范冰冰同李晨呢對係數一數二嘅女尊男卑模範情侶，最近仲有報道話李晨會喺2018年下半年迎娶范冰冰！
內地真人騷《偶像練習生》尋晚終於去到最後一集，選出九人男團NINE PERCENT嘅出道成員，而當中內地女星范冰冰細佬范丞丞，眾望所歸以超過1,500萬票登上第三名，成功出道！冰冰知道呢個咁好嘅消息，即時喺微博祝細佬出道快樂，仲話佢露出「姐姐般的微笑」，她說：「福西西（范丞丞別名）！出道快樂！未來可期！謝謝幾位辛苦的老師們！當然更要感謝那麼多的全民製作人們！說真的，我的確露出了姐姐般的微笑！謝謝大家！」
而身為未來姐夫嘅李晨，喺微博大爆冰冰知道丞丞能夠出道拎住個電話開心到喊，佢仲偷影低呢個重要時刻，之不過被人「滅口」：「他姐抱著（着）手機看哭了，我偷拍的照片生生被刪了……夢想在路上，一段旅程結束預示著（着）新的開始，加油吧福西西！」
(on.cc)
雷莊𠒇（Juliette）由參選至奪得港姐冠軍，一直以來飽受網民抨擊，但自信心爆棚的她EQ極高，貫徹我行我素作風之餘，還不時與網民互動，又頻頻上載與加拿大牙醫男友的親密照晒恩愛。近日其牙醫男友更由加拿大來港探望，二人連日來黐到實拍拖出巡。
2017年香港小姐冠軍雷莊𠒇
日前傍晚約六時，一身運動裝打扮嘅Juliette同男友，手拖手邊行邊傾返回女方位於北角的香閨。兩人逗留約兩小時才雙雙步出，男友步出時一臉疲倦，Juliette見狀，即嬌嗲地主動翹着男友手臂。二人及後等過馬路時，身為港姐嘅Juliette懶理形象，再次出招攬着男友，兩人貼身攬到實，表現黐纏。
連食兩餐補充體力
Juliette及後與男友乘電車往跑馬地的體育館與外籍友人打排球，打波後兩人再乘電車返北角搵食。等車時Juliette似乎與男友有拗撬，見她一臉不滿怒睥男友，不過男友隨即氹掂伊人，未幾雙雙糖黐豆上車往北角醫肚。Juliette仲連食兩餐，見二人往粥店食完一輪後由女方付款埋單，轉頭又到麵店再食過。
食飽飽的Juliette步出時明顯肚凸凸，好似有咗幾個月咁，定真係有咗先要食咁多餐？
連食兩餐，個肚有疑點
事隔一天，Juliette於傍晚六時許，又與男友離開其香閨，而且明顯悉心打扮過，與拖着行李的男友步行回男友的酒店。見兩人過馬路時爭取時間調情，不時頭貼頭密斟之餘，更出手互撩，Juliette還被男友冧到甜甜笑。
（on.cc）
楊洛婷升呢人母後更散女人味，佢日前獨自攜女返加國探親，順便為媽咪補祝生日，今日佢喺Instagram貼出「四代同堂」照片，當中除咗佢帶住6個女大囡囡，仲有媽咪同嫲嫲，稱得上「四代金花」，年長嫲嫲89歲，小曾孫6個月大，楊洛婷今日接受《蘋果》電話訪問時話：「多謝呀，咁啱媽咪生日，我返加拿大同佢補祝生日，佢哋見到我囡囡好開心。」楊洛婷話加國生活優閒，空氣好，每次探訪完返港，皮膚會變差。
楊洛婷此行除探親仲去古巴玩，佢話：「我先返加拿大，放低囡囡畀媽咪湊，我同朋友去咗邁亞美同古巴玩。」產後火速修身嘅楊洛婷仲喪穿泳裝享受陽光與海灘，不用湊女，即變身「辣媽」：「我唔抗拒着泳衣。」
已有一女嘅楊洛婷有意再生小朋友：「最初想生完回復狀況，立即再生，但生完時我手指腳板關節痛，唧牙膏都唔得，睇中醫話入風，身體賀爾蒙失調，要針灸同食中藥調理，O依家已好番。」睇嚟楊洛婷隨時會再爆喜訊。
(蘋果日報)
感情事，一向都係「剪不斷，理還亂」，就好似言承旭同林志玲咁，佢哋嘅關係一直都好撲朔迷離，去年11月就爆出佢哋世紀復合，跟住又傳出佢哋會喺峇里秘婚，但係疑團就喺林志玲日前到杜拜出席活動時解開咗，佢當時用咗四「沒」回應傳媒：「沒有懷孕、沒有結婚、沒去峇里島、沒有戀情」，即係話宣佈單身，踢咗言承旭出局。
而一直低調嘅言承旭，噚日就喺大陸跳水運動員秦凱嘅微博出現，見到言承旭同秦凱好親密咁搭晒膊頭影相，秦凱留言話：「姿姐(佢老婆何姿)的男神和姿姐的男人❗」
兩位當事人都現過身，咁今日就有台灣傳媒報道話有林志玲嘅好友代佢出頭，講番點解佢要咁決絕同言承旭劃清界綫喎！據報道所講，林志玲嘅好友就話自從言承旭同林志玲喺馬來西亞私會後，二人秘密復合本來係一件好事，但係男方就好似以前咁，成日玩失蹤，令到林志玲嘅心靈又再一次受傷。
好友仲透露話，林志玲原本都相信言承旭係有苦衷，偏偏喺呢個時候就爆出閃婚、懷孕等傳言，但係男方就一直未有作出回應，只係得林志玲承受壓力，獨自面對媒體，言承旭則依然故我，就係咁令到林志玲陷入進退兩難嘅不堪局面。除咗言承旭玩失蹤外，今年2月，林志玲因病要停工養病，佢好友就話其實林志玲病得咁嚴重，除咗係因為感冒，其實好大原因係因為「感情」壓力，所以林志玲同言承旭感情糾纏16年，都唔能夠開花結果，仲要喺復合後唔夠4個月，關係又再急轉直下，完全係有跡可循。
(蘋果日報)
大陸女星趙薇與富商老公黃有龍豪在其Chateau Monlot葡萄酒酒莊舉行晚宴招待朋友，當中還帶同女兒小四月，趙薇在社交網上載了一張丈夫黃有龍與女兒小四月的背影照，透露一家三口正在外國度假，而另一張相則見到趙薇拖住小四月，與賓客劉詩昆及女友孫穎，還有兩名小女孩合照，據知，這兩名小女孩是大陸童星周漾玥，另一個是王紫驕。照片所見，小四月遺傳了媽媽眼大大、鼻高高的美人胚子，母女好似餅印一樣。
據知，兩位童星周漾玥和王紫驕都是鋼琴大師劉詩昆的弟子，這次不是特意參加趙薇的晚宴，而是與劉詩昆及孫穎一起，先從香港飛到杜拜進行文化交流，然後再由趙薇的私人飛機接送到法國波爾多出席晚宴，全程由趙薇親自接待。
(on.cc東網)
去年10月第二度離婚後，11月就被爆戀上年輕24載的女演員飯村貴子，二人更曾上電視節目大晒恩愛，又常晒咀嘴照，被嘲諷肉麻。
石田一成昨午出席活動，親口公佈婚訊跟19歲嫩妻飯村貴子下周一（9日）註冊，大晒婚戒同時，更一臉幸福透露飯村貴子現已懷孕3至4個月，原來真的是奉子成婚！
（網上圖片）
其實石田早已當爸，跟第一任太太育有一子，今次再當爸依然興奮。
恭喜雙喜臨門呀！
(singtao)
原定今、明兩天在與隊友出席粉絲簽名會及直播，但所屬的事務所今早發聲明指他因健康問題不會出席這兩天的活動，又指藝人需要時間休養，會以其健康為優先，對於他突然缺席活動，希望粉絲們諒解。事務所又指如有追加行程的變動，稍後會再作通知。
韓國男團GOT7的香港成員Jackson（王嘉爾）Jackson以導師身份演出的內地選秀節目《偶像練習生》於昨日播出最後一集，Jackson因身體抱恙缺席，據悉他綵排節目時已持續發高燒，直播前在後台暈倒，最終由救護車送院，網上更瘋傳他暈倒被抬走的照片及短片，令粉絲十分擔心，有指他因嚴重貧血，加上缺鉀缺鈉及長期低燒，體力嚴重透支而暈倒，昨晚要留院觀察。
Jackson年初少有回港給父親驚喜慶生，大唱生日歌，除生日蛋糕和開香檳外，還為父親戴上名錶作為生日禮物，爆紅都不忘父母恩，非常孝順！
事後Jackson內地工作室在微博發文說：「因勞累過度而體力不支，目前本人已在醫院接受了治療和全面檢查，現在已經休息，請大家安心。」
早前相隔十年再回港過新年，終於可以同父母食團年飯！
獲香港旅遊發展局委任為「香港旅遊推廣官」
(on.cc)
《愛‧回家之開心速遞》收視節節上升，還有不少新角色陸續加入，最近有新成員楊秀惠！
最近為5月的紅館演唱會而四出宣傳，繼早前以客席主持身分現身無綫《東張西望》，日前古巨基更亂入《愛‧回家之開心速遞》，難道古巨基這次是回巢拍劇，客串演出《 開心速遞》？
單立文今日在Instagram分享他跟呂慧儀、劉丹等劇中演員跟古巨基在廠內的大合照，並留言︰「古巨基亂入愛回家！搞邊科呀？#愛回家之開心速遞 #其實亂入真係冇罪嘅 #人不selfie枉少年」
消息一發佈，網民都話「正呀！」
(mingpao)
仲有忠實fans搵番黎姿2005年拍《妙手仁心III》嘅劇照，有一幕係講黎姿做瑜伽。。。
47歲「經典愛美神」黎姿早前為爸爸黎柱開山水畫展，之後佢暫且放低美容生意，參加一個排毒之旅，去咗外地relax下，之前已喺微博晒過靚玉背相，睇到fans嘩嘩聲，又提啲fans，早餐要食得有營養，先可以開啟身體機能，整天充滿活力。
黎姿剛才喺微博貼出做瑜伽，由導師指導下，做出雙手按地、抬右腳向上嘅動作，留言：「運動、流汗，是最好的減壓治療法！」
唔少網民都好佩服黎姿嘅柔韌度，更讚佢有恆心去keep身型，網民回覆「保持身材真的很辛苦」、「簡直羡慕啊!動作太標準、太優美」，仲有忠實嘅fans搵番黎姿2005年拍《妙手仁心III》嘅劇照，有一幕係講黎姿做瑜伽。
睇番13年前嘅黎姿，無論o依家嘅長髮look定係以前嘅激短髮造型都俾人感覺好pure好靚，冇乜點變過。
(蘋果日報)
今日傳出與年幼8歲的意大利裔丈夫離婚，結束約4年的婚姻，叫不少粉絲大為驚訝。
現年35歲的日本歌姬宇多田光與攝影師兼電影導演紀里谷和明結束4年半婚姻後，2014年跟在倫敦一所高級酒店內任職酒保的Francesco Calliano閃電再婚，並在男方家鄉意大利舉行婚禮，翌年誕下囝囝榮升首任媽咪。據兩夫婦的相熟人士透露，指他們已在數月前分手。
宇多田光在2011年起無限期暫停活動，婚後與第二任丈夫定居倫敦，前年正式復工，為NHK晨早劇創作主題曲，又推出相隔8年的大碟，取得驕人成績，惟同年傳出她難頂另一半婚後辭去酒保工作後無所事事，復出是為離婚舖路。
（on.cc）
