手要洗乾淨大概已經是常識，間隔順序通常藥師也都會提醒。
但是往上看(翻白眼)這一點卻常常被忽略，其實藥水直接點到眼球，尤其是直接點到黑眼珠，是很刺激、傷眼睛的喔!!
把眼瞼往下拉，眼藥水滴入眼白與下眼瞼間，才是正確的點眼藥水方法喔!
另外眼藥水開瓶後，除非醫師藥師有特別交代，不然不必放冰箱，常溫避光避濕保存即可。
因為眼睛非常脆弱，眼藥水眼藥膏不能添加強效的防腐劑，所以開瓶後一個月沒用完也是必須丟棄喔!!
（元氣網）
【網民超驚訝】仲要係已經識咗20年！
尋日（17日）台灣北投發生5.7級地震，更係台北史上最大規模地震！而無綫小花譚凱琪（Zoie）都身在當地，仲同喺台灣居住嘅馬來西亞歌手曹格一同經歷地震！
佢喺big big channel同曹格一齊做live，佢透露今次係第2次經歷地震，對上一次係10年前同樣喺台灣，同樣與曹格一齊！而曹格都話今次震感好犀利，佢話：「頭先錄音時，成個Studio…真係…震！」
另外，唔少網民對呢個組合都感到好驚訝，紛紛留言：「意外妳（你）同曹格一家咁熟」、「沒想到你同曹格很熟」！
而曹格亦上載兩人合照話：「one of my favorite person in this e world（呢個世界，其中一個我最喜歡嘅人）」
佢仲透露大家已相識20年喇！而Zoie亦大晒同曹格兩個仔女合照，留言：「終於可以跟Joe哥哥跟姐姐妹妹合照！」
(on.cc東網)
【同奶奶喺湊B上有分歧】杏兒最後選擇…
一向事業心重嘅胡杏兒，佗住囝囝照樣開工，之前有傳佢計劃生B坐完月，之後復出工作，杏兒後嚟想再追多個，加上囝囝李奕霆(Brendan)要餵母乳，所以只揀一啲離開香港時間唔太長嘅工作嚟接，咁杏兒努力想為李家再生B，奶奶對佢都好照顧，由英國返嚟香港，話晒杏兒為李家生咗個「金叵蘿」，奶奶都好錫佢，出入都由奶奶睇住BB。
今日有周刊指，杏兒同奶奶相處起初幾好，點知坐月對足3個月，似乎喺湊B上有啲分歧，杏兒同老公Philip都少咗私人時間，之但係杏兒盡量孝順奶奶，聽從奶奶嘅意見。
今個月17號就係囝囝滿100日，杏兒同老公Philip於一個九龍塘會所睇場地，想為囝囝喺四季薈搞百日宴，呢個地點亦方便男家圍村親友出席，報道又影到Philip媽咪由司機載佢由逸瓏灣出發，去睇跌打，之後去藥房買湯包，準備煲俾囝囝同新抱飲，又去餅店買定啲糕餅一齊食，睇嚟呢個奶奶都算唔話得。
(蘋果日報)
【無意娶女友】60嵗爾冬陞老來得女
現年60歲導演爾冬陞（小寶）年前與太太羅曉文離婚，小寶現已發展另一段感情關係，不過卻沒有透露女友身份，不過他早前竟自爆已為人父，女友為他誕下囡囡Teresa，不過二人無意結婚。
據悉，小寶當爸爸一事已是朋輩中公開的事，Teresa長得相當可愛兼聰明，愈大愈似爸爸，深受叔父輩喜愛，而小寶亦經常帶着約2歲大的女兒參與聚會，不過小寶朋友深知他的性格，故沒有對外透露倪端，故當得悉小寶自爆「秘密」，亦覺得有點愕然。小寶今日將出席公開活動，相信屆時會成為追訪對象。
爾冬陞笑稱自己「老來得子」，他說他從未想過生孩子當爸爸，「但有些事情就算窮極一生精力去避，到頭來還是躲不過」。他說現在他最憂慮的是，「女兒會跑時，我還跑不跑得動呢？就算跑得動，又能不能見到女兒結婚呢？」
爾冬陞
娶台女半年玩完
爾冬陞在娛樂圈31年，經歷幾段刻骨銘心的感情，最令人難以明白是他於95年與台灣女子王瑞霞在台註冊結婚，但半年後又因意見不合而離婚，由於這次婚姻鬧得極不愉快，一度令他對婚姻有恐懼，但緣份來到難以拒絕，小寶於99年結識了當時仍為幼稚園老師的羅曉文，當時他覺得女方十分清純，跟圈中女性感覺很不一樣，所以決定展開追求。可是年前又離婚了……
前妻羅曉文
（ON.CC）
【唯獨唔提傳反咗面嘅梅小惠】趙學而：如果我開口，人哋仲嬲咁點呢？
「我都係等咗25年啫，只要你一日唔放棄，始終有機會做到。」93年出第一隻碟，18年4月28日，終於等到上紅館開騷嘅趙學而說：「主題係《Right on time》，與其話時間啱啱好，我想帶畀大家訊息，唔可以放棄，咁多年我喺呢行無論高低起伏，有幾多次攞到好成績，然後再一次跌落谷底，甚至乎喺我生活、人生、健康狀況起伏，我覺得係一本好好嘅指引書，只要你唔好放棄，堅持想去嘅地方，路唔止得一條。」
學而雖然曾經鑽牛角尖，但佢係一個頭腦清晰嘅女子，最終搵到自己嘅路：「我入行時係一個好忟憎嘅人，嗰時我會覺得，究竟係乜問題？係咪我嘅問題？定幫我做嘢嘅人有問題？我明明可以得到嘅嘢，點解仲未得到？但人會長大，經歷越多，再沉澱消化，你會發覺唔係咁簡單一回事，有時越着緊越走，反而放輕鬆會攞到好成績，一直行到今年可以去到紅館。」
處女紅館騷請了何炳做音樂總監，兩人合作過Hi-Fi碟：「佢清楚我音樂風格，上次九展騷冇唱嘅都會唱，例如《再見了》、《浪漫就是》，仲有part童年回憶揀咗卡通片嘅歌，《長腿叔叔》、《IQ博士》、《千年女王》，亦知道觀眾想我請佢哋想睇嘅嘉賓，譬如我啲朋友陳奕迅（Eason），如果Eason肯嚟，情願佢喺觀眾席睇我唱歌，嘉賓希望係音樂或演戲合作過嘅人。」
學而喺劇集《皆大歡喜》扮演「林玉露」角色出位，會唔會請《皆》演員做嘉賓？佢笑笑話：「相信觀眾絕對希望得到超級無敵十字步，哈哈哈！但要咁多人出席好難，林文龍要顧電影，謝天華喺大陸好多騷，家燕姐喺香港又好忙，行姐（陳彥行）做電台嘢，苑瓊丹又好難搵，唯獨阮兆祥喺TVB，不過佢好忙拍劇，如果成事都好玩，發吓夢先啦！」
學而數了一大串《皆》劇演員，卻絕口不提傳反面嘅梅小惠，問兩人依然冇聯絡？學而坦言：「其實一直都冇。」開騷請小惠嚟睇化恩怨？學而口直心快：「有乜要化？我一直都冇恩怨㗎，其實唔關我事，我唔會刻意去請，好似唔應該我去做呢樣嘢，我唔知人哋仲嬲唔嬲㗎嘛，如果我開口，人哋仲嬲咁點呢？我冇謂令到自己好似唔知點，其實o依家斷估啫，我唔知人哋乜嘢心態，冇乜必要咪盡量唔使，自己開心咪得，如果佢開心想嚟，我都歡迎㗎。」
（蘋果日報）
【再追…】吳若希：復出係好掙扎
吳若希接受商台節目訪問，產後移居澳門並停工半年的她計劃4月正式復工，更會搬回香港定居，仍考慮是否帶愛女回港。
吳若希透露跟唱片公司仍有數年合約，為履行合約精神因此再次復出。她提到日前剛收到黃偉文的新歌歌詞，但都會過年後才開始錄音。談到過了近半年的休閒生活，決定復出內心是否很掙扎？她笑說：「真係好掙扎㗎！」她希望再追男B及孖胎，現在要多賺奶粉錢，笑指若變成一家六口，丈夫經濟會有壓力。
吳若希又說已經有很多朋友跟她説要幫女兒找幼稚園，那就可以考到心儀的小學：「我心諗個女得九個月大，咁快就要諗？自己唔想做怪獸家長，只希望囡囡生活得開心。」同時又覺得如果女兒在香港讀書，會有好多不必要的焦點和壓力，所以仍在考慮中。
吳若希希望賺多啲奶粉錢，變一家六口
吳若希接受商台節目訪問
(Singtao / Apple Daily)
【連最標誌性嘅…】陳妍希產後修身仲FIT過以前！
台灣女星陳妍希產後極速收身，身形比演小龍女爆紅時更清減，日前她出席公開活動時以粉紅色小禮服亮相，少女味全開，連最標誌性嘅包包面都唔見埋，不過生B後顯得豐滿的上圍亦隨之消失，開胸設計的禮服未有睇頭。
當晚妍希更難得地與好姊妹鍾欣潼（阿嬌）合體，事後阿嬌將二人合照放到社交網，留言說：「開心！」妍希亦不忘好姊妹快將生日，預祝阿嬌生日快樂。
(on.cc東網)
【索媽 VS BB】梁浸浸走光?Jasper有新Look! 咀嘴相流出！
應采兒、鄭希怡（Yumiko）、黃伊汶（Emme）等日前帶埋小朋友一齊去泰國玩，雖然成班都係索媽,但係鋒頭都畀Jasper、梁浸浸、陳真等蓋過。四個小朋友一臉天然呆，又打扮靚靚，Jasper舉手投足都似足陳小春，梁浸浸就著上多條靚裙仔，不過成日郁身郁勢穿崩露出尿片，相當可愛。
呢日索媽們都不甘示弱，Emme大晒同囝囝陳真咀嘴嘅泳裝照。而Yumiko亦大晒泳裝照，佢喺海灘興奮擺Pose，大唱：「I believe I can fly …. I believe I can touch the sky」！
Jasper 越來越似陳小春
梁浸浸走光？尿片是也 😄😄😄
應采兒仔仔 Jasper
梁浸浸同媽媽Yumiko好似玩得好開心咁喎~
梁浸浸做咩事？
型仔型女：陳真與梁浸浸
陳真同媽媽好sweet啊！
Emme
Yumiko
（SINA）
【嚇親Torres】楊千嬅：尊重爸爸意思
問到千嬅心情是否平復，佢直言。。。
歌手楊千嬅祖母於上月12月15日離世，昨日於香港殯儀館一樓設靈，享壽101歲，而靈柩就於明天安葬在柴灣華人永遠墳場。
丁子高先自己於下午4時10分到達，穿上白恤衫黑西褲的他大方停低合十拍照。約十分鐘後，千嬅與仔仔Torres乘坐黑色七人車到達，千嬅先扶住穿上白恤黑褲戴住口罩的Torres落車，但見到傳媒後，千嬅即安排女助手及工人姐姐帶Torres入去，不過Torres見到大批傳媒而唔敢行，隨即由女助手同工人姐姐帶他行樓梯上去。
然後千嬅就應傳媒要求停低拍照，當問到千嬅心情是否平復了，她直言：「唔好意思，我趕住入去，家人好低調，其實係開騷前發生，不過尊重爸爸意思，依家先處理，有心有心！」然後就急步進入殯儀館。
(on.cc東網)
【結婚七年仲係咁Sweet】趙學而教大家點箍老公
趙學而同建築師老公蘇國基結婚7年，去年蘇國基被雜誌爆約會女鄰居，學而力撐老公：「好無聊嘅事，大家啲朋友嚟，我唔覺得藝人嘅另一半唔可以有異性朋友，正常朋友交往我唔覺乜問題。」
係咪百分百相信老公？學而眼神肯定、聲線鏗鏘：「好多香港人都會知道趙學而係一個幾兇狠幾辣嘅人，我又唔係成日出去做嘢，我唔出去做嘅時候，老公都喺我身邊噃，而我老公嘅朋友我都識，咁你話，我老公可以走得出我邊一隻手指隙呢！」
巴辣人妻學而教大家點箍老公：「喺呢個年代，唔係話我結咗婚就要箍得對方好緊，反而你用呢個方法去箍，家庭問題更加嚴重。嗱！我呢種放鬆方式，並唔係代表隻眼開隻眼閉，因為呢個只係斬腳指避沙蟲方法，我係精明時代女性，對感情對另一半係充滿柔韌性，我話畀你聽，我絕對唔係妒忌心好強嘅人，如果我老公選擇揀我，其他女人我係唔會驚嘅。」
學而叮囑所有女人：「如果你選擇得同另一半結婚，絕對要對自己有信心，識得處理同異性嘅相處學問，呢個學問非常緊要，如果妒忌心強嘅人，好容易搞到自己唔開心，令到另一半唔開心，影響到大家關係，呢樣需要時間同空間，唔好用守舊嘅思維去睇男女相處，我嘅音樂都有帶出呢啲訊息，尤其係97年《尋開心》開始，了解我音樂嘅觀眾都知我對情感係比較西方思想，睇得開放啲，但唔等同我唔着緊。」
夫妻感情冇因報道發生小風波，蘇國基更為老婆圓紅館夢感開心，學而表示：「佢係非常之緊張同雀躍，畀足夠空間我，令我有足夠時間休息，上次九展騷佢好緊張，不停催促我踩單單跑步練氣，今次佢覺得可以畀我緩和，畀空間我去諗自己想做嘅嘢，因為佢睇到呢幾年我不斷出去唱歌，體力可以應付到。」老公有冇陪你做運動？學而讚老公：「佢有㗎，佢係一個幾貼心嘅人。」
(蘋果日報)