今日4月4日係兒童節，小朋友當然係大晒啦！新手爸爸楊潮凱喺今年3月中宣布囡囡出世，榮升人父嘅佢有女萬事足，適逢今日係「細路」節，潮凱就喺Instagram上載抱住囡囡嘅相，望住前世情人嘅佢一面冧爆，父愛滲出晒嚟呀！
而女神孫慧雪就上載8個月大嘅囝囝Riley搞笑片段，留言：「當佢發現鏡頭到轉移視線⋯⋯⋯」見到Riley本身喊晒口噏噏「媽媽……」，但突然呆望鏡頭幾秒即刻笑晒，非常可愛呀！
做咗媽媽專心相夫教子嘅楊愛瑾（Miki）2017年生咗囝囝Luken，Luken 3月30日就啱啱1歲喇！佢今日再晒多張囝囝瞇晒眼嘅相，真係勁萌呀！
無綫34C咪神李旻芳（Lucy）同男友黃耀英（Darren）拍拖幾年感情穩定，仲已經有結婚打算。
曾笑言儲夠錢會向男友求婚嘅Lucy，今日就喺Instagram上載兩人密照，打咗個心心，但就Tag住「80milesapart」、「amonthtogo」，「a month to go」（還有一個月）？
唔通有好消息宣布？就連佗緊BB嘅《東張西望》主持人梁麗翹都感到驚訝留言問：「A month to go!!? 😱」
拍處境劇《愛．回家之開心速遞》入晒屋嘅謝芷倫（Jan）都留言：「Wao」睇嚟都畀Lucy嚇倒喎！
而網民都留言大讚佢哋好Sweet，又送上祝福，笑言：「冇喇冇喇！」
(on.cc東網)
早前宣布將於今年5月與拍拖一年的圈外男友結婚，而今日她透過Instagram宣布自己懷孕6周的喜訊，對於成為準媽咪非常開心！仲話好多謝大家嘅祝福，喺呢段幸福嘅日子裏又再收到另一份禮物，就係。。。
去年演出韓劇《內向的老闆》的36歲女星韓彩雅在發文中表示：
「不久前才跟相愛的人約定終生，結婚是人生大事，是彼此慎重商量後作出的決定，真的很感謝大家送上的祝福，令我每天也好像收到禮物的感覺一樣幸福，而在這段幸福的日子裏又再收到另一份禮物，就是上天賜予我們的新生命。我現時懷孕6周，在準備結婚的過程中突如其來的新生命，令我更覺是珍貴的祝福，本來懷孕早期還未踏入穩定期，所有事也應小心處理，但卻很想提早跟所有支持我的人分享這份喜悅，希望大家以溫暖的視線祝福及支持，我會努力成為好的演員及好的人來報答大家的祝福。」
至於準新郎及準爸爸則是前南韓國腳、現為國家足球隊教練車範根的兒子車世智。
(on.cc東網)
食物藏昆蟲相信不少都會覺得噁心，昨日有網民在社交群組「巴打絲打Facebook Club」上傳照片，指光顧連鎖米線店時發現米線內有疑似蚯蚓，惟向店員投訴時卻被對方會手指捽爛「話係木耳絲」，對事件感到無奈。不少網民直指「好過份」，認為事主不應該被店員毀滅證據，應該直接致電食環署投訴。
由於蚯蚓擅長掘地能夠為
土壤帶來氧氣，故不少農地都有蚯蚓，若洗菜不夠細心便很容易「一獲熟」。有網民昨光顧連鎖米線店時，在米線內發現一條長長疑似蚯蚓的深啡色條物，細心更可見有如蚯蚓的條條紋理，但她向店員投訴竟未獲處理，對手更用手整碎該條蚯蚓，反指只是木耳絲。
事主遂在社交網站公開事件，不少網民支持事主的說法，認為的確是蚯蚓，「木耳絲有橫條」，「咁大條都係木耳絲」，「木耳絲根本捽唔散」，更有直指該連鎖米線店沒有木耳絲的配料，「乜三哥有木耳絲嫁？」建議事主下次若再遇上同類事件，應該直接向食環署投訴「洗乜搵阿姐㗎！」
(頭條日報)
當年係港姐季軍，之後生咗兩個仔，兩個仔都遺傳佢嘅好基因～佢仲做過慧妍雅集主席，咁多年都Keep得好好，佢更致力益於慈善，人美心更美，對於細仔拍拖甜甜蜜蜜，佢就表示。。。
前港姐王愛倫兒子林建龍（Derek）早前陪烏克蘭名模女友Olga Verbych到Olga的家鄉探親三星期，兩人拍拖五年，Derek已非首次陪女友探親，Olga的全家對Derek的印象都非常好。
探親以外，Olga今次返家鄉主要目的是為外婆慶祝76歲生日。
至於Derek會否趁今次見家長的機會順道提親，Derek就不會太快。
早前問到王愛倫細仔結婚是否要佢批准，佢就話：「唔使，批准咗好耐，等佢哋到時候就話我知。（視為準新抱？）都會，佢真係好乖，對家人又好，其實依家啲女仔樸素都好好。」
睇嚟媽媽都好滿意女朋友喎~
(on.cc東網)
噚晚林子善擺酒，場面熱鬧過台慶，曾志偉、陶大宇、黃心穎、苟芸慧、郭鋒、胡楓、黃日華、江美儀、韓馬利、蔣家旻、岑麗香及陳煒等，一大堆TVB藝人到賀，子善揀喺將軍澳設宴，方便一眾老友開完工就可以嚟飲。
黃心穎、林子善、馬國明
馬國明同鄭嘉穎做兄弟，馬明負責幫林子善頂酒，女友黃心穎爆馬明醉咗會好開心，心穎BB仲叫子善老婆做「阿嫂」，睇嚟佢都好快加入「鐵馬家族」，心穎仲爆馬明自封千杯不醉，叫大家拭目以待，至於陳凱琳目前身在橫店開工，所以冇同鄭嘉穎一齊現身。全晚眾星好似開聚舊party，係咁瘋狂selfie，阮小儀喺IG貼出咗兩張合照，話喺子善婚宴可以集好多郵，不過小儀只係放咗與偶像黃日華及尊敬嘅修哥合照上網；而「長腳蟹」呂慧儀貼出咗好多相，與一班好友難得聚埋，呂慧儀亦祝子善新婚快樂、三年抱兩。
煒哥、岑麗香
「KC」歐瑞偉、「Helen姐」姚瑩瑩
左起呂慧儀、曾志偉、「豹哥」單立文、苟芸慧
謝東閔(左一)、韋家雄(右二)與未婚妻Keynes(右一)
歐瑞偉IG圖片
煒哥同子善早前一齊拍《果欄中的江湖大嫂》，子善演果欄少東「蓆仔」，煒哥演「大巴」，煒哥噚晚就同「小巴」岑麗香影合照，留言：「大巴同小巴祝福蓆仔永結同心，幸福一輩子。」相中見煒哥以一身民初年代嘅包租婆look示人，估計佢噚晚要為新劇《危城First Lady》開工，衫都未換就趕去子善婚宴聚一聚，之後應該要趕返去再埋位。
呂慧儀、姚瑩瑩、陶大宇
黃嘉樂IG圖片
阮小儀同偶像黃日華合照
呂慧儀、胡楓、郭鋒、胡渭康(蘋果日報)
藝人林子善同太太董佩欣尋晚舉行婚宴，筵開63圍大宴親朋，唔少圈中好友都嚟到賀，場面熱鬧。去到婚禮中段，着住背心嘅林子善大開金口唱咗首鄭伊健嘅《一生愛你一個》，冧到新娘暈得一陣陣呀！
現場可以話係星光熠熠，見到甩拖冇耐嘅林峯全晚都滿場飛，唔知係咪甩拖之後一身鬆，不時同人傾到笑笑口，仲成為唔少人嘅集郵對象，就連楊怡同羅仲謙都搵佢合照呀！但可能玩足一晚都有啲攰，見佢同人合照時都不停捽眼。之後撞到苟芸慧仲傾唔停，傾咁上下拎埋電話出嚟指手劃腳，似乎係交換Contact，唔知係咪叫苟芸慧介紹啲女仔畀佢識呢？
而苟芸慧打扮到靚一靚自然吸引唔少男士嘅目光，更有不少男士主動要求合照，佢都好親民，笑笑口咁答應仲親自揸機！
另一方面嘅吳卓羲就全晚差唔多都陪住樂易玲，期間鄭嘉穎仲走嚟傾埋一份，三個人密密斟唔知係咪有咩大計呢？相反岑麗香呢晚就比較靜局，同一班藝人朋友坐得比較遠，剩係見到佢自己一個不停狂食。
除咗一對新人之外，全場最閃盲人嘅就係袁偉豪同張寶兒呢一Pair喇！袁偉豪做兄弟呢晚都忙到停唔到手，但見到自己女友點都要停低傾番幾句，趁機會二人世界喇，但胡蓓蔚就唔係好通氣，企咗係佢哋兩個中間做電燈膽！袁偉豪之後留意到張寶兒衣衫單薄，就即刻好有風度除低件外套畀佢廢時凍親或者畀人睇蝕晒，張寶兒當然回敬一個招牌甜笑嘅冧樣，Sweet到呢！袁偉豪臨行開嘅時候仲拍一拍胡蓓蔚膊頭，似乎係叫對方好好Take care自己女友，呢啲舉動真係好暖男呀！
唔少藝人趁住呢個復活節長假期，帶同仔女出國旅行充吓電。同行仲有好友張智霖一家及關心妍一家等，一行十幾人、非常熱烈！
組合草蜢成員蔡一智最近同太太周雪芳帶一對仔女飛到泰國布吉旅行，順道幫太太慶祝生日，同行仲有好友張智霖一家及關心妍一家等，一行十幾人、非常熱烈！
相中見到佢哋齊齊着上充滿異國風情嘅花恤衫，有啲人戴住花環頭飾，有啲就戴上草帽，睇見都覺得開心呀。
生日蛋糕由紅色立體花形設計，真係好有心思，蔡一智仲Sweet爆留言祝賀老婆：「Happy birthday to my 夫人，stay young n pretty，good health always！（生日快樂夫人，祝你永遠年輕美麗，身體健康！）」
(on.cc東網)
藝人劉婷婷（Coka）日前於內地拍攝網絡電影，她在戲中飾演怕老公找小三的惡老婆，嚴厲管束由內地演員李威龍飾演的有錢老公，故經常擺出目中無人的樣子。其中一幕講到Coka兜巴星打老公，她為此專程搵動作指導學習，到落場拍攝時顯得非常緊張：「顧住打得漂亮，但就唔記得對白，到記得嗰時又打得唔夠迫真，NG左4、5次。」最後為求視覺效果迫真，導演要求Coka真打，最後只NG2次便過關，她說：「見到對方塊面紅左，我寧願自己係被打嗰個。」
實現兩夫妻嘅願望超開心！於前年10月一索得男，產後專注留在家中相夫湊B，今日有媒體指佢第二胎佗B女，預產期為下周二，又指兩夫婦對於可以如願以償，第二胎生女，凑夠一個「好」字，特別開心，期待新生命的降臨。。。
現年45歲的「韓流始祖」裴勇俊與韓國飲食節目《滋味行》的32歲女星朴秀珍於2015年7月結婚，朴秀珍於前年10月一索得男，產後專注留在家中相夫湊B，去年8月底宣布再懷孕後專心安胎。
今日有韓媒指朴秀珍的第二胎佗B女，預產期為下周二，又指兩夫婦對於可以如願以償，第二胎生女，凑夠一個「好」字，特別開心，正滿心歡喜地期待新生命的降臨，而裴勇俊的事務所就朴秀珍被爆第二胎佗女嬰及預產期為下周一事，表示正在確認中，稍後再發聲明。
朴秀珍去年底曾被爆於前年生頭一胎時獲院方優待，有網民爆料指其兒子於嬰兒重症室治療時獲優待，因而令朴秀珍遭網民抨擊。
(on.cc東網)
