佢話佢就係靠呢幾種食物，令佢喺兩個月內勁減51磅，仲誇口話：「盡情吃自己認為唔會肥嘅食物！」噚日佢就喺節目中首次披露佢呢種減肥法，同時公開咗佢屋企雪櫃，基本上雪櫃內就幾乎全部都係個五種食物，當中包括Zero Coke、豆奶。。。
韓國男團Super Junior（SJ）嘅32歲成員神童一向係隊中體重最重一個，佢高峰期體重超過255磅，係偶像男團中最重一個。
近年神童一直積極減肥，喺噚日播出嘅節目《拜託了冰箱》中，神童就透露佢用咗兩個月內減去近51磅，目前體重約204磅，仲話研究出「自主分配節食法」，當中食用五種唔同嘅食物，又唔會令佢變肥。噚日神童就喺節目中首次披露佢呢種減肥法，同時公開咗佢屋企雪櫃，基本上雪櫃內就幾乎全部都係個五種食物，當中包括Zero Coke、豆奶、吞拿魚罐頭、軟糖及聲稱會令人飽肚嘅羅勒籽糖。
神童話佢就係靠呢幾種食物，令佢喺兩個月內勁減51磅，仲誇口話：「盡情吃自己認為唔會肥嘅食物！」意下之言即係靠「念力」減肥？而神童亦有喺Instagram公開雪櫃及佢瘦削不少嘅相。
(蘋果日報)
情況一直都反反覆覆，好唔穩定，早前舒淇更透露醫生警告佢唔可能一直拍戲，有時要暫休，今日又喺IG PO相，仲留言話幾時先可以完全冇事，令唔少fans都心痛舒淇。。。
舒淇長期受皮膚過敏長期困擾，婚後減少演藝工作，多加休息，早前舒淇透露醫生警告佢唔可能一直拍戲，有時要暫休，面紅腫一直過敏，今日又喺IG貼出面部泛紅嘅相，留言：「嗯，幾時才能完全脫敏？」唔少fans都心痛舒淇長年受過敏之苦，希望舒淇查出致敏源。
有身同感受嘅fans指現時呢個季節真係好易過敏，希望女神要多注意飲食，另有網民關心舒淇係食錯嘢定轉天氣先會咁，亦有網民建議舒淇改吃素同去睇中醫針灸一下，更有網民聲稱：「有查過過敏源嗎?這個很關鍵，我妹妹過敏源羊毛毛衣和印章都不能碰。」
(蘋果日報)
仔仔奉子成婚，原本揀定噚日入紙註冊，仲於早上公開晒婚戒照片，但因為女方突然整親條腰，佢哋未能夠入紙，唯有另覓吉日註冊結婚。而老竇都有喜事！本身已育有一仔一女，今次係佢哋第三個小朋友，兩父子都有喜事恭喜哂～
日劇《同一屋簷下》43歲男星石田壹成日前宣佈將第三度結婚，迎娶19歲舞台劇演員飯村貴子，同時透露女方已經懷孕。兩人原本揀定噚日入紙註冊，仲於早上公開晒婚戒照片，但因為飯村貴子突然整親條腰，佢哋未能夠入紙，唯有另覓吉日註冊結婚。
至於石田壹成64歲演員父親石田純一，就於噚日宣佈再做老竇，其第三任太太東尾理子以42歲之齡誕下B女，由於飯村貴子現時亦懷孕，預產期係9月，換言之石田壹成個BB同妹妹將會同齡。
石田純一同東尾理子本身已育有一仔一女，今次係佢哋第三個小朋友，亦係石田純一第五次做老竇，石田純一除咗大仔石田壹成，亦同第二任太太松原千明育有一名27歲女兒、任模特兒嘅Sumire。
(蘋果日報)
雙方家長都好滿意，佢哋決定改婚期，佢坦言婚禮細節完全未搞，令佢有點擔心：「我只邀請姊妹團，成員有朱晨麗、劉佩玥、麥美恩、。。。」至於兄弟團已經定咗人選，但就要儲勇氣先敢開口邀請。。。
陳婉衡、丁子朗、黃瑋琦、張寶欣、歐陽巧瑩以及林師傑，昨日到鑽石山出席明珠台《明珠絕色：深海大世界》記者會，林師傑表示初步已選好結婚場地，雙方家長都好滿意，又決定婚期由11月23日，改為11月22日。
歐陽巧瑩坦言婚禮細節完全未搞，令她有點擔心：「我只邀請姊妹團，成員有朱晨麗、劉佩玥、麥美恩、蔚雨芯、王子涵，因為我和師傑什麼都無所謂，所以朋友話幫手，都不知搵他們做乜好。」林師傑自爆怕醜，定了兄弟團人選，但需儲勇氣才開口邀請。
(明報)
2010年忽然返港復出拍戲，曾傳婚姻亮紅燈，當時稱老公支持佢復出，二人通常一個月見一、兩次面，大家係老夫老妻關係，一直冇承認離婚一事，同年被爆同大陸「小鮮肉」過從甚密，更有傳之後男方騙財騙色，一齊兩年，最終分手收場，依家就傳。。。
夏文汐喺無綫播緊嘅電視劇《逆缘》中演神秘富豪兼息影女星嘅翁芷蕎，喺劇中同37歲黎諾懿有感情線，為城中富豪黎諾懿嘅兒時偶像，後嚟產生一段忘年戀，而現實中52歲夏文汐，似乎感情上有啲相似。
今日有周刊指夏文汐活躍大陸夜場，上年吸引到一個大陸「小鮮肉」，兩人互相關注微博，男方微博化名「士多啤梨」，喺微博貼文中更稱夏文汐係女神，而且讚好內容都係夏文汐嘅post，據報道指夏文汐都話大陸流行姐弟戀，自己都曾被搭訕。
夏文汐2010年忽然返港復出拍戲，曾傳婚姻亮紅燈，當時夏文汐稱老公黃冠博支持佢復出，因為知夏文汐一個人喺屋企好曬，二人通常一個月見一、兩次面，大家係老夫老妻關係，不過同年被爆同大陸「小鮮肉」Sam過從甚密，更有傳之後男方騙財騙色，一齊兩年，最終分手收場，夏文汐一直冇承認離婚一事，只係話現階段三個寶貝女係佢嘅精神支柱，佢現時長居海，主力喺大陸同香港開工，間唔中就返美國陪次女Demi同孻女Cassy，而大女早前喺新加坡讀完大學，目前專心學廚，老公黃冠博就喺美國繼續做生意。
夏文汐曾拍《唐朝豪放女》、《花城》、《朝花夕拾》及《烈火青春》等電影，80年代末，夏文汐去台灣發展，邂逅商人黃冠博，當年紅極一時，毅然選擇結婚移居美國，喺美國住咗十年，與黃冠博育有三位女兒，佢曾講過結婚初期同老公偶爾嗌交，不過現時大家都成熟，關係似朋友咁互相關心，已習慣分開生活。
轉戰大陸嘅謝天華，05年就同圈外女友李天恩(Tina)結婚，2014年就公佈太太以42歲高齡懷孕，今日天華就喺微博公佈太太再度懷孕嘅喜訊。
天華今早11時，於微博貼出一張超聲波圖片，佢好開心咁留言話：「今年將會迎接家裏的新成員，感恩感恩天天要做哥哥了也辛苦了媽媽。」
最後天華更寫上「I love u」送俾老婆，真係好sweet呀！好多網民見到都即刻留言恭喜佢哋，更有人見到超聲波張相，就話估計今胎都係囝囝。
(蘋果日報)
佢話：「一直都冇動靜，好似自己唔得咁，樂趣都冇晒，o依家冇事啦。」佢仲話自從知道之後，都忍得好辛苦：「當日林奕匡嘅婚禮已經知道，好感激身邊同事，因為大家都知道，但係都尊重件事就冇問到。朋友上到屋企見好多孕婦食嘅產品都估到，但大家都冇講。」
陳柏宇（Jason）今日中午到商台為《口水多過浪花》擔任客席主持，頂替放假嘅余迪偉一個星期。節目一開咪，主持鄭裕玲話今次嘅主持係「boy」，但嚟緊會係「girl」，因為Jason喺Instagram宣佈同太太符曉薇（Leanne）一索得女。
Jason接受訪問時話會幫囡囡成立基金，因為好多人想做囡囡契爺、契媽，所以上契利是都會放入呢個名為「陳柏宇囡囡基金」。佢話自從知道太太有咗之後，都忍得好辛苦：「當日林奕匡嘅婚禮已經知道，好感激身邊同事，因為大家都知道，但係都尊重件事就冇問到。朋友上到屋企見好多孕婦食嘅產品都估到，但大家都冇講。」
講到由舊年6月試，到1月有小朋友，過去呢大半年太太都覺自己有變化，所以不停驗孕，所以買到成屋都係驗孕棒。回想過去6個月都冇聲氣有BB，令到自己心情都好緊張，佢話：「一直都冇動靜，好似自己唔得咁，樂趣都冇晒，o依家冇事啦。」
Jason話自己係好多嘢諗嘅人，會好擔心同諗好多唔好事情發生，佢話：「有時會諗，身體唔健全又有咩緊要呢。每一個人出世都有分別，最緊要係教佢出世接受呢件事，每人價值觀都唔同。噚晚仲發夢自己抱BB，仲係手上嘔奶，自己係好緊張但唔會畀太太知。」
講到Leanne初初懷孕時似有出血跡象，Jason都要佢即刻睇醫生，佢話原來有4成至5成孕婦有呢啲情況出現，食安胎藥就冇事，太太現在選擇性做家務。Jason透露太太預產期喺10月:「搵咗陪月，老婆想開刀，但自己屋企人想順產，收集意見中，如果順產我會入產房。」
(蘋果日報)
薛家燕最近幫囝囝石耀庭辦婚宴，之前講明想到時七公主聚首一堂， 搵咗馮素波、沈芝華及馮寶寶等，未必上台唱歌，不過可以集合「七公主」影張相已經夠哄動，今早未來新抱仔Zoe就喺IG貼出過大禮嘅相，留言”I think all those golden piggies are hinting something”，過咗大禮，家燕姐就要忙住派帖。
今日有周刊指家燕姐真係滿分嘅奶奶，早前送市值2千萬嘅西半山豪宅俾阿仔作新居，家燕姐喺報道中講阿仔想婚後住近啲，所以揀咗住同一個屋苑，而且家燕姐亦好錫Zoe，日前一齊去睇金器，據報道稱家燕姐買咗兩對龍鳳鐲價值40萬元，報道又指，家燕姐一早喺洲際酒店同六公館訂咗酒席，喺6月搞兩場婚宴，喺洲際更擺53圍，招呼家燕姐啲朋友，而六公館場婚宴就係招待一對新人嘅親友，成個婚禮約花費4千萬元，過大禮啲金器加海味約價百萬。
(蘋果日報)
現年34歲的苟芸慧（苟姑娘）與44歲的賽車手陸漢洋（William）拍拖約兩年，一直視對方為結婚對象，男方還將媽媽的家傳之寶鑽戒送給女友作定情信物，今年情人節前夕，苟姑娘在社交網公布婚訊，還大晒約三卡、價值約170萬港元的求婚鑽戒。錫苟姑娘錫到燶的William早前表示已想好結婚地點，務求給女友最甜蜜及浪漫的婚禮，難怪他不惜大灑金錢，打造千萬婚禮。
7月法國影婚照
最近二人除忙於籌備婚禮細節，William更一擲千金為愛巢重新裝修及添置傢俬，雖然早前苟姑娘趁前往米蘭出席時裝騷時，已乘機揀選婚紗及晚裝，但William為讓女友有個難忘回憶，已重新計劃拍攝婚紗照的地點，據悉他打算於7月前往法國參加賽車時，於當地與女友拍婚照及順道慶祝苟姑娘35歲生日。
二人於昨午（9日）2時許拍拖出動，由司機接載下離開位於貝沙灣的同居愛巢，直駛往上水雙魚河馬會鄉村會所，視察婚禮場地，兩人於停車場下車後即與經理人會合，以全黑開衩裙上陣，戴上黑超及黑色鴨嘴帽的苟姑娘，全程與未婚夫傾到甜笑。
其後步往園林景致的戶外場地，只見William手指指與苟姑娘研究，看來是商量如何為場地布置得更有浪漫氣氛，未幾進入室內視察，滿心歡喜的苟姑娘急急腳行時，還大晒白滑美腿。兩人逗留至傍晚六時許才離開，司機及後於中環放下William後，苟姑娘再於金鐘一商場外下車，見她前往該處的店舖行了一圈便返歸。
位於上水古洞的雙魚河鄉村會所，乃賽馬會屬下，於1930年建成，佔地逾五十畝，附近為香港高爾夫球會，環境幽美，充滿寧靜雅緻的鄉郊氣息。
會所內的草地槌球場，成為近年不少港人熱門舉行婚禮及酒會之地，可容納三百人。如舉行100人的西式雞尾酒會，未計加一，費用至少八萬元，至於如舉行100人的西式午宴或晚宴婚宴，未計加一，費用十萬元以上。2015年女星胡杏兒和丈夫李乘德選擇在上址舉行婚禮，而李家鼎兒子李泳漢同年也在此拍攝充滿唯美及浪漫的婚照。
(on.cc東網)
跟足中國傳統，穿上中式裙褂在酒店等老公接新娘，並向雙方家長跪地敬茶，而長輩就送上多對足金龍鳳鐲及金豬鏈，貴氣非常。仲多謝好友做姊妹，陪她出嫁又為她任嘉賓獻唱。問到何時生bb，佢就話：「不過我唔係生仔機器囉」。。。
前港姐冠軍曹敏莉胞妹歌手曹敏寶（Abo）在社交網公布喜訊，於本月8號榮升林太下嫁任職科學家的林潤生。而結婚當日，Abo跟足中國傳統，穿上中式裙褂在酒店等老公接新娘，並向雙方家長跪地敬茶，而長輩就送上多對足金龍鳳鐲及金豬鏈，貴氣非常。
之後跟老公林潤生返元朗山貝村，再坐大紅花轎到林氏家𧙈仁興堂祭祖，老公踢轎門後更孭住老婆入𧙈堂拜祖先，之後在山貝村擺20圍酒席請親人飲喜宴，之後再到酒店，穿上婚紗舉行結婚簽約儀式，晚上筵開26席喜宴，足足忙了一整天。
Abo接受東網訪問時，表示整個婚宴有多個令她感動落淚的場面，她說：「坐花轎好難忘，最感動係老公係好少說話嘅人，但佢都用咗啲歌詞向我表達愛的宣言，真係感動到喊，而另一次喊係喺簽字時，我父母就最開心，喺婚宴上公開多謝我老爺、奶奶，等佢哋有位咁出色嘅女婿。（返祠堂祭祖？）係呀，因為我老公係元朗原居民，同埋佢係林家長子。」Abo又多謝做姊妹的好友周美欣，陪她出嫁又為她任嘉賓獻唱。
問到何時生bb，她就話雖然兩人都好鍾意小朋友，但生bb要順其自然，她又說：「男家嗰面想我生足一隊足球隊，不過我唔係生仔機器囉。」稍後她將會和老公到馬來西亞度蜜月，及6月時再到美國再擺一次喜宴跟美國親朋食飯。
(on.cc東網)
