台灣男星吳尊自去年帶同囝囝（Max）﹑囡囡（Neinei）參加真人騷《爸爸去哪兒5》後人氣急升收獲不少粉絲，一舉一動都甚受網民關注。而身為爸爸的吳尊為了廣大的粉絲亦不時在社交網站分享子女的生活近況，就好似近日咁他出賣Max的裸照同自己細個樣比較，要網友揀鍾意邊一個多啲，十分搞笑。
吳尊呢個爸爸同子女相處就好似朋友，無時無刻都喜歡作弄他們，繼上一次出賣囝囝Max小便的照片之後，最近又出賣他的肉照，竟然在Max沖涼的時候偷拍他，當然有遮住重要部位，萌萌的表情超級可愛。為了同囝囝鬥人氣，吳尊亦不惜出賣自己細個祼照同Max來一場PK戰：「忍不住要分享這張照片，我因該是遺傳我爸很愛拍這種照片，你們選誰呢？Max or Me 。」
父子二人似足餅印咁一樣靚仔，不過講到揀邊個不少網友都揀Max，因為他絕對比爸爸可愛得多，重點是他仲單身喎認真搞笑「我選max」﹑「我選目前還單身的」…恭喜max啊！
(HK01)
近日天氣持續寒冷，捐血的市民人數未及預期。香港紅十字會輸血服務中心各類血型的血液存量仍然極度短缺，中心緊急呼籲市民立即前往捐血，以維持正常血液供應，為病人提供適切的臨床治療。
一般而言，每天要有大約1,100人捐血，才足以滿足全港的血液需求，香港紅十字會輸血服務中心於一月份曾分別作出兩次緊急呼籲，但每天前往捐血的人數仍然不理想，捐血人次已持續多時未能達到目標，血庫存量長期徘徊於警戒水平。
2月2日至2月4日銅鑼灣、荃灣和觀塘捐血站每天服務時間將會延長至晚上九時三十分。
鑑於寒冷天氣會持續一段時間，中心預料捐血人數會繼續下降，中心呼籲有心人立即伸出援手前來捐血，並特別希望已計劃於新年長假期外遊的人士，在出發前捐血。目前血庫情況已經達至刻不容緩的階段。
為方便市民前往捐血，由二月二日至二月四日(星期日)，中心轄下的銅鑼灣、荃灣和觀塘捐血站每天服務時間將會延長至晚上九時三十分，開放時間詳情如下︰
銅鑼灣捐血站
~ 地址: 銅鑼灣羅素街2-4號2000年廣場14樓
~ 開放時間:上午十一時至晚上九時三十分
荃灣捐血站
~ 地址:荃灣大河道8號
~ 開放時間:上午十一時至晚上九時三十分
觀塘捐血站
~ 地址: 觀塘道創紀之城5期23樓2301室及2316室
~ 開放時間:上午十一時至晚上九時三十分
（醫院管理局）
低溫下躲在暖暖的被窩裡真的超享受，卻也讓身為上班族的我們早起時痛苦不已，每天都在跟意志力作戰，老是這樣也不是辦法，不如試試下列7個醒腦小妙招，讓你天天都能舒舒服服地起床，再也不用痛苦地喊著不想上班啦！
1 起床後立即淋浴
起床後洗個早會讓精神更好，主要是透過水溫加強血液循環，建議可以用薄荷這種活潑香味的沐浴乳，洗澡會更有精神，或是在床邊放薄荷和檸檬香味的精油噴霧器，設定起床前10分鐘開啟，就能以輕鬆、不痛苦的方式將你喚醒。
2 前一晚記下代辦事項放在床邊
睡前一一記下隔天的代辦事項，將腦袋全部清空，身體自然就能放鬆睡覺，睡眠品質會更好，早上起床就不會慌亂，甚至還會提醒你「該起床囉！還有好多事還沒完成呢！」有了目標就會讓你更有毅力去對抗瞌睡蟲。
3 睡前先打開窗簾
人本來就是「日出而作，日落而息」的順陽體質，體內會藉由分泌褪黑激素維持晝夜規律，當身體接觸到陽光後，安眠的褪黑激素濃度就會降低，自然就會漸漸甦醒，所以在睡前打開窗簾，就像是每天請太陽叫你起床呢！
4 起床用濕毛巾擦臉
睡前先放一條濕毛巾在床櫃上，起床的時候先用它稍微擦一下臉，微涼的感覺會瞬間激活大腦，昏昏欲睡的感覺都會不見，記得到浴室還要再洗臉一次，免得把髒汙留在臉上唷！
5 不要養成每天多睡五分鐘的習慣
早上鬧鐘每隔五分鐘設一個，讓自己有賴床的空間嗎？或許你會很享受賴床，但是會養成每天用一百種理由說服自己多睡一點，起床卻仍是疲憊的狀態，訓練自己最好的方式是，聽到鬧鐘立即離開床鋪刷牙，久了身體就會養成反射動作，完全不需要靠意志力幫忙。
6 起床先喝一杯水
根據德國一項研究發現，早起喝杯水，有助於激活一天的新陳代謝，沖洗身體內部系統，幫你保持清醒，每天晚上睡前在床頭櫃放一杯水，起床後慢慢喝完，不僅能補充身體缺乏的水分，還能促使你離開床鋪去廁所小便。
7 躺著伸展一下身體
意識有點清醒，但就是冷到想賴在被單裡嗎？那就躺在床上做做伸展操吧！把手和腳緩緩伸出棉被外，輕輕伸展，就像是伸懶腰一樣，這些簡單的小動作可以刺激腦部，趕跑瞌睡蟲唷。
(自由時報)
元旦宣佈再度懷孕嘅葉翠翠，今日喺灣仔出席營養食品活動，雖然佢已經懷孕4個幾月，但佢依然着4吋高嘅高踭鞋、春季露膊裙，影完相後急急披番件外套。
翠翠喺台上透露懷孕頭3個月，佢照食快餐同煎炸嘢，之後開始小心飲食，食一啲長胎唔長肉嘅食物，同埋盡量走油。佢又指今胎陀得比上胎辛苦，因為始終要照顧大仔津羲，不過心情冇第一胎咁緊張。
受訪時，講到對4吋高踭鞋，怕唔怕老公周曉東唔准？翠翠話：「佢車我嚟，冇所謂，都係一陣。」佢透露6月係預產期，已經訂定醫院床位，又會擇日開刀，佢仲話：「重咗7、8磅，開頭好辛苦，成日攤喺度，近排好啲，同埋成日發惡夢，老公番工前會錫我，點知我發夢見到有蟲跌落我度，我就一搥打到我老公度。」
有冇照呢胎係仔定女？翠翠話：「唔想知住，冇所謂啦，但老公就想係仔，因為可以同佢玩，生女就危險啲，0依家啲女仔12、13歲就話拍拖，仔就話可以話佢，感覺冇咁蝕底，但如果生女，就要日日接佢放學。」老公有咩奬勵？佢笑住話：「冇呀，平時節日都冇，只係寫張卡畀我，仲要張張都一樣。」
咁即係老公太專一，佢笑指：「吓！冇計，以前追我都係送太陽花、龍鬚糖，就算送鍊我又唔鍾意。」老公咁冇情趣怕唔怕佢嬲？翠翠話：「佢都慣，佢個人冇乜所謂，我都係講事實，只要唔係屈佢就得，我啱啱懷孕，好想食粥，佢番工前買畀我食，但我以為佢冇買，同朋友篤佢背脊，雖然佢聽到，但都冇嘢。」津羲知唔知自己做哥哥？佢話：「佢應該唔識。」
（蘋果日報）
陳凱琳（Grace）昨晚出席「仁濟慈善雙周2017頒獎禮」，Grace表示一得閒，便和媽咪當義工派飯給有需要人士。她昨晚上台表演唱2首歌《我的驕傲》和《終身美麗》。
陳凱琳話自己有龍鳳胎基因。 
陳凱琳
（明報 / ON.CC）
無綫劇《誇世代》喺之前舉行嘅台慶頒獎禮奪得「最佳劇集」，噚晚一班演員歐陽震華(Bobby)、陳豪、邵美琪、江美儀、麥明詩約埋去尖沙嘴慶功，連被大台封殺嘅張繼聰都有出席。
郭晉安同無綫嘅合作方式改變咗，轉簽部頭合約，仲改簽王祖藍做經理人，與此同時，亦有指陳豪快將約滿大台，盛傳佢會離巢返大陸拍劇賺人仔，陳豪就解釋自己同大台嘅合約仲有一段時間，但佢就補充話都差不多時間要傾約，仲話續約最緊要開心。陳豪話拍咗咁多年劇，都想有唔同發展，拍吓合拍劇或者大陸劇咁，但佢重申並非想離開無綫。
此外，Bobby同邵美琪都未有出席頒獎禮，Bobby就話自己頒獎禮當晚正喺大陸做舞台劇，當時知道都好開心。講到舞台劇對手萬綺雯爆佢想操馬甲線，Bobby就話因為同劇嘅Otto(陳志健)，身形勁弗，之前陳豪同張繼聰都有叫佢一齊操，但Bobby就話自己鍾意食嘢，今次見到Otto唔駛戒口，佢笑話：「我o依家有條鯨魚線，希望可以操到有人魚線，但要等到過完新年先開始。」
最近深夜大台重播邵美琪主演嘅劇集《我本善良》，邵美琪就話套劇係28年前嘅作品，令佢想番當時去英國拍外景嘅片段，仲話自己亦有微信搵溫兆倫，亦有fans去英國時專程搵佢哋嘅拍攝場景㖭！
(蘋果日報)
袁文傑早前與女友張潔蓮出席活動時已表示希望今年內結婚，前晚他於中環大會堂拍攝無綫新節目，並於流動展覽車上獻唱，丁子朗則透過big big channel直播，期間張潔蓮到場，有工作人員要求與田蕊妮合照，請張潔蓮揸機。
此時袁文傑趁女友不為意，突然唱出歌曲《追》，之後又手持鮮花送給驚喜不已的女友，即惹來求婚疑雲，二人相擁一刻，直播結束。
事後袁文傑受訪時否認求婚，表示只是拍節目，但問到求婚進程？他認籌備中：「鋪排緊，一定有啲基本嘢。」
(on.cc東網)
藝人莊思敏（Jacquelin）與妹妹莊思明（Lisa）今日到電台宣傳賀歲電影。Jacquelin說電影是另類真人騷：「我哋喺戲入面做番自己，跟住李居明師傅去咗日本，好似旅行咁，但係就去啲古靈精怪嘅地方，例如一啲廟呀或者啲有傳說嘅地方，試過師傅叫我哋做啲嘢去打開靈界之門，但我哋太驚就冇做到，背叛咗師傅。」
莊思明話男友楊明唔會同行，但年三十會喺香港見面！
去閻羅王廟
Lisa又憶述道：「試過最得人驚係有次要去閻羅王廟，原來日本人係會拜閻羅王，我都嚇一跳。」Jacquelin在旁附和道：「係呀，我一聽到要去呢個地方嘅時候已經覺得有啲不安，直情同佢哋講我唔想去，結果妹妹入到去都覺得好唔舒服，成塊面青晒。」
見到有嘢行入家姐房
兩姊妹又分享原來Lisa自細已經有靈異體質：「我細個嘅時候係成日都見到，後來真係見得太密，要媽咪帶我返馬來西亞封咗隻眼！（有陰陽眼？）類似，但係又唔係話隨時出街都會見到，只係如果喺特定地方，例如醫院、搞喪事，喺啲特別陰嘅地方就會。（細個有冇試過嚇親家姐？）有一次試過見到有個行咗入家姐間房，但我冇出聲，事後先同佢講。」Jacquelin笑說：「係囉，你嗰陣又唔話我知！」Lisa應道：「我即刻話畀你知你咪仲驚，實唔使瞓覺喇！」
唔當樓係禮物
兩姊妹表示新年將會回馬來西亞度歲，Lisa說男友楊明不會同行：「得幾日假，佢都要陪佢自己屋企人啦！（生日冇得見面？）年三十會喺香港見面。」問家姐Jacquelin準備了禮物給妹妹？她即笑問Lisa：「係囉，你想要咩呀？」問之前Jacquelin買給妹妹的西營盤六百萬單位是否已經是禮物，Lisa卻笑住擰頭說：「層樓仲未賣出去，一日未賣到我都唔當係禮物㗎。」
莊思明男友楊明
早前獲得TVB飛躍進步獎
（ON.CC）
準人妻阿嬌噚晚出席小紅姐生日party，講起未來老公賴弘國即甜絲絲，講明想介紹未來老公俾大家認識，不過阿嬌先護住未婚夫，阿嬌衝口而出：「佢唔係好鍾意話佢係『醫界王陽明』，佢係佢，王陽明係王陽明，唔係王陽明唔靚仔，我覺得我未婚夫靚仔啲，唔好再用呢個名嚟形容佢。」
講到好姊妹阿Sa同百億闊少石恆聰(Anthony)感情穩定，阿嬌想唔想同蜜運中嘅阿Sa合體「Twins孖妹出嫁」？阿嬌笑言：「唔可以代佢答，我哋感情嘢唔會傾，唔會八卦問，要講自然會講。」阿嬌心郁郁搞合體婚禮：「大家嚟飲，做兩份人情，我哋賺晒啲錢，係幾抵，拉個藍布景，key落去。」
阿嬌講明婚後想生B，不過幾時生小朋友，阿嬌覺得生幾個要問個天，對於呢個100分嘅未婚夫有冇咩缺點？阿嬌原來唔鍾意鬍鬚男：「我唔鍾意人唔剃鬚，不過佢做嘢剃鬚，啲人同佢講賴醫師你又靚仔咗，佢喺我面前會剃。佢缺點唔識生仔，佢唔會大肚，最好佢幫我生埋啦，男人都可以生BB，懶到我咁都有人要，真係幾咁難得。」已訂婚嘅阿嬌還霸氣咁話：「我返去就叫佢醒定啲。」
阿嬌冧爆未婚夫，噚日農曆生日，問到賴弘國喺咪等佢回家再慶祝，阿嬌話：「冇喎，我問佢點解唔送生日禮物，佢話送咗戒指，但生日還生日嘛。」求婚後嘅首個情人節，阿嬌當日要開工，元宵則去老闆楊受成屋企拜年，佢希望趁旺做莊開局發大財。問到佢打算點搞婚禮，阿嬌似乎冇乜頭緒：「未plan，唔係今日求婚，聽日結。」
小紅姐講笑：「今月求婚，下個月結，再下個月生埋仔。」阿嬌有啲無奈：「三日搞掂，生埋三胞胎㖭呀。」阿嬌強調婚禮唔鍾意玩浪漫，更自爆最憎食法國餐：「食乜鬼法國餐，慢到死。」阿嬌五月開演唱會，所以暫時未有結婚計劃，佢自認懶爆，唔排除交由未婚夫安排：「到時我出席咪得。」
(蘋果日報)
有睇開MYBB嘅你哋一定對生物科技公司水中銀嘅「小魚親測平台」唔陌生，之前佢哋發布咗好多大家日常生活中都會用到嘅嘢測試結果，就好似牛奶、潤唇膏、BB霜、食用油等等。今次測試嘅就係各位媽媽都好關心嘅BB奶粉！但就集中喺較大嬰兒配方奶粉，亦即2號奶粉，適合6-12個月大嘅BB飲用~
而測試結果顯示，所有抽樣奶粉均通過安全檢測要求，當中14個樣本為綠魚(代表品質卓越)、2個樣本為黃魚(代表基本合格)。水中銀首席執行官杜偉樑先生指出綠魚同黃魚嘅分別在於三重測試中的斑馬魚胚胎急性毒物測試，根據國際多份毒理研究報告及產品數據庫資料支持，懷疑係樣本當中一些主要成分於單獨或混合效應下產生了毒性反應，建議各位爸爸媽媽選購奶粉時認住綠魚標誌！
究竟有邊幾款奶粉得到「綠魚」嘅評價呢！？即睇清單：
而註冊營養師李德勝先生都分享咗點樣揀適合BB嘅奶粉：「母乳是嬰兒首選的營養來源，能覆蓋初生嬰兒首半年發展需要的所有營養素。然而，若母親未能餵哺母乳，可選擇合適的嬰幼兒奶粉取替。一般而言，初生至6個月大的嬰兒，可飲用以牛奶製成的『初生嬰兒配方』奶粉，但謹記不可胡亂食用高蛋白『較大嬰兒配方』，因為高蛋白奶粉對新生嬰兒的腎臟造成負荷，可引致腸道炎甚或是腦部受損的情況。6至12個月大的嬰兒可視乎各方面發展狀況選擇初生至6個月『初生嬰兒配方』或6-12個月『較大嬰兒配方』。初期，奶仍是主要營養來源，當引進流質及固體食物（輔食）並逐漸增加分量後，可逐步減少奶分量。一歲後，均衡及多樣化的固體食物能取代奶成為主要食糧，幼兒可轉飲全脂牛奶（以超高溫處理 UHT Processed），補充足夠脂肪幫助成長。」
李德勝先生又提醒，經高溫處理的牛奶可致使當中的水溶性維他命流失，減少營養吸收。另外，由於嬰兒的免疫系統並未發展成熟，容易對牛奶的蛋白質出現過敏症狀如濕疹，建議牛奶過敏、腸胃敏感及乳糖不耐受者均可選擇以豆奶代替。
奶粉的主要營養成分為蛋白質、脂肪、碳水化合物、維他命及礦物質，能通過國際標準大規模生產的奶粉均含有最基本的營養素。然而，市面有些奶粉標榜加入必須成分以外的其他成分，以模仿母乳的營養成分或配合嬰兒發展需要，如益生菌、核苷酸、牛磺酸、氨基酸、低聚糖，多聚糖和聚葡萄糖等，其實是非必要成分。
其實奶粉所標榜的添加成分未必越多越好，因為某部分添加成分的含量其實很少，另外有些添加成分屬合成而不是天然，如維他命A、B或C，嬰幼兒未必能夠完全吸收合成成分。因此，家長可按常根據食品法典委員會標準選購含均衡營養素的奶粉。奶粉中亦常加入標準分量的添加劑，如乳化劑、穩定劑及酸度調節等，對嬰兒食用無害，家長無須擔心。
今日水中銀同羅兵咸永道中國內地及香港正式成為戰略合作夥伴，透過緊密嘅合作可以建設全面產品安全質量管理體系，提升產品質素，同時又可以幫助大眾更了解自己用嘅嘢究竟安唔安全，希望可以令大家買得放心、用得放心，呢樣亦都係水中銀嘅願景。生物科技聽落好似好難好複雜，但其實好有用！就好似佢哋嘅名水中銀咁，用水中嘅銀針（魚胚胎）幫大家測試下有冇毒！
杜偉樑先生仲分享嚟緊仲會測試孕婦保健品！有興趣嘅媽媽、準媽媽就要記住留意啦！
(水中銀小魚親測平台)
