譚小環老公蔡強榮（Eric）去年底突然變瘦，經醫生詳細檢查後，發現患上早期肺癌，他留院切除右邊上下肺葉壞細胞，經過約兩個月治療已康復出院，Eric更乘機戒煙，今日係肺癌康服後首個生日，佢簡簡單單留喺屋企同老婆小環及愛犬LaLa，一家三口慶祝。
Eric仲貼相喺facebook晒溫馨，精神嘅壽星仔留言：「正日，選擇在家靜靜地BRUNO，簡簡單單，開心快樂，其實真係可以好簡單。」相中所見，譚小環孖老公Eric喺屋企嘆鐵板燒，兩公婆枱腳，雖然唔係乜嘢星五星級大酒店嘅燭光晚餐，但一家人可以健健康康，齊齊整整，一樣食得好開心，小環仲為Eric準備咗生日蛋糕，愛犬LaLa送獻吻。問到壽星仔嘅生日願望，佢今日回覆傳媒時話：「同小環，LaLa，家人都身體健康，所有朋友都身體健康。」Eric生日之前曾跟同事到東京開會，同事們替佢神秘提早慶生，呢次旅程小環未有做跟得夫人，Eric趁空擋四出濕平，買了唔少新衫畀愛犬。
(Apple Daily / ON.CC)
消委會比較十間家居清潔公司收費及服務項目，以單次服務計算，各公司每小時收費由八十元至二百元不等，相差可達一點五倍，其中八間表示會在農曆新年前加價，加幅最高近一倍，亦有公司已經在去年十二月中，開始收取大掃除價格。消委會說，即使收費調高，大部分大掃除服務項目，與平常無異。消委會的調查發現，各公司提供的清潔項目有明顯分別，部分註明不涵蓋一些基本的日常清潔項目，例如抹洗手盆及瓷磚去霉，亦有公司註明不會提供某些具危險性的工作，包括抹窗、水晶燈及天花等。
消委會提醒市民，清潔公司的額外收費種類繁多，對偏遠地區的定義亦不盡相同，消費者選擇家居清潔服務時，除了細心比較價格外，亦要詳細了解服務項目，以免選用公司後，才發現得不到所需服務。
（881903）
79年憑麗的電視劇《天蠶變》爆紅嘅徐少強
徐少強（右二）拍《天蠶變》拍到爆紅，之後仲演過唔少大俠片。（《天蠶變之再與天比高》劇照）
經歷過3段婚姻，佢同第二任太太雪梨89年分開之後，04年同細佢30年嘅大陸女舞蹈員結婚，兩個人再生咗一子一女，大女今年13歲，細仔今年6歲。
去年4月大陸傳媒報道話徐少強背住老婆搭上23歲大陸艷星羅雲琦，事後徐少強即刻同呢個艷星劃清界線，話同對方只係合作過拍戲，由於女方好主動經常黐埋佢度，又話要做自己助理，自己為免誤會，所以早已契咗女方做契妹。
雖然傳出緋聞，但未有影響徐大俠同太太夫妻感情，早年已經移居大陸嘅徐少強，日前同太太及一對子女現身香港享受天倫樂。
當日下晝5點，《蘋果》記者喺中環AIA友邦歐陸嘉年華見到徐少強同太太企喺吸煙區食煙，喺5分鐘內快食兩支煙，睇嚟煙癮都好大。食完煙之後，佢哋又企喺馬戲團門口好似等人咁，但見時間未到，兩公婆於是周圍行睇嘢。
大俠打電話既姿態都好特別
徐太行埋去睇咗幾眼
食完煙就入場玩
兩公婆除咗有福同享，有煙都要一齊煲？
去左food court 坐陣密密傾
行到攰時再坐喺food court，老婆買嘢俾徐少強飲，對老公好體貼。再過一陣，徐少強起身四圍行，睇人玩機動遊戲，同老婆再行咗個圈之後，前前後後等咗個半鐘，再喺馬戲團門口會合一個女仔同個小朋友。
個小朋友一出嚟就扭肚餓，徐少強於是同老婆帶小朋友買棉花糖，食完之後就離開。《蘋果》記者其後聯絡徐少強，問到佢同太太去嘉年華嘅事，佢話：「係呀，我同太太同啲細路，同佢哋返嚟過聖誕過元旦之嘛，元旦後走。我喺橫店開緊工，放假幾日陪佢哋。」
問佢最近拍咩戲？佢話：「拍緊李仁港嗰套《刺局》(電影)，又拍緊橫店一套《木槿花之西月錦繡》，有兩個戲喺身。」會唔會返香港拍嘢？徐少強話：「或者會。」講到之前佢同大陸艷星傳緋聞，徐少強就話：「嗰啲笑話嚟嘅，佢都猛話唔好意思，佢話唔係佢傳出嚟，係上邊啲記者亂咁寫。」
(蘋果日報)
曾寶儀日前錄製中國節目《2018聽我說》，身為主持人的她藉父親的事件，也談到近來#Metoo反性侵行動，她表示這不是男人與女人之間的戰爭，大家都在同一條船上，若繼續忽視，將來受害的可能是我們的親人，甚至可能是我們自己。
曾寶儀在錄影現場主動談起父親近來的事件。
曾志偉捲入性侵指控，女兒曾寶儀曾表示「相信他、讓爸爸自己說」，她在錄影現場也談及此事，嚴肅表示「我絕對嚴厲譴責任何形式的性侵害和性騷擾，但是任何不實的指控和誹謗，也絕不姑息」，她指自己變成相關當事人，「在事情還沒查明前，我已經迅速成為『強姦犯女兒』，全家死光光……」
曾寶儀在眾人面前嚴肅開講。
她一席話說得正義凜然，卻有網友澆冷水，「先問問你爸到底是不是事實再說」，「這是你親爹你不會問啊」；也有人認為這件事與她無關，應由曾志偉自己出來說明。
曾寶儀句句鏗鏘有力。
曾志偉10日發聲明後未再出聲。
(微博 / Apple Daily)
藝人袁偉豪在無綫劇《使徒行者2》及《城寨英雄》等都有出色的表現，日前他接受專訪，他自揭辛酸史並透露爸爸患癌，很感激媽媽撐起頭家，現在彈起的他苦盡甘來終可成為家庭經濟支柱！
相信很多觀眾依然對袁偉豪前年在台慶頒獎禮獲「最受歡迎電視男角色」時，喊住多謝媽媽一幕印象深刻，提及此事，他即變得非常感觸：「一直以來都好感激我媽咪，因為我媽咪、我婆婆嗰邊嘅人都一直好錫我，咁當然我嫲嫲都好錫我，但舊年年中佢走咗，雖然係104歲、笑喪，但因為佢走時我唔喺佢身邊，所以覺得好遺憾。」最令他感慨則是母親近四、五年來不辭勞苦照料他患癌的爸爸：「爸爸之前有鼻咽癌，係五、六年前嘅事，醫番好，但之後喺個肺都有事，又翻發，公立醫院、私家醫院都睇勻。定期都要使一筆醫藥費，因為又要睇中醫同買標靶藥，係多咗（經濟）負擔。我因為工作，始終唔係成日行得開，所以盡能力我都會喺物質上（錢）支持。而我唔喺香港，就惟有同媽媽傾電話，跟進住爸爸嘅情況。」
為了報答媽媽一直以來的無私付出，事業開始上軌道的他肩負養家重任，希望可以讓家人放下重擔：「身邊嘅人都好幫助我屋企人，無論經濟上、精神上，媽咪都付出咗好多。早幾年我自己經濟能力都未符合條件，好多嘢都要靠屋企人幫手，依家漸漸出頭，我一定係成為我屋企嘅經濟支柱，好多嘢需要我嘅地方，我都會義不容辭咁幫手，所以係會零舍感觸，都想世界嘅人知我媽咪好偉大、好錫我，亦委屈咗好多，要照顧爸爸真係好辛苦。」
為黃翠如抱不平
而在播畢的無綫劇《使徒行者2》中，袁偉豪經常以「天堂哥」身份晒肌搶觀眾眼球，他直言角色前後段性格大為不同，到臥底身份揭曉等事件發生後更顯內心矛盾，他坦言槍殺周柏豪的幾場崩潰戲最難處理。問到是否視《使》劇為其代表作？他指之前《鐵馬戰車》的「施馬Sir」、《拆局專家》的「石頭」和《城寨英雄》的「牙佬」，都是心愛的角色：「好多謝每一位編劇，好希望每一套都係我代表作，而唔係單單只係一、兩套劇。」
雖然拍檔黃翠如在故事末段憑三段喊戲令人刮目相看，但不少人仍然對她甚為挑剔，袁偉豪即為對方抱不平：「其實佢好用心演戲，佢好想努力繼續學習，但係每一次都提唔起信心，就係因為網民永遠會針對佢，令佢個人好唔夠自信！呢一刻我忍唔住做正義朋友，話畀網民或者網上平台聽一啲正面訊息，唔好夾硬去扭曲一啲嘢，大部分人都覺得翠如有進步，點解仲要有人推佢落個窿度再搵泥埋住佢？好唔公平！」
冇悔入行
袁偉豪在新劇《棟仁的時光》和《三個女人一個「因」》擔任男一，開始在芸芸小生中佔穩陣腳，問到是否以視帝為目標？他表示：「反而我冇特別去諗，我覺得當然呢個可以視為目標，但如果每一次都當係交易咁做，會畀自己更大壓力。如果係樂在其中，就可以畀觀眾睇到袁偉豪更多嘅嘢。之後我希望身體力行多啲，用自己嘅力量幫助有需要嘅人，做吓慈善工作。」
十多歲已入行，問袁偉豪有否一刻後悔？他答：「入行廿年嚟都冇後悔過，我覺得人生裏面冇乜嘢令我後悔過，因為好多嘢冥冥中有個主宰，廿年嚟嘅學習同經歷先至有今時今日嘅我。」至於廿年來誰影響他最深？他直指從恩師鍾鎮濤身上學習很多東西：「佢好叻，人生經驗好豐富，亦都係一家之主，養住好多人。佢有好多經歷，正正就係我幫佢做嘢嘅時候，佢嗰幾年都係喺佢個經歷當中奮鬥。」
袁偉豪指自己冇後悔入行。
(ON.CC)
本港天氣今日開始回暖，下周末又再有寒潮來襲？天文台最新市區低溫度概率預報顯示，本港氣溫下周六（27日）很大機會跌至介乎5至9°C，觸及嚴寒水平，但現時機率暫僅30至40%，變數仍然頗大。
根據天文台電腦預報，本港下周後期可能受寒潮南下影響，氣溫急降至介乎5至9°C，觸及嚴寒水平。
天文台官方九天天氣預報雖暫未公佈下周六的低溫預測，但由其電腦直接輸出、未經人手修正的低溫概率預報顯示，下周後期本港會再度轉涼，但溫度預測變數頗大。
近日憑《溏心風暴3》再度人氣急升的唐文龍在電台今日推出的錄音訪問中，談及昔日戀事以及與劉永健傳出斷背傳聞。
被公認為「男神筍盤」的唐文龍，近年屢次被傳與同性好友劉永健「Hehe」唐文龍直接否認。
唐文龍（右）接受電台主持人梁泰來訪問。
為劉永健雪中送炭
提及唐文龍曾在劉永健經濟有困難時，送上一個藏有一萬人民幣奶粉罐予對方一事，唐文龍解釋此舉是體諒兄弟的難處而已，在心中便可：「其實係兩萬，每個人都有唔容易嘅地方，我自己都有。只係佢先講出嚟啫！我做嘅事，喺心中就可以了，唔使講出嚟。」
否認中途轉「基」
談到因孖住劉永健行超巿傳斷背，唐文龍透露沒有不開心，反而是害怕令父親誤會，以及阻礙自己找女友：「冇唔開心，但係驚囉！因為連我爸爸都打電話問我係咪『轉軚』，我話『唔係，爹哋，佢哋亂寫啫！』我自己真係唔係，我又未有女朋友，咁樣會阻礙我搵女友！」
因「命運」與陳少霞分手
唐文龍初入行曾與陳少霞相戀6年，最後無疾而終，他自揭分手的原因竟是因為迷信：「呢件事真係冇同任何人講過，其實我哋係好好嘅
雖然我最後由台灣返到香港，但大家都少見面，佢又忙。而且大家嗰時仲後生，都有嘈交嘅時候，性格方面有時又有分歧嘅地方。再加上嗰時係有啲原因令我哋覺得，如果我哋一齊雙方會有壞影響。唔能夠唔信，因為有啲結果係印證咗。例如我同佢一齊，佢父母嘅身體就變差咗，我嘅事業都好似一路走下坡。你話迷信又好，信邪又好，點樣都好，我哋係因為咁而分開。」
陳少霞現時已下嫁八億富豪李文輝，但佢表示平時生活十分簡單。（資料圖片）
認欠咗拍拖7年前女友
談及06年北上發展主動跟拍拖7年的空姐女友分手，唐文龍坦言不想拖累對方：「當時佢31歲快32歲，我都快40，又要去北京發展。我睇唔到大家會有將來，加上我當時嘅經濟好唔掂，只會攬住一齊死！就作出咁狠狠嘅決定。我經常都話『我一生人都冇咩對唔住人，只係欠咗佢。』只能夠話，如果有下一輩子，咁我下輩子就還畀佢啦！唔想再去糾纏、堅持呢件事，因為有啲事我做咗我會承擔。我覺得我冇做錯，因為我坦白。」最後，他亦表示現在只想首先專注事業，有對的人出現會正面面對。
(蘋果日報)
藝人袁偉豪（Ben）及梁烈唯為特殊馬拉松活動主持起步禮，二人同聲指從未試過相約跑步。
袁偉豪爆料指曾試過跑步到唯唯家附近，欲致電他一起跑步，沒料被對方拒絕，對此唯唯謂：「帶氧運動我鍾意踢波多啲，跑步一個人我會覺得有啲悶。」更指曾試過當導跑員，與視障人士一起跑十公里，沒料對方乃專業跑手，比他還要跑得快。
而袁偉豪則表示女友張寶兒今早亦參與公司的百萬行活動，可謂分開做善事。與胡定欣、胡蓓蔚等組成「Crazy Runner」的他，與成員儼如家人，被問到可會拉女友入組？他笑謂：「要睇緣分，佢平時都只係做健康操，睇電視跟住鄭多燕跳嗰啲。」
(on.cc東網)
謝霆鋒早前喺叱咤無預兆下驚喜現身，沒有單線solo亦都冇掟結他，但全場看得熱血沸騰，包括網民。都有啲人話，
之前又笑霆鋒喞cream整霉布雞蛋仔，依家又瘋狂膜拜……咁，謝霆鋒彈結他，應該好過要素食廚師煮肉。
日前Chef Le Mon先至為鋒味拍片，同大家拜個早年，sell佢隻新款曲奇。另一邊廂，謝霆鋒又忙於宣傳佢隻新歌《異想天開》，仲接受專訪，透露今年會製作完成新專輯。咁，當然係接受大陸傳媒專訪…（利申：冇葡萄）訪問中
霆鋒又被問番嗰個永恆問題：幾時開演唱會？霆鋒嘅答案，其實變化不大，佢話：「我還是對演唱會比較嚴格的人，我不希望就是一個音樂會，我希望大家真的是難忘的一個演唱會。」「其實想了好久，拿批文，可以容量多少人，哪一邊的場地讓不讓站起來，多少人站起來，能不能同時有美食，有氣氛，放煙火。因為大家都問，你知道很多，這個不行，這個不OK，這個不行。」
霆鋒話，其實佢一直都有諗緊。上紅館呢？佢就答：「很悶。」露天嗰種？「是啊，能站起來，不悶。」記者提議去日本，霆鋒即謂：「也去過，21歲就在福岡做了一個13萬人的。所以你說我現在怎麼降低自己的要求？
我已經嘗試過了，我做過。這個才是問題。」霆鋒講緊嘅，應該係2001年霆鋒為日本搖滾班霸GLAY作特別嘉賓。事後霆鋒接受記者訪問，記者問佢對自己嘅表演滿唔滿意
佢話：「我覺得今次表演幾自我，因為我戴住耳機，根本聽唔到台下啲聲，好似自己同自己玩咁。」又稱：「我係嚟音樂交流，唔係同人鬥，總之我冇失禮中國人。」嗰次確係威威！
謝霆鋒與GLAY
據2001年報道，當晚音樂會有八萬人入場，200Fans暈倒。 
(蘋果日報)
對於難纏的濕疹，除了針灸和藥物治療以外，情緒調節、體育鍛煉、飲食調理都有一定的幫助。一些症狀較輕的濕疹患者，有時候通過一些自我調理也能痊癒。在治療一些抑鬱症的患者時，發現當他們的情緒好轉，濕疹也隨之消失。
濕疹一旦經過中醫治癒之後，並不會像激素用藥那樣，一停藥病情就反彈。但是如果自身保養不當，之後仍會復發，不過症狀較以往病情輕微，通常只是小範圍和輕微的復發。一般而言，濕疹在中藥治癒之後，再進行自我食療保養，復發的機率會大幅減少。
濕疹病人飲食上宜清淡，多吃蔬菜、水果、雜糧，少吃油膩煎炸食品、海腥魚蝦、蔥、薑、蒜、辣椒等辛辣刺激性食品，還要忌煙酒、咖啡。另外，有一些水果例如：榴槤、芒果、龍眼、荔枝等，屬熱性水果，要少吃，以免病情「火上加油」。
建議患者可多吃綠豆、紅豆、芹菜、海帶、薏仁、冬瓜、 馬齒莧、蓮子、苦瓜、黃瓜、黃豆、黑豆等清熱利濕食品。以下三種湯品，可幫助調理濕疹：
● 芹菜湯
取250克芹菜，加適量的水煎煮5分鐘。再加入適量鹽和橄欖油，或者不加油鹽也可。吃菜飲湯，可連續服用直到濕疹完全消退。芹菜是涼性的食品，可以涼血止血、利水消腫，對於濕疹的消除很有幫助。
● 綠豆苡仁海帶湯
取綠豆50克，苡米30克，海帶20克，水適量。先以武火（大而急的火）煮沸，再用文火（小而緩的火）煎2小時。可以在湯中加少許糖，或者加適量鹽和橄欖油。喝湯，綠豆薏仁海帶也可食用。這是一天的用量，分兩次服完，最好空腹服用。
● 冬瓜皮湯
冬瓜皮100克，加水適量，煎煮10鐘左右。濾掉冬瓜皮，喝冬瓜湯，代茶飲用。
以上食療方每一種都可以每日食用，也可以輪番交替食用。
1. 自製紫草油： 紫草9克，用小麻油適量炸焦，待油成紫色時撈出紫草即可。每日用此油塗抹患部數次。此配方適用於乾性濕疹。
2. 烏賊骨燥濕粉： 烏賊骨適量，研成細粉，散敷濕疹處。每日數次。本方適用於有滲出的濕疹。
(大紀元)
