藝人陳琪與老公胡諾言婚後誕下三個仔女後，陳琪就留家專心相夫教子，仲經常喺社交網分享子女成長點滴。
呢日陳琪上載多張細仔胡澔錕（波仔）嘅相，相中見到波波抱住個BB公仔，好似照顧真BB一樣咁有愛心，仲天真到向BB公仔獻吻，非常之可愛！
陳琪仲留言：「波波同我講佢湊BB最叻，睇嚟佢想要番個細佬妹。BB過嚟畀哥哥錫啖先！睇嚟佢真係有啲天分做保母！如果大家屋企等人用需要人幫手湊BB，認真考慮下（吓）胡波波……」
咦！唔通陳琪暗示將會再追多個？胡諾言要再努力搵多啲奶粉錢喇！
(on.cc東網)
【悉尼被捕】 高雲翔涉性侵 連「王晶」都有份… 王晶首開腔回應
35歲的大陸男星高雲翔，澳洲媒體報道指他於當地拍戲期間，於酒店內涉嫌性侵一名36歲女子，消息指與高雲翔一同被捕的還有一名同為35歲王晶(音譯Wang Jing)的男子。
報道指，女子報警稱除了高雲翔外，還有一名叫做Wang Jing的男子也涉嫌性侵。該女子表示，她和高雲翔、Wang Jing進入悉尼一家香格裡拉的酒店房間內，兩人對自己實施了性侵。其中一名男子本周二下午，在香格裡拉的酒店房間內被捕，另一名男子不久後，在悉尼CBD的Haymarket被捕。
董璇喺2016年為高雲翔誕下一女。
高雲翔日前為新戲《阿那亞戀情》赴澳洲雪梨拍攝，他26日（周一）才在微博宣佈殺青，如女子所述屬實，他殺青當天就犯下性侵罪行。而《阿那亞戀情》製片人名為王晶。報導指出，高雲翔與Wang Jing28日已在雪梨中央地方法庭出庭受審，將在6月重新開庭。大陸媒體致電高雲翔妻子董璇，對方掛掉電話不做回應，而高雲翔經紀人則回應不清楚，隨即掛掉電話。高雲翔的太太董璇亦有份參與《阿那亞戀情》演出，分別飾演男女主角，不過董璇就未有到澳洲拍攝，並於本月15日宣佈殺青。
高雲翔喺上年8月於微博寫道：「期待從3到4，我們來了。」似暗示家庭人口將由3人變成4人。
2人日前錄製節目《瘋狂婚禮季》，暢聊愛情故事，原訂在今晚播出，沒想到今卻爆出高雲翔涉及性侵的消息，未知會否如期播出。除此之外，高雲翔也與范冰冰合作《巴清傳》（前名：《贏天下》），該劇原預計下月在網路平台播出，如今也可能受到影響。據了解，涉性侵的35歲王晶，並非香港導演王晶，有網民於指，該名製片疑似是海寧晶美影業股粉有限公司的大股東，而《蘋果》向香港導演王晶了解事件，他回應時話：「多謝！我在香港，我起碼識五個王晶。」
澳洲媒體報道事件。
高雲翔於26日更新微博時打卡，表示自己身在澳洲悉尼。
(蘋果日報/ON.CC)
【正貨假貨比較】香港海關打擊冒牌BB健康食品
香港海關前日(27日)採取打擊售賣冒牌健康食品行動，檢獲102盒懷疑冒牌保健沖劑，以及54件護膚產品，估計市值共約1.2萬港元。
海關檢獲102盒懷疑冒牌衍生七星茶保健沖劑，以及54件護膚產品。(新聞處)
商標持有人早前舉報，指市面上有零售店舖售賣懷疑冒牌衍生七星茶保健沖劑，海關昨日採取行動，在北區兩間零售店舖檢獲102盒懷疑冒牌保健沖劑，估計市值約7000港元，並拘捕50歲男店東和29歲男店員，兩人保釋候查。海關亦在其中一店檢獲54件懷疑冒牌護膚產品，估計市值約5000港元。
冒牌沖劑獨立包裝的切口位在正面右下方，正版貨的切口位則在正面左下方。(新聞處)
冒牌保健沖劑包裝盒上的部分印刷字樣及圖案較正版貨模糊，包裝盒上的防偽標貼二維碼上銀色塗層與正版貨不同。此外，冒牌沖劑獨立包裝的切口位在正面右下方，正版貨的切口位則在正面左下方。
冒牌保健沖劑包裝盒(下)的部分印刷字樣及圖案較正版貨(上)模糊。(新聞處)
（on.cc）
【 公主變凡人！】甩拖打回原形 遷出8千萬愛巢租平屋住…
藝人吳千語與林峯分手後，原來已靜悄悄搬離舊愛的8,000萬豪宅，「降呢」到鄰近昔日愛巢、位於堅尼地城月租約萬多元的屋苑。雖然千語被指撻着有米新歡，但過往有司機接載的她，現時出入以的士代步，生活今非昔比！而林峯昨日被問到會否介意與舊愛同台時，他自言專業，絕不介意。
甩拖的吳千語已搬離與林峯昔日位於薄扶林的豪宅愛巢，經常不在港的她為免捱貴租，最近搬進月租約萬多元、位於堅尼地城的一個屋苑，雖然環境不及以前，但似乎住開薄扶林對附近都有感情，其新居亦鄰近昔日愛巢。
日前下午，戴黑超的千語獨自現身屋苑對面的油站等的士，打扮Casual，過往挽着的名牌手袋換上紙袋，平日行開名店的她，與昔日貴氣打扮明顯大不同，登上的士後更直駛至黃竹坑工廠區，落車後急急腳步入該處一幢商廈。
吳千語租住新居，鄰近昔日愛巢。
依家拎紙袋。
千語現身工廠區一幢商廈。
昔日吳千語有專車接送返林峯的8千萬豪宅。
冇咗專車接送嘅千語，搭的士代步。
打扮Casual。
形單隻影。
林峯一再被問感情事，表明只想談工作。（資料圖片）
昔日拎名牌手袋。
一洗以往貴氣。
與昔日明顯大不同～
(東方日報)
【著平底鞋現身】陳慧琳話人工受孕超辛苦：個肚花晒都是但喇
Kelly就話：「支針幾粗都拮入嚟，唔理㗎喇，忍啦！到呢啲位就諗住自己係刀槍不入，但求成功」。。。
歌手陳慧琳（Kelly）晚上到中環出席品牌活動，一襲鮮紅百摺背心裙現身，配襯一雙紅色平底涼鞋，笑言自己今日走度假風。問穿平底鞋是否有喜？她即驚訝回答：「唔係呀嘛？等我縮一縮個肚先！（腳趾唔封，個肚封唔封？）封喇，封晒成個人呀，唔止封腳趾。」
「買好多張咁點算？」
提到最近有人提議演唱會以「實名制」買飛杜絕黃牛飛，Kelly表現疑惑：「咁如果一個人要買好多張咁點算？咁如果我想買20張請親朋戚友睇，咁咪好麻煩？如果我唔得閒，想畀個仔睇，佢又入唔到去，到時個位咪冇人坐？有咩方法呢，咁點搞呀！」
Kelly表示自己演唱會都是透過歌迷會去賣飛：「唔使大家咁早嚟排隊㗎喇，歌迷會買飛就包靚包有。（唔係歌迷咁點算？）真係冇辦法喎咁，我唔記得自己啲騷有冇黃牛，都係靚飛一去就去晒咁囉。」
自己打針知幾時痛
對於43歲歌手李玟（CoCo）透露接受人工受孕打針抽卵，直言過程好辛苦，同樣試過人工受孕的Kelly就說：「嘩，都好多年前做，嗰陣時呀，個肚花晒都是但喇！支針幾粗都拮入嚟，唔理㗎喇，忍啦，仲要係自己嚟添！（你自己打？）嗰陣時仲唔咩都自己嚟咩？我自己打起碼我知幾時拮入嚟呀嘛，畀人哋打我又唔知幾時拮咁咪仲痛？自己嚟㗎喇，我唔怕嘅，到呢啲位就諗住自己係刀槍不入，但求成功。」
(on.cc東網)
【大女即刻call白車入院】鍾麗淇內疚痛哭：我怪自己
藝人鍾麗淇（Margaret）出席護髮品牌活動。
被問到復活節有什麼安排？Margaret表示原定一家大細齊齊去新加坡旅行，已經計劃大半年，但大女一月時因打流感針引發羊癇、出現抽筋問題，搞到要即時入醫院！她說：「因為嗰排流感好勁，其實佢兩年嚟都冇發作過，今次打完流感針就出現抽筋，我怪自己，但都唔會叫人唔好打，因為細女都有打，只係大女敏感，唔會再畀佢打。今次呢件事令我好驚、又內疚！」
鍾麗淇又表示自己平時都好少喊，但大女病發呢次因為嚟得好突然，佢好內疚，所以都忍唔住喊 :「好在出咗院，所以4月份旅行延遲一年，擔心飛機抽筋唔知點算好，會改選擇搭船去澳門。其實都係想兩個女開心。」
大女Isabella（左）、細女Michela（資料圖片）
Margaret透露七月會去多倫多出席一個有關羊癇症的大會，一連五日在當地學更多關於羊癇症的資訊，希望學到更多資訊去照顧大女。Margaret又指自己與家姐已經八年沒有見面，今次返多倫多可以探望對方。
(on.cc)
【前亞視高層！】再出書爆料：講吓當年唔講得嘅嘢…
前亞視執董葉家寶出席活動，支持傳媒人黎文卓，他表示二人兩年前合作出書，講述自己在亞視的最後一年，今年則計劃再出兩本書，一本是講述在創世電視工作的首年，另一本則講述他入行40年的演藝人生，會寫40年來的經歷與趣事，他說：「講吓當年唔講得嘅嘢，依家就可以披露吓細節！（爆大鑊？）係寫當時唔可以講嘅嘢！」又指一定會平衡，不會影響其他人，他說：「講番件事點解會發生，背後有啲咩動機同影響，希望呢本書可以幫到想入行或者係啲對演藝有希望嘅後生仔！」
談到工作大計， 目前效力福音機構的他，表示將會有不同發展，可能會幫忙做演唱會或者拍電影，而他即將有新節目，邀得黎燕珊及羅霖擔任嘉賓。
佢話今年計劃出兩本書！
葉家寶（左）出席活動支持傳媒人黎文卓。
寫當時唔可以講嘅嘢，但唔會影響到其他人！
佢話希望本書可以幫到想入行嘅後生仔！
(東方日報)
【終於復出】方媛甜笑承認
「城嫂」方媛（Moka）自從去年9月為郭富城誕下囡囡Chantelle後，昨晚首度現身公開活動，於中環出席頭髮護理品牌發佈派對，差不多成年冇見嘅Moka，着住4吋高高踭鞋現身，雖然已為人母，但Moka已明顯成功收身，同佢產前冇乜分別。
Moka喺台上分享一啲護髮心得，見到佢好似有啲緊張同拘緊咁，全程由城城經理人小美陪住。問到Moka係咪比較緊張，佢以普通話回答：「一點點。」然後佢話自己本來已經好鍾意呢個品牌，又用過呢隻產品，所以先會出席呢個活動，問到佢係咪被酬勞吸引？Moka話：「主要是幫朋友，錢方面不清楚。」而小美亦補充稱「唔講錢」，問到Moka係咪出席活動賺錢儲私己，佢坦言：「都有嘅。」但就唔肯講啲錢夠唔夠佢買手袋。
提到城城都有護髮品牌，今日Moka撐其他牌子，會唔會變咗打對台？佢就話：「不是，好的品牌我都支持。」咁會唔會幫城城個品牌拍廣告做生招牌？Moka話唔會。再問到Moka係咪要老公城城批准先可以出席活動，Moka話：「老公都尊重我喜歡的工作，支持我的，可是首要先照顧好家裏。」
至於會唔會再出活動，Moka坦言：「暫時未有，要先照顧好BB（Chant），偶然都會出席時尚活動，因為自己都很喜歡時尚的東西。」問到佢囡囡Chantelle係咪好得意？Moka話：「對呀，現在6個月，有15磅。（城城係咪好冧囡囡？）係，好喜歡！」
Moka仲爆老公爭住抱個女，而且佢大讚老公：「他是一個很好的爸爸，（會唔會呷醋？）不會，他都是喜歡BB，我也很疼她。」
已經收身變番產前咁上下身形嘅Moka透露，啱啱喺囡囡6個月大時停止餵母乳，自己現時重43公斤（約94.6磅），雖然佢好「夫唱婦隨」咁，話再生BB係天註定嘅事，但佢話兩公婆的確係努力不設房，亦有計劃再追BB。
問Moka係咪想追個仔，佢甜笑承認：「應該會啦！我自己都喜歡男孩子，（會唔會生越多越好？）不會，（生3個？）看老天啦！（會唔會生到追到仔為止？）不一定。」
講到為城城生女，有冇收到禮物？Moka話有，而且好多，不過因為佢唔特別鍾意鑽石嗰啲，最重視係份心意。講到下個月18號係佢哋結婚一周年紀念，Moka話未諗點樣慶祝，至於老公會唔會有驚喜，佢話：「他每逢節日，常常都會給我驚喜。」
(蘋果日報)
【佗B 8個月】熊黛林嬲爆：憑甚麼這麼重要的決定權要交到這種愚鈍的男人手上？
37歲名模熊黛林（Lynn）去年11月公開宣布懷孕，至今佗B約8個月。
Lynn經常在個人社交平台分享即將做媽媽的好心情，可是她昨日突然分享一則男子怕影響胎兒而不讓妻子打無痛分娩針的新聞，更忍不住留言痛斥該男子：「沒文化，真可怕。」作為一個準媽媽，Lynn直言：「憑什（甚）麼這麼重要的決定權要交到這種愚鈍的男人手上？懷胎十月本來就是一個很辛苦的過程，臨了還要逼著（着）產婦體驗十級痛楚！難道女人就沒有自主權嗎？」這番言論引起了不少媽媽的關注和共嗚，Lynn慨嘆：「為產婦有這樣的老公感到可悲。」
(on.cc)
【細女曝光】深水埗派曲奇 ：我唔係大富大貴出身 想飲水思源！
甘比陳凱韻今年1月為大劉劉鑾雄誕下第三個孩子、囡囡Josie，昨日甘比在fb上載兩張細女的相片，一張是出世一個月，一張是近照。首度曝光的Josie，跟大劉十足餅印，肥肥白白，眼大鼻大，額頭飽滿又高，但未幾甘比已將圖片刪除。
甘比忙於照顧孩子，又要協助大劉管理劉鑾雄慈善基金的事務，產後極速收身的她，日前就趁復活節假期前，到以大劉媽咪命名的劉葉淑婉紀念自修中心送暖。劉鑾雄慈善基金於96年成立，多年來大劉已對基金捐款超過40億元，未來會繼續投放資源和金錢。慈善基金成立宗旨是提供各方面援助，照顧一班弱勢社群，尤其特別關注兒童的升學問題、醫療捐獻、老人膳食及住宿問題，同時為了幫助窮學生有自修室，大劉於深水埗開了一間以母親劉葉淑婉命名的「劉葉淑婉紀念自修中心」，會員已超過1,000位。日前甘比到了劉葉淑婉紀念自修中心，派發親手造的曲奇及蛋糕送給區內兒童，希望他們可度過一個愉快的復活節。為教導下一代都要有愛心，甘比不時會帶大女秀樺和兒子仲學去做公益，之前秀樺就去過自修中心教小朋友做湯圓。
滿月嘅Josie，眼大大鼻大大。
甘比說：「劉生同我都唔係大富大貴嘅家庭出身，我喺公屋長大，一直希望飲水思源，回饋社會。」甘比透露深水埗只是第一個試點，她昨日表示：「我哋基金會宗旨係培育學生、發揮潛能、服務社區、關愛社群，呢二十年基金幫助過好多家庭，供過唔少學生出國讀書。劉生又曾親自約一班小朋友去福臨門午餐，有時劉生睇新聞發現有好可憐個案，佢會立刻提供援助。」
近照。越大越似爸爸喎！
「我哋除咗對單位資助外，睇到報紙有乜嘢人需要幫忙亦會幫手，咁做比較直接，亦因為我哋希望能實實在咁在提供有需要嘅物資或錢畀受惠人，所以我哋寧願自己請社工同職員，唔會只捐錢畀慈善機構，唔想只係單單捐款而忽略解決問題。」問甘比幫助個案中有沒有令她好感動的？她說：「好多好多，其中有一個學生喺自修中心經老師教導後，成績大有進步，最後考到第一，讀大學後又返嚟中心當補習老師幫補家計，自力更生之餘，又將關愛延續落去，呢點令我好感動。」
日前甘比到了劉葉淑婉紀念自修中心，派發親手造的曲奇及蛋糕送給區內兒童，希望他們可度過一個愉快的復活節。
(蘋果日報)