剛成為人夫的藝人林子善出席無綫新劇《棟仁的時光》宣傳，透露擺酒當晚沒有半分醉，皆因要為酒席結帳，問到是否因兄弟團馬國明幫手頂酒所致？子善笑謂：「佢頂我就ok！邊有啫！飲兩杯都係茶，睇新聞聽佢講到自己好勁，但做兄弟點會唔知，平時叫佢食煙，佢就答我食咗三包，佢都唔食嘅，吹水！」
唔知鄭嘉穎同某導演爭執
對於有指當晚鄭嘉穎與某導演發生爭執，子善表示聽不到，更謂：「因為林盛斌把聲已經蓋過晒啲人把聲，嗰晚全部朋友喺度，大家好高興。我忙於同賓客影相，影到完場都未完，所以唔清楚件事。（嘉穎飲大咗？）佢識節制，可能大聲兩句會令人有誤會。（嘉穎個樣好嬲！）識佢咁耐，佢個樣講緊笑都唔會笑，未必係嘅，我都冇問番佢。」
(on.cc東網)
之前掛住生B的吳若希，見新一姐來勢洶洶，亦驚青同公司拍晒心口表示年中會由澳門搬返香港住，更押後生第二胎！
入行25年，已經貴為TVB雙料視后的田蕊妮，踏入40歲，決定重返樂壇做歌手再出碟，無綫首席花旦升呢做埋星夢娛樂一姐，阿田更獲公司全面力撐，特許她今年停劇瞓身錄碟，更落重本力谷她殺入樂壇。
06年由亞視殺入TVB ，田蕊妮在13年憑《巨輪》奪台慶頒獎禮雙料視后，演技被肯定，但其實阿田一直有另一心願，是希望得到觀眾認同她一樣唱得。
田蕊妮93年參加亞洲電視舉辦的「未來偶像爭霸戰」，憑演唱關淑怡〈一首獨唱的歌〉摘下金獎。
早於93年田蕊妮已對唱歌充滿理想，參加當年亞洲電視舉辦的「未來偶像爭霸戰」奪得金獎，可惜當時亞視未有唱片部門，令阿田冇機會出碟，反而轉去拍劇，95年拍第一個劇《縱橫四海》演技受讚，從此劇集一部接一部，觀眾似乎亦忘記了她當年是歌手出身。
據知情者透露：「阿田呢幾年喺無綫發展真係好順利，但佢對當年未有出碟一直耿耿於懷，佢一路都好想再出碟做歌手，雖然14年得Paco(黃柏高)賞識佢，簽咗太陽城娛樂出過一張唱片，但嗰時佢喺無綫上緊位，劇接劇冇停過，根本冇時間宣傳爭取更好成績！佢覺得嘥咗機會，覺得好可惜！」
田蕊妮加入星夢做一姐，曾經是公司頭寵的吳若希，之前因為掛住結婚生女，老闆何哲圖又錫佢，畀佢生完BB放足半年產假，但咁啱嗰時新人菊梓喬彈出，公司自然全力力谷，吳若希見菊梓喬上位，自己嘅地位受動搖，自己再唔努力聽執包袱：「佢知道公司簽咗阿田嚟緊仲會出碟，已經好緊張，驚公司唔睇佢，即刻答應老闆話遲啲會搬番香港住，會放番重心喺香港發展，仲會延後生B，咁話晒阿田係無綫一姐，佢明知公司今年會將資源擺重阿田度，都同公司講話想去拍劇，諗住多一條出路囉！」
去年四月誕女停工休息的吳若希，一度失勢被公司新人菊梓喬搶晒風頭，上年10月才急忙復出收復失地；但近日又得知星夢會全面力捧新一姐田蕊妮，寧願同老公分居，都全面搬回香港搏殺，更即要求公司畀佢拍劇，5月入劇組拍《多功能老婆》！
（sina / sundaymore）
娛樂圈有個現象，呢度出現過啲人，總會來回又折返。佢就係其中一個，一度活躍於90年代嘅娛樂圈，02年突然退出幕前，轉戰幕後做藝人形象顧問，06年結婚，兩人育有一子，14年宣佈結束9年婚姻，之後。。。
37歲何嘉莉一度活躍於90年代嘅娛樂圈，呢位「高妹」96年參演電影《四個32A和一個香蕉少年》出道，跟着成為英皇小花，02年突然退出幕前，轉戰幕後做藝人形象顧問，06年下嫁首任丈夫、甜品大王黃逸璋，兩人育有一子，14年宣佈結束9年婚姻。翌年底，何嘉莉低調跟飛機師Gerald Sze再婚，去年誕下囡囡。何嘉莉今年重返英皇娘家，簽約做KOL。何嘉莉日前接受《蘋果》專訪，講起「復出」，佢話：「我唔可以停低落嚟，我鍾意做嘢。」
潮流興做KOL，何嘉莉絕對有條件，佢可同時分身兼顧家庭。轉戰幕後16年，何嘉莉無怨無悔：「我當初的而且確係唔想做（做藝人），好大壓力，冇自由，我本身好鍾意自由，好想試唔同嘅嘢，想趁後生試唔同工作，so far咁多年試到，例如styling、時裝設計，我又去咗讀fine art，又結到婚，有小朋友同自己家庭，未必遇上o依家老公，生埋小朋友，咁快做到。呢啲係我呢十幾年嘅得着，好幸福嘅嘢。」
人妻何嘉莉堅持重新出發都必要家庭為重，「仔女仲細，佢哋需要我去照顧，唔可以掉低佢哋，拍劇太困身，我會錯過咗好多嘢，衡量過，暫時KOL呢個方向幾啱自己，即使我拍條片，小朋友喺隔離都唔緊要，唔會影響工作。」KOL可以隨時隨地分享扮靚或湊B心得。
何嘉莉最近再次踏出幕前，獲邀喺無綫節目《流行經典50年》開金口唱出《兩種人》，到底何嘉莉係咪仲有要追嘅少女夢嗎？「我好鍾意唱歌，但我知我唔係一好好嘅entertainer，我性格唔得，唔能夠圓滑處事，最近去電視台唱歌都補番當年遺憾，止到歌癮。嗰次演出都好大壓力，要顧住唔好甩歌詞、唔好發台瘟、唔好走音，表現又要好，樣又要靚，好多嘢諗，好煩，做歌手壓力大，o依家又好多新人，做KOL似乎輕鬆啲。」
問何嘉莉可是「虎媽」？佢話：「一睇我就知唔係，我係好hea嘅，我自己都唔想經歷多一次，我當然唔會叫子女做，我叫佢哋做咪即係叫我自己做。」何嘉莉話要確定子女興趣，才會讓佢哋讀興趣班，否則強迫子女去學，最終佢自己受害。
佢不會望子成龍：「即使讀醫，某程度都講天份，唔係個個死讀都做到醫生，我覺得囝囝藝術家啲，最近開始畀佢學畫畫，不過音樂天份佢遺傳唔到，佢話鍾意打鼓，等佢大個啲先，打鼓都有型。」
(蘋果日報)
現年46歲的歌手梁漢文（Edmond）今日下午就醉駕案件被控兩罪出庭應訊，在庭上表現有點緊張的他，雙手垂直互握。
早前他已承認兩項控罪，法官索取社會服務令報告後，剛作出判決，梁漢文判罰160小時社會服務令兼停牌2年，並罰款1,500元，在其保釋金扣。如果再違犯就會重新再判或者坐監，梁漢文在庭上說：「明白，我願意！」
梁漢文在停牌期間不能申請任何駕駛執照，並須即場交出駕駛執照，他亦要參加駕駛改進課程，對於判決，他再次表示明白。而本月13日上午9時15分他要再返東區法院見感化官，進行社會服務令的工作安排。
(on.cc東網)
大齡女星越來越有韻味！林嘉欣曾透露會隨季節身體狀況喝不同的湯，已經63歲的趙雅芝每天一定來碗廣東老火湯…，許多女星常分享體內保養秘訣就是長期喝湯，綜合多位營養專家的提醒，煲湯有幾件事情要注意，才能喝出更美的健康狀態。
喝湯時機
女生在月經期間，鐵質流失加快；而更年期後，骨質疏鬆更快，建議女生要多補充鐵鈣，多喝牛肉、雞胸、鮭魚、豆腐等湯品。此外，胃酸多的人不適合大量喝雞湯、肉湯，因為肉湯有促進胃酸分泌的作用，建議少喝湯。
左邊是林嘉欣2007的照片，跟右邊最近照片一比，幾乎0差別。（擷取自林嘉欣Instagram）
煲湯要注意的是…
煲湯時，水量一定要夠，一般是食材重量的3倍。而且煲湯不適合用熱水，要讓食材與水同時受熱；另外，熬湯前，水就要一次加夠，不能中途再加冷水，若一定要加，建議加熱水。調味時，鹽巴一定要少，最好添加時機點在起鍋時，調味也不能多，以免影響湯原有的鮮味。
有些人怕煲湯時間太短不入味，但湯也不能熬太久，有可能會使普林含量大增，增加引發痛風的風險。建議熬湯時間如下：
海鮮青菜湯：半小時以內。
魚湯：約1小時。
雞湯、排骨湯：1~2小時左右。
滋補藥材（例：人蔘）：約40分鐘。
趙雅芝63歲了，這身材狀態合理嗎？（擷取自趙雅芝微博）
熬湯建議食材
肉類：選擇新鮮、血污少的，像是雞肉、排骨等。
蔬菜：熬煮後沒有異味的食材，像是冬瓜、蓮藕、白蘿蔔、香菇等。
中藥材：根據不同體質來挑選，不建議聽別人喝什麼就跟風。身體寒氣旺的人，要選當歸、黨蔘等性溫的滋補藥材；火氣旺、燥熱體質，要選綠豆、冬瓜、海帶等清火的食材。
★黨蔘牛肉湯
黨蔘在中醫來說，是補氣好物；牛肉同樣有補益氣血作用。兩者搭配起來，特別適合熬夜、壓力大、感覺疲勞的人。
作法
1 先將牛肉洗乾淨切片，冷水下鍋，水滾開後撈走表面的泡沫。
2 山藥去皮，切成小塊。
3 將鍋子洗乾淨後重新燒開水，放入牛肉、黨蔘、黃耆、枸杞跟薑片，大火燒開煮15分鐘。
4 蓋上鍋蓋，轉小火煎煮1小時。
5 放入山藥，再煮30分鐘，煮到山藥軟爛再調味即可。
據說舒淇也是愛喝湯一族，最愛豬舌肉胡蘿蔔玉米湯。（擷取自舒淇Instagram）
★蓮藕黃耆鯽魚湯
適量喝此湯可以健脾，但黃耆的量不能太多，大概20克即可。燉好此湯後，吃肉、喝湯都適合，每週食用1~3次。但手腳燥熱、便秘的人不適合此湯。
作法
1 將鯽魚洗乾淨後瀝乾，黃耆、蓮藕洗乾淨，紅蘿蔔去皮切塊備用。
2 鍋內倒油燒到6分熱，放入鯽魚後，煎到兩面金黃，再放入薑片煸香。
3 再倒入紹興酒，再倒入清水，放入黃耆、紅棗、蓮藕大火燒開後，小火慢燉1小時。
4 將紅蘿蔔放入鍋中，繼續用小火熬15分鐘，調味後即可。
(自由時報)
無綫小花五歲開始學蔡李佛，習武廿年，2011年參加無綫武術節目《功夫新星》奪冠，之後加入TVB，曾拍《溏心風暴3》演黃宗澤助手Winnie、《使徒行者2》做探員「檸七」、《親親我好媽》演拳館教練Mandy及《潮拜武當》演啞女「毛荳」等。
何佩珉在《功夫新星》奪冠
《功夫新星》仲有《開心速遞之愛回家》嘅阮政峰添！
何佩珉同圈外工程師男友曾逸之拍拖幾年，不時結伴外遊，感情穩定，一早見晒家長，何佩珉上個月26號同男友出發去英國，連日都有po旅行相，去咗卡地夫城堡、大英博物館 ，之後就去咗法國。
何佩珉凌晨喺IG貼咗喺法國香波爾城堡(Château de Chambord)嘅相，手戴住鑽戒，相中見男友單膝跪地向何佩珉求婚，何佩珉喺合照中雙眼有啲腫，喜極而泣，面上露出幸福笑容，留言”Yes, I do!!!
男友單膝跪地向何佩珉求婚
“香波爾城堡係有關於電影《美女與野獸》，野獸所住地方就係跟住呢個城堡嘅外型去畫，所以何佩珉就打hashtag「Beauty and the Beast」，更改口叫大家做「fiancé(未婚夫)」、「fiancee(未婚妻)」。
何佩珉IG圖片
跟手就去食法國大餐，而何佩珉亦戴上訂婚戒指，繼續佢哋嘅旅程。何佩珉曾經喺一個訪問中講過自己平日好怕醜同文靜，自己鍾意有幽默感嘅運動男，唔一定要靚仔，心地好就夠。睇番佢呢位Mr Right嘅IG，又識打拳、又夠好動，應該完全符合何佩珉嘅要求喇!
何佩珉戴上訂婚戒指，繼續佢哋嘅旅程。IG圖片
何佩珉IG圖片
（IG / Apple Daily）
噚日沈卓盈嘅34歲生日，雖然好慘豬咁病咗，但係佢就過得好開心喇！點解？只要大家去佢嘅ig度睇吓就知啦！
今日凌晨，沈大師就喺ig度貼咗幾張相，見佢好誠心咁喺度許願，除咗生日蛋糕，身邊仲有一束紅玫瑰，佢留言話：「他生病時我給他煮飯，現在到我生病了他給我煮了一頓生日飯，由6:30煮到10:30，其實我知道他還沒有病好～謝謝你為我預備的一切！」
真係好Sweet呀，男友Calvin為咗同佢慶祝生日，花咗4個鐘頭煮一餐飯，睇到佢貼出Calvin嘅製成品，都相當吸引，真係隔住個mon都流晒口水，唔怪得沈大師咁冧喺ig度發表「愛的宣言」啦！
除咗感激男友為佢預備生日飯，沈大師留言亦有多謝家人，佢話：「今年又大一歲了，每年我的生日願望都是希望家人和自己愛的人身體健康，每日都開開心心，今年也不例外，我愛我的家人，也很感恩在我的生命裏有你們的陪伴同愛護，因為有你們我覺得生活每分每刻都充滿愛同幸福感，謝謝你們！」
問到沈大師嘅生日願望，佢今日回覆傳媒：「我希望今年大家可以就到時間全家一齊去旅行，身體健康最重要，我病咗成個禮拜。」
沈卓盈今年生日抱恙，雖然冇五星級餐廳美食，但男友卻細心為壽星女煮愛心龍蝦餐，有花又有蛋糕，沈卓盈當然冧爆，也食到舔舔脷，佢大讚男友廚藝：「100分，因為心思加誠意。」沈大師感動男友為佢炮製生日餐，佢話：「佢未病好，之前佢病我煮，今次我病到佢煮。」咁夾不如結婚啦，沈卓盈話：「隨緣。」
查實去年沈大師生日嘅時候，都有喺ig度晒愛㗎，佢就貼咗一張戴住情侶戒指嘅手，揸住酒杯嘅相，公開認愛Calvin之外，仲以為佢哋好事近㖭！
(蘋果日報)
去年8月第二度離婚後，其後火速覓得19歲新歡女星發展父女戀兼共賦同居。佢哋亮相電視大晒恩愛，並多次公開表示視女友為結婚對象。今日便傳出曾參演經典日劇《同一屋簷下》的43歲男星石田壹成已與19嵗飯村貴子低調註冊，並展開第三段婚姻。
日劇《同一屋簷下》劇照
日本傳媒向石田壹成事務所求証，事務所承認兩人已註冊，至於飯村是否已大肚及結婚等詳情，事務所則表示石田會於今日出席活動時親自交代。
石田今日將出席活動，親自交代飯村是否懷孕。
(on.cc)
繼續追夢同時都不忘發展事業，13年佢就開咗間音樂中心，前年更開設珍珠奶茶店，有指生意額都相當理想。原來佢14年底已經秘婚，因為老婆相當富有，外界都封佢做「億萬駙馬」。。。
「巨聲幫」劉威煌係09年參加大台舉辦嘅《超級巨聲》而入行，成熟穩重嘅威煌被選為隊長，可惜佢未能得到冠軍，只得到第五名，之後在大台安排下，與同屆嘅林師傑、許廷鏗、陳鴻碩組成 Super 4，四子曾於紅館舉行演唱會，至第二屆巨聲後，Super4亦不了了之，只有許廷鏗仍被重用，一度成為星夢一哥。
一直於樂壇浮沉嘅劉威煌，其後與無綫解約，改簽棋人香港旗下，繼續其歌星夢，推出了首張個人專輯。除咗久唔久有歌派台，其實劉威煌亦有其他工作，好似13年佢就開咗間音樂中心，前年更於葵涌廣場開設珍珠奶茶店，有指生意額都相當理想。
入行多年嘅劉威煌，一向也好少提及感情生活，原來佢14年底已經秘婚，有指佢老婆林佳琪（Sandy）係富家女，娘家喺大陸有多個省部經營的礦業生意，家住中環愛都大廈並持有多個物業， Sandy本身亦有近億物業揸手，所以外界都封劉威煌做「億萬駙馬」。
(蘋果日報)
加入無綫節目《東張西望》後，成功入屋，接連參與多個節目，成為新生代主持之一。不過，佢曾為入行而放棄高薪厚職，不獲家人支持外，更聽盡「貪玩」、「無謂」等閒言閒語，如今總算撐過來，她明言不會放棄，要繼續向演藝路進發！
藝人李旻芳（Lucy）入行五年，近年擔任無綫節目《東張西望》外景主持，開始為人熟悉。成功捱出頭的她回想當初，曾為了圓夢而放棄穩定工作，甚至被家人反對。她說：「當時我做緊空姐，收入唔錯，喺大家眼中算係高薪厚職。不過我依然報名參選2012年嘅香港小姐，因為我再唔參加就超齡，但當時屋企人強烈反對，覺得娛樂圈係一個大染缸，而且收入唔太穩定，反而希望我平平淡淡搵份長工做就算。」
雖然Lucy當年未能入圍港姐第二輪面試，但翌年有新轉機，成功報讀無綫藝員訓練班而入行，期間還結識男友黃耀英，事業及愛情亦見曙光。惟面對眾人反對入行的聲音，她坦言感到難受：「大家覺得我放棄做空姐好無謂，同埋貪玩先會入行，聽到呢啲說話當然會介意、唔開心，因為我都係想演戲先入行啫。好彩入行一段時間，屋企人見到我努力工作冇再反對，自己都冇咁大壓力。」
樂意聽負評
現時主力做主持的Lucy，視金牌司儀鄭裕玲為奮鬥目標，希望能夠在主持及演戲雙線發展，成為全能藝人。她又明言自己有進步空間，不怕接收負評：「我唔會覺得網民畀負評好差，係上咗一堂就真，好似之前參與節目《3日2夜》，有網民話我把聲同表情太浮誇，提醒咗我要檢視同改善自己，下次要做得更加好。」
(on.cc東網)
