新浪娛樂訊 1月12日晚，趙雅芝微博曬出周潤發探班新片《八個女人一台戲》的照片，許文強馮程程《上海灘》後再同框，引人回憶。
（趙雅芝微博圖片）
趙雅芝微博貼咗幾張發哥突擊探班嘅相，寫道：「文強來探班，大家都雀躍不已！發哥還製作了一張黑白效果圖片。」
（趙雅芝微博圖片）
有圖有真相，只見發哥好親切咁攬住趙雅芝，同場仲有《八個女人一台戲》導演關錦鵬、著名美指文念中，梁詠琪同周家怡。發哥一身跑山look，笠咗個頭箍，額前長髮就好似窗簾布咁呈拋物線再跌番落嚟，相當趣致。
梁詠琪周家怡 （趙雅芝微博圖片）
趙雅芝就話，佢哋喺元朗開工期間，發哥帶埋燒鵝探班，之後再去跑步，跑完又返番嚟同馮程程再續未了緣。其實發哥俾人「捕穫」都好正常，呢期就更加，因為佢依家成日約埋新戲《無雙》嘅crew，同埋方中信、智叔廖啟智等成班人浩浩蕩蕩日日去跑山，足跡遍及香港九龍新界離島。
文念中、關錦鵬 （趙雅芝微博圖片）
(蘋果日報/新浪)
「最美麗CEO」黎姿（Gigi）早前趁學校假期，和老公齊齊放下工作帶住3個寶貝女去旅行，一家大細齊齊去餵鹿，場面溫馨﹗她將照片放上網跟粉絲分享，並留言︰「早前放假全家出去玩，全程『不得安寧』😅因為女兒們放假太興奮，一路上不停唱歌，看見什麼都要問，小孩子眼裡（裏）的世界是那麼新奇！現在女兒們的喧鬧竟然也是我的一種享受，身為媽媽的人就是這樣偏心吧💖在公園裡（裏）見到一頭小鹿乖乖趴在地上不動，原來是懷了孕的母鹿為了給肚子裡的小生命取暖。母愛不分物種，是天性，也是永恆。#家庭樂 #母愛是天性 #三隻小豬去旅行」
罕有四人合照
(明報)
藝人陳豪單拖到金鐘為慈善跑步活動擔任嘉賓，同場的林盛斌（Bob）則帶埋囡囡林霏兒到場。陳豪謂來到才知道一眾藝人帶埋小朋友出席，不過自己的大仔只有四歲，都不便齊齊參與活動。他透露平時會帶囝囝去踢波、游水，都希望多有親子活動，笑謂試過帶囝囝去打網球，不過年紀太小只會似波一樣走來走去。
陳豪而家忙緊同囝囝升學面試！
為大仔揀學校
他指仔仔學游水、踩單車還是踢波都有教練教，笑謂：「我唔可以半桶水咁教，要有正確方法！（有同佢搵補習？）少少啦！」被問可會擔心成為怪獸家長？他直言是環境令他成為怪獸家長，笑指自己並非先河。陳豪又謂最近忙於為大仔選學校而面試，笑言：「仲有幾間呀，依家唔係家長揀學校，係學校揀家長！（想搬去校網？）你以為我哋冇諗過咩！不過遲啲先算啦！」又望三個仔女都可以讀同一間學校。
多番信心爭獎
談到無綫劇集《誇世代》大結局，他的演技大獲讚賞，有機會在台慶頒獎禮中爭獎，他笑指信心「多番半分」，又指目前未有消息指要拍續集，但見到大結局中有佘詩曼出現大家都應該好驚喜。
諗過搬去校網區住，但遲啲再算！
陳豪三名子女 (資料圖片)
(ON.CC)
無綫小花陳凱琳、龔嘉欣、沈卓盈及譚凱琪早前拍劇結緣變成老友，仲組成「少婦聯盟」不時Gathering！踏入新一年，呢班索爆「少婦」最近再度出動，撇甩另一半齊齊共進晚餐，果然有人性！沈卓盈喺社交網上載咗幾張合照，相中見佢哋默契十足，齊齊以紅色Look現身
「少婦聯盟」譚凱琪（左起）及沈卓盈、陳凱琳（右起）及龔嘉欣着到紅一紅話希望新一年有好運降臨！
原來一早夾定要成身紅噹噹，寓意新一年會有好運降臨。雖然好有意頭，但打扮略為密實，難怪一班網友都詐型，仲話如果佢哋好似上次慶祝一周年咁着上性感示人就冇得彈啦！
另一亮點係見枱面冇咩食物，佢哋似乎好細食喎，但原來都係假象嚟！皆因陳凱琳喺網上踢爆佢哋去咗食自助餐，仲話影相時只係啱啱開餐，佢以英文留言：「Impeccable view with impeccable company! Red-red-red to ring in our first 2018 dinner gathering~ buffet style! Don’t be fooled by what’s on the table, this was only round 1 of 5! Here’s to many more wonderful dinners to come!」
網民就好掛住佢哋上次個性感泳衣Look囉！（資料圖片）
沈卓盈ig
四人因拍劇成為好姊妹！（資料圖片）
(東方日報)
樂基兒舊年八月宣布同拍拖兩年、做有機生意嘅男友Ian Chu結婚，正式成為朱太！
樂基兒婚後都繼續四圍出席活動，又經常係社交網貼出做運動相，身為名模嘅佢，當然要好好維持自己身材喇，不過呢日佢係IG上載嘅一張比堅尼相入面，就見到佢肚凸凸又面圓圓咁，唔通有喜？
好努力做運動~
其實上年8月樂基兒再婚時，問到生B計劃，佢就話順其自然，唔通時機已到？
老公 Ian Chu
（SINA）
早前鄭秀文（Sammi），擔任由王梓軒（Jonathan）主持嘅節目《V My Guest》嘉賓大談近況，當中講到剛完成兩部電影《聖荷西謀殺案》及《午夜慢車》，前者不是要跟阿Sa蔡卓妍拍嗌交戲，後者就要為角色勤練四川話。而當王梓軒問到Sammi最想同邊位男影星再合作，Sammi就揀咗只合作一次，但已經回味無窮的張孝全。
Sammi講到早前完成拍攝內地電影《午夜慢車》，透露為了這部戲她每天學四川話，現在蠻流利的。不過更有趣是這部電影，是她首次跟攝影大師杜可風合作，對於大師的佻皮，Sammi笑住答：「佢每日都有撩我！雖然佢已經60幾歲，但整個人都充滿活力、充滿幽默感，對美的看法又非常不一樣。」
問到將來想同邊個合作拍戲，王梓軒先拋出老公許志安的名字，殊不知Sammi即刻耍手擰頭：「我唔想，佢都唔想，所以唔會刻意去做，儘量想生活同工作分開。」至於想合作的真命天子，Sammi就俾咗張孝全。「因為同張孝全拍咗一部《合約男女》，發現大家喺演戲上嘅想法幾合拍，一次唔夠喉，想再合作多一次！」
提到合作無間嘅杜琪峯，王梓軒在《三人行》中都有跟杜Sir合作，覺得他工作時好惡，Sammi聽到就好大反應笑住反問：「佢好惡嗎？應該是有要求吧！我唔敢話佢惡，只係有威嚴。跟他熟了，就不怕，他是對事不對人，私底下他其實是老玩童，好似小朋友咁。」
歌手張紋嘉（Crystal）將於2月8至11日演出舞台劇，她坦言已隔了一段時間沒有做過，這次在劇中飾演與爸爸沒見面20年的女兒：「係個台灣女仔，飛嚟香港搵做攝影師嘅爸爸，佢好想知點解爸爸會離開自己，同埋點解自己對婚姻同愛情都有恐懼。」她指故事由外國劇本改編，加上已經演出多次，所以劇情和人物都很實在：「我覺得係個好大挑戰，珠玉在前，有人做過就覺得一定要做得好啲先得。」
歌手張紋嘉
提到其中一幕要與20年沒見的爸爸擁抱，她直言尷尬：「佢哋問我係咪冇攬過我阿爸，我話我長大之後真係冇。我成日同朋友攬，但從來冇對父母做過呢樣嘢。」她形容家人比較傳統，不習慣用身體及語言表達愛意，通常以禮物代表關心，結果她被劇團各人歧視：「我有諗係咪要同我阿爸講我好錫佢，或者試吓攬住佢，但我驚佢嚇親，問我做咩！」說到父母早已離異，並各自有新家庭，Crystal坦言較少與他們見面，但打算鼓起勇氣表達愛意。問到可會經常傾偈？她表示每次一起吃飯都會傾很多，又會互傳訊息：「以前就少啲，依家佢哋喺電視見到我細個嘅偶像郭富城，就會Send相畀我睇，我哋好似變咗朋友咁溝通。雖然有時佢哋會話我，但呢樣嘢都幾得意。」她笑說自己和父母都愛報喜不報憂，不想別人擔心：「有時見到佢哋身體冇以前咁好，我會鬧佢哋，叫佢哋唔好食某啲嘢，但佢哋好少將煩惱講畀我聽，可能要由婆婆或者其他屋企人口中先知佢哋點解食咁多藥。」
至於排練時間緊迫，她大呼緊張：「舞台劇係一Take過，要對走位、角色個Flow好清晰，每一場就好似重新嚟過咁。仲要同燈光、後台、其他演員互相配合，好多嘢都要好精準，一錯就會影響到大家，所以要排練好長時間。」雖然現在她每日都要一早起身排戲，但她表示已經習慣，並且很享受用這麼多時間深入地尋找角色。問到喜歡戲劇的原因？她指初時是為了嘗試另一種生活，後來就發現演戲是情感的出口：「現實中我會收埋自己，唔會挖啲感受出嚟講，但做戲可以藉角色抒發感受。當我了解戲劇多咗，就覺得係一種好高技巧嘅藝術，將自己成個人抽出嚟去代入角色，呢樣嘢好Amazing。如果大家願意睇，我絕對想一生都做呢樣嘢。自己好鍾意睇電影同舞台劇，見到啲演員好勁，好真實咁演繹個角色，我都好想自己做到。」
Crystal 笑說自己和父母都愛報喜不報憂
(ON.CC)
容祖兒昨晚出席，剛從日本獨自遊返港的祖兒，自爆很多蝦碌事，她帶了兩個篋去旅行，行樓梯時，不慎令其中一個篋瀡落樓梯，當時心裏暗暗歡喜，笑言正合心意，當然道德上不行，但這是意外就接受了。另外，她拿着兩個篋又很想去洗手間，又怕行李放在外會遺失，唯有搬行李入廁格，卻關不上門，笑言突然神力上身，將兩篋疊起，去完廁所成身汗，很想沖個涼。
除此之外，祖兒又自爆食飯時被外國人撩，笑指對方用一般的手法，不太滿意，對方問她放在枱上的相機甚麼牌子，她簡單回答，很快終止話題，笑稱對方不是她杯茶。她說：「不想與陌生人亂搭話，我危機感好重。（怕男友劉浩龍擔心？）我自己都擔心自己。（有沒有向他報告？）唔好講呢啲嘢。」祖兒又談到去看日落，踏單車回程時天色已黑，昏暗看不清路，自己疑神疑鬼，感覺好像被人追蹤，一邊尖叫一邊踏單車壯膽。有否將經歷告知男友?她說：「冇。(他日日搵你？)唔需要啦，獨自遊就係唔想交代咁多。(有沒有報平安？)應該有嘅都有。」祖兒表示獨自遊上癮了，想每年一次當獎勵已很滿足。此行祖兒遇上王菀之和C君，談到C君笑指她購物「疊單厚過字典」，祖兒反指C君也買不少，還叫她埋單，她稱C君今年賺很多還好意思開口，又爆C君與女友同行。
祖兒自爆食飯時被外國人撩
容祖兒剛從日本獨自遊返港
（SINA / HEADLINE）
香港男星余文樂與王棠云（Sarah）新婚剛滿1個月，平時常在社群網站分享生活點滴，他12日中午曬出一張自拍照，身後竟然站著一整排的超夯男神，包括他自己在內，該張合照總共有8名大咖藝人，吸引大票粉絲暴動留言，在網路上掀起熱烈討論。
余文樂12日分別透過Instagram、微博發文，曬出一張自拍照，開心寫道，「新的朋友們，新的任務，新的嘗試。」沒想到，他將照片PO網後，立刻掀起網友暴動，原來站在他身後的，全是巨星藝人，從照片後排開始為熊梓淇、胡一天、白敬亭、魏大勛、林志穎及林允，畫面中余文樂左方的人則是鄭合惠子。
▲余文樂一張自拍巨星雲集。（圖／翻攝自余文樂Instagram）
原來，余文樂近來參加實境秀節目《二十四小時》第三季，一夥人日前一起飛往土耳其，進行節目拍攝工作。該張堪稱巨星雲集的合照曝光後，隨即也引來大票粉絲留言狂喊，「都是帥哥美女」、「啊啊啊好期待」、「我的天，我的男神都在裡面」、「裡面都是高顏值」，在網路上引發不少討論。
▲▼余文樂近來和林志穎、胡一天等人一起錄製真人秀節目。（圖／翻攝《二十四小時》微博）
此外，由於第一集找來鄭合惠子擔任嘉賓，她過去在《夏至未至》中飾演女神「顏末」，劇中和白敬亭飾演的「陸之昂」結婚，這次2人又相聚在一起，CP組合同框的畫面，也勾起不少劇迷心中回憶。
(eetoday)
自細在法國生活的藝人麥凱程（Alex）早前飛回家鄉法國為無綫拍攝旅遊節目，母語為法文的Alex坦言自信心返晒嚟：「因為我廣東話唔流利，所以今次返到法國講番法文，令我有自信心，再加上我哋去酒莊拍攝，學到好多嘢，了解多咗法國嘅文化。今次我做埋工作人員嘅翻譯同導遊，對我嚟講係個經驗，覺得自己廣東話有進步。」
因為廣東話唔叻，所以平時喺香港連自信都受影響。
今次可以話係「返家鄉」。
Alex仲兼埋翻譯加導遊身份。
同工作人員溝通多咗，Alex話廣東話都有進步。
去咗酒莊拍攝。
Alex話學咗好多嘢。
雖然一日要拍成9個鐘頭，不過Alex話唔覺得辛苦。
此外，Alex坦言雖然每日拍攝時間長達八至九小時，但並不覺得辛苦，反而感到開心又興奮，他說：「我拍得好開心，覺得公司送咗份禮物畀我，等我工作之餘仲可以見吓屋企人，走嗰陣屋企人都好唔捨得我。」
因為工作之餘，Alex仲可以抽時間見吓屋企人，真係寓工作於娛樂。
(東方日報)
