樂基兒（Gaile）出席品牌活動，穿上黑色連身褲，比起早前上載張比堅尼突肚腩相fit咗好多，她透露剛剛由美國回港出席這活動，之後又要回美國繼續拍她的網上烹飪書，說：「因為cook book全程喺美國拍攝，所以會再逗留多10日，之前老公都有陪我喺美國，依家就喺香港。（你喺網上post咗張泳衣相，有肚腩被指懷孕？）唔係，仲努力中，不過唔會唔開心，每次post相都冇諗咁多，自己亦都冇留意到張相肚腩凸咗出嚟，不過唔緊要，反而啲朋友叫我即刻刪咗佢，但我都冇諗過，有肚腩係事實。因為依家拍緊cook book，成日試唔同食物，所以食咗好多嘢。之後會拍fitness，到時再減，但我都好開心。」
問到幾時造人，她表示努力中，希望今年可以成事。Gaile又謂張泳衣相出自老公手筆，問到會否嬲佢影得唔好？她說：「唔會嬲佢，佢不嬲影相麻麻地，係啲朋友都緊張，驚張相出咗街以後冇人搵我做嘢，好彩都仲有人搵。」
王君馨今日出席TVB宣傳活動，嚟緊係君馨婚後第一個情人節，唔知佢同老公Daniel點慶祝呢？「我哋都鐘意煮嘢食，又唔想出街同人迫，所以打算留喺屋企兩個人煮下嘢食。」問到Grace多唔多下廚，佢就話唔多，同埋自己唔鐘意洗碗，除非呢個情況:「如果我攬住佢，或者佢攬住我，一齊傾吓計，互相陪住大家，咁就好樂意洗碗喇。」真係好鬼Sweet呀！
藝人楊怡同羅仲謙2016年10月2日結婚，婚後不時高調晒恩愛，真係甜到糖尿呀！而最近香港天氣持續寒冷，佢哋兩公婆就去咗澳洲黃金海岸避寒，仲去埋水上樂園玩，而謙謙嘅一個Sweet爆舉動仲引嚟網民激讚呀！
阿怡喺Instagram上載咗段玩水上滑梯片，佢留言：「有邊個好似我咁，又要驚又要玩的？」見到條梯一啲都唔小學雞，刺激度非常高！而片中嘅阿怡同謙謙齊齊喺高處滑落嚟，謙謙半裸上陣，而阿怡就非常密實，以為冇睇頭？錯喇！出名係愛妻號嘅謙謙，Instagram今時今日都淨係Follow老婆一個，見佢一路滑就一路回望喺隔籬條賽道狂尖叫嘅阿怡，快「怡」一步到地嘅佢，仲勁Sweet咁再回望睇吓老婆到未，真係好有愛！
不知不覺咁放閃，網民都留言「謙謙好緊張你呀」、「Himhim 眼中只有你」、「係呢d（啲）細節位就睇得出你無（冇）嫁錯佢了」！
而另一邊廂，謙謙就上載咗段自拍片，留言話：「我有個壞習慣，一離開香港就不喜歡刮鬍子😂」網民都笑言老婆鍾意咪得囉！
目前爲止都仲係Follow緊老婆楊怡一個
楊怡IG
（ON.CC）
藝人蕊蕊、滕麗名、陳嘉容及導演錢國偉等昨日出席活動。錢國偉自爆上星期做老竇，他陪太太陳宛蔚入產房並為囡囡剪臍帶，又透露B女重五磅多，英文名叫Abby，中文名則由師傅改。問到剪臍帶時可有手震？他笑說：「都有，依家知母愛好偉大，以後錫老婆多啲。」又坦言做老竇心情感動：「我以為自己見慣大場面，但生B場面真的未見過，話唔喊就呃人嘅，難免有點手震，見到女兒也感動落淚。依家我識抱BB同換片，個女好乖，食飽就瞓，太太辛苦啲。」
錢國偉同老婆陳宛蔚
同場的蕊蕊希望初步能招募十多位身形好又不怕水的女仔，比賽會在帛琉拍攝外景，贏得美人魚小姐的得獎者要為宣揚保護海洋及環保出力。
蕊蕊
(Singtao / ON.CC)
由弒親實案改編的電影《藍天白雲》，讓眾演員殺青後仍難以走出角色的沉重與壓抑。片中冷血謀殺父母的梁雍婷，拍攝電影時仍為電影系學生，為演好角色，5個月間完全沉浸在陰沉性格裡，導致2014年殺青後仍無法抽離弒親角色，一度抗拒與劇組接觸，「感覺角色如影隨形，非常討厭自己。」
梁雍婷在電影中外表柔弱，其實是個會唆使同學弒親的冷血女學生。有幕演員顧定軒與梁雍婷要勒斃梁戲中的父親的戲，由於太過入戲，讓飾演父親的陳哲民一度昏迷，陳哲民事後餘悸猶存的說：「這次真的斷片，前一刻還在掙扎，一張開眼已經被劇組工作人員圍住，超怕我真的被勒死！」
梁雍婷拍攝《藍天白雲》入戲太深，一度走不出來。
也因為入戲太深，梁雍婷一度無法抽離，只能暫時不跟劇組接觸，背了3年陰影後感嘆：「拍這部電影會不停勾起你的黑暗面，『原來做人可以做到這樣』，要面對自己原來也會這樣絕，有些事連自己也未必知道。」
梁雍婷將陳哲民勒到一度斷片。
（中時 / 自由時報）
去年九月離開TVB重返校園嘅前新聞主播陳嘉倩，有傳佢同有案底嘅陳志遠拍拖後，無綫女藝人朱婉禎出嚟訴苦，話自己先係「正印」，陳嘉倩係「小三」！
雖然陳嘉倩話自己唔知情，仲話：「有人不斷的威嚇、滋擾，亦有人揚言要每天跟蹤我」已經報案，不過被朱婉禎直斥佢大話連篇，「男友」陳志遠亦指，陳嘉倩早知「正印」存在！
呢單「羅生門」邊個岩邊個錯都好，陳嘉倩形象已跌落谷底，更有指佢工作量大減，雖然之前已經過檔ViuTV做節目主持，及喺港台主持氣候及環境資訊節目《大氣候》，不過呢日有報道指，《大氣候》2月3日起，將由另一位前無綫新聞主播鄭萃雯主持！
港台回應傳媒查詢時表示，係陳嘉倩主動請辭：「同陳嘉倩係傾好先拍13集，但未到13集時，大家已經商討係咪繼續做。」睇嚟今次真係事業、愛情兩失意！
（SINA）
昨早氣溫破入冬以來新低，大家外出都穿上厚厚的禦寒衣物。有家長就為其就讀幼稚園的囡囡，穿了13件上衣加兩條褲，搞到小朋友伸直手都有困難。事件在網上引起討論，大部分家長都直指太誇張，認為小朋友在課室內穿太多衫反而容易焗壞，一旦出汗更易病。
有家長在親子討論區發帖，指今早送囡囡返幼稚園時，有家長討論自己的子女穿了多少件衣服，其中一名媽媽的小朋友就穿了4件底衫、兩件羊毛衫、校服、羽絨背心和羽絨，另一名媽媽則直指「咁少」，並稱為其女兒穿了13件衫和兩條褲。發帖的家長又留言表示，看到老師為該女孩消毒雙手時，小女孩「真係伸唔直隻手，呢一刻我好無奈，我好想同佢除剩兩件衫。」
不少家長都留言直指該媽媽太誇張，「不如直接包張被出街」，有家長擔心小朋友一出汗會更易病，有人則表示，「幼稚園老師最怕家長幫小朋友著太多衫，室內暖好多，褸還可以除，校服入面就幫唔到佢除」。不過，亦有家長認為件數並不重要，衣服質料才最重要，「如果料唔靚，10件8件一啲都唔奇。」
有兒科醫生就認為，穿得太多其實都令孩子感覺不適，而且如果出汗，脫衣服後就容易著涼，建議身體達到溫暖便已足夠。穿衣方面可為小朋友準備6類禦寒衣物，包括：冷帽、頸巾、手襪，以保護小朋友身體外露地方。因為如果頭部和頸部受寒，小朋友容易出現流鼻水、打噴嚏等感冒病徵。
另可穿上保暖內衣（包括保暖褲）、羊毛襪、羽絨或綿襖外套。其中保暖內衣宜貼身，以避免冷空氣進入體內，並保留身體的暖空氣，如果容易出汗的，則宜選具排汗功能的保暖內衣；而羽絨及綿襖則不宜太鬆身。
（HEADLINE）
早前傳出婚變的台灣藝人小嫻，曾公開講過天生無子宮。她曾接受訪問大談賣房賣車到美國尋求代理孕母的心路歷程，從籌備的期待到失敗的傷心，她現在已經可以平靜面對。她覺得很多不孕症的夫妻，其實需要家人的關心，關鍵在於父母、老爺奶奶可不可以接受孩子就是不孕。
小嫻在婚變前接受採訪，感性訴說賣掉房子到美國找代理孕母的心路歷程。
即使現在婚變，小嫻仍坦言心中充滿感謝，她覺得有很多跟她一樣的人，不知該如何去面對，甚至害怕異樣眼光，但一直有人在支持着，她也鼓勵對代母有需要的人勇敢站出來：「這不是見不得光的事情，總有一天各方的聲音都會被重視。」
(自由時報 / ON.CC)
台灣女星林志玲有份參演的電影《西遊記女兒國》即將上映，不過一向鍾意做嘢嘅佢竟然推晒所有宣傳，仲話要閉關最少兩個月，呢個舉動都真係幾奇怪，聯想番之前同言承旭翻撻嘅消息，唔少人都推斷林志玲會唔會係有喜要安胎呢？
《西遊記女兒國》
林志玲今次停工時間達兩個月之久，據消息指，其經理人表示因林志玲患病，情況都幾嚴重，就連自己行落床都唔得，經醫生診斷後，最終接受建議，忍痛選擇停工。
星皓負責人陳小姐表示：「噚晚收到林志玲經理人電話，話志玲身體好唔舒服，嚟緊一兩個月工作全部都要取消，好抱歉，包括接住落嚟嘅宣傳都唔可以參加。詳細情況冇追問，希望佢早日康復，要保重注意身體。」陳小姐話志玲方面冇特別透露病情，但係既然身體咁唔舒服，當然健康為重。
其實林志玲拍《西遊記》期間，亦吃了不少苦頭。佢喺戲中飾演河神，同梁詠琪較多對手戲，兩人仲有一段情。每次化妝都要用6個鐘，更引致皮膚敏感。
(ON.CC)
鍾欣潼（阿嬌）尋日在微博上載一張無名指戴上鑽戒的相片，然而留言話下一站幸福，接受男友賴弘國的求婚，而今日阿嬌現身惠英紅的生日會時，就被中港台記者追訪，接受求婚後首現身的她春風滿面，仲大讚未婚夫超過100分，呢邊廂阿嬌就開腔分享喜悅，那邊廂「醫界男神」賴弘國（Michael）都透過傳媒向未婚妻隔空講愛的宣言，他說：「因為我不是藝人，希望低調點，我會在自己事業上努力，給予阿嬌最大的幸福，也希望大家能給我們送上祝福，謝謝。」
準新娘阿嬌今日現身惠英紅生日會，阿嬌風騷滿面，但就冇戴婚戒。
阿嬌說：「唔記得戴戒指，應該求婚成功。（幾時求婚？）生日時求嘅。（驚喜？）到時帶佢出嚟見大家。（幾時帶佢出嚟？）佢好『wear』呀！今日冇約佢！（有冇喊？）我冇喊呀，宣布時塊面紅晒，未試過咁緊張，紅咗幾個鐘，心跳得好快。（同佢一齊幾耐？）半年到。（有咩令你咁鍾意佢？）有佢價值，佢對我好好，對嘅時間，遇到對嘅人。（幾時結呀？）未plan，太突然。（愛的宣言？）等見大家時，佢自己講。（最感動？）好包容晒我，所有壞習慣，畀晒壞嘅一面畀佢睇，佢照單全收，我唔會包裝自己好攰！懶囉，佢又肯包容晒，我哋異地戀，但佢又肯維繫，唔可以成日去見佢，佢都會盡力配合。（雙方家長知道？）事前都知道。（有冇催快啲結婚？）冇嘅，都係要時間plan。（想要咩婚禮？）我真係好懶，到時先算啦，咩都未有計劃。（雙喜臨門？）我五月演唱會呀！（男友有冇跪地？）有呀，佢應該要做。（2018年前搞掂？）未plan。（佢幾分？）超過100分呀！」
好事近人都靚啲呀! 
怕醜呀！
(ON.CC)
