做足30年兒童節目嘅譚玉瑛姐姐，喺14年因為大台要將節目年輕化，於是譚玉瑛姐姐轉簽部頭約，其後佢轉型做綜藝節目主持，佢同李家鼎主持嘅飲食節目好受歡迎再添食，不過人氣旺自然令好多嘢都多咗人關心，嗰陣有報道話譚玉瑛姐姐有一個職業係做醫務化驗師、拍拖30幾年嘅初戀男友周震聲（Stephen）！

拍住李家鼎再添食~

查實嗰陣有兩個說法，先係話譚玉瑛姐姐本身係不婚不育主義，所以佢哋喺愉景灣過同居生活，但係同時間又有另一個報道話佢哋喺20年前已經結咗婚，不過嗰陣相當低調，婚事只有家人先知道，事後有傳媒曾經向譚玉瑛姐姐了解佢嘅婚姻狀況，佢就以WhatsApp回應：「無論說甚麼都由它吧！」

噚日下晝大約4點左右，傳媒喺銅鑼灣見到譚玉瑛姐姐，嗰陣一行三人準備行去搭地鐵，其中一個疑係似係佢嘅傳聞中嘅秘婚老公，佢哋先坐地鐵去中環嘅香港站，之後再轉東涌線，不過同行嘅其中一個女友人喺中途落咗車，所以最後得番譚玉瑛姐姐同疑似係秘婚老公去到欣澳落車！佢哋兩個喺欣澳準備坐專車返愉景灣，話晒譚玉瑛姐姐陪住唔少人成長，所以由佢哋搭地鐵開始，有唔少途人都眼望望，唔知係咪呢個原因，佢哋兩個全程都有啲避忌，亦唔多見佢哋傾偈，但係仍然有好強烈嘅老夫老妻感覺，好多嘢都好有默契！事後有傳媒向譚玉瑛姐姐求證，相中男士係咪佢嘅先生？佢話：「哈哈！我未結婚喎！」再問咁係咪男友？譚玉瑛就姐姐就話：「多謝關心呀！」

疑似秘婚老公？

去年工作不斷嘅藝人衛詩雅為紀錄入行十周年特登拍咗條片講出心聲，期間講起父母仲忍唔住流眼淚！佢直言入行多年試過有兩、三個月完全冇收入而要靠公司墊支幾千港元嚟生活，然後又自認慳妹，自言冇錢嘅話就唔出街，留喺屋企食媽咪煮嘅飯，佢話：「我可以唔出街唔用錢，之前做嘢啲錢都會儲低慢慢用，工作可以借衫，同媽咪住又可以留喺屋企食飯，游水就去沙灘游，有錢先去泳池…其實我覺得好對唔住屋企人，自己都三十幾歲，父母有時講笑叫我快啲拍拖，又話唔介意我收入。我咁大個女仲要佢哋擔心，覺得自己好冇用！如果我唔喺呢行，可能佢哋冇咁多擔心，但係因為我硬頸，所以令佢哋承受不必要嘅嘢。」詩雅愈講愈激動，眼淚終於爆發。

談及家人，詩雅即刻眼濕濕！

詩雅表示將來就算好有錢都會做番自己。

佢話覺得好對唔住屋企人。

真係一個慳妹！

仲覺得自己好冇用！

被稱「牌王」努力增值自己

詩雅又喺等巴士同坐巴士期間拍片，仲話即使將來可能變到好有錢都會做番自己，未必會請司機。佢又指多年嚟考落唔少牌照，同事都叫佢「牌王」，包括車牌、船牌、潛水牌、導遊牌、寵物傳心術及中醫初級證書，而佢表示趁得閒就會努力增值自己。