江若琳即將同「生煎包王子」蕭潤邦(Oscar)結婚，估唔到喺佢公佈婚事冇幾耐，佢位大陸舊愛曹雲金被爆同女友唐菀雙囍臨門，事後曹雲金回應大陸傳媒只係話：「謝謝謝謝。」
今日曹雲金正式公佈喜訊，佢喺微博貼咗一張同和唐菀嘅結婚照兼留言：「感謝我老婆。」唐菀亦都有轉發呢條微博，佢仲加咗幾個心心圖案，唔少網民亦留言祝福，甚至仲讚佢哋有夫妻相添！
至於，之前有大陸傳媒影到唐菀肚凸凸咁出席男友嘅生日party，曹雲金經理人承認呢件事稱曹雲金即將做爸爸，而婚禮就會等BB出咗世先舉行。
(on.cc東網)
聽到都覺得好心酸。。。
誰說年幼就一定不懂事！東莞3歲女童朵朵去年確歲患上「胚胎型橫紋肌肉瘤」，因視覺神經被肌肉瘤壓住，導致其右眼完全失明；更嚴重的是，縱然她至今已接受6次化療，惟病情未有好轉，仍需再接受8次化療，及到外國進行質子治療，才有延續生命的希望。雖然病情嚴重，惟不忍母親鍾燕傷心的朵朵，仍笑着欺騙鍾燕「看得見母親」。
朵朵剛生病不久，鍾燕便常常遮上朵朵的左眼，問她能不能看見東西。鍾燕近日又再問道︰「朵朵，你右眼能不能看到動畫片裏面的企鵝呢？」朵朵答︰「媽媽，看不見。」鍾燕再問「朵朵，昨天媽媽問你，你還說可以看見媽媽和弟弟呢。」朵朵答︰「媽媽，早就看不見了，我怕你傷心，不敢說，我是靠摸的。」
這種令人心酸的對答，從去年起便開始。本來鍾燕在清溪鎮一家企業工作，與丈夫、朵朵及小兒子一家四口住在東莞鳳崗鎮，生活樂也融融。惟朵朵去年9月突然感到眼睛不舒服，送院檢查後確診患上「胚胎型橫紋肌肉瘤」，鍾燕當場嚇得嚎啕大哭，後來她只能辭工專心照顧朵朵。
經專家會診後，醫生決定為朵朵制訂了14次化療的治療方案，過程十分痛苦。在病床上的朵朵需不斷接受抽血、活檢、骨穿、腰穿，僅做了5次化療，朵朵的頭髮已全掉光，人亦變得消瘦，唯一慶幸的是病情得到控制，右眼亦可微微睜開，惟由於朵朵完成化療後，必須進行質子治療，國內卻沒有針對3歲孩子的質子治療醫院，故朵朵只能到日本、美國或是德國治療。
雖然日本國立癌症中心早前觀看朵朵的病歷後，已願意接收朵朵，為她進行質子治療，但治療費十分高昂，總費用約需80萬元（人民幣．下同，約101萬港元），對於花了20多萬（約25萬港元）來為朵朵治療的鍾燕來說，這筆費用絕對承擔不了，惟鍾燕坦言︰「我不會放棄，我女兒她還那麽小，那麽可愛。」
(東方日報)
孫燕姿日前嚟香港宣傳唱片《N0.13作品:跳舞的梵谷》，喺尖沙嘴搞咗個歌迷見面會，雖然地方唔大又擠滿咗人，但現場展出孫燕姿部份畫作，現場仲播咗佢新歌《極美》MV
孫燕姿日前嚟香港宣傳唱片《N0.13作品:跳舞的梵谷》
呢首歌喺冰島拍攝，仲係佢第一次執導，當時自己仍未知懷孕。今次來港孫燕姿腹部微隆精神好，笑言「帶多一個來」，現時仍未知道BB性別，佢話之前一直有計劃想再有小孩，但估唔到一講就有，覺得好彩可以買彩票。
孫燕姿表示自己「胖若兩人」。翻攝孫燕姿微博
現時懷胎3個月左右，之前有啲工作推遲進行，唔可以立即停工養胎，要做埋宣傳，孫燕姿就話老公都好支持：「他明白做歌曲的過程，花時間錄音也要配合宣傳。」孫燕姿開心話老公有陪自己周圍去，而且腹中BB都陪住周圍飛：「還ok呀？！間中跟BB聊聊天。」
燕姿話想有BB就真係懷孕。
平時孫燕姿都會繪畫，因為有咗BB暫時唔可以畫油畫，問佢會唔會畫大肚自畫像，佢話可以考慮一下，被提意可以畫一家四口：「以前有畫過老公，也有畫過兒子，全家幅老公有畫過。」
佢話o依家開心有BB陪佢一齊飛。
佢話上一胎時，曾經有私下拍過大肚照片。另外，歌迷知道孫燕姿有咗都戥佢開心，但係已隔3年先再出碟嘅佢，擔心等好耐先可以睇佢演唱會，孫燕姿話:「應該要等一下，也要看公司安排。」
燕姿話陀第一胎時曾經私下影過孕照。
現場有燕姿嘅畫作。
(蘋果日報)
今年45歲嘅吳美珩，曾經拍過《鑑證實錄》、《天地豪情》同《刑事偵緝檔案》系列，當年仲喺無綫當家花旦，佢喺01年同美藉華人富商王華麟結婚，但直至07年佢已婚嘅消息先至曝光，而同年7月佢為老公生咗囡囡Maegan後淡出娛樂圈專心相夫教女，到11年再為老公生咗二仔，一家四口生活幸福美滿。
近年大台啲小生花星走得就走，不得不搵舊人「救亡」，雖然淡出娛圈超過10年，不過吳美珩仲keep得非常好，多年嚟屢傳大台想搵吳美珩復出，不過做咗少奶奶多次嘅佢似乎真係無意回歸幕前，好友宣萱去年都幫好多開腔話對方無意復出幕前。
雖然吳美珩絕跡演藝圈，但就不時見到佢行街濕平。
日前(2月2日)，記者又見到佢單拖喺中環出現。
吳美珩下午3點幾逛中環太子大廈童裝店，佢帶住黑超着長boot喺舖頭揀童裝，有外國店員招呼，見吳美珩專揀冷衫冷帽厚身衣物，估計係買比仔女。
期間吳美珩攞起啲衫拼埋身睇度長度，揀咗成個鐘，買咗5、6件衫，然後再另一間舖頭買咗啲童裝長袖底衫後，攞住兩袋戰利品離開。
(蘋果日報)
近年長駐大陸發展嘅「啫神」徐錦江，佢拍戲重質不重量，反而投放大量時間搞藝術，師承已故嶺南畫派國畫大師關山月嘅佢，早年已轉營當畫家同雕塑家，徐錦江嘅藝術作品有價有市。日前《蘋果》就喺旺角捕獲到佢同老婆殷祝平、囝囝徐菲濕平大出血！
徐錦江幾年前喺安徽蚌埠市龍子湖旁邊籌備藝術園，據知藝術園投資額高達60億人民幣，園中有錦江藝術中心、螞蟻咖啡館及錦江藝術酒店三個項目，徐錦江個人總投資約5千萬人民幣，將於今年中開幕。正當藝術園籌備得如火如荼之際
徐錦江老婆殷祝平(微博圖片)
徐錦江日前一家三口返港探親。
徐錦江日前就同老婆殷祝平偷得浮生半閒，帶埋囝囝徐菲返港探親，返到嚟呢個購物天堂，梗係要去濕平。佢哋呢個三口之家，除咗幸福滿瀉，最特別係全家都剷咗平頭裝。
想當年徐錦江因為拍古裝扮大俠要剃光頭，徐太以行動支持，結果囝囝自細也係光頭仔，至今不變。返到香港，徐錦江一家三口就選擇咗住喺旺角，佢哋趁空檔去咗旺角新世紀廣場行街
一家三口去咗旺角血併。
徐太雖然生得細粒，但有高大老公徐錦江同囝囝傍實，份外突出，18歲嘅囝囝徐菲已身高6呎，媽咪撓住小鮮肉囝囝臂彎，感覺好溫馨。農曆新年將至，好多品牌都大減價，徐錦江佢哋就入咗一間大型連鎖店，一家三口就分頭睇心頭好，最後囝囝大有收穫，又買新外套，又買新波鞋，媽咪就當然負責畀錢埋單啦！
兩父子有商有量。
擁有六尺身高嘅徐菲，成個模特兒。
徐錦江仲幫老婆襯衫。
正當佢哋準備步出舖頭後，即有影迷上前拉住徐錦江夫婦合照留念，跟住佢哋就轉戰下一層去買化妝品，見到徐太對唇膏情有獨鍾，喺貨架前好細心咁揀顏色，徐錦江就好細心咁等候，非常體貼
徐錦江同囝囝感情要好。(微博圖片)
事後《蘋果》致電徐太，佢話：「帶Figo（徐菲）嚟香港玩幾日，佢鍾意港式飲茶，嗰日我哋啱啱飲完茶，就行吓商場。」有指徐菲備受電影公司睇中力邀拍戲，徐太話：「暑假時有畀佢拍過，佢好有興趣，但我哋o依家主要想佢讀好書先。」天氣轉冷，問到徐太可考慮留番長頭髮，佢話：「習慣咗短髮，好方便打理，我哋一家都同一個髮型，佢哋父子都係我嚟剪，我就自己剪，節省咗唔少理髮錢，又用少啲洗頭水，好環保。」
(蘋果日報)
黎小田（Michael）喺嚟緊農曆年初二同初三（17及18日）假紅館舉行《小田金曲50年》演唱會，今日佢同表演嘉賓薛家燕、陳曉東及湯寶如喺新蒲崗綵排。家燕姐唱Michael作俾梅艷芳嘅《心肝寶貝》，Michael喺側邊聽得好入神好冧咁款，家燕姐唱唱吓，Michael仲走埋去鍚咗家燕姐面珠一啖，家燕姐唱完之後，Michael仲好冧咁話：「冧晒！」
黎小田今日搵嚟演唱會嘉賓綵排
家燕姐話對任何人都會唱出感情！「我同小田合作咗幾十年，佢呢個作品演唱會，我一定俾心機練好啲歌詞，我成個心都俾咗佢啦。」講到被Michael錫錫，家燕姐話：「冇人喺度佢錫多幾啖呀。」
家燕姐唱歌時，被黎小田錫咗啖
Michael話好開心有今次演唱會，自己作曲嘅作品有700首，所以揀歌方面都好頭痛，佢話：「有啲歌手都唔喺度，諗邊個唱番啲歌真係有啲困難。」講到新年開演唱會，好多觀眾都會俾利是，Michael話：「我唔知呀，因為我唔會行台，我要彈嘢。」又話自己會俾演出嘉賓好友大利是。Michael話佢好友成龍可能都會出現，但對方冇講實嚟唔嚟。至於陳曉東太太王妤嫻帶埋兩個女朵朵同多多今日都有到場探班，阿東話：「2月10號我喺澳門有場演唱會，自己今日都要排，兩個女都要排練。」
陳曉東太太同兩名囡囡都有嚟
問到佢兩個囡囡係咪都會上台演出？阿東話:「試吓啦。」咁兩位陳小姐會唔會唱爸爸啲歌？阿東話：「唱兒歌好啲，近排自己綵排都比較密集，聽日都要繼續練舞。」阿東話會喺Michael演唱會唱張國榮嘅《儂本多情》、《我願意》及同湯寶如合唱，而農曆年會同太太及囡囡喺香港過，諗住同佢哋去搭吓巴士同去海洋公園，又計劃帶囡囡去台灣探婆婆。阿東話兩個女都好鍾意香港，問會唔會同囡囡喺香港長住？阿東話：「咁我要搞好多嘢㗎喎，總之暫時喺內地住，紿終小朋友學校喺內地，o依家乜都會以小朋友行先。」
湯寶如
(蘋果日報)
流感疫情嚴重。消息指，港府將宣布，小學及幼稚園明日(8日)起提早放年假。
今年香港累計已有311宗學校爆發流感個案，當中逾九成屬小學及幼稚園，昨日(6日)再有20名師生染病。據了解，政府決定幼稚園及小學最快明日停課，以切斷傳播鏈，但學校需維持開放，方便有需要學生回校。
特首林鄭月娥昨聽取港大及中大專家袁國勇及許樹昌意見，今早再與教育局商討，作出上述決定。
衞生防護中心今早(7日)10時半舉行記者會，由總監黃加慶匯報冬季流感的最新情況。中文大學醫學院呼吸系統科講座教授許樹昌、和港大醫學院微生物學系講座教授袁國勇亦會出席。
(on.cc東網)
現年37歲的藝人鍾欣潼（阿嬌）日前宣布答應有「醫界王陽明」之稱的台灣婦科醫生男友賴弘國求婚。
之後有消息指一直恨生B的阿嬌，早年秘密接受「雪卵」手術，隨時Ready生B！
阿嬌透過經理人霍汶希（Mani）大方承認，Mani更說：「雖然呢個唔係不可告人嘅秘密，但亦都唔想咁公開講。阿嬌係一個好鍾意小朋友嘅人，做呢個手術嗰陣佢當時係單身，仲未搵到Mr. Right，雪卵都係希望有個保障先去做。」
據悉，阿嬌是在兩年前進行「雪卵」手術，因為阿嬌覺得當時的身體狀況處於最健康及是最適當的時間，不過她要先依計劃打賀爾蒙針，導致當時身形突然暴脹，而阿嬌為掩飾「雪卵」大計，當時以賀爾蒙失調為由瞞天過海。
(on.cc東網)
電影《西遊記女兒國》舉行慈善首映禮，「四師徒」郭富城（城城）、馮紹峰、羅仲謙及小瀋陽聯同導演鄭保瑞、女主角趙麗穎等一眾演員齊齊出席。
一齊預祝
郭富城被問到今次拍戲被吊上十五樓是否很辛苦，他表示早就講過拍西遊記是他入行以來最辛苦的一部電影
本來打算拍畢《西遊記之三打白骨精》後不再接拍，但老闆表示其他演員都會演出，只欠他一人，而且前集獲不少粉絲支持，故今次決定再拍，更透露今次角色較有喜感，動作場面亦更多，他又大讚羅仲謙的普通話進步神速，羅仲謙亦即場晒普通話。
提到馮紹峰因拍攝此戲與趙麗穎傳緋聞，馮紹峰被問與對方的緋聞是真的嗎？
（資料圖片）
着埋情侶裝。（資料圖片）
趙麗穎同馮紹峰被斷正度春宵。
城城搶答謂：「當然是真的！緋聞寫的時候都是真的，但是不是真的你就要自己問他。」此時馮紹峰則面露尷尬，耍手擰頭表示不回答，而小瀋陽則為他解圍，表示戲入面女兒國國王與唐僧的感情是真的。
(東方日報)
歌手吳若希（Jinny）為澳門闊少男友Alex（何兆鴻）於去年4月誕下愛女淼淼後，同年10月10日註冊結婚成何太，早前花40萬到巴黎10日影婚紗相。
穿上白色喱士婚紗的她冧笑樣如額頭鑿住「幸福」兩字，兩人除在巴黎鐵塔下擁吻及做出心心甫士外，穿上便裝時也攬到實一實，好鬼癡纏。
首次踏足巴黎的Jinny接受東網訪問，分享拍婚照的甜蜜事，她指只影了一套婚紗：「其實我之前做event都着咗好次婚紗，今次正式做人妻影婚紗相時，唔使着咁多套，只要靚靚就得㗎啦。」
影其他相時，Alex見她凍，就以體溫送暖，她說：「嗰度天氣都好凍，老公就全程攬住我，用佢件大褸包住我囉。」
除拍照外，兩人狂食和購物，問可有劏到老公「一頸血」？她晒命：「佢自願，任我劏㗎，佢成日叫我去Shopping，我睇中啲手袋，但怕行另一間有更抵嘅，就唔買住，點知佢偷偷買咗啲我試咗好耐又冇買嘅袋畀我，我都多謝佢嘅。」
今年是Jinny首年以人妻身份派利是，問她是否已準備豪派大利是，她說囡囡淼淼亦是第一年𢭃利是，更突變「精明何師奶」說已準備了利是攻略，她稱：「我已經有策略同朋友講晒，就係我派雙封，而囡囡收番單封，但利是錢係同等，咁就唔會蝕。」
今年將正式回歸香港樂壇的她將搬回香港，她又說：「本來同老公『暫時分居』，但佢唔捨得我，我又唔捨得佢，所以佢會跟埋我返香港住，或者我會喺香港買個大啲嘅單位。」而囡囡就港澳兩邊走，更指她媽媽最開心可常見外孫女，又謂：「我問阿媽我得意啲，定囡囡得意啲，阿媽次次都話囡囡最得意，好可愛，依家冇人阻擋到阿媽覺得阿女真係好得意。」
另外，Jinny近日曾向朋友呻食欲不振，情緒低落，令人擔心她情緒病復發，但Jinny說：「我冇事，只係氣管敏感，嗰排覺得辛苦啲啫，但依家我唔想食，都會照食嘢。」
(on.cc東網)
