唐詩詠今日擔任阮兆祥主持的商台節目嘉賓，談到角逐台慶頒獎禮的視后獎，詩詠坦言若然拿到獎，希望在台上多謝前無綫高層陳志雲（Stephen），更一度感觸落淚。
節目後詩詠再受訪表示，視陳志雲為恩人，受過的恩惠一直放在心：「我2004年加入無綫時人工好低，除了出入公司搭巴士，生活上也需要家人幫助，有次跟Stephen食飯傾偈，他問我幾錢人工，我說月薪3000元，然後他說『係呀，夠不夠生活呀？』之後他加到我萬幾蚊人工，實在幫到我，收到糧單好開心，以前細個不識得點多謝他，自己想唯一是等拿獎時多謝他。」
問到是否好大信心拿獎？詩詠表示很難說，但不會否定機會性，參加比賽就要有鬥心，又透露正在休假，忙於準備台慶頒獎禮戰衣。
（明報）
黎姿尚在娛樂圈時有「愛美神」之稱，自從2008年宣布全面退出後，成為了美容產品公司的老闆，更做到上市，被喻為「最美CEO」。
From:微博/黎姿
From:微博/黎姿
From:微博/黎姿
46歲的黎姿雖然已是三女之母，她近日趁新一年到來，發表年度感言：「2018年來臨了！回望過去，人生路上也經歷多少高低起伏，但現在看來，無論是稱心的樂事，還是失意的挫折，都是必經的路程，路走得愈多，歷練就愈豐富，即使是失敗也不會氣餒，往往可以從中學習經驗，領悟人生道理。心裏多一點溫柔、善意、積極，生活就多一分自在、從容、美好。祝大家新的一年裏健康美麗，向着新的目標出發，加油！」更上載了幾張近照，仍然展現「愛美神」的魅力。
（SINA）
梁嘉琪喺15年俾《蘋果》喺曼谷巧遇一個貌似洪天明嘅健碩男拍拖，雖然嗰陣佢哋全程冇親暱舉動，不過都已經覺得佢好好有默契，儼如新婚夫婦。消息曝光之後，森美喺電台節目揞名爆呢個健碩男原來就係商台監製金志堅。
轉眼已經兩年，嘉琪同金志堅拍拖有番咁上下日子，不過佢哋都keep住低調處理戀情，唔似得一段情侶成日發放「閃光彈」咁，不過佢哋其實係好有默契。
就好似日前傍晚時份，《蘋果》喺銅鑼灣見到嘉琪同埋男友，同行仲有一位女友人，佢哋一行三人去到鬧市，素顏嘅嘉琪戴住cap帽，似乎都唔係好多人認到。
有朋友喺度嘉琪絕對唔係「有異性冇人性」，keep住同女友人密密傾，而男友就默默地低頭跟住喺後面邊行邊食電子煙兼撳電話。
行到咁上下，佢哋越行越近，而嘉琪仲擰轉頭望住男友講咗兩句，而金志堅亦都放低晒所有嘢，同女友傾偈，咁有默契又咁襯，唔知幾時好事近呢？
(蘋果日報)
要做一個好爸爸可以去到幾盡，你睇張繼聰就知喇！
今日凌晨，呢位張爸爸貼咗一輯連橫圖，見到囡囡張靖（Karina）喊晒咁口，老竇張繼聰當然好緊張啦，係咁o氹番囡囡。
因乜事搞喊阿女呢，張繼聰咁寫：「原來家吓好興買d Baby假髮，嚟幫d小朋友影吓城市驚喜，點知o依位小姐唔鍾意⋯⋯為咗唔想媽咪失望，o依單嘢，我頂#童年陰影系列」！
為咗o氹番囡囡，張繼聰唯有自己戴住個假髮。(fb圖片)
哦，原來係關阿媽謝安琪(Kay)事，咁又好難怪嘅，好多媽媽都會想幫囡囡打扮得好靚，好似公主咁可愛，今次囡囡唔鍾意長頭髮造型，Kay媽媽真係要諗吓下次要幫囡囡搞一個咩造型喇！
KaKa Ball好快有事。(fb圖片)
聰:謝天謝地 終於笑番!
今次唯有老竇張繼聰頂一頂，由佢戴住個假髮扮公主，o氹番兩位寶貝啦！有網民見到都忍唔住留言：「見到個假髮 真係笑死，Btw kakaball D表情好鬼正」、「呢個daddy簡直無得頂呀⋯⋯」、「Kakaball既表情好鬼正」、「城市驚嚇…有幾多人同我一樣睇錯。其實冇睇錯，圖片說明一切…」
其實張繼聰真係好錫囡囡。(fb圖片)
一家4口合照
(蘋果日報)
台灣女星隋棠舉家往美國夫家探親，逗留了差不多一個月仍樂而忘返﹗雪山、舊金山等地足跡處處，仍充滿少女心的棠棠似乎對舊金山的風景名勝，甚至乎空氣都情有獨鍾
隋棠全家去美國夫家探親！
囡囡Lucy超萌！
她將相關旅遊相上載到社交網寫道﹕「每次來都覺得是個適合戀人的城市，品味各異的建築……最浪漫莫過於它冷冷的空氣，所以窩在火爐前彼此雙眼會充滿星星。」隋棠的文采理應可進軍言情小說界當才女了。
素顏都勁索
隋棠囝囝勁精靈！
而新曆新年期間，隋棠又與囡囡Lucy以獨特的方式「拜年」，母女倆在家表演倒立賣萌，玩到一頭亂髮的Lucy樣子相當可愛，吸引不少網民留言。
見到佢對長腿完全唔覺得佢生咗兩個！
(東方日報)
情己逝…就算當年七次好愛BB，o依家都此情不再，之前已經傳過吳千語因為識咗個有米男，而導致林峯提出分手，呢5年情就咁玩完，林峯同吳千語分別出席活動都暗示大家約兩個月冇見面。其實佢哋出席活動時，明顯見到林峯好頹，成個人瘦晒，反而吳千語笑晒兼春風滿面！答案都令人估到啲……
今日有周刊指，千語戀上嘅對象就係前全國政協施子清長孫施伯雄，報道指原來唔係林峯掟煲先，而係吳千語早喺半年前講想分開，當時中晒「BB降」嘅癡情林峯放低手頭上嘅工作，陪吳千語去歐遊，點知戀火keep唔夠半年，由馬天佑介紹下，吳千語箍實28歲「富三代」施伯雄，正式同林峯斬纜，新歡家族財力比林峯更勁，加上有傳林峯家人唔鍾意千語，所以千語一直未有物業揸手，只係收到林峯送嘅一堆名牌。
據報道稱林峯一直希望有彎轉，冇對外講分訊，但千語懶理林峯，呢幾個月上咗橫店開工，「富三代」施伯雄又去上海做生意，千語同施伯雄就成日喺上海見面，為咗唔想影響自己喺施家嘅印象，千語又未搬出同林峯嘅愛巢，所以見新歡時，千語刻意搵埋馬天佑同場做電燈膽。話晒林峯同千語BB拍拖，必定去名店買嘢、又月租豪宅安置千語家人，反而「富三代」施伯雄嘅家族低調，新歡靠自己創業，平時坐地鐵代步。千語BB睇怕都要陪男友以後要貼地啲喇!
(蘋果日報)
謝霆鋒及陳奕迅前晚以神秘嘉賓身份，先後在《叱咤》頒獎禮上表演，搶晒眾星風頭，成為全晚兩大焦點！其中身為「型男廚神」的霆鋒終於走出廚房，放低鑊剷，拎起結他Rock爆唱歌，為2018年回歸樂壇熱身！
據知，霆鋒今次回歸樂壇有五部曲，而萬眾期待的演唱會將會成真，將於年底或明年初舉行巡唱，首站更會是香港！
《2017年度叱咤樂壇流行榜頒獎典禮》前晚圓滿結束，一眾得獎歌手固然是重點，但亦不及兩位重量級神秘嘉賓有驚喜！打頭陣出場的「Chok王」謝霆鋒及壓軸表演的「吹神」陳奕迅（Eason）甫現身即搶晒鏡，掀起兩個高潮！首先現身的霆鋒相隔17年再踏叱咤舞台，與樂隊Supper Moment及觸執毛表演，Rock爆演出令台下歌手及觀眾都High到企晒起身！
霆鋒做嘉賓掀起全城熱話，網民不停洗版，更跪求霆鋒在港開騷！據知此願望真的會在一、兩年內達成，英皇已有周詳計劃，準備投資天價為霆鋒打造巡迴演唱會，而首站更會在香港舉行！惟解決不到的仍是場地問題，因為霆鋒一向鍾情露天場地，公司希望霆鋒可以在大球場或中環海濱開騷，只要其中一個場地許可，霆鋒便隨時準備踏上舞台！
霆鋒與久違的DJ合照
預咗有過億落袋
今次霆鋒做嘉賓其實是為回歸樂壇熱身，明日他在北京舉行2018年音樂計劃發布會，屆時新歌廣東版《有火》及國語版《異想天開》亦會首播MV，而第三炮霆鋒會於本月20日到高雄出席《KKBOX風雲榜》。據知第四步霆鋒正積極構思一個把煮食和唱歌融合在一起的節目，實行順從民意，屆時他遊世界找靈感做音樂。
至於開騷就是第五步，他將於今年底或明年初舉行過百場巡迴演唱會，相信屆時他會有過億落袋！
至於霆鋒以叱咤表演為回歸樂壇頭炮，是因為21年前、當時16歲的他首個工作就是做叱咤表演嘉賓，當年更表演到爆呔！而今次短短十分鐘的表演，霆鋒都認真綵排了兩、三日，可惜當晚台上音響有少許問題，據知霆鋒落台後都有點忟憎，但亦開心可以跟DJ朋友見面及合照。對於歌迷跪求霆鋒開騷，經理人霍汶希說：「收到歌迷訴求，開演唱會一事正積極進行中。」她又笑言會求霆鋒開騷。
(蘋果日報)
太陽娛樂老闆周焯華(洗米華)同老婆洗米嫂陳慧玲(Heidi)、以及小三Mandy Lieu嘅關係擾攘多年，時不時就有世界各地嘅讀者見到洗米華同老婆又或者係Mandy四圍去，相信都儲落唔多飛行哩數。而喺上年聖誕前夕，洗米華同老婆仔女、屋企人去咗新西蘭旅行，家人就率先返港，至於Heidi同埋大女梓潼玩多幾日先返香港，Heidi嘅姑奶同老爺仲齊齊接機，不過就未見洗米華嘅踪影。
咁到底洗米華去咗邊呢？曾經有指佢喺除夕同元旦陪Mandy Lieu去馬爾代夫享受陽光與海灘，洗米華係咪陪Mandy過年就真係未有人知，不過聖誕節就一定係陪Mandy過。日前有《蘋果》讀者鍾小姐報料，喺聖誕節當日見到洗米華同Mandy一齊度過：「嗰日係聖誕節，我朋友喺馬爾代夫嘅The St. Regis Maldives Vommuli Resort見到佢哋，同行嘅有外國朋友，兼且有見到三個小朋友，因為喺沙灘有party，酒店安排咗聖誕老人從天而降，向酒店住嘅小朋友派禮物，嗰陣見到洗米華抱住個小朋友去攞禮物，Mandy就坐埋一邊。」
鍾小姐又話：「過咗兩日我朋友又喺酒店個公眾沙灘見到佢哋，其中小妹妹同一個男仔喺度玩沙，另一個年紀細啲嘅小朋友，就由佢嗰個外國朋友抱住，Mandy同洗米華喺度睇住男仔同女仔玩沙，睇睇吓仲會攬吓kiss吓！不過玩咗冇耐就走人。」
至於嗰3個小朋友Mandy同洗米華似唔似樣，鍾小姐只係話：「個樣有少少mix，不過幾靚同得意。」其實Heidi喺24號平安夜於ig已經貼咗一張大合照，一家人同老爺慶祝生日，唯獨唔見咗洗米華嘅踪影，原來係去咗馬爾代夫，唔怪之得冇影啦！
(蘋果日報)
有少少意思分歧。。。
前亞視藝人寶珮如（Baby）為音樂會表演唱歌，她自言很多人也不知她是歌手出身，她又指現時也會專注唱歌方面，亦有拍電影，稍後將有一套電影上映，她坦言因撞車而毀容，對工作也有影響：「會有難處，因為我有缺陷美，有時唱歌都可以用個咪遮吓，電影都可以個別咁打光，但電視就好難。不過老公一直好支持我嘅工作，而我都有做好師奶職責，佢之前病到七彩入咗院幾日，我都放低晒工作照顧佢。」
Baby透露今年三月是她跟丈夫結婚七周年，自言擔心有七年之癢：「大家有少少意思分歧，佢好鍾意小朋友，但我因為撞車盆骨受傷，所以生唔到小朋友，一直都諗住領養，但原來要結婚三年以及唔可以超過45歲先可以領養，點知我哋結婚夠三年，我老公就剛剛45歲，所以唔合條件冇得領養，佢一直放唔低，成日話想養人仔，有朋友話內地領養嘅條件低啲，但我又唔想，我唔係覺得內地人唔好，而係想可以同聲同氣，老公仲話冇乜所謂，佢話領養個喬寶寶嘅（國籍）都得。」
(on.cc東網)
歌手關心妍（Jade）一向都視囡囡楊榮心係小公主一樣，有女萬事足嘅佢，不時都同網友分享囡囡嘅片。早前Jade仲透露囡囡嚟緊有學前班面試，所以每日都要陪囡囡上playgroup，不過佢都對囡囡好有信心！
呢日Jade就喺社交網上載咗榮心嘅學嘢嘅片，仲留言表示：「2018年 #楊榮心學習之作，掌聲鼓勵吓。」
片中見到爸爸拎住本書，用英文講啲單字，包括「Stand up」
「Sit down」
「Walk Walk」
「Eat Eat」等， 榮心就好叻咁聽住做動作，之後當講到「Fall down」嘅時候
榮心就停咗一停，突然跌落地下，簡直萌到爆！榮心好叻咁完成晒所有動作，網民都話要畀個叻佢，仲話佢去面試一定冇問題，相信Jade可以放心晒啦！
一家三口好幸福
(東方日報)
