日前喺網上留言話：「人站在生命面前，方知自己渺小」嘅歌手吳克群，張相仲疑似喺病房入面影，唔少網民都好擔心佢，呢日有報道指，吳媽媽日前已經因癌症病逝。
吳克群好友威廉接受台灣傳媒訪問時，透露吳媽媽係平靜、無病無痛咁離開：「我都有陪在旁邊，跟吳媽媽說的話都在耳邊跟她說了。克群比較辛苦，還有巡演和電影要做，但他很堅強，會關心他的。」
去到星期五晚，吳克群終於更新facebook，佢貼上一張同母親蹺手一齊行嘅相，留言話：「今天以前，我明白了什麼叫後悔。今天以後，我理解了什麼叫告別⋯⋯也明白了我有多愛妳。多希望能再和妳聊聊天，哪怕只是半小時十分鐘也好，卻成了我此生最大也最無法完成的願望！
佢又話：「看到妳最後安詳的笑容，我相信妳一定到了一個更好更美的地方。此生，謝謝有機會讓我當妳兒子。」
吳克群亦有透過短訊，回覆台灣傳媒：「我好想她，但還不能讓她聽見，她會走不了。」
(Sina)
歌手鄭希怡（Yumiko）與化妝師老公梁學儲的寶貝女梁子柔（梁浸浸）不經不覺已兩歲九個月，她不時在社交網分享女兒的生活片段，五官精緻的梁浸浸可愛萌爆，已有一班忠實粉絲。近年Yumiko更得女兒帶挈，獲邀參與拍攝內地真人騷，深受網民喜愛。
早前參與内地真人騷節目
日前下午4時半，Yumiko在老公接載下帶住女兒現身中環行街買玩具，落車後Yumiko全程拖住女兒，沿途有不少途人熱情地向她們打招呼，甚至有哥哥踎低撩梁浸浸玩，期間有女途人見到梁浸浸，都不禁回頭為她拍照，又大讚她可愛，可見梁浸浸的受歡迎程度爆燈！雖然被女兒搶去不少風頭，但作為媽咪的Yumiko當然不會介意啦！之後繼續帶女兒去附近童裝店購物，穿上粉紅色衫仔的梁浸浸，沿途不時四圍望，突然又停低企定定唔肯行，Yumiko見狀亦陪女兒站了一會，其後經過紅綠燈時，梁浸浸見到有掣撳，即好奇地伸手去撳。不一會，Yumiko已為女兒購下大袋戰利品，雖然她手上已拿着戰利品，但當過馬路時便會抱起女兒，然後步往附近街頭，齊齊登上老公的座駕離開。
Yumiko拖實梁浸浸出巡。
梁浸浸經過紅綠燈位時，即好奇地伸手去撳掣。 
Yumiko為安全起見，即使拎住大袋戰利品，過馬路時會抱起女兒。 
去到邊都有人撩佢玩！ 
有哥哥撩梁浸浸玩。 
之後又有人大讚梁浸浸可愛。 
仲踎低撩梁浸浸。 
認真係人氣爆燈呀！
（ON.CC）
無綫早前喺深宵時段重播《壹號皇庭》系列，結果搞到唔少觀眾夜麻麻都keep住煲劇，重拾當年那些年嘅回憶，宣萱日前喺中環接受訪問，亦都有講起呢件事，佢話：「聽到《壹號》重播嘅收視好，有6點幾，即係有差唔多40萬觀眾唔瞓都要睇，真係開心！」
一直以嚟，宣萱都唔係一個鍾意拍續集嘅人，佢話：「你問我最好係唔好開，見好就收，無謂拍到爛，唯一係可以開嘅係《壹號》，呢個題材可以再拍！」宣萱話：「嗰陣我自己睇番，如果可以有第6輯，簡直情天霹靂，但係呢個世界上，只係得鄧特希可以，任何一個人都儲唔到呢班人。」唔知宣萱到時又會唔會拍呢？佢話：「會，一定會，不過主要班底係呢一班人，我o依家睇番都會笑，大家好有默契，喺o依家嘅情況嚟講，難再遇到嘅默契！」
早前《壹號皇庭》班底RE-u，帶來大大的震撼。 （互聯網圖片）
宣萱覺得最難得嘅係，大家都係嗰個年代，又有共同理念：「o依家同後生拍嘢，喺佢哋身上學嘢，學吓啲潮語，update自己，始終拍劇希望可以有多啲經典嘢，對白、對手乜都好，呢個夢想唔係冇可能，呢班人唔係向錢看，反而大家好希望追求成果，同享受過程！」
宣萱話期待《壹號皇庭》第六輯！
宣萱仲話：「o依家都希望可以過呢啲開心嘅生活，每一個劇都有一啲好好嘅回憶，收視嘅嘢唔關我嘅事，得與唔得我唔係好理，只係希望有對白。啲人問我有邊個角色特別鍾意，我冇角色唔鍾意，個個我都覺得OK。當然有啲係特別鍾意，過程基本上係開心，唔好成日都做類同嘅嘢。」
幸好歐陽震華髮型keep住冇點變，但喺Season 5 蔣志光死咗，咁點算好？ (劇照)
(蘋果日報)
歌手衛蘭（Janice）一連三場假紅館演唱會正式開鑼，中段Janice坐着吊喺半空嘅「樹藤車」出場，並唱出《穿花蝴蝶》。Janice表示因為自己早幾日病咗，自己已經係盡力唱畀大家聽，直言有好多人都叫自己上到台講多啲嘢，加上自己比較靜，都係透過音樂同畫畫表達自己。
演唱會半空吊出場
Janice自爆表示兩年前先至發現自己脊椎側彎。 
依家要重新學習行路姿勢。 
唯有堅強面對
Janice續指兩年前發現脊椎側彎：「我嘅脊椎係S型，要重新去學行路，咁大個人要重新學行路唔係容易嘅事，其實同我嘅音樂路都好相似，呢兩年我先表達多啲自己，以前成日收埋自己，其實呢個都係好脆弱嘅一面，同大家分享，好少喺咁大嘅場合公開呢樣嘢。」
諗起都心酸辛苦
並指醫生叫自己唔好做運動，但都尋找到方法去享受做運動，所以鼓勵大家唔好放棄。然後，Janice自彈自唱《Make You Feel My Love》及《情深說話未曾講》，唱之前Janice更自爆今次增了10磅：「上一次演唱會我減咗10磅，但今次我增咗10磅。」到獻唱時，就因為個咪滑落而由頭再唱，更笑言：「搞到我好緊張啊！」
(東方日報)
今晚無綫劇集《誇世代》播出大結局，開始時交代「七小姐」江嘉敏並非許紹雄及馬海倫的女兒，因而令江嘉敏與張繼聰這對情人沒有亂倫關係，故可繼續相戀。而「四小姐」李佳芯因心臟問題暈倒街上，陳豪見狀即抱住她送院，醫生建議佳芯中止懷孕，佳芯亦趁機表態想與陳豪離婚，但其實內心仍愛着陳豪。及後更不理性命危險拒絕墮胎，陳豪即想出一個辦法，拿住一張磅重卡去醫院搵佳芯，之後二人情深一吻再加上電擊，之後佳芯與陳豪交換靈魂，陳豪因而變了「大肚婆」，但亦因二人改變了時空，促使核爆沒有發生，世界得以和平。
而懷胎十月的陳豪最終誕下BB，及後二人用僅餘兩張磅重卡回復真身。至於一直以為害死好兄弟張繼聰的陳豪，於阿聰墓前拜祭時，張繼聰突然出現令陳豪驚喜非常，三人繼續做回好兄弟。劇集末段播出彩蛋，講述李麗麗於戲院玩磅重機，結果亦因而改變了時空，鏡頭一轉李麗麗搖身一變成為佘詩曼，而如此一現令觀眾驚喜非常，該劇監製陳維冠於播畢劇集的節目中，透露阿佘今次乃不收分文作友情客串，認真有義氣。劇尾呢個彩蛋，會唔會就係暗示《誇世代》續集由佘詩曼擔正做女主角？唔少網民都話好期待。
(ON.CC)
藝人余文樂（樂仔）上年12月初突然在Instagram宣布與拍拖一年的皮帶大王千金王棠云結婚，男神正式封盤！
兩人於澳洲舉行婚禮，婚後更不時放閃晒恩愛，近日更有傳樂嫂有喜。
而樂仔、樂嫂亦終於在香港正式入紙註冊，擬結婚通知書上，樂嫂就現「真身」，真名原來叫王予柔。
如果樂嫂真係有喜的話，真係要恭喜完再恭喜喇！
(on.cc東網)
謝霆鋒早前請來潘瑋柏擔任其最新一集《鋒味》嘉賓，豈料錄影前夕，潘瑋柏竟然因為患上肺炎而被迫缺席﹗幸好，霆鋒在圈中人緣好，結果臨時找到何超蓮、鍾欣潼（阿嬌）飛往揚州拍攝其節目。
霆鋒在這一集要完成「300人食用的大鍋揚州炒飯」挑戰，奈何患上重感冒的他竟然病到失去了味覺，只好帶住阿嬌和超蓮在揚州掃街，「捐窿捐罅」試食不同的炒飯。
謝霆鋒今集要煮300人食用的大鍋揚州炒飯，豈料他病到失去味覺。
謝霆鋒雖然患上重感冒，但仍堅持上陣。
(明報)
張柏芝和謝霆鋒有過一段5年婚姻，離婚後獨立照顧2個兒子Lucas和Quintus，平時常透過社群網站，分享生活、育兒點滴的她，11日竟現身台灣，並且一連2天，都現身信義區某間百貨公司，戴著毛帽、墨鏡安靜畫著油畫，作風相當低調親民。
張柏芝11日現身台北信義區某間百貨，同時也透過Instagram發文，PO出一系列影片，分享自己正專心畫油畫的模樣，開心地和台灣的粉絲們打招呼，「台灣的粉絲大家好！」畫面中，只見她低調戴著黑色毛帽及墨鏡，低頭專心畫畫，也令不少人注意到，她似乎是左撇子，全程都用左手拿筆。
「為什麼我會來台灣呢？」鏡頭前，張柏芝吐露其中原因，雖然香港也有畫油畫的地方，且自己從小到大都沒有學過畫油畫，先前在大兒子Lucas還很小的時候，曾帶孩子來這裡的遊戲區玩，當時她看見有好多大人在這裡畫油畫、畫風景，「那時我心情沒有很好，度過很多不開心的事情…。」
雖然張柏芝說到一半，影片卻在中途斷掉了，但不少網友揣測，或許是當時心情不好的她，來台畫油畫時，獲得抒發心情的空間，才會想再次造訪台灣，令不少粉絲心疼不已、紛紛留言鼓勵，「開朗的媽媽…加油」、「願你每天開心哦」、「未來的日子裡，一切都會好好的，加油」，意外引發不少討論。
(ETTODAY)
屯門五歲女童陳瑞臨（臨臨）懷疑被人虐打致死，女童生父陳海平（26歲）和繼母黃曉彤（27歲）被控謀殺。有網民在Facebook成立專貢並發起悼念活動，呼籲明晚七時到屯門市集合悼念臨臨，送上花和最後的祝福。
臨臨自從搬入繼母位於屯門時代廣場的寓所後，她與兄長連月來同遭人虐打，有同學稱曾見過兄長阿逸眼部瘀腫，似曾被虐打，校方雖曾把個案交社工跟進，並向社署諮詢，惜未及時察覺嚴重性，社署交回校方自行處理，事件不了了之，結果發生慘案。
有傳媒今日再向路德會富泰幼兒園查詢，所屬的路德會社會服務處發言人指，案件進入司法程序，未能詳細交代。
網民發起悼念活動，希望為臨臨送上最後祝福。
受害女童臨臨
（headline / topick）
森美之前帶同麥美恩、黃心穎、高海寧玩盡東京，不過日本真係一個去唔厭嘅地方，森美噚日又去咗東京玩，佢坐車時，諗住影相向朋友報平安，點知朋友話我身後面有一個女仔，好似謝安琪，唔通森美約咗謝安琪(Kay)去日本有嘢做……噚日無啦啦「洩密」同謝安琪外遊，呢件事相當有嫌疑!?
森美亦有喺IG貼出一張selfie嘅相，寫道：「朋友話我身後面個日本妹似謝安琪。」相似程度就連Kay老公張繼聰都回覆一個驚訝嘅emoji，唔少網民睇完張相都回應「都幾似啵，你特登影人哋之嘛」、「我第一眼都以為係」、「我一開始都以為係謝安琪」，不過之前傳過Kay同黎瑞恩撞樣，所以有網民覺得「似黎瑞恩多啲」、「黎瑞恩同謝安琪混合體」。
至於真嘅Kay，老公張繼聰當然知佢喺邊喇，Kay就喺佢身邊囉，噚日係阿聰38歲正日生日，Kay喺IG貼出全家福，稱舊年老公投訴Kay冇送生日禮物，所以今年阿聰收到囝囝張瞻同老婆Kay自製嘅生日pop up card，「有老爺親手炮製別出心裁嘅生日大餐、有姐姐睇YouTube學製嘅homemade生日蛋糕、仲有一位令你情難自制嘅BB女喺你房等你」，Kay祝老公每天開心。
唔少網民都笑阿Kay呷囡囡醋，留言「KaKa Ball係佢小情人，一年一次，你唔好呷醋」，阿聰亦好受落咁喺IG貼咗囡囡坐喺床嘅相，寫道：「有位好正嘅靚女坐係我張床等我……佢話今晚決定唔瞓覺，同我癲番晚……」真係前世情人，確係魅力無法擋!?
（蘋果日報）
