女星Angelababy（Baby）2015年下嫁內地男星黃曉明，2017年初仲誕下囝囝「小海綿」，佢哋兩公婆為咗保護囝囝，所以一直都相當低調。不過今日Baby為咗慶祝小海綿嘅1歲生日，所以就喺社交網站罕有咁晒出小海綿嘅「正面」相！小海綿身穿小西裝加煲呔，十足一個小大人。雖然Baby用咗一對卡通公仔嘅眼遮住小海綿個樣，不過依然見到肥嘟嘟嘅面珠同埋幾隻牙仔，相當可愛呀！唔少網民都話小海綿嘅下巴好似Baby，仲有人話好想見下小海綿嘅真面目。
(ON.CC / 微博)
「薑黃」是近幾年最受歡迎的食材，營養關鍵來自於薑黃素（curcumin），功效從抗癌、護心、抗氧化、抗發炎到預防失智，通通與它有關係。但是，薑黃對人體有那麼多益處，其實也有一些食用禁忌，可能的功效與禁忌，一次告訴你：
●預防失智
薑黃素可以平衡失智症的發炎反應對神經細胞的傷害。薑黃素也能穿越血腦障壁，協助巨噬細胞清除β-類澱粉蛋白。由於薑黃素具有螢光反應，也被用做診斷失智症的利器。美國及澳洲的科學家分別都在2014年阿茲海默症國際年會中發表，利用薑黃素將視網膜及水晶體染色的技術，以觀察β-類澱粉蛋白堆積成的斑塊。
●抗癌
薑黃素的抗氧化特性也運用在抗癌研究中，中國醫藥大學也發現，薑黃素的衍生物可直接及間接抑制癌細胞的生長。目前已有研究指出薑黃素能降低乳癌、肺癌、大腸直腸癌及攝護腺癌的發生率。美國癌症學會甚至在網站上刊出薑黃的防癌研究成果。
●忘掉壞記憶
美國紐約市大學及亨特學院最新發表的研究指出，薑黃未來可能還能幫助創傷後壓力症候群（PTSD）的病人忘掉受創記憶，雖然這只是在動物實驗的階段，卻將香料研究開創一個全新領域。
科學家發現，餵食老鼠薑黃素，可以阻擋恐懼的回憶，猜測是薑黃素的抗發炎機制影響了好壞記憶的形成。
●預防心血管疾病
薑黃素還能抑制膽固醇形成，預防心血管疾病。研究證實，薑黃素對人體並無任何毒性。WHO研究指出薑黃素一天的攝取量，建議是以每公斤體重使用0～3mg來計算。在安全考量下，建議每日攝取量在200mg以內。
●通經
美國註冊臨床藥草師郭姿均表示，年輕女性若經期不規則或有經前症候群，來潮前易乳房脹痛、下腹酸痛及情緒起伏，可以每天使用一小匙的薑黃粉泡成250ml熱開水泡開，加入些許的蜂蜜調味，每天飲用二至三杯。
冬天怕熱一般人也可以當做熱飲，因為薑黃能夠促進血液循環及具有抗發炎物質。
薑黃粉。（圖/康健雜誌編輯）這4種人別吃
除薑黃、咖哩外，薑及芥末都是含有薑黃素的好食物。但有腎臟疾病、胃潰瘍、膽管堵塞的人及孕婦不適合食用薑黃。
另外，斗六特用農作物第一班班長王啟雄也特別提醒，薑黃的味道嗆而不辣，如果直接用於料理，不能像生薑般使用，得減少用量；若是薑黃粉，則常拿來燉飯、炒飯或做為醃肉的去腥劑。
(中時電子報)
曾志偉今午四時半於九龍香拉舉行記招會，回應近日性侵傳聞。志偉於4時37分現身，他身穿深色外套，波鞋，表情嚴肅，身邊有兩男子陪同。他先企定定讓傳媒拍照，之後兒子曾國祥亦有上台，以示支持。兩人俱神情凝重。
之後曾國祥落台，一名西裝男子陪志偉開始。現場不設答問環節。曾志偉稱，有關性侵藍潔瑛之報道，全屬捏造。
曾志偉稱願接受任何形式之調查，以保聲譽。曾志偉表示，就網上針對他的不實報道，指控嚴重，影響其個人聲譽，且影響他身邊朋友、至愛家人及子女，以及明星足球隊。為免他們受不不必要傷害，故他覺得必須回應。
曾志偉又稱，堅決用法律手段，針對他不實指控，已採取法律行動起訴。講聲明約10分鐘，分別用廣東話同國語發表。
志偉在記者會上提到於今次指控中有針對明星足球隊，以慈善賽為名，但尋歡為實，但他指已是2006年的舊新聞，而且已控告咗誹謗而且勝訴，想不到這麼多年後竟然再有有心人再攞出來抹黑，令他難過及不快，所以志偉希望用法律還自己一個公道，更希望網絡惡意中傷他人的壞風氣可以停止。
志偉又表示：「壞份子利用網友不知情混水摸魚，但事後不用付出任何代價，以前會採取不聞不問的態度，認為清者自清，點解要俾對方有炒作機會，達到目的，但喺今時今日嘅世界已行不通，明白到如果對造謠者或傳謠者一味忍讓，而不用付出代價，網絡暴力會一直有。網絡暴力雖然係一時，但對相關人造成傷害一世，希望呢啲事同被害者越來越少，由於事情已開始司法程序，所以只會在今日公開回應，日後不會答覆，多謝大家，辛苦大家。」
離開前志偉向傳媒躬恭致謝。
（蘋果日報）
計《大鬧天宮》、《孫悟空三打白骨精》後，郭富城同羅仲謙繼續接演2018賀歲片《西遊記女兒國》，日前佢哋聯同導演鄭保瑞喺尖沙嘴接受訪問，城城指呢部戲耗資5億元，鄭保瑞直認真係好貴，演員片酬佔好多﹖鄭保瑞笑住話：「一定同之前嗰部唔同。」城城打圓場表示最重要係拍好部戲。
城城喺《孫悟空三打白骨精》及《西遊記女兒國》都係飾演孫悟空，佢話兩者分別好大：「其實我係喜劇演員，阿瑞今次搵我做一個有喜感嘅孫悟空，而且我又抵用，識打又有喜感嘅人係唔多，所以我係最適合嘅選擇。」
外型有冇唔同﹖城城話：「係有變化，第一次用咗12個鐘去試造型，大家都好滿意，導演想今次嘅孫悟空比較接近猴子樣，多過人樣。」再次演繹同一個人物，城城表示好難：「以呢個樣去表現喜感係難，同埋上次嘅戲份好沉重，所以我講過唔再演，但我身痕，係要折磨自己先痛快，其實只係過咗兩年，我唔記得咗嗰種痛苦啫。
城城話應承咗後，見番化妝師時就想調頭走
不過當我簽咗約，第一日去到現場，見番個化妝師，我想即刻調頭走，我真係想唔做，我驚咗，即刻打畀小美話『我想唔做』，佢話唔得，其實搵第二個做都好容易，但阿瑞好體諒我，知我做呢個角色會好忟憎，加上公司同我講俾啲時間去適應，我咪挑戰自己，我唔做，你搵邊個做吖！」如果再開拍，下次仲做唔做孫悟空呢個角色﹖城城好快咁話：「我做唐僧！」由於要黐毛扮孫悟空，鄭保瑞表示知道城城嘅皮肉之苦：「大家嘗試用張濕咗水嘅厠紙，撻喺塊面12個鐘，但佢黐毛係冇水份，直接黐喺皮膚，抖唔到氣架，好似蟻咬咁，我好明白佢嘅情緒，唯有喺拍攝上盡量係順利。」
城城話今次係做一個有喜感嘅孫悟空。
鄭保瑞表示：「當佢郁，肌肉衫都會郁，緊緻程度要同皮膚一樣，崩緊咗，手會脹，特技化妝師見到咁會stop，唔俾我繼續拍，一定要阿謙除衫，如果唔係有危險。」問到點樣發紫﹖羅仲謙笑稱：「篤到自己有反應就唔使驚。」講到《大鬧天宮》、《孫悟空三打白骨精》收到超過10億票房，城城立即笑住話：「今次30億算啦！」
羅仲謙話拍攝時要着緊身肌肉衫，連去廁所都唔方便。
導演鄭保瑞同羅仲謙合照
城城表示要隨身袋住敏感藥膏，另一對佢有困擾就係要箍金剛圈，佢話：「一脹一熱，我就開始頭痛，呢啲都係我哋皮肉之苦。」鄭保瑞又指羅仲謙演繹沙僧一角，由於要着緊身肌肉衫，緊得連手指都發紫，感覺極不好受，羅仲謙話：「最辛苦係冇得大大，4個月唔可以令自己『搞肚痛』，要控制飲食，因為件衫一着一除要個幾鐘。」
《西遊記女兒國》劇照 
《西遊記女兒國》劇照
《西遊記女兒國》劇照
(蘋果日報)
旁邊仲有一個BB仔嘅圖案，興奮公布太太懷孕嘅喜訊，仲係小王子。。。
台灣歌手林宥嘉（Yoga）與太太丁文琪（Kiki）就喺去年1月登記結婚，正式成為夫妻！向來恩愛非常嘅二人，今日Yoga出席活動時，就送上小禮物及卡片，上面仲寫住「新年快樂，2018也請多多指教」，仲附上佢同太太Kiki嘅簽名，旁邊仲有一個BB仔嘅圖案，興奮公布太太懷孕嘅喜訊，仲係小王子，不過就仲未改名，仲透露太太已懷胎3個多月添！
另外，Yoga仲分享當時太太畀佢睇驗孕棒嘅情況，仲話當太太話佢知懷孕嘅時候，令佢嚇親。佢仲表示日前有陪太太去產檢，當透過超聲波聽到BB嘅心跳聲，真係覺得好感動，仲搞笑話：「聽到心跳聲非常想哭！」而Yoga亦表示Kiki預計7月生產，更將排開所有工作，陪伴老婆生產。有人問佢咩時候造人成功，佢就話應該唔係度蜜月時嘅事，佢估計喺屋企搞掂嘅，佢搞笑話：「小孩跟我一樣很愛家。」
Yoga又指Kiki近期害喜，對氣味非常敏感，所以有啲咩事都會盡量幫佢做，仲話因為太太剛懷孕，加上自己工作好忙，所以依家消息公布後，希望朋友可以多多幫忙。而Kiki近日喺社交網都係上載食物相，令網民猜測因為懷孕，所以食嘢多咗，總之恭喜晒！
（on.cc東網）
「肥仔都是潛力股」呢句說話相信大家都聽得多，好似台灣男神彭于晏咁，而香港嘅就有森美、陳智燊等，不過原來「佢」細個都係肥仔嚟！
肥到雙下巴都出哂嚟！
呢位人兄就係歌手楊千嬅老公丁子高喇，唔好睇佢依家靚靚仔仔咁，原來年少時肥到冇頸，個雙下巴唧晒出嚟！
如今既丁子高
佢留言Tag住「#其實我細個幾可愛 #好穩重 #一睇就知靠得住 #問世間何謂食物 #食得是福 #唔會想中我啩 #似唔似我個仔 #身型（形）嘅嘢真係好難Keep #自助餐廳通常好憎我 #間條衫著（着）咗係瘦好多 #我媽咪話我細個好靚仔 #邊個話我唔係校草」
丁子高IG
網民都笑言信心返晒嚟，仲話「人生果然充滿希望」、「明白點解叫肥丁啦」、「看丁太就知你靠得住」，又話佢好似資深演員程東於電影《賭俠》中嘅「獨眼龍」大軍添！
電影《賭俠》中嘅「獨眼龍」大軍！（資料圖片）
丁生問囝囝似唔似佢?
(東方日報)
胡杏兒喺舊年10月為老公李乘德（Philip）順產誕下重約8磅嘅「小王子」Brendan，Philip日前貼咗囝囝嘅相，BB正面樣首次曝光，佢仲透露囝囝嘅中文名叫李奕霆，之後杏兒亦分享咗一張攬咗寶貝仔嘅相兼留言：「每天起床最開心的就是見到你對著我甜甜的笑，每晚最享受的就是你乖乖的睡在我的胸口！媽媽愛你！」睇嚟杏兒好享受湊b生活。
今日有周刊報道，一向係都係工作狂嘅杏兒，本來計劃生B坐完月之後復出工作，不過o依家計劃似乎有變，報道話杏兒好享受湊B生活，而且仲有計劃即刻要追多個，所以呢個復出計劃暫時要擱置，報道仲話查實一直以嚟都有好多廣告商邀請佢哋母子檔出鏡，酬勞仲好好，不過杏兒話暫時都唔諗呢樣嘢，一來Brendan仲係好細，二來要得老公批准先成事，所以佢嘅經理人全部幫佢推晒！
日前杏兒仲俾人影到一家人去咗西貢行街，杏兒呢個新手媽媽嘅湊仔手勢姿勢好純熟，Philip就負責孭住bb周圍行，報道又話自從做咗爹哋Philip收工即刻返屋企湊仔，至於老婆係咪復出，Philip就冇乜意見，仲話杏兒做乜佢都支持喎！
其後杏兒接受周刊訪問，講到係咪為咗阿仔推job，佢話因為o依家餵緊人奶，好難離開太耐時間，之後又問佢係咪諗住全力造人，杏兒話一定會追多個，因為bb真係好得意同好好玩！
(蘋果日報)
張承中與S.H.E.成員Selina（任家萱）一起走過順逆，卻沒能一起走到白頭。兩人於2016年3月4日晚宣佈離婚，結束約5年多婚姻。張承中更表示，自己應該就離婚負最大的責任。
雖然兩人強調不涉及小三、不育等問題，但當時台灣嫩模卓苡瑄就被傳係第三者。回復單身嘅阿中，曾與女主播洪藜恩傳緋聞，女人緣極佳，近日就被影到相約一女子睇戲，密會3小時，而對方就係狄以達（前名：狄易達）前度、34歲嘅台灣女星吳亞馨！
據指張承中當晚被影到獨自現身戲院，之後就同坐埋一邊嘅長髮女子會合，原來就係吳亞馨，而同行仲有一個戴上口罩嘅女友人，反而阿中及吳亞馨就冇「喬裝」，不過女方似乎發現有啲唔對路，於是叫阿中同女友人先入場，自己就匿喺樓梯底唔肯蒲頭。直到阿中同女友人叫佢，吳亞馨先現身，未久又有一名男子同佢哋會合，由二人約會變四個人Gathering！
到散場時，警覺性都非常高嘅吳亞馨及張承中前後腳離開，原本打算坐女方車嘅阿中，左望右望後最後決定改搭的士閃人！
報道指兩人見面期間一直「高度戒備」，左右張望有冇傳媒跟蹤，女方更一度匿埋樓梯底不敢現身。
吳亞馨2015年曾與細5歲嘅狄以達拍拖，兩人愛得癡纏不時港台兩邊走！同年10月吳亞馨捲賣淫風波，男方即時發聲護花，不過呢段姊弟戀大概只維持咗一年就結束！
其實前年阿中被拍到同主播洪藜恩街頭舌戰時，Selina已被問回應，當時佢好大方咁話祝福阿中，又稱對於阿中，佢一早就放低咗，又表示對愛情仍沒放棄，只係唔會強求。
今早吳亞馨接受台灣《蘋果》訪問，談及與張承中關係，吳亞馨稱：「他是朋友的朋友，一起看電影，看完我就回家了。」既然冇嘢，咁點解要匿埋？吳亞馨笑稱：「看到鏡頭下意識會躲。」又話大家只係普通朋友，約埋睇戲之嘛。
(蘋果日報/on.cc東網)
中國小姐趙哲妤（Uny）產後復出，計劃出新歌《沒法給的擁抱》，預計年初成事。近日她與藝人好友黃穎君（Burmie）頻頻登台試水溫，兩人還經常刻意着同款服飾扮孖妹。
呢排佢地密密登台
仲扮到孖公仔咁
造型都一樣 真係好似姐妹!
早前Uny和Burmie便以嘉賓身份出席慈善活動獻聲，贏得不少掌聲。Uny表示：「由細到大都好鍾意小動物，朋友都話我係狗癡，今次活動可救助流浪及被遺棄狗隻，覺得好有意義。」而早前在無綫劇《降魔的》中演「龍貓嫂」而多人認識的Burmie，坦言熱愛唱歌：「依家同Uny去夾Band唱歌，大家把聲出乎意料之外咁夾，所以就決定多啲孖住登台。」
兩個仲愈嚟愈夾拍住上～
(東方日報)
久未在香港露面的藝人傅穎（Theresa）現身，與樂隊Supper Moment為戶外服裝品牌拍廣告。露腿示人的Theresa透露今次酬勞非常好，更表示對上一次在香港工作搵錢已是2016年的事，而她去年就忙於在內地拍劇，其中一套劇是與陳曉東（東東）飾演一對。講到東東之後會開演唱會，Theresa表示想去支持。問到可會做嘉賓？她笑言不知道，要問東東，而她之前亦有與對方及其太太一齊食飯。
Theresa又笑言其實她很喜歡做運動，只是外界一直以為她很文靜。問到平時可會與男朋友做運動？她表示：「以前真係少。」問到現時與男友可會少見面？她卻自爆原來已跟內地男友分手：「我依家係單身，上年分手，唔係最近，隔咗一段時間。我哋係和平分手，因為冇乜機會見面，依家都係朋友。（新一年想搵番個新男友 ？）新一年我想工作，依家唔係特別想拍拖。（因為佢hurt得你太深？ ）唔係，唔關事。大家到依家都可以心平氣和傾偈，只係少見面，性格都係問題，講好和平分開，而新一年都有唔同工作上嘅挑戰。」講到身邊很多姊妹已結婚嫁人，Theresa表示：「都好開心，我今日都收到我個best friend張相，就係佢男朋友同佢求婚，好戥佢開心。（你有冇酸溜溜？ ）點會？開心都嚟唔切，我冇所謂。有就有，冇就冇，有嘅話擋都擋唔住。」
而談及傳不和的前Cookies隊友鄧麗欣（Stephy）首奪「第二十四屆香港電影評論學會大獎」的「最佳女演員」，Theresa即表示：「係咩？好好呀！好開心，對演員嚟講係好希望得到大家認同，恭喜佢。」
問到可會親自打給鄧麗欣講恭喜？她即尷尬笑言：「唔會啦，好耐冇打，你哋幫我寫咪得，恭喜佢。（趁機打破沉默？）你幫我寫就得，大家各自安好。（唔想同姊妹重修舊好？）唔好咁特登，有緣分嘅話遲早都會見面。」
她又透露今年會內地香港兩邊走工作，明年才出書，會寫關於這兩年工作的心路歷程。問到可會寫關於姊妹的事情？她笑言：「你又嚟？唔寫姊妹我都係幾有故事嘅人，可以寫好多嘢，應該叫佢哋寫育兒經。」
(on.cc東網)
