咦！呢位小妹妹眉清目秀，相當有氣質同星味，究竟係邊位女藝人嘅童年相？大家係咪估唔到呢，皆因呢位唔係小妹妹，而係小弟弟就真，佢嘅真身就係形象百變嘅藝人喬寶寶呀！
喬寶寶今晚喺社交網分享小六成績表，並留言話：「My sweet memories of primary school.（我小學嘅甜蜜回憶。）」成績表上貼有一張學生相，隔籬大大隻字寫住「喬寶寶」，就知真係佢嚟啦！講番呢張相先，當時嘅佢真係好秀氣，難怪大家都會認錯佢做女仔，而佢三年前貼出呢份成績表時，亦曾經搞笑地澄清自己真係男仔嚟。話時話喬寶寶細細個咁「靚女」，有冇吸引好多裙下之臣先？
早前驚爆自己隱瞞公司，喺網上自爆退出娛樂圈宣言，原來另有内情！
韓國人氣劇《有品位的她》嘅31歲女星李泰林，日前喺Instagram留言透露因為活喺痛苦中而暗示要退出演藝圈，令唔少粉絲大感擔心佢會做傻事，就連佢嘅事務所都話唔知佢退出，又同對方失聯。而噚日就有報道至佢未婚懷孕。
今日李泰林又有新消息，根據韓媒報道原來佢已懷孕三個月，並計劃喺生完B後就同男友結婚。據知李泰林去年年尾認識大過自己12年嘅M&A企業家，兩人好快撻着，0依家李泰林有咗身孕，估計佢打算專心養胎，之後做少奶奶湊B為樂。雖然事務所曾經試圖游說李泰林婚後可以再次展開演藝活動，加上佢同事務所仲有一年合約，不過據知雙方已經解約。
(Apple Daily)
昨日於灣仔會展舉行的影視展中的「燎原計劃」電影戰略發布會，出席包括《十噸刺客》張晉、蔡少芬，《顏位當潮》王祖藍、趙勁浩，《最強老爸》吳宗憲，《角頭》連凱、高捷，尹子維丶吳志雄；《狂拳》李元霸、陸駿；仲有《西謊遊記之唐僧踩錯界》麥長青、林耀聲、郭思琳、岑日珈。
張晉兩公婆一齊拍咗套《十噸刺客》，原來今次係佢兩公婆第二次合作拍戲，至於第一次就已經係耐到記唔起。張晉話今次兩人有打戲，感覺幾意外，估唔到老婆都handle到：「佢嘅演出係出乎我意料之外。」之前張晉喺台上打趣謂太太係佢拍動作片嘅前輩，因為蔡少芬拍戲嗰陣佢都未入行。「香港演員做過TVB，都會識拍動作片，因為已經有基本功，唔會唔郁得，好似梁朝偉先生、劉德華先生，唔會唔郁得。我見梁朝偉先生拍《一代宗師葉問》，好明顯唔係淨係做一啲簡單嘅動作。」
講番今次同太太合作啦，張晉形容係「可遇不可求」，又指劉鎮偉導演係同一時間搵佢哋，明示絕對唔係「買一送一」。佢又話戲中有個仔，算係滿足咗佢嘅願望，蔡少芬一聽到問：「下？你好想滿足啲咩？」傳媒即問張晉係咪想追個仔？張晉即答：「佢想我都唔想呀！」
蔡少芬就話拍其中一場戲時唔小心飛咗把槍出去，爭啲打中老公，好彩張晉避得快，佢自己都忍唔住尖叫。蔡少芬又話，有場戲係佢同張晉係背對背打，但老公完成晒動作之後佢都未完成，一時太快一時太慢，但拍戲期間兩公婆冇嘈過，反而戲裡戲外互相指正教導，仲話日後再合作都冇所謂。
(蘋果日報)
藝人杜汶澤向來敢言，今日他於社交網留言透露接受專訪時遇上不禮貌對待，自覺「無謂受氣」的他最終除下咪高峰離開，雙方不歡而散，阿澤直言：「你鍾意點剪就點剪啦！我條命硬過鐵，你剪我唔死㗎！」
事緣近日忙於籌備自己網上節目的阿澤，由昔日亞視好兄弟穿針引線接受網站記者錄影訪問，期間語氣及溝通出現問題，令阿澤忍無可忍，開始未夠二十分鐘即主動中斷訪問，事後更於社交網「洩憤」留言：「我老喇，唔會俾（畀）自己再受呢啲閒氣…我肯俾（畀）你訪問，你又句句窒頭窒勢，語氣又差…過程中我已經盡量認讓…你咁嘴gel gel做乜啫？有乜好處吖？」
阿澤接受東網訪問，他表示心情已平復：「個女記者嚟到好似搵交嗌咁，態度同訓導主任教訓學生，又或者警察同人落口供冇乜分別。上次（指電台訪問鬧不快）我都未至於咁，今次真係我入行25年嚟第一次掟咪走人呀！」阿澤再打趣謂：「以前我唔明有啲公園阿伯點解唔同陌生人傾偈，依家我就係公園阿伯嘞，應該考慮唔再同唔識嘅人做訪問，識得耐嘅（記者）大家明嘅。」
張新悅、翁嘉穗、陳爽同曹敏莉等今日到中環出席珠寶店周年慶祝活動，早前宣佈再陀B嘅張新悅以泡泡裙、腳踏高踭鞋現身，見佢四肢仍然纖瘦，佢話：「預產期係7月，因為唔知幾時有咗，所以唔知實際幾多周。」問到腹中塊肉性別？張新悅就保持秘：「因為之前只係睇過一次醫生，照得唔清楚，復活節之後先會再見醫生，所以暫時唔肯定，但好多人猜測，其實我真係一不小心。仔女其實都冇所謂，因為係唔小心有咗，所以完全唔care，我又冇丁屋冇丁權，老公只希望BB健康，慣咗成屋都係女。」
張新悅唔肯講BB性別住，保持神秘感。
見陀B嘅張新悅手腳纖瘦，仲可以着高踭鞋四圍走。
講到今日着高踭鞋出席活動，張新悅笑稱：「我差在未踩鋼線咋，一直都有做瑜伽，之前亦有行山，唔算太辛苦。」今次懷孕同大女相差近10年，佢覺得人生之中陀B餵奶時候大部份都工作緊，機能都好辛苦，再次面對又肥又腫有啲唔開心，仲話對上懷孕時就懶係瘦，但係BB出咗世之後比較難搞，今次會食番多啲嘢，等BB出世唔好咁細粒。另外，翁嘉穗就話平時家中珠寶都係丈夫送贈，將來都會留番畀啲仔同新抱，有人提議佢追多個女，翁嘉穗即刻耍手話：「我OK啦，兩個夠數。」但張新悅都話係一不小心又有咗，翁嘉穗話自己會安全啲。另外，翁嘉穗提到大仔Jason 9月會去外國讀書，現正考慮美國或加拿大，而細仔Kasper就已經兩歲幾上緊學前班。
張新悅話最緊要BB健康，仔女都冇所謂。
(蘋果日報)
藝人張景淳憑住《愛·回家之開心速遞》「龔燁」一角而人氣急升惟因另有工作安排而要暫時離「家」告别劇組。前晚《愛》劇講到景淳因為幫呂慧儀食死貓，最後要辭職離開香港去新加坡，作為佢「消失」嘅原因。
唔少網友都話好鍾意佢同「熊若水」呂慧儀呢條線，喺景淳個社交網站洗版，紛紛留言話好唔捨得！
大批網友大玩「龔燁」個諧音，喺討論區發起「工業行動」，開Post要求景淳快回家！面對網友咁「激進」，景淳接受電話訪問時都話估唔到，他說：「我嚟緊因為有其他工作，所以公司有呢個安排。龔燁係以一個賤精加入《愛》，網友愈睇愈鍾意。我雖然只係拍咗四個月，但成個團隊氣氛好好，呂慧儀係我過去咁多套劇入面最有默契嘅對手，因為大家都好明白大家嘅演繹方式，真係好有火花！」
講到大批網友要景淳快回家，問到景淳咁幾時回家呀？他說：「我見佢哋集氣又喺討論區開Post講，真係好緊張，自己好感恩好開心，其實我自己心情都佢哋一樣，『龔水』呢條線有冇得繼續就要睇緣分，大家要繼續睇落去。」
早年景淳係因為劇集《天與地》嘅家明而令人熟悉，問到覺唔覺得今次脫離家明影子？他說：「因為『家明』嘅性格元素例如易恰等，都有注入『龔燁』呢個角色，所以今次我覺得『家明』係萬能Key！估唔到網友咁大反應，真係要多謝編劇同監製，冇佢哋冇我。」
(ON.CC)
林峯和吳千語被爆出分手傳聞以來一直不肯表態，直至期間突然傳出林峯另有內地女模新歡張馨月並被拍得蜜遊香港後，一直對分訊採取拖字訣的林峯，突然主動公開已和吳千語分手有一段時間，立刻引起網民討論。
當中更有網民笑指林峯可能見新歡曝光，所以主動表明已分手，以表對新歡的誠意！
張馨月突然在微博上載書籍相片並留言：「人生處處是驚喜。」並附上哈哈笑符號，即有網民留言：「希望和林峯好好的。」
等加油留言外，更笑問張馨月是否想不到林峯竟主動承認分手，而感到開心及驚喜！
(on.cc東網)
阿編本身是一名標準OL，日日朝9晚7，已婚還未有小朋友，平日都是叫外賣吃快餐，很少下廚，是一名「無飯煮婦」。由於婚後經常在外飲食，又或者婚後生活「太幸福」，體重每年節節上升！阿編一方面想生小朋友，希望先調理好身體，又想體重得到控制，心大心細的阿編最終經過朋友介紹下到了「德善健康管理」。
「德善健康管理」主要提供中醫師和營養師及二師會診服務，揉合中國傳統智慧，加上現代化西方醫學理論，提供飲食、運動及養生三方面的建議！而「德善健康管理」的醫療服務非常多元化，包括有：產前保養﹑產後修身保養﹑女性體質管理﹑疾病飲食治療﹑美容等等，全方位為女士們提供健康方案！
阿編見醫師前首先都要填寫個人資料及簡單病歷，填表時職員更送上一杯暖暖的花茶！令你舒舒服服完成第一部份。
同時職員會先了解一下客人的需要，問問身體的基本情況！親切又細心～
之後就安排見中醫師，阿編本身都有不少婦科問題，中醫師耐心為我解說。當中說到阿編本身脾腎都虛，痰濕情況都嚴重，所以整個人都會有水腫問題。醫師建議阿編要少食寒涼食物，蔬菜水果類其實都要小心選擇，否則只會愈食愈濕。同時由於血虛，太強的運動其實也不適合阿編，所以建議做一些輕巧的運動，主要以血液循環為主。得到醫師的分享，阿編才知道自己一直吃錯了很多蔬果。。。
而這次阿編更親身體驗了一次肩頸的經絡治療，一進房間就覺得非常舒適乾淨！光線舒服令人非常放鬆。
治療師在開始之前為我解釋今天會做的部份，又會介紹所用的儀器，這兩個儀器會有刮痧及拔罐的功效。
之前都講過阿編有痰濕情況及水腫問題，所以背部出現了紫黑色，都表示身體瘀血重、體寒及濕熱。刮痧過程使體內廢物、毒素加速排除，組織細胞得到營養，從而淨化血液、增加抵抗力、促進血液循環！如果阿編告訴你刮痧不痛，一定是假的！！事實上真的會感到疼痛，但治療師真的非常好人又細心，她不斷的安撫阿編，同時慢慢的加強力度，讓阿編慢慢接受，盡力希望阿編得到更好的治療效果。
最後就是見「二師會診」中的營養師！阿編見營養師前先度高磅重，結果是體脂肪超出健康標準！營養師拿出這個脂肪模型，就是想告知阿編的身體內多出了這麼多脂肪！！！而營養師也給予阿編不少正確的飲食概念，我們想減肥最重要的是「量入為出」，不要認為節食或戒口就一定得，識得「有入有出」，「簡」飲「擇」食才是王道！
「德善健康管理」令阿編體驗到何謂「中西合璧」！一方面有傳統中醫師診症，另一方面有註冊營養師同運動教練，仲有通經絡等治療療程，一條龍服務不用到處走！想了解自己的身體，又想令自己健康的朋友仔～德善幫到你！
【德善健康管理 免費體驗】
網址: https://goo.gl/CXTXEr
Facebook: https://goo.gl/Bwia96
粉絲非常期待她復出！生育後近乎零消息，昨日終於在網上宣佈正式復出！
韓國女星金泰希因演出《天國的階梯》、《龍八夷》等電視劇而走紅，人氣超高的她被封為「廣告女王」，她與天王Rain於去年步入禮堂，並生下一女，昨日久違PO出自拍照，超完美氣色備受稱讚。
金泰希懷孕後僅接零星的廣告與雜誌拍攝，後期更是幾乎停工，雖然從民眾巧遇她的照片中可看出她狀態不錯，但始終沒有清晰照曝光。昨日她相隔近兩年，終於在IG貼出個人自拍照，只見照片中她留著一頭中分長捲髮，露出整張秀麗臉蛋對鏡頭甜笑，完美無瑕的肌膚看起來相當水嫩，可以說是「美到發光」，完全看不出已是1個孩子的媽，網友們也大讚「不負第一美女的美名」、「Rain真是娶到寶」，金泰希也在文中正式宣布復出，讓喜愛她的粉絲相當期待。
（自由時報）
歌手謝安琪（Kay）出席兒童藝術活動，即場與小朋友用模型車車轆畫畫，講到囡囡張靖快將一歲生日，她表示：「話咁快就一年，但湊得比想像中輕鬆，因為有經驗，同埋佢係幾易湊嘅小朋友，佢第二個月已經戒咗夜奶，所以呢一年全職湊囡都唔算捱到好殘。」講到老公張繼聰經常黐囡囡，問她可有呷醋？她即謂：「真係唔會，同埋其實個囡好黐我，個仔都係黐我多啲。」
記者打趣阿聰出活動時表示個囡很黐他原來只是認叻，Kay即笑言：「同呢個活動一樣，係藝術，語言藝術，最高境界就係自己呃到自己，佢好少喺屋企，佢喺屋企地位無謂講，但我哋好欣賞佢辛勤工作。（佢之前話用咗一年來經營父女戀？）其實兩個小朋友好鍾意黐我，但佢會吹噓到好似喺屋企好緊要，佢要彌補番心靈空虛。」
唔打算追多個B
問到復出工作可會掛住小朋友？Kay表示：「其實我未正式全面工作、做緊碟，但時間分配都尚算充裕。」問到可會打算追多個小朋友？她坦言：「好難，我覺得夠，同小朋友相處係講Quality，唔係多，依家生活好充實。（囝囝張瞻有冇叫你唔好生？）其實佢好鍾意BB，佢直頭想我好似工廠咁，生好多佢好開心，因佢唔知湊嘅過程，啲小朋友嚟屋企，佢會送玩具收買佢哋。（咁老公想唔想你繼續做工廠？）唔會，因為佢知道女士生小朋友要經歷好多嘢。（咁你呢個工廠咪要休息？）係呀，暫時，其實呢個年紀都冇㗎喇，要榮休，光榮結業，我依家41歲，下半場啱啱開始，做媽媽得心應手，但事業就想試多啲。」
(on.cc)
