邵珮詩喺2014年當選港姐冠軍後，演出機會唔多，但去年台慶夜，佢以一襲Deep V晚裝晒34D八字胸搶盡風頭，令人印象深刻。男友都幾高大，兩人外型頗相襯。（讀者提供圖片）讀者話沿途都好少人認得邵珮詩，冇乜人望佢哋。（讀者提供圖片）

邵珮詩同男友都好避忌，全程冇拖手。（讀者提供圖片）

上月底，讀者陳先生透過《蘋果》爆相爆片，表示喺觀塘APM遇見邵珮詩同男朋友一齊行街。當中下午約五點，邵珮詩一身Pink Lady打扮，穿上粉紅色外套、粉紅色鞋，仲有粉紅色太陽眼鏡，反晒光好鬼sharp，但沿途冇乜人認得佢。陳先生話﹕「唔見有人望佢哋，我咁啱經過見佢同個男仔入咗Levis睇女裝衫，但冇買嘢，之後就去咗睇影碟。」

邵珮詩身材出眾，間中都會喺網上晒泳裝照。(ig圖片)

邵珮詩向來甚少提感情事，但與圈外男友都唔係第一次被人影到，每次拍拖都表現避忌，陳先生話邵珮詩警覺性都好高，不時會四處張望，佢話﹕「聽見佢哋話想買碟返去睇，但揀咗一輪又係冇收穫。之後坐電梯，邵珮詩挨咗一陣落個男仔度，但好快縮開。」邵珮詩當選港姐後被揭係維他奶後人，指其太公邵蔚明係維他奶創辦人之一;但邵珮詩之後澄清，佢爺爺退休後已經冇再做。而邵珮詩首次拍攝嘅劇集《潮流教主》因雞仔聲未獲好評。之後佢喺處境劇《愛．回家之開心速遞》扮演傻大姐侯蔡欣，至今年1月播出第232集就係佢嘅「告別作」，邵珮詩一度喺網上喊晒話自己一直好盡力去演。

邵珮詩暫別《愛．回家》，喺網上直播時不禁落淚。(網絡截圖)

(蘋果日報)

徐小明今日以香港電視專業人員協會會長身份，喺尖沙嘴出席「電視世界2018」記者會，同場仲有亞洲電視數碼媒體有限公司行政總裁吳雨。徐小明指亞洲電視係協會嘅顧問委員，但之前因爲被取消廣播牌、被清盤，如今吳雨領軍再嚟，所以協會向吳雨送上心意卡，希望對方帶領亞視重新啟航、一帆風順。

對於亞視早前有意重拍《英雄本色》電視版 )，吳雨透露始終由電影變為劇集，內容要強化，篇幅肯定唔同，所以劇本要做得好好：「演員方面，國內演員好貴，吓吓都要過億，但有好嘅演員係奠定咗成功一半，亦要有好嘅導演同監製。」

徐小明代表協會送上心意卡俾吳雨！徐小明話負責李菁嘅殮葬費係小小心意。

既然預計需要咁高資金，倒不如搵番周潤發拍？吳雨笑住話：「唔知㗎，任何嘢都可以發生，錢解決到唔係乜嘢，最重要係演員檔期，正如我同陳偉霆咁熟，以前問佢乜都拍，0依家都要等等，因為佢有太多劇本，怕揀錯，咁又難怪佢嘅，又或者用晒新人博一鋪；亞視未來方向係一年拍一套大劇，其他就細劇。」講到邵音音早前指徐小明、林青霞及「仙姐」白雪仙負責有「娃娃影后」之稱嘅前邵氏當紅女星李菁所有殮葬費(新聞，徐小明稱：「呢啲係我些微心意，當年我做武師已經識李菁姨，但一路冇往來，冇私交。」至於是否已辦妥認屍手續？徐小明稱需要直屬親人才可以辦理，亦未知李菁喪禮幾時舉行。

(蘋果日報)