今年42歲的陳奐仁，相信大家對他的一個印象當然是Rap，在上年更加返內地拍攝中國Hip-Hop節目《中國有嘻哈》而在內地獲得知名度。不過講到第二印象，一定是他肥嘟嘟的身型，加上他的樣子十分和善，整個形象是十分可愛的。不過觀眾們可能好快就是改變你腦中的印象，事關今日他在其Instagram上放出了一段健身片段，他以張家輝在《激戰》中的訓練方法瘋狂操練，身上的肥肉漸漸變成肌肉，相信不久將來就會變成大隻仔。
他在其Instagram上還寫道：「連我都認唔倒自己。I don’t even recognise myself！#見証奇蹟」唔好話佢自己，相信遮住個樣就大家都認佢唔到呀！佢仲話係張家輝彭于晏𧶽我力量，因為兩個在《激戰》入面都係瘋狂操練。不過最抵死嘅係，個個減肥操肌都要節食，但佢就話自己日日食薯片，認真巴閉！
真係好勁！（網上圖片）
(HK01)
頭先講完古天樂，依家講下澳門古天樂（佢自認）——洗米華（周焯華）。
古天樂多年來keep住同緋聞絕緣，澳門古天樂就相反。包括去年6月被影到喺夏威夷醉攬「㗎妹」松岡李那，令女方一夜爆紅，成為話題女王。嗰一攬之後，兩人有冇斬纜呢？呢個問題，睇佢哋日前喺蕭定一公司周年晚宴嘅態度，應該估到一二。當晚洗米華同松岡再次相遇，洗米華同蕭定一坐主家家席，松岡就同張建聲等演員坐另一張枱。開席冇耐洗米華已經走咗去松岡嗰枱。
今日有周刊就話，洗米華過枱係因為想同其他人social，過到埋嚟「咦原來Linah你喺度呀？」好開心坐埋去。兩人雞啄唔斷，張建聲見狀都識做坐開，最後讓埋個位俾洗米華坐。咁之後洗米華就同松岡一齊坐，又向同枱嘅傳媒朋友介紹松岡﹕「呢位係我緋聞女友。」唔止咁，當晚兩人「雞啄唔斷」嘅程度，可以用四個字形容：旁若無人。因為現場好嘈，所以兩人不時耳語，互有攻守，有來有往。而聲稱同洗米華相識7年嘅松岡，自從同洗米華同場相認之後，一直寸步不離。
洗米華滿場飛，松岡都把握到最好機會，一個華麗轉身，又轉番去洗米華身邊，對眼係咁放電。最吊詭嘅係，其實兩人都知現場幾百對眼望實佢哋，不過一於懶理。洗米華仲同友人介紹，講番當日派對上攬松岡單嘢，佢話攬嗰個火辣body，唔係松岡嚟0架，係松岡阿媽嚟0架，「搞錯晒，我攬佢個媽！就以為我攬住佢！」
蝦。
(蘋果日報)
車婉婉、張達倫、黃淑儀、李國麟及簡淑兒等，最近在無綫新劇《好日子》中合作，日前劇集已經煞科，她們一班人昨晚私下食飯慶祝，當中車婉婉囝囝BBQ及張達倫BB勁秋雞成為全場焦點，兩個BB超萌，眾人輪流爭住抱，最搞笑兩家人互換BB抱抱，氣氛相當和諧。
車婉婉在網上更為兩位BB解讀對話，聲稱他們正在交流緊，內容如下：
BBQ: 我MaMa前排成日一早出門口，跟住成日唔見人…
勁秋雞：咁啱嘅！我爸爸又係！成日帶埋我去遊車河，跟住就唔見咗，淨番我同Mommy…
BBQ：有時Q MaMa以為我唔知，趁我瞓咗又失蹤…
勁秋雞：我爸爸都好夜先返屋企…
BBQ+勁秋雞：佢哋兩個……實在太偉大啦，為咗我哋兩個捱更抵夜咁努力，覺都無得瞓，請大家都繼續支持佢哋
(明報)
47歲美豔女星鍾麗緹自從與小12歲的大陸男星張倫碩結婚之後，兩人頻頻放閃，還在熱戀期，鍾麗緹也坦言想要為了張倫碩再生一個小孩，非常甜蜜，最近她在微博上秀出運動後自拍照，只見喜歡運動的她，頂著素顏，臉上滿是汗，不過肌膚白裡透紅美得像少女。
即便滿是汗水，頭髮稍微凌亂，仍無法遮掩她的美貌，只見素顏的鍾麗緹完全沒有細紋、皮膚白裡透紅，網友見狀紛紛留言，「世上最好的保鮮就是不斷進步，讓自己成為一個更好和更值得愛的人」、「女神啊，永遠那麼美麗可愛」、「素顏更美」，誇讚她就像是個女神。
(噓！星聞)
去年9月爆出未婚懷孕，閃嫁樂隊主音。
當時24歲日本女星武井咲閃嫁33歲的EXILE主音TAKAHIRO，震驚日本演藝圈。兩人的愛情結晶已出世，並透過事務所發表聯名聲明公佈喜訊，「托大家的福，我們迎來第一個孩子的誕生。」聲明中透露，武井咲已平安誕下B女，囡囡十分健康，但就未有公佈孩子的出生日期及體重等資料。
兩人於2014年因合拍《戰力外搜查官》結緣，之後就傳出兩人交往消息，但雙方事務所都否認。期間TAKAHIRO被拍到探訪武井咲香閨，武井咲的事務所更曾經發表聲明指武井咲今後不會再跟男方見面。然而最終武井咲不理公司的禁愛令，終與TAKAHIRO成家立室。
(singtao)
現年44歲的陳煒在2008年與細她三歲的台灣商人顏志行結婚，隨後息影陪老公周圍去，一直表現恩愛，直至2012年她復出無綫拍劇，有傳當時婚姻亮紅燈，但她卻一直隱瞞「分」訊，奈何兩年前有指顏志行與台灣歌手鄭雙雙過從甚密，緋聞鬧得熱烘烘，陳煒最終於去年8月焗認已離婚5年，但不涉及第三者。
戲如人生
最近陳煒主演的無綫劇《果欄中的江湖大嫂》熱播中，劇情講述原本是明星的她，下嫁馬來西亞富商後息影做少奶奶，與其現實生活有幾分相似，不過劇中飾演其丈夫的張國強另結新歡，陳煒一氣之下回流香港，接管已故哥哥的果欄生意，重新起步。現實生活中，回復單身的她近年專心工作拍劇搵銀，搣甩「闊太」生活後，生活變得慳皮。前年她以月租約7萬多元租住位於鰂魚涌西灣臺1號豪宅。
最近原來秘密搬新竇，「降呢」搬到去年8月才正式入伙、位於油塘的新樓PENINSULA EAST，該屋苑現時租金約萬多至2萬元不等。
心急返歸做「宅女」
最近陳煒除了忙拍新劇《危城First Lady》之外，又要為《果》劇四出宣傳。
日前下午，她在尖沙咀出席宣傳活動後，在數名保安人員護送下離開，期間被大批粉絲包圍影合照，陳煒逐一與粉絲Selfie，極為親民。
影完合照，她乘七人車返回油塘寓所，屋苑保安員見到她拿着一袋二袋落車，亦醒目地開定門讓她入內。另一日，她出席完活動未有四圍去，同樣直接乘車回家休息。
雖然屋苑位於工業區一帶，但部分單位可飽覽維港海景，環境夠清靜，完全符合劇接劇愛回家的陳煒。
(on.cc東網)
《流氓大亨》今晚將會播出第20集，仲有10集就會播畢，之後會推出《刑事偵緝檔案》，吸引力就未必有咁大。《流氓大亨》最經典的場面有兩個，其中一個今晚就會出現，所以大家一定要開住電視等睇表演。
講緊嘅就係萬梓良怒打吳啟華一幕，話說吳啟華飾演的鍾偉舜謀殺親父後，在法庭上卻被判無罪釋放，在庭上更加爆出他如何玩弄方學寧（周海媚飾）的感情。在踏出法庭後，作為他失散多年的哥哥，萬梓良終於忍不住，在街上直接拎起個垃圾桶向吳啟華掉過去，繼而衝上前揍他一頓。
根據當年報道，今次萬梓良是真真正正打落吳啟華身上，而吳啟華事前是不知情的，因為大家都以為只是借位輕打，但萬梓良為求迫真竟然真打起上來。事後吳啟華當然嬲到震，搞到萬梓良要送名錶道歉先能平息事件。
萬子出名做戲認真。（資料圖片）
(HK01)
離巢潮越來越熱，今次到邊個？
藝人黃碧蓮（Linna）告別無綫兒童節目《Think Big天地》主持工作。
她說：「我做咗呢個節目三年，好感恩可以加入呢個大家庭，雖然我中文唔叻，但大家都好照顧我，令我學到好多嘢，到咗真係要講拜拜嘅時候，我都忍唔住喊咗出嚟，好多家長同小朋友都喺社交網站問我做乜要走呀？其實我今次係畢業，大家之後都可以繼續喺J2台嘅《安樂蝸》、《今期流行》，仲有明珠台嘅《港生活·港享受》度見到我㗎！之前我都試過客串拍劇，希望今年可以有機會再拍劇啦！」
到時再見~
(on.cc)
藝人溫家偉（大隻仔）早前就承認同新加坡混血兒索女Sofia拍拖一年多，雖然二人遠距離戀愛，但係依然愛得甜蜜，家偉仲話兩個感情好穩定添！最近家偉就孖女友齊齊飛咗去布吉旅遊，仲喺社交網上載唔少旅遊相，相中見到佢哋出海玩，不過女友就好怕醜用帽遮住半個樣合照。
之後佢仲晒食自助餐同埋去市集行街嘅相，見到佢仲用支好長嘅飲管飲嘢，擺出唔同搞笑甫士，睇相都知佢哋呢個旅程玩得好開心。而女友亦都喺網上晒出一張獨照，仲話：「Sometimes paradise isn’t too far away from home.（有時候天堂係唔需要離屋企太遠）」網民都叫佢哋enjoy個trip呀！
葉翠翠早前宣布懷第二胎，預產期為今年6月，今日去做婦科檢查，獲醫生大讚佗BB佗得好好，原來全賴她自己的秘方。
翠翠在網上表示：「有好消息！胎兒比正常週數大了一點，頭仔大了12天，肚腩大了10天，大腿長了15天，醫生說佗得好好！
各位準備懷孕或懷孕媽媽，真的可以參考我的分享，雖然我不能說究竟是那一個環節起了作用，但只知道我的秘方的而且確係對胎兒有幫助！今次胎兒比小王子還長大了一點，因佗小王子時是邊學邊做，但今次是一早預備好，所以兩個胎兒都有少少分別。
好多人擔心胎兒過大的問題，話難生產。講真，過細係好容易，要大就唔係講一句咁簡單！現在香港一般嬰兒出生只有6磅至7磅內較為普遍，所謂的「過大」都只是8磅至8磅半，當然基因都有影響，不過想胎兒有幾健康就自己決定了。」
(明報)
