五個不老魔女是圈中出名的好姐妹，五人不時都約會出來相聚，互相慶祝生日等。就算係素顏都咁靚！
連網民都大讚個個素顏冇得輸。。。
今日陳法蓉在微博上了一張五人聚會的日常素顏照，五人相擁在一起，面臉笑容，關係真係好好啊！
連陳法蓉都在微博上道:「常聚！常聚！常常聚」呢五位姐妹花私下聚會經常素顏相對，就如他們的友誼一樣那麼純樸自然。不少網民都尖叫大讚呢幾位不老魔女這麼多年完全沒變！
(SINA)
【肉肉男變猛男】 瘋狂操肌爆43吋巨胸 慘被當係基！
樂隊享樂團早前參與微電影比賽，飾演拳擊界明日之星的主音旨呈為此瘋狂操肌：「拍嗰陣我係真打，拳拳到肉畀人打到抽筋！之前練咗兩個月，依家胸肌差唔多43吋，以前肥仔嗰陣就38吋。」問到為何這樣搏命？他解釋導演用慢鏡拍攝，如果出拳慢或細力，效果就會很假，所以最後連武術指導都贊成真打：「我畀人轟咗起碼2、3百拳，因為每一Take、每個角度都打十幾廿拳。」
拍攝當日天氣非常寒冷，赤膊上陣的旨呈雖然沒有受傷，但就感到很暈：「好凍嘅情況之下係咁畀人打，成半邊面冇咗知覺差唔多兩個鐘頭！武術指導同拳手都走嚟問我有冇事，一有得靜我就即刻坐埋一邊抖。」他自爆愈打愈驚，忍不住叫對手就住打：「不過當時就嚟要交場，時間真係太急，就住都要打。」
說到隊員Kenneth飾演記者，Samuel和Addy分別飾演教練和拳證，旨呈指兩人事前都接受了拳擊總會的訓練幾天，又笑言：「佢哋唔熟拳擊，我有學過就教佢哋一、兩招，佢哋學識之後真係用力咁打埋嚟，當成報仇，成日都搵我嚟發洩！」問到練大隻是否為了吸引女性？他自嘲唯一吸引到的女性就是媽媽，更被人誤以為他出櫃：「我話你都癡線！我都係鍾意女性，對男性就稱兄道弟。」
43吋胸肌呀！
睇得出佢好努力。
Samuel
拍嗰時仲拳拳真打…
Addy
減肥前仲有雙下巴…
Kenneth
(東方日報)
【單親媽媽湊女冇難度】：一定會再生BB
前中國小姐趙哲妤（Uny）出席電戲首映禮，她表示現時湊女非常在行，又認為自己與小朋友溝通有一手，更指「就算10個8個都搞得掂」。她認為自己非常有耐性，所以自幼已經想成為一位幼稚園老師。她自爆囡囡比較喜歡與自己多於與工人相處。
她透露新年期間一共看了4至5套電影，當中更包括賀歲片。她表示明天會復工：「我會喺香港登台唱歌，咁新年都有發小小新年財，都喺出席啲圍村活動，嗰度好有氣氛。稍後時間亦會有新歌發布會，今年會Focus喺搞音樂上面。」
問她會否再生B，她笑言：「一定會再生，但係未知同邊個生囉。如果都係搵唔到嘅話，我會用啲科學嘅方法等囡囡有個細佬妹。（想要仔定要女？）我冇咩所謂，但有諗過要對Twins，因為孖仔孖女好可愛。我都希望搵到一個鍾意小朋友嘅另一半，依家都努力物色中。」
(on.cc東網)
【擺埋情侶公仔笑笑口】黃家又有喜事！
馬國明同黃心穎呢對戀人越愛越高調，經常俾人影到佢哋拍拖行街街，早前孖住去樂易玲屋企團拜，影大合照時，更大方坐埋一齊，目前佢哋忙住為新劇開工，不過總係會爭取時間見面，話明係熱戀，真係見少一陣都唔得。
今日周刊報道，馬明同心穎日前又俾人影到去又一城睇戲，話晒之前都被人撞破過好多次，所以佢哋都冇刻意避忌，馬明亦好有風度，冇撇低心穎BB，二人笑笑口面對傳媒，之後仲發現馬明架車嘅後座位置，擺咗一隻老虎同一隻豬嘅公仔，懷疑係兩個人之間嘅暗號，估唔到馬明都有鬼馬嘅一面。
報道又指問過心穎爸爸對呢位「準女婿」馬明嘅評價，黃爸直言唔會理個女同邊個拍拖，只要到結婚嗰日通知佢哋就得，黃爸仲爆好快會辦喜事，但係唔講係邊一個。據知就嚟結婚嗰個並唔係心穎BB，而係做空姐嘅三女黃心慧。
(蘋果日報)
【 真係好可憐呀！】因為講錯一個名 就被人鬧到爆喊…
歌手潘伯仲（Anson）與新進女演員梁雍婷齊齊為壽司卷物食店拍攝廣告短片，接受訪問時，問到為何朋友挑選到梁雍婷合作？Anson表示看到對方在電影《藍天白雲》中的演技大爆發而「睇中」對方。談到拍攝廣告期間的趣事，Anson表示梁雍婷在片中需要喊，所以埋位前就捉住工作人員，並向他訴說自己的故事來醞釀情緒，然後在1分鐘就立即擠出眼淚。另外，在片中飾演店舖老闆兼壽司師傅的Anson就透露有場戲要鬧梁雍婷：「因為梁雍婷喺廣告將個店名講錯咗，所以要發火鬧佢，喺入面我個樣就好似反派，我就主動提出用日文代替原本對白，導演都OK。」
但真係好可憐呀！
潘伯仲好惡～
個樣仲好似反派。
(東方日報)
【講起老公就哽咽】大肚葉翠翠：真係好難，我今朝都喊過嚟
懷有五個月身孕的葉翠翠，近年受到鄰居噪音滋擾，起初翠翠先向管理處反映，但可惜無效，噪音依然繼續，令她與未足一歲的兒子在清晨不得安眠。上星期，她終於忍無可忍下決定報警求助，警方有幫忙向葉翠翠鄰居作出勸喻，但可惜噪音情況依舊，今晨七時許，噪音再一次把翠翠兒子弄醒，翠翠今早再一次報警求助，她接受東網訪問時表示：「今朝一早啲噪音又出現，BB嚇醒喊得好厲害，我即刻衝埋去睇，真係好心疼，長期係咁樣，用咗好多方法想去解決呢個問題都無效，今朝九點廿五分我再一次報警，希望警方可以幫到我。」
患上焦慮及抑鬱症
翠翠因為長期受到噪音滋擾，加上擔心兒子睡眠不足所帶來的種種影響，已患了焦慮及抑鬱症，她謂：「醫生叫我盡量放鬆，但依家咁嘅情況，真係好難，我今朝都喊過嚟，因為用咗好多方法想去解決，但都解決唔到，真係好無助，好想佢哋（指鄰居）可憐一下我哋孕婦同BB，可唔可以幫手執屋輕力少少。」
打去環保署求助
翠翠想了很多方法希望盡快解決事件，除了向管理處、警方求助外，亦曾想送部吸塵機給對方以表誠意，今朝更曾打去環保署，希望得到協助，當然也想過搬屋，不過，而她現在的情況，很難做到這一步：「我成間屋好多嘢，我又就生，仲可以去搵屋、執嘢嗎？之後生咗又要坐月，搬屋唔係執幾件衫咁簡單，唔係想搬就可以搬。」
提起老公即哽咽
現在的情況，家人的支持很重要，翠翠一提起老公的愛護，即哽咽起來，哭着說：「佢真係好擔心我，返工都係屋企出出入入，唔想出去，我都好內疚令佢咁擔心，但因為啲噪音影響我個仔同埋亦會影響到我就快出世嘅BB，所以，我真係好難唔緊張同心疼，都係個句，希望佢哋（指鄰居）有惻隱之心，可憐吓我哋。
(on.cc東網)
【 粉絲踢爆】周杰倫玩魔術將扭計骰變彩虹糖 但後果竟然…(有片睇)
台灣天王周杰倫最近跟老婆昆凌到法國巴黎參與時裝周，時不時都會分享風景照，剛巧五月天在巴黎舉行世界巡迴演唱會「人生無限公司」，周董還買了點心去探班，已經是兩個小孩爸爸的他還知道五月天的瑪莎快要做爸爸，周董大膽預測肚裡面的是男生，可算是相當風騷！
周杰倫最近跟老婆昆凌在歐遊。（視覺中國）
周董一向都愛耍帥，平常會玩一點點小魔術，早前還參與拍攝荷里活魔術電影《非常盜2》。今日他又在社交平台上載了一段魔術影片，背景是巴黎鐵塔，他一手拿著一個扭計骰放在檯上，隨手一拍就變了一堆Skittles彩虹糖，本來面對是很酷的。
但影片一出之後粉絲們並沒有如大家想像大讚周董很帥，因為有粉絲貼出了周董魔術的淘寶連結，尷尬非常，下面留言的粉絲還調侃偶像周董說是不是又喝奶茶了，又胖了。
周董將扭計骰放在檯上，隨手一拍就變了一堆Skittles彩虹糖。（網上截圖）
網友貼出的淘寶連結。（網上圖片）
(HK01)
【傳婚期延遲】凌晨PO合照表示胡說八道會…
胡說八道會久唔久就聚埋一齊Girls’ Talk，李施嬅凌晨喺IG貼出四張合照，張張相佢哋都chok爆擺出唔同甫士，胡杏兒、胡定欣、胡蓓蔚、李施嬅、黃智雯及姚子羚，六個女人一個堆，攬頭攬頸。
之但係見李施嬅打hashtag，指「just be happy(只要開心)」、「we support no matter what decisions by yourside(無論你作出任何決定，我們都支持)」，又話「撐你」。
未知李施嬅講要「支持嘅人」係唔係黃智雯呢!
早前有傳姚子羚同黃智雯繼胡蓓蔚、胡杏兒之後，最快出嫁，去年黃智雯搬咗去男友詹文天嘅豪宅疑同居試婚，今年就同拍拖約4年嘅男友拉埋天窗，不過噚日有報道指，黃智雯見大台花旦走晒，佢想以事業為重，將婚期延遲，更搬離出愛巢。
未知佢啲好姊妹係唔係講緊呢單呢!?
(蘋果日報)
【上得山多終遇虎！】夫婦吊手岩報稱遇老虎！ 警方上山搜…
一對夫婦於馬鞍山吊手岩行山時，發現一隻疑似老虎的動物，他們大驚感危險，遂立即報警求助。（賴俊傑攝）
吊手岩老虎擋路？今日（6日）早上近9時，一對年約30歲的夫婦於馬鞍山吊手岩行山，他們經馬鞍山燒烤場上山，步行約20分鐘後。兩人於前方約100米的草叢，發現一隻約3呎長、黃色的巨形貓科動物。兩人頓時大驚，不排除前方的是老虎或豹。
夫婦大驚 調頭跑落山報警
該對夫婦大驚感危險，遂立即調頭跑落山，並報警求助。消防員接報到場，派員登山搜索兩名事主。至早上10時許，身穿行山服的男女事主，由消防員陪同下落山，他們並沒有表面傷痕，相信只是受驚無大礙，兩人遂由救護車送院。警員到場調查事件。另外，消防員到場搜索「老虎」，但未有發現遂離開，案件交由漁護署跟進。
早年大埔沙螺洞有老虎？
根據資料顯示，早於2013年，大埔沙螺洞有居民指，發現泥地有多個「大腳印」，懷疑有老虎出沒，惟未有發現，不排除是巨型貓科動物的腳印。
消防員接報到場，派員登山搜索兩名事主，他們由救護車送院治理。（黃偉民攝）
(HK01)
【孕媽必備】王棠云終於曬全身相
型男余文樂與皮帶大王千金王棠云（Sarah）去年底閃婚，之後一直盛傳「樂嫂」有喜，疑是雙喜臨門。雖然佢哋未有作出回應，但睇翻Sarah嘅社交網，近排都只係上載大頭相，全身相欠奉，難怪有孕傳聞，愈炒愈熱！
今日，Sarah終於破例晒出一張全身相，雖然較為模糊，但鬆身衫示人嘅佢似乎肚凸凸，仲興奮地扮奔跑！
唔少網民睇完相都話Sarah孕味濃，仲留言提醒佢：「懷了寶寶走路要慢一點喔」、「有寶寶了要小心身體」，相當貼心！
此外，Sarah早前亦上載自拍照，透露自己剪咗個短髮，仲話頭髮短到紮唔到辮：「我國小四年級後這輩子沒剪過短髮#因為我崇拜長髮公主#我爸爸從小跟我說要讓他從窗戶爬回家」。一班網民大讚新髮型好好睇、好清爽，仲有人問佢係咪要迎接BB先剪短髮做好準備？
(on.cc東網)