，並加入水銀、鋁等做抗菌劑，製作時間最長3個月。不過，女聲真正身分未能證實。
該段錄音在家長群組廣傳，稱「講得好」、「幫得一個得一個，等人易明白這傷害」。但袁國勇今早於商台節目指，這些資料「全部都是錯誤」，並逐點反駁。
疫苗含水銀、鋁？
袁國勇表示，加入的物質並非我們所說的水銀，因水銀進入人體後不能排出，但這種物質可以排出，且這種物質是對人體無害的防腐劑，「更加無鋁喺裏面」，相信有關資料「全部都是錯誤」。
科學家買大小估哪種流感？
袁國勇指，世衛很多科學家，包括香港衛生署病毒學家，每年都會在瑞士開會，分析過去一年實驗室的病毒基因排序，測試抗原，再決定哪種疫苗種子最適合加入做疫苗，過程非常繁複仔細。他承認專家有時會估錯哪種疫苗，因病毒變化快，惟「4隻（疫苗）起碼有3隻揀啱」。
病菌打入母雞身體製造疫苗？
袁國勇表示，專家是用雞蛋製造疫苗，並非母雞。他解釋，專家把疫苗種子打入雞蛋，令雞蛋製造疫苗，「用雞的胚胎製造出來」，而雞蛋製造疫苗後，會放入機器將疫苗的病毒殺死，再用化學方法把病毒表面抗原分離，並依據劑量放入注射器，「大部分雜質無晒」。
他說，雖然可能留有小量雞蛋蛋白，但不會對人體有害。
打了流感針再染病，傳播的病毒更厲害？
袁國勇稱不會有這情況，因只是將病毒表面抗原分離出來再放入注射器，是滅活流感疫苗，疫苗內並無活病毒，直言「所有（錄音）說的問題，全部都不是問題」。
疫苗效力只有10%？
袁國勇表示，現時疫苗效力有50%至55%。
（明報）
藝人張美妮於將軍澳電視城古裝街拍攝新劇《丫鬟大聯盟》，她表示不算辛苦：「但我十年嚟未試過開05（凌晨5時），因為我比較少啲拍古裝。開頭都驚唔知醒，但原來都冇問題。自己都鍾意做戲，古裝扮相都好靚。」
曾表示減少幕前工作趕生BB的美妮，就自爆忙拍劇搞到被老公投訴：「佢問我哋家庭計劃點。我話冇辦法，呢個角色好玩，機會唔係成日有。我叫佢等一等。」
她又謂情人節要開工：「我結咗婚都重視情人節，我會唔接工作。今年都諗過度期慶祝，但最後都係工作為上，之後補番。（老公有詐型？）絕對會。好彩我老公今年生日係年初二，唔使度期都可以陪到佢補番數。」她稱難得一家人與他慶祝，所以會大搞派對。
她又表示四月拍完劇集後會放假：「之前拍完《逆緣》後，我同老公講過要去旅行放鬆吓，點知到依家接另一套都未去。因為拍完《逆緣》之後同老公開咗間新餐廳，又有其他工作，之後就拍呢套，所以冇停過。」下月生日的她表示如果不用開工，會到自己開設的餐廳慶祝。
(on.cc東網)
主角漫畫家Cuson多年來一直以太太Caca為靈感的連載漫畫作品《我的港女老婆》，在宣布分手的同時，該知名作品亦同時宣告封筆。網民早前為此事大起底，揭發其太太早已出軌，可謂謠言滿天飛，但男主角Cuson卻一直未有公開回應。
前妻Caca被網民揭發早已出軌
被網民起底懷疑係Caca新男友
事隔多日，男主角Cuson 終於開腔，在「我的港女老婆」專頁留言：
「諗咗個多星期，我決定唔刪除呢個專頁，畢竟呢度紀錄咗我呢幾年大部份嘅漫畫創作，就當畀大家有個回憶同見証我漫畫歷程嘅一個地方，我亦唔會將佢改名再運作，專頁當然也不會再更新了。
我睇晒大家畀我嘅留言，好感激大家對我嘅支持同不離不棄，儘管FB散播效果已大不如前，儘管讚好數字不復從前，我仍然希望由零開始從新出發，咁做係對自己及對愛錫我嘅人有個交待，如果大家仲鍾意睇我嘅漫畫，希望可以like我新開嘅專頁–> 怪叔叔の散步道 https://www.facebook.com/Cuson.LoChiKong/以後嘅漫畫都會喺嗰邊更新，謝謝。
cuson
＃怪叔叔の散步道Ā」
《我的港女老婆》漫畫家Cuson於網上留下長文，宣布與太太Caca分開。（Facebook截圖）
（轉自Facebook專頁我的港女老婆）
（Facebook / HK01）
