歌手謝安琪（Kay）及黃偉文（Wyman）等拍攝網上宣傳廣告，忙於湊女的謝安琪大談跟老公張繼聰多年的婚姻，Kay說：「啱啱開始我以為同老公係一凹一凸，兩種唔同嘅性格互補不足。但經過十年相處，其實我哋唔使遷就對方，都可以好舒服相處，大家有好多共同話題同嗜好，例如電影、舞台劇同音樂，可以分享分擔，過咗唔少艱辛時刻。原來我搵到唔只一個老公，而係一個靈魂伴侶！」
她更表示當婚戒戴到手指上，代表了兩個人從此合二為一，是一件非常感動的事，她說：「結咗婚嘅人都會知，手上婚戒痕迹會愈耐愈深。兩個人一齊，必然會經過高山低谷，有開心有唔開心，當遇上問題嘅時候，只要望住戒指痕迹，回想當日婚禮，無論發生咩事，有幾艱難，身邊都會有佢一直伴隨，咩日子都變成好日子。」
謝安琪
喺無綫捱足17年嘅林淑敏（Mandy），今年佢憑處境劇《愛‧回家之開心速遞》裡面嘅變態惡死「大小姐」龍力蓮，喺大台頒獎禮獲提名今年嘅女配角
林淑敏演到「大小姐」龍力蓮又惡又黑人憎，好評如潮。（電視圖片）
雖然今次佢嘅對手都好強勁，好似啱啱喺「TVB馬來西亞星光薈萃頒獎典禮2017」，憑《同盟》拎咗女配角獎嘅姚子羚，仲有譚凱琪、姚瑩瑩同陳庭欣等等，不過依然冇影響網民對大小姐嘅支持。
好似日前Mandy喺fb貼圖兼留言，佢話一班同事喺投票嘅表格上寫住話：「票已投了全公司公認至恐佈龍家大小姐…勿炒我#大台六樓職員緊急呼籲」搞到佢鬼死咁開心，仲話自己已經覺得好滿足，好多謝每一個鍾意大小姐嘅人
之前同「送先生」許家傑一齊拍手勢舞。（Ig截圖）
噚日姚子羚出席活動，亦都話明睇好大小姐
姚子羚噚日出席活動，都話要投降。 （資料圖片）
佢喺《同盟》打到咁都要投降？（電視圖片）
朱千雪唔係拍過好多戲，但就憑《踩過界》提名。（電視圖片）
姚塋塋《全職沒女》（電視圖片）
不過Mandy日前接受傳媒訪問，講到心情係咪好緊張，佢就話：「冇呀，我都係平常心，再加上呢幾日都要開工，所以都冇乜時間去諗，但係如果你問我，我覺得自己唔會攞，因為其他對手都好好，o依家對我嚟講好滿足，當初去拍處境劇，都係希望磨練吓啲戲，好想有一個穩定嘅工作時間，o依家得到嘅嘢，遠超過當日我祈禱希望得到嘅嘢，所以每樣嘢好足夠，對我嚟講係多咗。」
林淑敏話所有都係teamwork， 有班好同事可以放鬆做。（微博圖片）
Mandy仲話：「其實所有嘢都係teamwork，好似家傑、KC(歐瑞偉)同Terry(李偉健)真係好好，有好嘅對手可以令自己放鬆去做！」
(蘋果日報)
洪永城同唐詩詠嘅戀情絕對係峰迴路轉，二人分手後都Keep住單身，咁即係代表啲咩？咪就係翻撻嘅可能囉！分開咗大半年，早前佢哋就被指二人秘密復合拍拖，仲高度戒備約會，發現有人跟蹤之後，唐詩詠仲直接揸車走人。
報道出街之後，唐詩詠接受訪問時就話當時仲有其他嘅朋友喺度，係唔想有太多不必要嘅揣測先至分開去。而嚟緊台慶頒獎禮將至，唐詩詠身為視后熱門之一嘅唐詩詠，有宣萱、黃翠如、李佳芯做對手，相信選情都非常之「告急」。
就連前男友兼緋聞男友洪永城都出招喇！佢晚上10點喺Ig post咗張喺大台app投票嘅截圖，而佢選擇嘅「最佳女主角」就係唐詩詠，佢仲留言話：「記得曾經問過你，如果你攞最佳女主角，你會講啲咩？你話：『有機會攞先算啦。』今年終於到你。有樣嘢非常之佩服你，喺劇組咁多年，我從來未聽過一個人講你壞話，只聽到詩詠好、詩詠得、詩詠無得頂，淨係呢個原因你都至少攞個最佳人緣獎啦。當然你點會剩係得呢個奬咁簡單，見到你每次開劇之前角色上嘅準備工夫，令自己投入狀態，而在劇拍攝中無論自己生活中在幾多嘅情緒，你都保持在那狀態之中，你係我心目中嘅最佳女主角，咁多年嘅努力，希望今次你得。#最佳女主角唐詩詠」
呢一句「你係我心目中嘅最佳女主角」真係聽到都冧晒啦！今次咁高調唔通真係復合有望？洪永城回覆傳媒時就話，撐舊愛唔係咪想翻撻，佢話：「哈，唔係啦，只是鼓勵同支持。」
(蘋果日報)
無綫《萬千星輝頒獎典禮》將於後日（21日）隆重舉行，今年視帝、視后頂頭大熱之選有馬國明、王浩信、宣萱、李佳芯及唐詩詠，觀乎最近的走勢，視帝方面以受盡觀眾、網民歡心的「民選視帝」馬國明最有機會，他憑劇集《降魔的》提名，而此劇播出時不論口碑及收視都相當理想，於網上民間選舉中，馬國明更已成為網民心目中視帝，此劇亦成為網民心中的「最佳劇集」。
馬國明接受專訪時坦言，很高興成為民選視帝，他說：「始終台慶嗰晚係咪真係攞到都要加啲運氣，始終公司個獎唔係網民投票，仲有好多Party投票。」經常謙稱攞獎平常心的他坦言：「我唔係冇鬥心，我只係想搵多啲錢！呢五、六年我開始清晰自己想要乜嘢，唔係淨係話想要攞咩獎，係想一家人生活好啲，同埋為將來娶老婆、生小朋友打算，我2016年買咗樓，但想將來父母有間屋，我自己家庭有間屋，始終驚婆媳糾紛！（驚黃心穎同伯母唔夾？）未有機會帶佢畀媽咪見，新年睇吓有冇時間啦！我感覺佢哋應該OK，阿媽係易相處嘅人，但正所謂『相處好，同住難』，各有各嘅空間就最完美！」
佢想將來父母有間屋，而自己家庭有間屋，始終驚婆媳糾紛！
佢話唔係淨係話想要攞咩獎，係想一家人生活好啲！
多得許紹雄爆粗鬧
馬國明出名孝順、重家庭觀念，更會得人恩果千年記，他揚言感激許紹雄（Benz雄）教導：「記得我訓練班出嚟試過做許紹雄個仔，成日被佢用粗口鬧！我以為都已經背晒對白啦，但喺前輩眼中咁叫做晒功課？其實佢可以行開飲茶，點解要拉你埋一邊，袋錢入你袋？我好多謝佢鬧我。」
馬國明多謝許紹雄袋錢落佢袋
買咖啡畀粉絲圍
此外，馬國明日前與胡鴻鈞、何遠東現身將軍澳一個商場排隊買咖啡，隨即被一班粉絲認出包圍爭相合照，三子有求必應，順道向粉絲拉票。期間，馬國明電話響唔停，幾位師奶粉絲見狀，先找胡鴻鈞和何遠東拍照，直至馬國明放低電話即急急拉着他。馬國明當然識做冧得一班師奶粉絲笑到見牙唔見眼，影完合照拉完票，三子步往附近酒店各自取車離開。
馬國明日前同胡鴻鈞、何遠東出巡！ 
(on.cc)
46歲嘅黎姿（現改名馬黎珈而）09年宣佈同商人馬廷強結婚兼淡出娛圈，及後更轉戰商界。黎姿同馬廷強婚禮甚為低調，少有一同現身，不過昨日晚上10點40分黎姿突然喺facebook貼上婚照慶祝周年紀念。
此外，黎姿又留言：「今天的我，和九年前有甚麼不同？老了，有皺紋了，有白頭髮了？其實我已經不在意這些問題。生活帶給我的閱歴，令我更願意付出而不再計較，亦令我變得自信，知足和快樂。謝謝我最親愛的丈夫，九年前給我一生幸福的許諾，一起建造我們溫暖美滿的家庭。今天如果你問我愛情是甚麼？我會說是日常的相依相伴，是溫柔的一聲問候，是笑著接受彼此的皺紋和白髮。是他願意和我一起慢慢變老，是他將我當成小孩子一樣永遠珍惜。Happy Anniversary to us!」
其實喺8點嗰陣黎姿已經post咗收玫瑰花嘅相上fb，又話：「今早收到老公送的花，開心！」睇嚟黎姿真係幸福滿瀉。
(蘋果日報)
前港姐冠軍張名雅（Carat）去年3月為律師老公蔡錦豪（Joe）誕下囝囝Mario
視囝囝如珠如寶嘅Carat，經常為囝囝拍下成長點滴，放上社交網同大家開心share
唔經唔覺Mario至今十個月大，人仔細細原來已經好識做戲，果然遺傳媽咪嘅演藝細胞！
Carat拍咗段影住坐喺學行車上嘅Mario，片中見到佢教Mario如何打開個樽蓋，話頭醒尾嘅Mario睇完即刻學識，非常醒目，作為父母嘅Carat同Joe表現興奮，即刻拍掌讚囝囝！
BB真係好鍾意用口去探索。
之後希望囝囝再做多次時，Mario竟然小影帝上身，擺出肉緊表情，扮唔夠力開，認真可愛，Carat難掩喜悅留言：「畀我發挖到阿仔嘅呢一面！
呆咗望住媽咪個樣好可愛。
原來 Mario 咁識做戲！呢支嘢嗰蓋根本一啲都唔實，細細力就開到，佢扮要用力用到震晒先開到哈哈哈！
見到佢個樣都FELL到肉緊。
(東方日報)
無綫《萬千星輝頒獎典禮》將於本月21日舉行，一班藝人都為爭獎而頻頻出招作最後發力，其中憑《降魔的》角色成「最佳男配角」大熱門的何遠東就搵埋憑《不懂撒嬌的女人》角色爭視后的唐詩詠Crossover，拍出一段名為《不懂降魔的女人》的拉票片段。
片中「龍貓」上身的何遠東化身為「Cherry」唐詩詠的士司機，期間何遠東話唐詩詠因未拎過視后所以是「不斷錯失的女人」，搞到唐詩詠勁激氣咁谷出眼淚玩演技爆發，重演《不懂撒嬌的女人》中怒數宣萱的一幕：「嗰罌粥係你倒瀉㗎，阿媽搵藤條打我，打到我成隻腳都流晒血，你一句說話都冇幫我講過呀！」嚇到何遠東個心離一離，話自己一定會投對方一票。
之後，原本於《降》劇被砸死的何遠東，今次在片中就改寫角色的命運，未卜先知已經有高空擲物，立即叫唐詩詠一齊離開車廂。落車後，兩人都一齊商討台慶頒發禮當晚着咩戰衣好，何遠東就話會着招牌白色底衫，當唐詩詠開始諗着咩時便說：「限奶令喎！」非常搞笑！
【 不懂降魔的女人 🚗 何遠東 X 唐詩詠 】臨近終點線，《降魔的》開行 Turbo 最後發力，一班演員除咗拍咗段《降魔的之十字路口》為21號晚台慶頒獎禮集氣拉票之外。「最佳男配角」大熱門「龍貓」何遠東原來仲搵埋對家《不懂撒嬌的女人》嘅唐詩詠嚟做最後彩蛋，詩詠上咗東東架降魔的，Crossover 咗一段《不懂降魔的女人》，為呢位識咗多年嘅好朋友終極拉票！⋯⋯⋯⋯⋯⋯⋯⋯⋯⋯⋯⋯⋯⋯⋯👉🏻 想緊貼更多其他娛樂資訊，快啲 like 我哋嘅 page 喇！#樂天派 #LokTinWorkshop #宣傳策劃公司 #唐詩詠 #何遠東 #不懂撒嬌的女人 #降魔的 #不懂降魔的女人 何遠東 何遠東 Anthony Ho(肥東) 唐詩詠 Natalie tong Natalie Tong 唐詩詠資訊站 TVB
由樂天派工作室 Lok Tin Workshop 发布于 2018年1月17日
(on.cc東網)
阮兆祥有份主演的《平安谷之詭谷傳說》、《溏心風暴3》以及《皆大歡喜》，被TVB分別安排於黃金時段以及深宵時間播出，加上周未的《荃加福祿壽》同《性在有情》，令網民笑指今次真係「祥在你左右」，對於自己老是祥出現，阮兆祥日前為《福祿壽十周年演唱會》宣傳時，就叫大家好好珍惜呢段時光啦，因為《平安谷》之後，他已沒有存貨在TVB，換言之，今年內都未必有機會在公仔箱見到他。「開心係作品咁快在觀眾面前呈現，因為每套都有不同的滿足感同回憶，自己在《平安谷》的角色唔似得以前咁成日笑，監製同我都投放了很多心機在這角色之上。」
由於仲未有接劇，所以《平安谷》之後，阮兆祥暫時會消失於TVB，不過佢就話會以唔同的工作模式見大家，並預告四月尾將有舞台劇演出。(網上圖片)
阮兆祥入行多年，但至今仍然會花時間同心機去研究每一個角色，並用心呈現。（《性在有情》劇照）
之不過，原來祥在你左右的情況，阮兆祥就話其實已非首次，他說自己有份參與的《為食神探》與《巨輪II》去年也被安排在黃金時段播出，而當其時深宵亦重播《皆大歡喜》。「可以話好彩亦都可以話唔好彩，唔好彩係在咁密集的時段，將自己的作品一次送給觀眾，但興幸自己每一套的作品都會用不同的方式去呈現角色，如果唔係觀眾都幾混淆，有人會話我人氣好好，哈，唔好忘記仲有電台節目呢！真係當然有幸有不幸。」
（HK01）
會唔會閃咗少少~一直都好低調嘅佢突然曬合照，仲冧爆咁話。。。
組合Robynn & Kendy一直鮮有談及感情生活，但現年31歲嘅Robynn（葉晴晴）今日就突然喺Instagram公開戀情！
Robynn最近去咗泰國旅行，不過連日嚟都係上載獨照，直到今日，佢就上載一張合照，相中嘅佢着上兩件頭泳衣露出腹肌，而身邊嘅男士就半裸晒肌攬實Robynn膊頭，非常親密咁齊齊坐喺泳池邊，真係好Sweet！
而Robynn就以英文留言示愛，大概係話當佢唔知前路係點嘅時候，男友話佢知一切都會好起來！據知Robynn男友係圈外人，仲有啲家底添，網民都留言話好曬呀！
(on.cc東網)
陳凱琳(Grace)同森美今日到銅鑼灣出席運動品牌活動，Grace即場示範最新春裝之餘，佢仲即席以保鮮花做花火瓶，以白、藍同紅色嘅花喻意事業、家庭同愛情。森美就自嘲結婚多年，愛情已變粉紅色，Grace就冧爆咁話佢嘅愛情仲係紅色。
Grace接受訪問時就話，剛同男友鄭嘉穎去咗加拿大旅行，佢哋去到當地就不停試新餐廳：「食多咗呀，飽滿咗，佢(嘉穎)都係。」Grace透露男友去咗上海工作，農曆新年先返香港，佢話：「我哋會互相去對方屋企拜年。」
問到鄭媽媽係咪視佢為新抱仔？Grace就賣口乖大讚未來奶奶：「成日煲湯畀我飲，又會叫我保重，唔好再瘦落去。」至於何時改口叫對方做媽咪？她甜笑話：「未有咁快，佢冇催，見我哋咁好都好安樂啦。」
(蘋果日報)
