美國一名懷孕人妻正準備誕下第二位胎兒，但世事無常，丈夫在此時突然離世。令她希望與丈夫和兒子一起拍攝全家福的夢，永遠不可能實現，幸有一班有心人幫助。
為了迎接新生命的誕生，這位準媽媽原先打算拍攝一輯全家福，可惜的是丈夫在拍攝前的2個月突然因意外離世，令原本美滿的家庭變得破碎。但準媽媽是一名堅強的女子，雖然丈夫已經不在，但她仍然希望和他一起拍攝全家福。
最後，拍攝團隊決定用修圖軟件，把丈夫的影像加入準媽媽和兒子的相片中，實現了準媽媽的願望，亦藉此表達她對亡夫的思念。
（bastillepost）
【真係愈睇愈襯】黃心穎口快快話馬明…
藝人馬國明與黃心穎以情侶檔姿態現身宣傳，其中一個big big channel新節目是7月推出的「唱K專區」，網友可即時與藝人對唱！當高層余詠珊介紹此節目時，即場點名叫馬國明練歌，場面搞笑！
事後馬國明否認歌藝渣：「我唱歌OK喎，但要揀啱歌囉！」
問到有否試跟女友黃心穎合唱？心穎即笑指二人有代溝，指對方不懂她年代的歌曲，但隨即補鑊，讚男友「聲底好」、「唱得唔錯」。
二人又指期待公開合唱，因可以登台搵真銀。問到會否介意每次同場都被將戀情擺上台？心穎說：「唔介意，慣咗啦！」
馬國明則說：「可能玩多一排大家就唔玩，轉玩第二Pair㗎喇！」
(on.cc東網)
【停工陪月，仲…】黎明真係好爸爸！
黎明早前宣佈做老竇，前助手Wing為佢生咗囡囡，Wing升呢做「天王嫂」，由於黎明處理感情事一向好低調，想保護囡囡同Wing，唔想佢哋曝光，點知囡囡出世嘅消息「外洩」，令黎明出聲明稱唔會再現身浸會醫院，又指「原來有些人真是有種漢奸基因」。
今日有周刊指，B女出世後，黎明已第一時間「封鎖」消息，黎明亦停工陪月，甚少外出，暫時禁止友人探B女，又同醫護人員、屋企家傭及看更講明齊齊封口，點知都係百密一疏，睇怕嚟天王更加努力保護家人。
(蘋果日報)
【有人問女友喺邊…】廖碧兒男友同靚女親暱輪住影相！
39歲嘅廖碧兒(Bernice)曾經與劉愷威同陳豪拍拖，但都係無疾而終，早前終於覓到新愛，與富貴失婚男友盧啟賢(Calvin)相戀。有指Calvin係隱形億萬富豪，其家族生意龐大，喺中港、新加坡、印尼、英國及加拿大均有物業，做投資生意嘅佢連影星楊紫瓊都係佢客戶，早前更被爆到法國豪擲兩億歐元（約19.3億港元）狂掃香檳。
（資料圖片）
廖碧兒近夫生活富貴，搬入大埔倚龍山莊之餘，仲買紅酒莊。(ig圖片)
日前有讀者Alice指日前見到Calvin喺蘭桂坊嘅Play開派對。據聞Calvin最近登上美國某媒體喺2018年金融市場十大最有影響力人物，當晚唔少財經界人士及財經版傳媒都被邀請出席。讀者Alice話Calvin出手好闊綽，攞咗逾50支價值約6千蚊嘅香檳出嚟畀在場人士飲用，而Calvin當晚玩得好high，賓客大部份係女性，Alice話﹕「唔少人都想同佢合照，但佢有好多保鏢，四個圍住佢，兩個喺門口守住，有人行埋去，啲保鏢都會嘗試推開啲人。」
Calvin身邊有保鏢傍實，但靚女們就例外可以埋身影相。
但當然有例外，唔少靚女都可以埋身影合照，其中一位穿上露肩裝嘅輕熟女，與面紅紅醉意甚濃嘅Calvin頭貼頭影相，Calvin仲搭住對方肩膊，狀甚親暱。Alice話﹕「聽到有人問佢女朋友(廖碧兒)喺邊，但佢都只係笑。」
(相片由讀者提供)
其實Calvin女性緣都好旺，與前妻育有一女，而認識廖碧兒嘅時候，被爆早已有位泰籍女友Nina，對方屋企喺泰國做電訊生意，但廖碧兒早前出活動就否認做第三者。
廖碧兒早前被踢蜜遊芬蘭。(資料圖片)
(Apple Daily)
【2月離開大台】轉行擔任財經公司管理層：其實我先生係…
「其實o依家嘅老闆，喺16年已經有叫我幫手，但嗰時覺得仲係好鍾意，而且加入TVB只係3年幾，都想再做下，學多啲嘢，所以就婉拒咗對方邀請，估唔到相隔兩年，對方仲記得我，所以轉工係被對方誠意打動。」
無綫前新聞女主播羅鈺文（Yuki）今年2月離開新聞界，已經喺傳媒界打滾咗9個年頭嘅佢，既然已跨過七年之癢，點解會轉型擔任財經公司管理層？問Yuki係咪婚後想生活變得更有規律，訪問當日由老公Leo全程陪伴嘅Yuki笑一笑說：「其實o依家嘅老闆，喺16年已經有叫我幫手，但嗰時覺得仲係好鍾意做傳媒，而且加入TVB只係3年幾，都想再做下，學多啲嘢，所以就婉拒咗對方邀請，估唔到相隔兩年，對方仲記得我，所以轉工係被對方誠意打動。」
目前生活比以前穩定，Yuki坦言都有不習慣地方：「o依家係返朝九晚六，同以前好唔同，不過由新聞轉去財經界，係有好多嘢學，見嘅人好多，都要學點同人打交道都係大挑戰。」
比Yuki先離職嘅師兄師姐一大籮，方健儀、周嘉儀、蔡雪瑩、黃紫盈、伍家謙等人紛紛轉型，更有指前主播成為藝人競爭對象「爭飯食」，問Yuki可有考慮做幕前工作？佢表示：「離職後係有唔同機構搵過我傾，問我有乜合作空間，但我諗會先兼顧目前工作，如果有機會都唔會排除有可能性，因為自己離開咗都有掛住幕前，有時會睇番自己最後一次新聞報道或天氣報道！」
話晒Yuki都做過宅男女神，前年封盤嫁人後，唔少網民對其丈夫身份一直感到好奇，究竟係何方神聖有幸被女神戀上？之前有傳Yuki老公係消防員，仲身材健碩，不過Yuki受訪當日，一直喺鏡頭後監場嘅老公，似乎不如網民形容嘅……健碩喎！
Yuki即時為大家揭開謎底：「其實係誤會，消防員係我好朋友，嗰時啱啱畢業準備入TVB，朋友啱啱passing out，我哋影咗張相，咁就傳咗佢係我男朋友喇。我哋大家都成日攞嚟講笑，其實我先生係空中服務員。」
(蘋果日報)
【被公司擺上抬？】被逼同場分開企兼冇傾偈！
一衆無綫60多位藝員，昨日出席「big big channel」記者會，宣布新增設多個新功能，包括「發布貼文」，及將推出全新電子商務「big big shop」。
《平安谷》好拍檔譚凱琪和陳凱琳
詩詠和舊愛Tony同場成為焦點，日前詩詠被指借舊愛煲新聞，而跟網民爆罵戰，事後詩詠表示不會為此事生氣，亦希望不用再提Tony。2人今天雖然同場，但全程分開企兼分開上台，亦無一齊受訪。
問詩詠會否覺得被公司擺上枱？她說：「同一間公司很難避免。（和Tony分開坐？）不知道，跟公司安排，亦不覺得尷尬，只是沒機會傾偈。」
Tony受訪時亦說：「來到的時候已要工作，工作完便受訪，無機會跟詩詠傾偈打招呼，但沒有問題，不是大家想像中那麼尷尬。（沒有一齊做訪問？）我不知道，大家要求的話，合照也沒問題。」
還有傳媒焦點情侶馬國明黃心穎！
（mingpao）
【麥美恩突然發哂火】陸浩明：今次我中咗招呀
成日笑人，今次終於到自己。。。6號就話：「今次我中咗招呀！！麥美恩拍到中途突然要加稿，佢發脾氣唔拍，我同監製講話唔緊要，我代佢拍埋，都有啲火藥味，都搞咗一陣。。。」不過最後6號多謝。。。
藝人陸浩明（6號）今日正日生日，昨日完成big big channel記者會後，晚上與麥美恩拍攝「big big shop」宣傳片時，獲麥美恩、馮盈盈、麥明詩等送上蛋糕慶生。麥美恩更趁6號吹蠟燭時，將忌廉塗在他鼻上。
6號接受東網訪問時表示：「佢哋同幕後夾好咗嚟一個大整蠱。麥美恩拍到中途突然要加稿，佢發脾氣唔拍，我同監製講話唔緊要，我代佢拍埋，都有啲火藥味，都搞咗一陣。但原來係一場戲，之後《#後生仔傾吓偈》成班同事馮盈盈、麥明詩等攞住個蛋糕入嚟，我嗰時先如夢初醒，佢哋畀驚喜同我慶祝生日。」
他又謂經常笑人容易被整蠱，但今次反而成功被整蠱，6號說：「我都好開心，成班同事好有愛，因為馮盈盈同麥明詩加埋班後生仔，佢哋其實已經放咗工。佢哋等我同麥美恩拍宣傳片拍到八點幾先出嚟送驚喜畀我。馮盈盈犧牲陪男友嘅時間，麥明詩可能犧牲咗識男仔嘅時間嚟同我慶祝，所以都好多謝佢哋。」
(on.cc東網)
【棟仁都有火】深夜貼文回應「復仇者」
TVB熱播中的劇集《棟仁的時光》中，袁偉豪（BEN）飾演的「棟仁」需要不停以「吻」借時間延長生命，網民大叫題材新鮮，苦捱多年的BEN終於走上”男一”之路。
可是，在現實中卻未如人意！BEN昨晚深夜貼出長文，回應在早前《復仇者聯盟》優先場發生的軼事！
話說BEN昨晚到戲院參與給”行內人”觀看的特別場，當中有業界人士在場外場內已跟他有”交流” （詳文請參閱截圖），豈料一件小事卻被對方網絡攻擊。一向脾氣好的BEN罕有的貼文並交代事件。
有網民留言力撐阿BEN，更笑言如果他是棟仁，錫對方一啖即可息事寧人！
（FACEBOOK）
【增早產流產風險】婦科醫生：孕婦一大禁忌！
自從公布首例境外移入麻疹個案後，麻疹疫情持續延燒，也造成民眾搶打疫苗的情形。有孕婦擔心胎兒被感染，考慮施打MMR疫苗；對此，曾為婦產科醫師，同時也是民進黨立委的林靜儀告誡「麻疹疫苗對孕婦是禁忌」！
林靜儀在其社交網粉絲團發文指出，MMR疫苗是指麻疹（Measles） 、德國麻疹（Rubella），以及腮腺炎（Mumps）三合一疫苗；而根據疾管署的疫苗施打政策統計，1971年9月以後出生的女性，應都接種過德國麻疹疫苗或MMR疫苗。
林靜儀進一步提到，孕婦感染麻疹，可能造成早產、流產的風險，但台灣育齡婦女除非小時候都沒有過接種疫苗，不然應該都具有抗體；她也強調，MMR疫苗是活性減毒疫苗，因此在懷孕期間，或是可能懷孕但尚未確認時期，都不建議施打。
（自由時報）
【曾患乳癌】隔3個月返港覆診：終於可以為自己而活
曾患上乳癌的影后出席乳癌活動，同場有其姨甥兼主診醫生鄺靄慧及另一姨甥鄺祖德。見她留有一頭銀白短髮，精神飽滿，現時定居吉隆坡的她表示今次是病後首次在港出席公開活動，亦謂現時用書法及畫畫令自己安心養病，同場她亦有展出自己的書法。
受訪時，陳秋霞表示現時每隔3個月就會回港一次覆診，今早剛抽完血，明天會見醫生：「睇吓癌症指數有冇升，都要控制血糖。（依家身體ok？）ok，係因禍得福，將我人生反轉咗，以前做創作凌晨3點都唔瞓，但依家12點幾就瞓，同埋會做運動，學會更愛惜同保重自己身體。」她亦謂兩年前發現自己有病，當時正要與彭羚及林志美為母校拍MV，但為免他人擔心，所以未有講患癌：「拍MV嗰日佢哋問我做咩咁攰，我呃佢哋話自己耳水不平衡，直至拍完我同校長、佢哋講我下星期要做化療，佢哋就知咩事。」她亦謂患癌是自己疏忽：「有咁好嘅醫生喺身邊，自己都冇定期檢查。」
陳秋霞坦言感恩自己的小朋友沒有遺傳到此病：「我一直最擔心呢樣嘢，但佢哋係冇遺傳到呢個基因，我用咗一年幾嘅時間嚟康復，喺醫院冇嘢做就練書法，有心靈寄託。」問到幾時會出返來唱歌？她笑言：「我依家嗰啲新進歌手都唔識，我呢啲咁老出到嚟都唔知點。（依家好多老一輩歌手出返嚟。）如果樂壇需要我都可以做啲嘢，不過好感恩自細可以同藝術共存。」她又笑言患病期間沒有瘦到，又坦言以前在意自己會出白髮，久不久就要染髮：「我依家61歲，之前50年都係為人哋而活，依家終於可以為自己而活，都希望有生之年可以做多啲慈善嘢。」
之前同大女合照
（on.cc）