周杰倫（Jay）與昆凌聖誕節就在日本表參道拍拖貼文放閃，今個除夕，夫妻就携同一對子女在澳洲迎接2018年，昆凌上載當地煙花慶祝片段
影像片段
http://t.cn/RHN6nCA?m=4191155891358954&u=1861057780
Jay則貼上妻兒看煙花的背影照，留言：「Happy new year 2018！哈哈！比大家快跨年」。三田子悉尼坐住郵艇睇煙花嘅背影相，見昆凌一手抱仔仔，另一手就抱住囡囡，非常溫馨。
周杰倫捕捉咗老婆攬住一對仔女嘅背影。
周杰倫番昆凌娘家過新年。
(東方日報/周杰倫微博/昆凌微博)
42歲的「萬人迷」碧咸（David Beckham）出名為廿四孝老竇，對孻女夏柏舒芬（Harper Seven）更加錫到燶，而Victoria近日就於社交網Instagram上載一段老公抱住愛女揸哥爾夫球車的黑白影片，與粉絲開心Share兩父女的溫馨時刻，雖然夏柏於片中密密冧笑，Victoria又留言指囡囡好愛爸爸，大晒溫情，不過人仔細細，只有6歲的夏柏被拍到手揸軚盤，左扭右扭，有份「揸車」，即時惹來網民熱論！
不少人留言鬧爆碧咸兩公婆的做法唔對路，有人留言：「非常不負責任！」另有人就表示：「真係夏柏揸車？望落車速好快！」不過都有人力撐碧咸，自言小時都有試過與爸爸同樣做，又指碧咸主力控制油門，應該無問題。其實碧咸兩公婆不時被質疑湊仔女的做法，近年分別曾因畀愛女食奶嘴、畀囝囝告斯（Cruz）出道以及與仔女咀對咀錫錫而被網民批評。
二人近日帶4個仔女到佛羅里達州度假過節，碧咸另有上載與三個囝囝戲水的照片。
(on.cc東網)
葉翠翠去年四月為老公周曉東誕下小王子周津羲，兩公婆，葉翠翠除做KOL外，全副心機照顧囝囝
據知有意生多一個的她，今年十月再造人成功，今次佗B血壓低，她冇胃口兼要瞓足兩個月床，幸好向來注重保養，不單未有影響磅數，十週B已經比標準size大，跟小王子一樣健康有分量。
上週四（十二月二十八日）下午，葉翠翠孖老公同小王子到星街high tea，著住大褸的她，雖然身形未有明顯變化，但面部略為浮腫，行路姿勢充滿孕味。原來，佗B初期，她因血壓低經常頭暈要在家休息，就算身體狀況回復正常，她依然小心謹慎，落車後行去餐廳的一段路，幾乎全程拖實老公。
入到餐廳，葉翠翠放鬆晒，跟老公邊食邊講，其間又餵小王子飲水，九個月大的小王子雖然有得睇冇得食，但依然開心玩紙巾。
「翠翠佗第一胎時，都係過咗三個月先通知屋企人，今次都係一樣。佢佗B初期，血壓低要瞓床，就連食飯都試過喺床度食，兩個月冇出過街，除咗因為應承朋友做剪綵嘉賓，十一月中稍為扮靚出過去，一直都喺屋企。」知情者說。
求證葉翠翠佗B，現在行動自如，可以外出的她開心承認：「我哋未知係仔定女，老公希望第二胎係仔，我就鍾意女，所以生女生仔都一樣開心。」
翠翠微博圖
(蘋果日報)
太陽娛樂老闆周焯華（洗米華）聖誕節前同老婆陳慧玲（Heidi）、仔女、屋企人去咗新西蘭旅行，但聽講除夕同元旦就陪Mandy Lieu去馬爾代夫享受陽光與海灘。
度假後一家返香港唔見洗米華，嚟到2017最後一日，洗米嫂喺Facebook同微信朋友圈都貼咗一張大時鐘嘅相，留言：「2017即將過去，所有不愉快的種種事情亦隨之過去，迎接更美好的新一年！祝愛我和我愛的人永遠健康、幸福、快樂！Happy New Year! Love you all~」
日前洗米嫂又喺Facebook貼咗一篇叫《心態》嘅文章出嚟，文章多少反應咗佢o依家嘅心態，文中寫：「人，其實不需要太多的東西，只要健康的活着，真誠的愛着，也不失為一種富有。心小了，小事就大了；心大了，大事都小了；看淡世間滄桑，內心安然無恙。對生命而言，接納才是最好的溫柔，不論是接納一個人的出現，還是接納一個人的從此不見。」
「是你的，就是你的。我們努力了，珍惜了，問心無愧。其他的，交給命運。撐不住的時候，可以對自己說聲：我好累，但永遠不要在心裏承認說：我不行。人生在世，短暫不過百年。留得住就留，留不住就放手，何必為難了別人，勉強了自己。」睇嚟洗米嫂對婚姻已經睇得好化，或者到有一日覺得要放手時，佢會放手。
(蘋果日報)
無綫藝員田蕊妮在尖沙咀文化中心為《2018香港除夕倒數》唱歌表演。田蕊妮自爆當年16歲參加完歌唱比賽，在除夕夜代表亞視出席大型倒數活動，但一出場卻被現場五萬觀眾勁噓，她說：「當年現場有成五萬幾觀眾。
因為其他歌手太勁，好似四大天王，自己一出場就比人噓，當年得16歲真係好震、好驚，自己都覺得好堅強冇喊到，唱完之後都聽到有啲觀眾畀掌聲。其實都廿幾年前嘅事，冇因為呢件事有陰影，今次係當年之後參加最大型嘅倒數表演，心情反而唔緊張，感覺好興奮。」
新年願望使晒啲錢？
田蕊妮還帶了家人一起睇煙花，老公杜汶澤則在家與友人慶祝，講到新年願望
她笑說：「希望喺2018年將我儲咗四十年嘅錢使晒佢，但係未諗到做咩，講吓笑啫，最緊要係身體健康。」
(東方日報)
除夕倒數，好似係俾情侶嘅節日嚟。
馬國明同黃心穎噚晚喺馬鞍山出席商場嘅迎新年活動，呢次係佢哋第一次情侶檔出騷，馬明話好pay啲啲。心穎噚日喺《勁歌》總選扮韓團唱歌，咁今日呢？佢話唔會同馬明合唱，幾時有機會？黃心穎話：「有機會再合唱都可以，不過要收貴啲。下年啦。」
講到明下年有機會合唱，即係對呢段關係好有信心啦？黃心穎先係話做拍檔搵錢，但馬明就接力：「下年一定得，因為喺《宮心計》係一對。」佢哋話係仲了解中，睇咗咁多次戲仲係了解中，馬明話睇戲時冇了解冇拖手。之前有報道話兩人分咗手但要扮冇事，馬明話要問番番寫個個，不過由兩人傳緋聞開始，已經係了解中，馬明究竟有冇問過心穎俾你俾了解㗎？呢個時候馬明就尷尬：「我冇開過喎。」
心穎就馬明仲差少少，差咩呢？心穎就解釋：「欠缺啱嘅Timing。」以為咁答好危呢？又唔係喎，心穎其實有派定心丸嘅，佢話之後要開劇，中間又有啲job，不過有時間係可以夾去旅行，佢又話唔覺有追求者：「自從有佢（馬明）新聞之後都冇，都想知邊個咁有膽！」之後心穎喺台上唱《至少還有你》，不過入錯歌兩次，第二次都唱唔到嘅時候，心穎尷尬同觀眾講sorry，主持余宜發即出場幫手打圓場，喺心穎重唱期間，馬明喺台邊精神上好sweet咁支持，到第三次重唱終於無事，仲唱得唔錯添
(蘋果日報)
女星鍾嘉欣從加拿大飛返香港，到大埔出席倒數活動，吸引大批粉絲逼爆商場，嘉欣獻唱多首歌曲答謝粉絲支持。問到新一年的願望，她說：「年紀大咗就想簡單，希望新一年放低負面、唔開心、失望感都一一丟咗佢，2018要有正面能量。」
講到與老公及囡囡Kelly分開迎接新年，鍾嘉欣表示：「係第一年冇同囡囡過新年，老公係最失望，因為佢放假一個星期陪我哋，會同佢補祝番。（囡囡改咗中文名？）係呀，叫梁愛晨，有三個含義，好多人都封女仔做女神，佢係一位愛神，係愛嘅戰士，同埋係愛晨，即係愛日頭，做一個有朝氣嘅女仔，再食多次字，係愛神（Love God）嘅意思。」
嘉欣又指老公不懂廣東話，因此被委以重任，而自己則有向好友黎諾懿請教，笑封他是「黎師傅」，要多謝對方幫大忙。講到早前與囡囡Kelly母女檔到主題樂園拍特輯，問囡囡會否拍上癮？嘉欣笑言：「佢太細唔識，係一個好開心嘅回憶。（做童星？）唔會，佢未知自己要乜，最緊要有個快樂童年。」
有指嘉欣已約滿TVB，即將離巢自組工作室，她否認說：「依家仲傾緊，仲未有方向，都係傳言，同TVB關係好好，當然想繼續合作，但依家以家庭行先，做咗媽媽有少少懶，所以未好積極咁搵方向，希望快啲決定好話畀大家知。」
(on.cc東網)
38歲嘅林峯，同吳千語情變已經傳咗一段時間，一時傳女方另覓富商男友，一時就傳林峯之前因為工作太忙而忽略女友，搞到千語BB嗌分手，阿峯即刻作出補救，抽啲時間陪下女友，但係始終聚少離多，再加上千語BB嘅工作發展幾好，受到大陸劇組嘅重視，激發咗佢嘅事業心，希望做好啲證明自己。
及後林峯現身接受傳媒訪問時，講到比佢細14年嘅千語BB五年情變，亦一反常態咁冷淡。問到係咪感情轉淡？林峯話：「我哋間中都有聯絡。」會唔會好可惜呀？林峯自動tag咗去講工作。
昨晚吳千語到屯門出席活動（佢聽日會返橫店繼續拍劇），被問及情變傳聞，以及林峯回應時態度冷淡，千語話：「其實好似佢咁講咁樣，間唔中都有聯絡。其實圍繞我哋嘅新聞唔係結婚就係生仔，今次傳我哋分手，總之就唔講太多喇。」
咁你哋依家關係係點？吳千語依然不肯正面回應，只係話：「依家工作對我嚟講好緊要，真係冇乜時間，總之工作為主。」那情侶關係是否沒變？吳千語唔知點解，去到呢個moment仍然要帶大家遊花園，就好似天下間所有疑似情變嘅藝人一樣答：「請俾啲空間我哋。我哋工作上各有各忙，2018年都會放多啲時間喺工作上。」
好，轉個問題：若果依家話林峯係你男朋友，啱唔啱？吳千語冇正面答。
咁，你依家有冇人追呀？「冇喎！」富商呢？「我就唔知喇，但我身邊就冇出現乜嘢富商。」又話2017年都係返過嚟香港幾次，每次只停留一兩日。佢又話今次返港都有同林峯講，但林峯就唔喺香港。林峯之前受訪時話知道吳千語行蹤，但今次呢，千語聲稱有搵林峯，但問佢林峯喺邊？佢只係答到「唔喺香港」，咁即係在哪兒呢？千語表示不知道。咁……查實係咪真係有聯絡0架？千語堅稱有：「我哋有短訊聯絡。」
(蘋果日報)
影星吳君如到旺角某戲院為自導自演電演《妖鈴鈴》進行謝票，她表示過去連續兩星期遊走大陸十幾個城市，走遍百幾間戲院，今日是香港最後一站，因舟車勞頓，君如直言略感不適：「要開始休息，少少唔舒服，呢排都唔知自己瞓邊。（你咁忙，阿女有冇詐型？）我同佢講今日係今年最後一日做嘢，佢反白眼，話今日咪今年最後一日囉！佢轉數好快，佢阿媽就愈來愈慢。」
君如直言大陸票房理想，已收逾二億，但香港票房則麻麻，但認為屬正常：「院線少咗啲，對手好多大片，盡做啦！（下次唔放大檔期？）本身想鬼節上，但趕唔切，可能大家慣咗聖誕睇西片，農曆年睇港片，呢啲計埋緣分彩數。（有冇失望？）冇，好開心，大陸票房好，我呢個小學雞導演都OK合格，係嘗試。（諗定拍第二套？）休息吓先，靈感到會顯靈，咁都要睇市場受唔受。」
(ON.CC)
雞蛋含有蛋白質、脂肪、卵黃素、卵磷脂、維生素A、維生素B群等營養素。蛋黃仲係蛋中嘅精華，各種營養成分都比蛋白高出許多。雞蛋幾乎含有人體所需要嘅全部營養物質，故經常被稱為「理想嘅營養庫」。但雖然吃得蛋多可以為身體補養，但係如果你係以下幾種情況嘅話，就唔太適合食雞蛋嘅蛋黃。
發燒時
特別係小朋友就要更加注意，因為人在發燒嘅時候，消化腺分泌會降低，各種消化酶嘅活力就會變弱，呢個時候如果食高蛋白嘅食物後會導致腹脹和腹瀉。
雞蛋過敏患者
過敏患者食了雞蛋後嘅癥狀有腹痛腹瀉，全身起疹同出現小紅點
