陳冠希（Edison）今晚出席品牌活動，久未在港公開露面的他，表明今次留港2日，之後又要飛返北京工作。提到農曆新年如何度過？Edison說：「在美國過，要出席NBA明星賽，屆時會帶埋囡囡過去。」Edison提到囡囡Alaia即慈父上身，笑言現在已很掛住囡囡，又不想她太接觸電子產品，所以不會視像對話，「最開心可以睇住她成長，爬來爬去，那種開心難以解釋，現在她未識講嘢，會講些單音，例如BaBa。」
陳冠希少有來港
陳冠希表示大部分時間都會帶著女兒，他又透露跟秦舒培在照顧女兒方面都有分工，星期一、三、五，自己會早起照顧女兒，星期二、四、六就到她早起這樣，他又指女兒每天最少睡八至十個小時不會醒來，自言非常幸運。會不會追二胎？ 他直言沒有想過，現在想多放時間照顧好女兒，讓女兒成為一個健康的乖寶寶，所以現在沒有想過生第二個，但不知道未來會怎樣，再看看吧。
至於如何慶祝情人節，Edison稱他和女友秦舒培感情穩定，日日都是情人節，所以不用特別去慶祝。
秦舒培及女兒Alaia
（明報）
陳凱琳（Grace）今日到商台宣傳新劇《平安谷之詭谷傳說》，很感恩此劇贏到口碑。至於男友鄭嘉穎有何評價，Grace說：「他無睇，我叫他不要睇，並不是怕他見到我和黃浩然的親熱戲，如果講得唔好我會好上心，所以有少少逃避，未過到這關，不過有時一齊睇電視，他都會讚我做得不錯，但把聲要輕少少，身邊有人畀意見都幾好。」
陳凱琳和龔嘉欣
提到報道指她經常被批評演技，故一年多前由嘉穎幫手揀劇本，她否認：「我尊重公司，公司畀我就會拍，不過有些場口我不懂分析點舖排層次，他會畀意見我，叫我不要為喊而喊，有時我真的想畀劇本他幫我睇，不過他會叫我自己先睇，若有場口應付唔到先幫我。」
《平安谷之詭谷傳說》中飾演桂思 (大少奶)，與黃浩然經常有對手戯。
(明報)
陳凱韻(甘比)日前為劉鑾雄(大劉)喺養和開刀生咗重約7磅嘅肥肥白白B女，個樣似爸爸，噚日家姐秀樺同哥哥仲學都有去探細妹，甘比生完B，未有按照傳統留喺家中坐月休息。
大劉同甘比今早11點55分左右，坐住排住「1 LOVE U2」車牌、深藍色七人車到達養和，落車時二人戴上口罩，甘比身穿大褸，大劉手拎拐杖，懷着喜悅心情，慢慢行入內，天氣轉涼，甘比都包到實避免吹風。
見現場有兩架七人車守候，未知大劉同甘比前來，係唔係接BB女出院呢!?逗留15分鐘後，大劉由保鑣陪同坐車走。
(蘋果日報)
藝人張栢芝與謝霆鋒有過一段5年婚姻，離婚後獨立照顧2個兒子Lucas和Quintus，平時透過社群網站分享，生活、育兒點滴的她，31日曬出一張大兒子親自己的照片，以及一張寫著「炒作冠軍」的圖，爆氣發文：「真的親我小孩也要被罵，做人真難！」
照片中，張栢芝將臉往旁邊湊，讓10歲的大兒子Lucas在自己的臉頰上親，母子間的互動非常有愛，過去她也經常PO出類似與2個小孩有親密舉動的畫面，但是這種母子間的甜蜜瞬間，卻讓她挨轟，因此她也忍不住感嘆：「做人真難！」不少網友網友看了以後，紛紛在底下留言安慰：「別管真麼多，不值得為這種事情心煩」、「別在意那些流言蜚語，我們會一直支持你！」
但是，張栢芝卻不這麼認為，並在留言中寫道：「知道很多粉絲怕我傷心，但希望你明白我們不是怕事的人，我們也要學會把自己的尊嚴，應有的尊嚴，保護自己的態度面對每一天，不要老是找藉口：『他們就是這樣的，不用理他們，當他們透明啦。』人生是活給自己的，所以我們要為自己的生命活得精采，不能亂給別人踐踏，我們是公眾人物，並不代表公眾人物可以這樣對待。」隨後她也強調自己一定會親自站出反擊，並表示如果連站出來保護自己，都無法做到的話，「這樣的我睡不著。」
(ETTODAY)
歌手安俊豪去年底出席《十大最受歡迎演唱會暨樂壇頒獎典禮》時獲頒發「鑽石非凡進步獎」，他在台上致謝詞時答謝到場支持他的母親外，更講起父親因在頒獎禮前才出院，因此未能出席而一度哽咽：「爸爸原先同媽媽一齊嚟，後來因為剛出院，需要休息而嚟唔到睇我攞獎。」
已出院休養的豪爸爸本以為身體逐漸康復，但剛剛傳來壞消息，安俊豪在社交網悲傷留言指爸爸離世了：「爸爸，咁多年嚟，辛苦你啦，記得喺上面睇住我同媽媽。」不少網民留言安慰，望他節哀。
(ON.CC)
「一個寶寶哭聲嘹亮，另一個在。。。」
大陸主持謝娜與歌手張杰於2011年結束五年愛情長跑，喺雲南香格里拉舉行婚禮，婚後二人相當恩愛，去年係佢哋結婚六週年，老公張杰宣佈36歲謝娜有咗，「我們有了最好的禮物」。
「北斗星空張杰歌迷會」fans微博今早報喜：「剛才銀河系有二顆最小的小星星誕生了，一對可愛的公主星，恭喜我們的大北斗！」原來謝娜佗孖女，唔怪之得佗B後即專心養胎。
張杰之後就喺微博PO咗張相，留言：「謝謝大家的關心！娜娜辛苦了你真的好棒！現在一個寶寶哭聲嘹亮，另一個在吃手手，我好幸福！從現在開始，守護最美好的妳們。@謝娜」
恭喜!恭喜!
(蘋果日報)
胡鴻鈞（Hubert）自認做「電燈膽」有點尷尬，識做地行開讓同場的劉佩玥（Moon）、周志文合照，他希望自己不要太光，又笑指二人連衫也襯過。
Hubert稱家人沒有催拍拖，笑問是否因他與密友許廷鏗（Alfred）感情穩定才沒有催？他笑說：「他們只叫我小心身體，不要太操勞，哈哈！總之有戀情會跟大家公佈，但可能最後也是跟Alfred。（趁拜年見家長？）比賽時已互相見過家長啦！我們感情好穩定，哇哈哈！」
胡鴻鈞同許廷鏗好老友。（資料圖片）
胡鴻鈞
(Singtao)
近年不少藝人轉戰內地市場，賺得盆滿缽滿，但藝員秦啟維（維維）卻選擇在香港發展，源於一個不能離開的理由。
他說：「呢幾年我要照顧我嫲嫲，嫲嫲由細睇到我大，因為佢有腦退化，所以我盡量留喺屋企照顧佢。以前我出去做嘢，每隔幾個鐘就會打番屋企，問工人嫲嫲有冇定時飲奶，變咗個人會好緊張。」可惜維維的嫲嫲最終不敵病魔離世，但他坦言無悔留港發展，更慶幸未有留下遺憾。
此外，維維約滿效力24年的亞洲電視後，近年加入無綫，一直默默耕耘的他自認幸運：「我算好幸運，可以一直喺呢行發展，好多演藝學院嘅同學都已經離開咗呢行，正正因為咁令我繼續堅持落去。」他又感謝女友的無限支持，並希望盡快做出好成績，回饋女友十多年來的愛。
(on.cc東網)
岑麗香、黎諾懿帶同囝囝黎峰睿（小春雞）今日喺又一城，出席一商場新春擺設揭幕禮。9個月大嘅小春雞全程由爹哋抱住玩遊戲。
黎諾懿接受訪問時，大讚囝囝好叻，第一次出來賺錢，佢話：「有叫屋企人拍片留美好回憶，囝囝只限去活動同拍廣告。自己拍緊嘅劇都有小朋友同BB，見親佢哋都係恰眼瞓。」
小春雞好得意超精靈！
被問到會否跟香香分享生兒育女心得，黎諾懿笑言：「朝早做囉精神同活躍啲，要生仔就朝早，要女就夜晚，希望豬年可以追個女，生埋豬女兩個就夠。」黎諾懿又解釋現今社會家長壓力很大，兩個可以湊得輕鬆啲。
另外，香香又被問到幾時做媽咪時，佢笑言每次出嚟都係被問呢個問題：「出親嚟都被人問幾時生，成日講以為我有咗，唔講以為唔鍾意，生仔生女冇所謂。」至於老公強強嘅喜好，佢話就要問番老公本人。
黎諾懿、岑麗香
小春雞第一次出席公開活動，一啲都唔怯場！
(Apple Daily / Headline)
如果要用一組詞語去形容剛過29歲生日嘅黃心穎嘅現況，應該係「雙贏」。點解咁講？先講愛情，心穎BB同馬國明戀情已經係公開晒，之前仲一齊歐遊，發展更進一步；事業方面，心穎唔止更進一步，直情係三級跳。事情愛情雙贏，真係win晒！
其實心穎喺2015年拍《東坡家事》仍然係第二女主角，之後都係做第二三女主角，未見「晉級」，就連之前拍好咗嘅《堅離地愛堅離地》，心穎都係第三女主角，俾龔嘉欣同劉佩玥騎住。但最近喺大台賀年劇《丫鬟大聯盟》，心穎已經一躍而上成為女主角，搭洪永城做「鬥氣冤家」。
本報收到風，其實套劇原先嘅女主角，其實係依家變成「阿二」嘅湯洛雯。《丫鬟大聯盟》監製係歐耀興，之前係編導，前作包括《張保仔》、《盛世仁傑》、《Only You 只有您》、《真相》等，曾轉投港視，2015年返無綫，轉任監製，作品例如……《燦爛的外母》咁啦……今次亦係佢同「靚湯」湯洛雯第四次合作。喺《燦爛的外母》裡面，仲安排湯洛雯同薛家燕飾演兩母女，角色度身訂造，算是女主角之一，擺明係益愛將。
但依家，黃心穎個勢明顯強咗，之前加入「無記女團」喺《勁歌》總選表演，就連《愛回家》主題曲都有佢份，個勢明顯係想力捧佢；反之靚湯湯洛雯，似乎冇呢個氣場，難怪阿一變阿二…今次套《丫鬟大聯盟》顧名思義就係講啲丫鬟點樣聯合起嚟捍衛權益同尊嚴，男主角係洪永城，第二男主角係謝東閔。丫鬟大聯盟大家姐「月盈」一角，據知原定就係俾湯洛雯做，阿二「月皎」就係外表「妹仔格」嘅黃心穎做。
套劇日前試造型，就喺造型之前，正式易角，心穎變女主角，亦係首次擔正。佢受訪時話做女主角冇壓力，仲話：「今次係套喜劇，又有湯洛雯分擔，開開心心拍就得。」洪永城喺劇中飾演風流倜儻嘅少爺仔，同黃心穎發展地下情，佢接受傳媒訪問時，表示一開始接拍此劇時只知有黃心穎同湯洛雯，但邊個係主邊個係次，佢都朦查查唔清楚。「由一變二」嘅湯洛雯回覆傳媒時就話：「我一開始接呢套劇嘅時候，監製已經係同我傾我o依家個角色㗎喇，而且我個角色亦好適合我演，所以我諗冇咁嘅事啦！」
至於心穎回覆傳媒時話：「呢個唔知喎，到我收到消息，我開工已經係咁樣㗎喇。」
難怪，心穎前日喺迪士尼拍外景時，心情勁靚，《蘋果》讀者BoBo噚日透過「爆相爆料」目擊過程，BoBo前日下午4點左右，喺迪士尼見到心穎，仲話當時佢打扮得好casual，着住一件牛仔褸同黑色褲，同一位打扮成小公主嘅妹妹一齊睇巡遊表演。當時應該係拍嘅嘢，因為現場有攝影機不停影住心穎。
鏡頭以外，發現心穎原來都好有母愛，見小妹妹咁得意，就忍唔住摸咗妹妹嘅臉珠一下，又同妹妹一齊拍手掌，好有愛心同耐性。由妹仔變阿大喎，心情梗係靚啦！
(蘋果日報)
