女星鍾欣潼（阿嬌）在1月21日37歲生日當天，答應台灣醫生男友賴弘國的求婚。早前阿嬌透過社交網公布訂婚的喜訊，恭喜！恭喜！
賴醫生向阿嬌求婚片段終於曝光！據知當日賴弘國趁阿嬌不在家，便秘密在女友的香閨布置了一番，片段中見到大廳位置的窗簾掛住星星的藍色閃燈
留意阿嬌表情。
驚訝變感動。
男友幫手戴上鑽戒。
終於得咗喇！
肉緊攬攬。
又有氣球，在一曲浪漫歌曲下，穿着筆挺西裝的賴弘國，跪在阿嬌面前情深款款遞上鑽戒，阿嬌既驚又怕醜！本來阿嬌想打開戒指盒，最終她還是伸出左手，由男友為她帶上訂婚鑽戒，兩人之後更來個肉緊抱抱，現場有朋友歡呼。
(東方日報)
甘比上月尾於養和醫院，剖腹為華人置業前主席劉鑾雄（大劉）誕下孻女，原來甘比細女已經十二朝喇，好友黎姿今早已收到薑醋，年近歲晚，甘比送埋賀年糕點俾黎姿㖭！
黎姿剛才就喺ig貼咗甘比送俾佢嘅薑醋同年糕，留言話：「謝謝甘比送來的薑醋及年糕，祝小寶寶快高長大，身體健康！」
而正在坐月嘅甘比，亦不時更新ig，噚晚佢就貼咗收到朋友送去嘅賀年糕點喇！
(蘋果日報)
由香港電影金像獎協會主辦嘅《第37屆金像獎頒獎禮》，今日喺尖沙嘴公佈19項入圍名單記者會。大會司儀黃心美，金像獎主席爾冬陞、王菀之同白只都有出席。另外，今屆金像獎主題為「青春常駐」，頒獎禮已定於4月15日喺尖沙嘴文化中心舉行，將由ViuTV 99台及衛視電影台(SCM)直播。
由「最佳女配角」王菀之及「最佳男配角」白只公佈入圍名單，總觀今屆金像獎提名，許鞍華執導嘅《明月幾時有》獲得最多提名，共有11項提名，包括《最佳導演》、《最佳電影》、《最佳編劇》、《最佳女主角》及《最佳女配角》等，而張艾嘉執導嘅《相愛相親》、葉偉信嘅《殺破狼‧貪狼》，同樣獲得9項提名，僅次於《明月幾時有》，張艾嘉仲會同許鞍華、葉偉信同時爭最佳導演及最佳電影，競爭非常激烈，暫時未知鹿死誰手。而新晉導演彭秀慧，成績亦不俗，佢執導嘅《29+1》共獲7項提名，包括《最佳導演》、《最佳編劇》、《最佳女主角》、《最佳女配角》等等……
「最佳男主角」方面，新人凌文龍憑《黃金花》首次入圍即獲提名，與鄭中基、劉德華、古天樂、田壯壯齊齊爭影帝。
而「最佳女主角」方面，Stephy及周秀娜雙雙入圍，與張艾嘉、周迅、毛舜筠齊齊角逐最佳女主角。
「最佳電影」提名名單
《拆彈專家》
《相愛相親》
《明月幾時有》
《殺破狼‧貪狼》
《追龍》
「最佳導演」提名名單
彭秀慧《29+1》
邱禮濤《拆彈專家》
許鞍華《明月幾時有》
張艾嘉《相愛相親》
葉偉信《殺破狼·貪狼》
「最佳男主角」提名名單
鄭中基《大樂師‧為愛配樂》
劉德華《拆彈專家》
田壯壯《相愛相親》
古天樂《殺破狼‧貪狼》
凌文龍《黃金花》
「最佳女主角」提名名單
周秀娜《29+1》
周迅《明月幾時有》
鄧麗欣《空手道》
張艾嘉《相愛相親》
毛舜筠《黃金花》
「最佳男配角」提名名單
姜皓文《拆彈專家》
姜皓文《大樂師‧為愛配樂》
林家棟《殺破狼·貪狼》
秦沛《春嬌救志明》
倉田保昭《蕩寇風雲》
倉田保昭《空手道》
「最佳女配角」提名名單
鄭欣宜《29+1》
葉德嫻《明月幾時有》
吳彥姝《相愛相親》
寶珮如《藍天白雲》
邵音音《救殭清道夫》
(蘋果日報)
現年41歲的影星舒淇前年9月閃嫁相戀多年的馮德倫，兩人婚後生活低調。近年飽受面部皮膚敏感問題困擾的舒淇，去年底突然宣布「暫別演員生涯」，放長假休養調理身體，隨即傳出她停工造人等生B。
趁農曆新年將至，舒淇前日與母親及友人前往中環辦年貨，同行還有一名約3歲的長髮小女孩。雖然周日街上人頭湧湧，她都不介意去超市同人逼。 
約下午4時半，戴白色卡通毛毛Cap帽及口罩的舒淇，穿厚厚的長羽絨褸、內裏配桃紅色連帽衞衣，由頭到腳包到冚，僅露出一雙眼睛，成功避開途人耳目。 
舒淇學定做媽咪，見她特別照顧同行的小女孩，不時推住購物車帶小女孩四圍行。途經生果貨架時，小女孩望住士多啤梨雙眼發光，母愛氾濫的舒淇二話不說拿了一盒放入購物車。 
之後舒淇與媽咪選購賀年食品，兩母女有商有量，不過主要由媽咪話事，她們很快揀選了蘿蔔糕、年糕及朱古力等賀年食品，舒淇便與友人推購物車排隊付款。付款後，舒淇及友人各自拿着戰利品步出，小女孩由舒淇媽咪拖着，一行人步往附近酒店上車離開。 
之後舒淇與媽咪選購賀年食品，兩母女有商有量，不過主要由媽咪話事，她們很快揀選了蘿蔔糕、年糕及朱古力等賀年食品，舒淇便與友人推購物車排隊付款。付款後，舒淇及友人各自拿着戰利品步出，小女孩由舒淇媽咪拖着，一行人步往附近酒店上車離開。
(東方日報)
混血模媽Ana R.與英籍老公Brad已育有兩歲幾囡囡Maya，今日就喺fb同Ig宣佈再有BB，已懷有18周、即4個幾月身孕。Ana就同Maya齊齊影相宣佈呢個喜訊，話Maya做大家姐，而Maya就滿面笑容指住媽咪肚，而Ana腹部都好大，母女構圖好溫馨。
Ana就回覆《蘋果》再做媽咪心情：「呢一胎少少意料之外，成家人都開心，預產期係7、8月，都會同第一胎一樣喺香港生，已知道BB性別，不過想保留少少神秘，仔女我都鍾意。」
講到Maya做大家姐，佢就話佢好開心，亦都唔會擔心有呷醋問題：「囡囡性格好與世無爭，加上屋企有3隻狗，佢不嬲習慣同識得分享。」
Ana今次佗狗B相當熱鬧，因為佢同門師妹警鐘胸Jessica C亦佗狗B，預產期只係差一個月，相信兩個準媽媽會交流唔少佗B心得。
（蘋果日報）
眾所周知Ig女神倪晨曦(Elva)一向都認有一位圈外男友，不過就收到好埋，拍拖兩年鮮有被影到同男友拍拖，而佢亦甚少公開男友外貌，男友嘅身份非常神秘。
Elva拍拖兩年，今日第一次公開男友V先生個樣，佢post幾張揸住passport喺機場duty free嘅相仲留言：「Happy birthday，親愛的V先生，雖然生日你最大，但我還是忍不住想發這幾張。hah，祝你年年有今日，歲歲有今朝，拉勾勾，以後生日都陪在你身邊。」
嘩！閃到呢！咁罕有喺ig公開男友，又放晒閃咁……唔通Elva好事近？
(蘋果日報)
應采兒同陳小春主力返大陸搵人仔，不時上真人騷，或者孖住上節目，唔少大陸藝人都覺得佢哋圈中模範夫妻，未知係唔係近排多工作，應采兒休息唔夠，定係冬天乾燥易出生唇瘡。
應采兒IG截圖
佢剛才喺IG貼出一張嘴唇相，似乎生咗唇瘡，佢自嘲：「東成西就……我也可以做梁朝偉。」講緊係電影《東成西就》演歐陽鋒嘅梁朝偉中咗五毒散，嘴唇變成「孖潤腸」嘅造型。
東成西就梁朝偉劇照
唔少fans都叫佢快啲睇醫生，問佢係唔係過敏、蕁麻疹定疱疹，「可能是太累，注意抱孩子前先洗手，會傳染的」，另有網民就笑應采兒同囝囝Jasper好似，之前Jasper上真人騷節目《爸爸去哪兒5》食火龍果都見到個香腸嘴：「果然有其子也有其母。」亦有網民開玩笑指應采兒個嘴係老公陳小春啜腫咗。
(蘋果日報)
一名在黃大仙上學的11歲女童昨日在嚴寒天氣下只穿校服裙上學，未有穿上足夠的保暖衣物。駐校社工思疑女生父母疏忽照顧，決定報警。警方列虐兒案處理，昨日傍晚以涉嫌疏忽照顧拘捕女童的36歲姓胡的父親及40歲姓錢的母親。多份報章今天都引述消息報道，女童透露在嚴寒下被迫用凍水洗澡，並指父母嫌棄她有兔唇。女童與胞妹及父母同住新蒲崗一劏房單位，父母無業，申領綜援。
疑遭虐待的女童，與胞妺同就讀九龍城獻主會溥仁小學，分別讀四年級和三年級。《蘋果日報》指，據知女童送院時身穿的冷衫及恤衫等極骯髒。
《蘋果日報》引述消息指，胡女身世坎坷，她因有兔唇的先天缺陷，雖然早年已做過矯形手術，但仍留下傷疤，疑因此一直遭父母嫌棄冷待。據知她曾向社工吐露心聲，稱「爸爸媽媽只愛錫妹妹，唔錫我」。她亦稱近日天寒地凍，在家中「冇熱水沖涼」。
《明報》引述消息稱，上星期連日天氣寒冷，姊姊僅穿單薄衣衫上學，但妹妹則衣物足夠；其間社工向她了解情况，得悉其家中使用儲水式電熱水爐，她被排在妹妹之後洗澡，即使爐內還未有足夠熱水也被強迫冲涼，以致要「冲凍水」。直至昨晨10時許，女童上學時再被發現僅穿校服及一件冷衫，30歲姓廖學校女社工與校方商量後，決定報警。
(綜合報導)
雨僑同羅力威結束8年愛情長跑，公開婚照宣佈3月擺酒結婚，除咗戥佢地開心之餘，婚紗相都相當吸睛﹗身上禮服係星級藝人贊助之餘，大家都相當好奇佢哋到底飛咗去邊度影婚照，森林景相當特別。唔使估估下啦，其實成輯相都喺影樓室內完成，仲要唔使離開香港！
滿天星雖然唔係貴價花種，但加添夢幻感覺實在係畫龍點晴，不可多得嘅佈置物料。
Model出身嘅雨僑擺Pose絕對難佢唔到，婚紗晚裝由胡杏兒嘅公司Kevolie贊助，心型胸婚紗上繡滿立體花花及珍珠，高貴又有氣質，望真啲腰側仲有少少透視；至於晚裝方面，由於雨僑鍾情滿天星圖案，所以 see through 裸色晚裝特別加上銀色滿天星圖案設計，非常性感亮麗，至於羅力威嘅兩套男禮，就出自蘇志威嘅LUXE Tuxedo。
雨僑身上婚紗出自胡杏兒嘅公司，心型胸婚紗上繡滿立體花花及珍珠相當高貴。
透視裸色晚裝加上雨僑至愛嘅銀色滿天星圖案設計，化身成森林仙子一樣。
男士們睇衫可能無咩感覺，咁就不如睇景啦。雨僑同羅力威公開婚照中有兩個場景，一個係喺落地大窗前，配以大量滿天星佈置作背景，純潔又有氣質；而另一場景係以掛上燈泡嘅森林作為拍攝背景，充滿浪漫童話感覺。
呢個森林場景真係既特別又韓味十足，估唔到會係喺香港嘅影樓。
原來兩個場景都係位於香港嘅萬呎影樓ByBen一角，攝影師Ben係婚攝界紅人，胡杏兒嘅婚紗照、大肚相都係由佢操刀。影樓中有超過20個實景場景，除咗雨僑同羅力威影嘅森林及韓式大窗，仲有法式露台、長樓梯、甚至一比一大嘅夢幻藍色馬。開業短短一年多啲已經成為明星藝人御用影樓，好似胡說八道會、蘇志威、吳業坤、鮑起靜、羅敏莊陳國邦一家、鄺文珣、吳若希等都先後喺度留影。
早前聖誕節，羅敏莊陳國邦帶埋囡囡陳禛，到ByBen拍攝全家幅。
胡杏兒拍攝大肚照呢個場景，同雨僑羅力威係同一場景，大家又認唔認得？
影后鮑起靜同囡囡一齊喺大型時鐘前留影，相當有愛。
鄺文珣嘅大肚照都喺同一影樓拍攝。
吳業坤去年發展男裝禮服生意，著上自家出品到ByBen拍攝宣傳照。
吳若希有份嘅愛馬女士協會，於藍馬場景拍攝官方合照相當貼題。
(HK01)
前無綫新聞主播陳嘉倩早前被指是小三，介入TVB藝員朱婉禎及「凸肚男」陳志遠的關係，形象插水，更有指因受負面報道所累而工作被Out。
陳志遠同朱婉禎。（資料圖片）
同蘇民峰互笠高帽
陳嘉倩今晚到柴灣以主持身份錄影ViuTV旅遊資訊遊戲節目《嚮導玩》，與蘇民峰、駱振偉及余逸思同場，嘉倩表示做Game騷主持跟做新聞主播技巧上有很大分別，要懂得執生及記稿，蘇民峰表示有很多稿要記，笑言睇相算命較容易：「拍完第一日，發夢都夢到節目內嘅問題，仲睇錯開工時間，好大壓力呀！（嘉倩表現成點？）好過我，要背咁多稿，我就負責搞搞震。」嘉倩即大讚蘇民峰擅長搞氣氛，兩人互笠高帽一番。
否認被飛出電台節目
蘇民峰話希望劫之後係運。
陳嘉倩講佢嘅擇偶條件。
談到陳嘉倩近期是非多多，問蘇師傅可有指點一下？他說：「有是非唔緊要，桃花有時運有時劫，一生人實遇到，希望劫之後係運。」
陳嘉倩即笑說：「承你貴言！」蘇民峰又教陳嘉倩點揀男仔：「唔好只係睇佢對你好唔好，要睇佢對身邊冇勢力嘅人好不好，仲有如果好叻講甜言蜜語，說將來50年都對你好好嗰啲可以唔要，口講得出，個心都冇諗住做得到啦！而且要識睇細微動作，分辨係咪好人。」陳嘉倩大表贊成，認為擇偶條件是另一半要對所有人都好。問最近心情可有被負面報道影響？
她說：「都係忙呢個節目。（呢個節目係幾時接？）都幾個月前。（有指你因為形象差被飛出電台節目！）唔知點解咁傳，係因為要忙呢個節目，星期六都要開廠，太忙喇，所以我嗰邊主動提出暫時完，佢哋都歡迎我得閒返去幫手。」
批嘉倩易嫁得好
陳嘉倩（左起）、蘇民峰、駱振偉、余逸思
問陳嘉倩會否心急想再拍拖？她表示最緊要工作和學業，蘇民峰說：「想知嫁得好唔好，通常女仔鼻樑夠直夠高夠長，大部分都可以嫁到好老公，扁到左眼見到右眼就『抆水』啲喇！嘉倩個鼻九成容易嫁到好老公，而且屬馬，下轉桃花應該係2020年啦！」
(東方日報)
