TVB劇《溏心風暴3》中，以愛(陳敏之飾)跟Nic(唐文龍飾)的不淪戀，睇到觀眾好肉緊。下周(26至30集)劇情，以愛與Nic要來個決斷，正媽(李司棋飾)目睹Nic選擇跟老婆一起而拋棄以愛，她氣得衝前摑了女兒兩巴掌，用近200字一輪嘴鬧爆這個不肖女連做雞都不如。她說：「你係咪無男人唔過得世?你去做雞啦！我要打死你，人哋做雞為搵錢生活，你為咩呀?點解你咁賤呀?個男人唔要你喇！你仲要死纏、仲要喊？你真係唔知醜，不知羞恥，明知錯仲執迷不悔！你唔係我個女。我哋視你如珠如寶，視你係父母的公主，堂堂黃家大小姐，你變cheap精、狐狸精，破壞人家庭，係造孽。你頭先激到人哋老婆衝出馬路，最抵死嗰個係你，你去死啦！我好失敗唔識教女，丟晒祖宗十八代的臉，我好醜，我要搵窿捐呀……」可想而知正媽知道寶貝女成為進激的小三有多心痛！
Nic選擇了跟老婆離開，承認跟以愛只是貪圖肉體關係。(網上視頻截圖) 
看到以愛的遭遇，正媽好激動！(網上視頻截圖) 
打在以愛身，痛在正媽心呀！(網上視頻截圖)
(明報)
曾經來港拍攝成龍電影《城市獵人》，其妹溫鈞樺(Jessica)今年3月因為末期乳癌離世，終年39歲。上月佢出席電視台錄影節目《女人我最大》時，提到妹妹仍仍難掩激動哽咽。
今日台灣《蘋果》報道，指46歲前中國小姐、台灣藝人溫翠蘋同金融顧問、年薪約630萬元台幣(逾157萬港幣)嘅美籍老公Kevin ，3年婚姻告吹，報道指原來佢哋今年9月已分居並協議離婚，由於美國法律申請離婚得半年，預計溫翠蘋明年3月就恢復自由身。
第二度離婚嘅溫翠蘋，回覆台灣傳媒坦承婚變，但就冇攞贍養費，為了感謝Kevin這段時間嘅付出，自己仲俾咗180萬元台幣(約45萬港元)俾Kevin。對於第二度離婚，溫翠蘋大嘆：「未來應該不會再婚了，和女兒一起過下半輩子就好。」有指溫翠蘋當初同日籍前夫離婚後，獨力扶養女兒Issa，母女倆定居美國，14年佢改嫁Kevin，如今卻爆發婚變。
溫翠蘋坦言主因是感情變淡，沒有第三者介入：「我們雖然同住屋簷下，但各自做各自的事，缺乏心靈交流」。加上她今年3月遭逢妹妹乳癌病逝及被詐騙打擊，讓她對這段婚姻越感無力，但她不忘感謝Kevin的好：「他很善良，也謝謝他给我這段美好的回憶，彼此祝福」。
對於外界認為Kevin高薪厚職，令佢可以生活無憂，但溫翠蘋強調，同Kevin嘅財政獨立，加上美國稅務重，所以Kevin收入並沒有外傳高。如今溫翠蘋喺美國雖擔任室內設計師，但事業才剛起步不穩定，加上得付房貸、房屋稅及養女兒，每月開銷高達40萬元台幣(約10萬港幣)，目前她只能吃老本度日。問到可有打算回台復出演藝圈？溫翠蘋表示：「等我女兒高中畢業，上大學之後再決定。」
(蘋果日報)
天王郭富城太太方媛一向都活躍於社交網，不時同網友分享生活點滴，自榮升人母後，為咗要照顧囡囡，已經減少咗上網，果然係好媽媽！
聖誕節，方媛當然要出去感受一下節日氣氛，仲祝大家聖誕快樂。相中戴上眼鏡嘅方媛在聖誕裝飾旁大擺甫士，盡顯型格，有別以往美美的淑女形象！
另外，方媛還晒出非常精緻嘅甜品相，似乎食得非常豐富。唔少網民都留言問係咪同老公食聖誕大餐呢？
(ON.CC)
昨日係Boxing Day，好多人都會把握最後一日紅假，約friend子大玩特玩，不過，亦有人做孝順仔女，陪吓家中父母。
好似嫁入豪門嘅李嘉欣，平日都係湊仔許建彤（Jayden）多，間唔時仲會約家姐李嘉明去high tea飲茶，以為佢聖誕就多ball去？又未必嘅，李嘉欣昨晚喺Instagram度貼出，係佢同老公許晉亨及老爺許世勳嘅3人合照，相中見到已經98歲嘅許世勳相當精神，仲好好笑容。
嘉欣留言「Happy hour」，睇嚟係孖埋老公亨亨及老爺去見面，由於囝囝Jayden冇入鏡，唔知佢有冇出席，但就見到「嘉亨」兩人勁好笑容，相信呢場「boxing tea」飲得好高興。而嘉欣個friend鄭秀文（Sammi）亦有留言讚嘉欣，佢話：「Beautiful you!! Happy and blessed.」
唔知係咪同Sammi個爹哋近日身體抱恙有關，所以佢見到嘉欣同老爺幅合照，特別有feel。好彩，Sammi都有喺自己個post度話佢爹哋睇完醫生已無大礙，佢仲落hashtag叫大家要多留意家中年長嘅父母㖭！
(蘋果日報)
鄭秀文(Sammi)日前在IG分享老公許志安受浸一刻的片段，昨晚再上載當日的照片，包括安仔一家人的大合照外，更有同日接受浸禮的雷頌德夫婦，來作見證的蘇永康一家三口等。Sammi的心情應該不錯，可是剛剛她上載另一張照片，就是由弟弟推著坐在輪椅上的爸爸入院登記，原來鄭爸爸因為長期服食某種藥物引至水腫，面部、肚腩、手及腳都似充氣般，幸好昨晚入院經醫生診治，水腫消退。
Sammi留言：「昨天晚上，跟姊弟們在父母家慶祝聖誕節，但其實這幾天父親也有點氣管炎也咳，正在服藥之中，包括抗生素。但不知何解這兩天他整個人都腫起來，面部，肚腩仔，手仔和腳仔都好像充了氣一樣，看見很心痛。我們商量過後認為爸爸必須即晩再去看醫生，於是我們有些人留守在家中，有些則聯絡醫生帶父親去看醫生，（圖：我弟弟推著輪椅照顧父親，家姊姊夫則去登記）（我則留守家中陪伴母親）原來父親的水腫是來自於他長期服食的某隻藥的副作用，而這些情況往往都會發生在很多長者的長期病患中，往往醫好了你身體的某樣不妥，卻又會有些藥物副作用。幸好昨晚醫生給了他一些去水丸，父親說吃了之後頻去小便，水腫便退了極多。面部正常番很多。今天睡了一天，現在醒來胃口大開。其實父母年紀越大，mi對生命的感悟和認知也就更深，生命的長短真由不得人，今年45歲的我如果只剩下20、30年命甚至原來很短，那麼mi要用餘生去實踐什麼？我爸爸80歳，mi不知自己的壽命是多少，但確實很不想在生命終站前沒有實踐和履行心中的夢想和mission喔！好了！爸爸不水腫，精神回來了，唔會腳仔軟軟，不用輪椅自己行，Dr Grace Law 我們非常感激你昨晚的幫忙。佳節當前，感激你帶著愛心提供幫忙。感謝。感恩啊！#大家要多留意家中年紀大的父母。#這個聖誕很難忘#今天工作時有點呆呆因為有時會想著老豆」
鄭秀文爸爸昨晚水腫入院，令她有很深刻體會。(網上圖片)
（明報）
今年5月與日籍男友安田慎吾拉埋天窗的歌手方皓玟，今日在IG宣布有喜消息，佢上載一張超聲波照片，然後留言：「感謝上天給我的禮物，it’s a boy :)」
今年37歲的她早前受訪時曾表示對於生B一事與老公有共識，估唔到咁快就造人成功，仲要係一索得男！網友都紛紛恭喜方皓玟，仲話好期待方皓玟嘅混血BB。
(on.cc東網)
今個聖誕，陳法拉由零下2度的紐約飛到沖繩，穿上春裝與家人歡度一個和暖的佳節。明年便畢業的法拉，樂在其中說：「在紐約過去幾年都是走在鬧市的雪地，或在家中圍著火爐吃聖誕大餐過聖誕，今年跟家人決定不如去一個沒有雪的地方，經大會投票後便來了沖繩。一個冰天雪地、一個陽光海灘，各有浪漫。很享受當地寧靜悠閒的感覺。」
盡情享受海灘陽光以外，法拉最愛的節目就是選購美白面膜。她笑說：「自己是很容易曬黑的；來冲繩後，瞬間已變成『黑妹』，惟有到藥房、超市入貨頂住先！要享受由雪地跳到海灘的滋味，背後是要付出代價的。」
(Singtao)
圈中有好多藝人都喺呢幾日瘋狂開聖誕派對，同一班親朋好友相聚一番！而除咗成日見嘅老友，亦有藝人趁呢個機會同啲舊朋友重聚。
呢日藝人李施嬅就喺社交網站上載咗一系列聖誕聚會嘅相，不過今次唔係同胡說八道會，而係同一班好耐冇見嘅港姐姊妹，包括陳茵媺、曹敏莉、戚黛黛同朱凱婷，一齊摸住酒杯gathering！
李施嬅仲留言話：「太久不見了。終於沒有一個人是懷孕或breast feeding（餵母乳），大家都可以喝一杯」嘩！果然係選美出身，個個都仲係咁靚呀，呢啲咪叫做天生麗質囉！陳茵媺都有喺IG晒片，見佢哋全部人揸住香檳，同大家講聖誕快樂，最後陳茵媺仲講咗叫冇人大肚呀，莫非今日想嚟個不醉無歸？
一班港姐仲帶埋一家大細一齊出席，場面非常熱鬧！而「愛妻號」陳豪亦有陪住老婆，見佢哋一個抱住囡囡Camilla，另一個就拖住仔仔，真係超級溫馨！
(on.cc東網)
雖然未到情人節，但要甜蜜幾時都係情人節啦！
鄭嘉穎同細佢22年嘅陳凱琳(Grace)拍拖兩年，感情越來越穩定，早前嘉穎出活動，仲話唔排除有「意外」。今個聖誕節，佢哋一齊出埠旅行，上周六(23號)被讀者影到現身香港機場離境閘口，但就唔知去邊個地方？！
噚日《蘋果》又收到讀者陳小姐透過「爆相爆片」報料，話24號平安夜喺溫哥華機場遇到佢哋。陳小姐表示當晚航班延遲起飛，要到溫哥華時間晚上7點左右先到達，陳小姐話攞行李嘅時候，嘉穎一直企喺好遠嘅地方，但一見到行李出嚟，就好快咁行過去女友身邊幫忙，陳小姐話﹕「我覺得嘉穎cool得嚟都好gentlemen。」
上次陳凱琳同屋企人坐廉航出事，畀人話有特權，今次佢哋決定坐business，搭長途機可以舒服啲。陳小姐話﹕「佢哋係等到其他人入晒機艙先入，見佢哋有傾有講，都幾sweet架。」Grace喺5歲時候舉家移民溫哥華，直至當選香港小姐，一家人又多咗時間留喺香港。
今次Grace決定孖嘉穎一齊返溫哥華，應該都係要帶嘉穎見吓屋企人同朋友。陳小姐表示﹕「其實溫哥華好多華人，聽朋友講，佢(Grace)父母最近都返咗嚟溫哥華，今次嘉穎可能去見家長。」有男友陪住，Grace都心情大靚，噚日喺ig晒愛，雖然冇貼同嘉穎嘅親蜜合照，但簡單一張食物相，喺Grace眼中都係冧到爆。
佢留言﹕「沒有什麼比起與一生中最甜蜜的人一起過聖誕節更甜蜜了，簡單就是最好，你同意嗎？」、「在假期卡路里全部不算數，所以吃吧。」
(蘋果日報)
藝人張栢芝喺社交網甫咗幾張相，內容係佢同仔仔食緊飯，不過佢就攰到瞓着咗，今年十歲嘅大仔謝振軒（Lucas）冇掛住玩，仲識扶住栢芝照顧佢，唔少網友都留言大讚Lucas「好懂事」！
近期栢芝除咗照顧一對仔仔之外，仲話要開戲做導演，真係忙到爆！不過幾忙都好，栢芝趁住聖誕佳節假期最後一日，帶咗仔仔去嘉年華玩吓，見到栢芝都玩得好開心，佢仲贏咗隻好可愛嘅獨角獸毛公仔。
之後一行人去咗餐廳醫肚，不過中途太攰嘅栢芝食食吓就瞓着咗！Lucas見到咁情況就出手扶實栢芝，仲攞咗啱啱贏番嚟嘅毛公仔墊住栢芝個頭，等佢可以瞓得舒服啲。
期間栢芝仲瞓到口擘擘，畀Lucas見到佢有食物殘渣攝咗喺牙罅，Lucas怕整醒栢芝，好小心咁攞支牙籤幫佢撩牙，Lucas嘅動作溫柔又細心，真係睇見都覺得窩心。
難怪栢芝事後都要留言大讚Lucas：「因為我公司太繁忙累了睡着了，他竟然一直陪伴着我還幫我撩牙添，教我如何不愛你！」
(on.cc東網)
