女星楊洛婷為奶粉活動擔任司儀，早前誕下女兒的她已經收身，她說：「生完小朋友個肚皮一定會鬆啲，我會好勤力做機同運動，我生完因爲入咗風，所以關節好痛，做唔到運動，但去完美國同加拿大旅行返嚟，關節冇再痛，我做番瑜伽，之後冇咁凍就會跑番步，老公都好鼓勵我，佢話我會索過之前。（會唔會再生？）會，一定會，我完成晒今年嘅計劃就會再生。」
另外，提到楊洛婷的父親早前在加拿大進行換心及換腎手術，她表示非常感恩：「佢一次過換晒心同腎，係好大手術，而且佢係第二次換心，醫生話好難搵到合適嘅心，排咗三個月，當日係我個女嘅百日宴，突然收到電話話有合適，可以做手術，其實我哋都好擔心，最怕係排斥，佢依家出咗院個幾星期都冇排斥，真係好開心，佢尋日仲同我嫲嫲慶祝生日。」
(on.cc東網)
藝人唐文龍（Michael）為奇妙電視飲食節目擔任嘉賓，與主持人袁彩雲敍舊，袁彩雲花盡心思款待貴賓，專程到街市挑選新鮮龍蝦，親自下廚，她笑言：「挑選龍蝦係有特別意思，龍蝦游水嘅姿態好優美，就好似Michael嘅身型咁，結實又大隻。而且龍蝦有個硬殼，正如Michael咁硬淨，又會保護家人，好有安全感。」
袁彩雲（右）專程到街市買龍蝦煮畀唐文龍食。
坦言抗拒騷肌
袁彩雲封唐文龍做龍蝦。
唐文龍獲稱讚感到尷尬，並表示由於早年自己在北京生活，而彩雲則在加拿大定居，二人曾失散多年，但一見面感覺好親切：「雖然以前拍劇演情侶係做戲，但我對彩雲嘅愛係真嘅，係朋友嘅愛，兩個人如果冇默契、冇感情，唔會做到咁多年朋友。」二人不排除將來再在螢幕上合作，彩雲希望演Michael的妹妹，大讚他為人細心，很會照顧人。談到復出日期，她則要先請示老公。 
唐文龍協助袁彩雲下廚。
唐文龍回想當年拍劇，因身材健碩時常被要求穿緊身背心騷肌，他坦言很抗拒：「以前啲人覺得男人大隻就係冇腦，得個樣，我希望畀人知道我嘅內涵，欣賞我演技同努力。」直至近期，Michael再度人氣急升，他的智慧和成績得到眾人認同，彩雲亦戥他高興。
製成品似樣似樣。
(東方日報)
名模周汶錡（Kathy）出席奶粉活動，她透露農曆新年會到法國滑雪：「因為上年大肚無去，今次會帶埋兩個仔去，畀大仔學滑雪，老公會教佢，應該學幾日就可以實戰，細仔就玩吓雪，依家有好多準備工夫要做。（幫小朋友買滑雪裝備？）我好環保，啲衫有朋友畀。會去兩個星期，好期待。（要帶好多嘢？）小朋友好容易，啲衫好細件。」
除了去法國滑雪外，Kathy稱年初一至三會留港過年，並已準備定利是，問到情人節如何慶祝？她說：「未諗，應該會食餐飯，二人世界一定要。」
此外，Kathy又自爆十個月大的細仔今日懂得站起來，令她非常開心，問到細仔懂得說話未？她坦言：「佢依家仲未識講嘢，不過都好快，因為佢想學哥哥，佢哋兩個會攬頭攬頸，大哥又會攞細佬嘅奶嘴食。（兩兄弟有冇打交？）大嗰個會打細，唔會互打，大仔知道我哋知，佢又會錫番細佬，好識做戲。」
(on.cc東網)
曾與張國榮拍拖嘅前藝人倪詩蓓，最近帶着17歲患有自閉症嘅兒子Royce回流返港定居，並準備出書講述照顧自閉兒童嘅心得
其間佢就絕口不提前度黃玉郎，之後有報道指黃玉郎與倪詩蓓並未有結婚，而黃玉郎更於微博度發聲明指有報章、雜誌、網上傳媒報道不實，黃玉郎更入稟，向前女友倪詩蓓爭取兒子撫養權。
倪詩蓓話今日囝囝同爸爸慶祝。(微博圖片)
今日去左迪士尼
原來今日係Royce嘅18歲生日，媽媽倪詩蓓就喺微博貼圖同留言祝囝囝生日快樂，佢話：「親愛的大寶寶，今天1/23 是你十八歲生日，真係時光飛逝十多年，好不容易湊到你大，今天你和爸爸慶祝
媽媽祝福你，每天開心I Love you 」！
倪詩蓓喺微博貼咗好多囝囝嘅細個相。(微博圖片)
之後倪詩蓓再喺微博貼咗好多囝囝嘅細個嘅相，佢再留言話：「四歲同寶寶去星加坡居住，今天兒子18歲，回港兩年多，12年的時間⋯看照片好像眨吓眼就過去！湊到你現正(在)咁大不容易呀！看看我的寶寶多可愛」
(微博圖片)
(微博圖片)
(蘋果日報)
女星舒淇近年都受皮膚敏感影響，為咗畀自己休息，去年底嘅時候佢就宣布暫時停工，唔少粉絲聽到呢一個消息都忍唔大叫好可惜！
雖然舒淇暫停咗幕前嘅工作，不過經常都喺社交網站更新近況，呢日佢就喺社交網站上載咗去做gym嘅相，並留言：「好難瘦。」、「我的身體如果能跟我的臉一樣瘦…..多好」身穿白色T-shirt嘅舒淇坐咗喺健身器材上面自拍，真係做到面都紅晒。
舒淇做運動都着好多衫。
除咗全身相之外，舒淇亦都晒咗一張近鏡自拍，明顯見到佢做到成頭汗，真係好落力呀！不過唔少網民睇見舒淇話想再瘦啲，都忍唔住講咗句：「你已經很瘦了！」此外，舒淇仲上載咗一段愛貓嘅短片，睇見貓貓瞓覺瞓得咁舒服，一班網民都話好想瞓埋一份呀！
成頭大汗!!
舒淇隻愛貓瞓得好開心。
(東方日報)
藝人杜德偉兄長兼星級健身教練杜德智（Orlando）保養得宜，原來他剛於1月9日度過60歲生日，活力十足的Orlando還專程與兩名友人飛到泰國布吉慶祝「登六」。Orlando表示：「我搭9號凌晨機去，喺天空『登六』。」
型到呢…
生日又「升空」！
早睡早起嘅佢今次旅程都忍不住「破戒」，日又玩夜又玩～
平日早睡早起的他，笑言今趟旅程忍不住「破戒」：「日與夜咁玩，幾癲呀！」熱愛水上運動的他不但盡騷爆肌身材，更大玩降落傘，認真藝高人膽大！除了玩樂之外，Orlando亦不忘工作，帶同結他到布吉練歌，他說：「因為我一返到香港有個騷，要同個醫生合唱，所以要喺泰國練習吓結他。」
玩得勁開心！
(東方日報)
宣佈結束十二年婚姻，二人於2006年3月結婚，不過婚後因分隔兩地。。。
現年42歲嘅綜藝節目《兩天一夜》男星金俊浩，今日跟話劇演員金恩英正式簽紙離婚，結束近12年嘅婚姻。
金俊浩跟金恩英於2006年3月結婚，不過結婚後金恩英為事業而長居海外，二人因分隔兩地而且性格不合，最終協議離婚，經過一個多月嘅調停程序，於今日正式簽紙離婚。金俊浩其後承認離婚一事，表示雙方係協議離婚，希望外界唔好有過多揣測。
(蘋果日報)
何雁詩同鄭俊弘（Fred）前年10月到美國拍大台節目秘撻，兩人瞞戀近半年，Fred被當時嘅未婚妻踢爆偷食，最後Fred情歸新歡何雁詩，去年4月兩人終於拖手認愛；不過，佢哋公開戀情後承受唔少壓力，拍拖冇耐已頻傳情變，但踏入2018年，兩人原來趁新年後蜜遊東京，撥行火為戀情升溫。
日前讀者波先生喺新宿見到何雁詩同鄭俊弘，透過「爆相爆片」分享兩人嘅戀事，25歲嘅何雁詩少女心爆棚鍾意玩夾公仔：「嗰晚11點幾，見到佢哋喺新宿一間舖頭夾比卡超公仔，當時何小姐好努力咁夾公仔，但鄭生就企喺側邊冇幫手夾，有時望兩眼女友夾成點，但幾乎全程都係周圍望，好似驚死被香港人發現影相咁。」
從讀者提供相片所見，兩人都戴咗韓星至愛嘅黑色口罩遮樣，反而更加令人留意佢哋，何雁詩着住銀色羽絨好搶眼，讀者表示：「佢哋夾咗一陣公仔，何小姐夾極都夾唔到隻比卡超，最後空手而回，兩人離開鋪頭冇拖手冇攬腰，刻意保持距離。」
曾經患情緒病嘅何雁詩，因為戀上鄭俊弘被指係第三者，公開戀情後受到唔少壓力，甚至有傳何雁詩因情緒問題自殘，每次露面都係着長袖衫遮手臂，去年尾兩人更傳虐狗風波，依家雙雙去日本風流快活，相信感情應該經得起考驗。問到何雁詩係咪同男友去預支蜜月？佢以微笑同拜託手勢emoji回覆，似乎想低調保護戀情。
(蘋果日報)
模特兒張穎沁（Pamela）雖然有童顏外表，但其實已育有一歲大的兒子Adam，早前Pamela推出新書分享新手媽咪的心路歷程並舉行活動宣傳，請來林奕匡太太Rikko擔任司儀，問到為何會想寫這本書？
張穎沁就話最驚就係囝囝學壞！
Pamela說：「一直都想寫書，但未搵到適合題材，到大肚時覺得好似我去到一個未去過嘅領域，想紀錄呢幾年經過嘅嘢，分享畀一班準媽媽，畀佢哋多啲心理準備。」
最近佢就出咗新書。
活動上Adam亦有粉墨登場，還主動笑晒跟觀眾Say Hi，完全不怕見到陌生人，氹到現場人士非常開心，超級可愛！問Pamela最擔心囝囝甚麼？她笑說：「擔心佢識女仔，好快有女友，仲有驚佢會變壞，希望佢乖乖地健健康康。」
囝囝仲喺活動期間上台獻花！好可愛呀～
此外，當日Pamela老公不在港，但特別預早訂了花送驚喜，並由囝囝負責送上，Pamela說：「老公將我手機號碼畀咗花店，所以我知有人送花，但冇諗到係老公，所以都好Surprise！」
(東方日報)
可以找到人生另一半並非易事。。。
名模熊黛林的師妹陳詩雅（Sarah）昨日與圈外男友Leslie拉埋天窗。早上先進行接新娘及玩新郎儀式，晚上再於麗思卡爾頓酒店筵開逾20席廣宴親朋。
Sarah表示心情非常開心，因為可以找到人生另一半並非易事，而且之前為籌備婚禮而忙得不可開交，現在終於完成一件人生大事。除了開心，Sarah亦流下感動的眼淚，她說：「我斟完茶畀父母，媽媽將嫲嫲生前買畀我嘅嫁妝送畀我嘅時候，我忍唔住喊咗，同埋都感受到父母好唔捨得我。」
問到老公有否向她發表愛的宣言？她坦言：「本來玩新郎環節上要佢講愛的宣言，但因為佢太緊張，臨時要講但佢乜都諗唔到，所以我最後都係放過佢。」
雖然老公講唔出愛的宣言，但Sarah一樣畀老公超滿分：「我畀佢105分！佢最大優點係畀到安全感我，而且佢容許我任性，對於佢嘅體諒，我係好欣賞。」
至於婚後，Sarah稱會繼續工作，但都希望可以盡快生B，展開人生另一階段。
(on.cc東網)
