藝人吳千語與林峯嘅戀情最近被指正處於冷靜期，撞正新年林峯孖住堂妹林夏薇、細佬等返家鄉廈門度歲，就係唔見千語BB嘅蹤影，過時過節都唔一齊過，佢哋嘅關係到底係點，真係當事人至知。
雖然吳千語冇跟男友齊齊返廈門，不過佢都不愁寂寞，約埋一大班姐妹組團滑雪，團友之一、內地藝人程曉玥就上載咗多張合照，見到千語同姐妹們攬頭攬頸，笑容十足，心情靚靚享受雪景，望多幾眼，原來連人妻Angelababy（楊穎）都係團友。
一大班靚女仲冒雪排排企影靚相，又真係估你唔到原來吳千語同Baby係識嘅，仲會Friend到一齊去滑雪，再加埋另一張合照出現嘅內地超模何穗，呢個組合真係令人夠晒意外。
(on.cc東網)
工作壓力大、熬夜或休息不足容易加速皮膚的老化，臉部肌膚出現水腫或鬆弛的問題。當然，很多人會嘗試坊間不同的臉部按摩法，不過以下可以瘦臉、緊緻臉部肌膚的瘦臉法僅需睡前 30 秒，即使再忙，也可以抽時間擺脫臉部水腫， V面無難度吧！
平時影相經常嘟咀，而30 秒嘟咀的瘦臉法是於晚間睡前做完護膚後做的，只需30 秒，不會花費太多時間之餘，即可達到瘦臉的效果！
嘴裡充滿空氣盡量股起雙頰，嘴巴呈嘟嘴狀，動作維持約 10 秒。
雙頰用力往內吸，再次維持 10 秒。
兩邊嘴角水平地向兩邊拉開，像微笑的動作，同樣維持 10 秒即可。
這個 30 秒睡前瘦臉法超簡單，亦不需要任何道具，但要每晚持之以恆地做才可達去水腫喔！
（sina / 新傳媒）
日本天皇明仁的長孫女、真子公主，原本將在今年秋天和大學同學小室圭結婚，但本月6日宮內廳卻宣布結婚儀式將延至2020年舉行，如今又有週刊爆料「延期」其實只是兩人體面分手的藉口，之後皇室會要求小室圭「自願退婚」。
真子公主已和小室圭在去年9月訂婚，但在本月6日，宮內廳宣布結婚儀式將延至2020年舉行。真子公主的聲明中指出，和小室在準備婚事的過程中，發現在今秋結婚的話太趕了，決定等皇室辦完天皇交接的大事後再結婚。
外界認為，宮內廳突然宣布推遲婚事，很可能和小室圭母親佳代爆出的醜聞有關，佳代感情生活複雜，又爆出有債務問題，日前被週刊報導一系列的醜聞。不過宮內廳官員加地隆治否認謠言，強調結婚延遲和週刊報導無關。
日本《週刊現代》報導，「延期」其實只是兩人體面分手的藉口，等到明年日皇明仁退位時，皇室就會要求男方自願退婚，政府消息人士指出，兩人實際上已經分手。
報導指出，小室圭家中醜聞爆發後，真子的父親文仁親王曾和小室圭見了6次面，一開始他稱不知道母親欠債，直到1月底週刊揭發小室圭早知母親借錢不還，他才坦承說謊，這讓文仁親王沒辦法接受，宮內廳甚至形容這是「婚姻詐騙」。宮內廳打算等明仁退位後，再安排兩人正式分手，準備讓男方自願退婚。
(自由時報)
藝人羅敏莊（Mimi）與陳國邦的5歲囡囡陳禛人仔細細，但就十分受歡迎。
日前藝人阮兆祥主持電台節目時，提到新年期間有好多好朋友一齊到他家中玩，其中Mimi的囡囡甚為矚目，皆因年僅5歲的陳禛竟然棋藝了得，他說：「冇見一排真係高咗又靚咗，佢冇表演唱歌，竟然係用波子棋交友，估唔到佢細細個玩波子棋咁叻，唔止我，連李亞男都唔夠佢捉，我都冇讓佢，係真係好有天分。我仲另外收到消息，聽聞佢居然收到邀請，畀汪阿姐（汪明荃）點名要帶埋佢一齊去敬老，相信佢一定可以將快樂感染到畀班公公婆婆，氹得佢哋好開心啫！」
(on.cc東網)
明示暗示咁話囡囡只得5歲，啱啱適應到幼稚園嘅生活，但做阿媽嘅就唔理得個女個咁多。。。
大陸女星黃奕同富豪黃毅清呢對過氣夫妻，雖然手已分，但係佢哋之間嘅是非沒完沒了，上個月先講過黃毅清喺微博爆黃奕陀B，繼而講撫養權之類嘅問題一大堆，近日「雙黃」又嚟料……
最近喺網上有啲同黃毅清及黃奕之間所生嘅5歲囡囡黃芊玲（鐺鐺）嘅唔好傳聞，仲話個源頭係黃毅清個微博度爆料，今日黃奕工作室發佈聲明，指嗰啲消息為不實及純屬人為惡意揑造，並強烈遣責發佈謠言者，更指已委託律師，以法律途徑追究責任，決不姑息。
黃毅清暫時未對前妻工作室所發表嘅聲明作回應，不過佢今日好勤力咁更新微博，明示暗示咁話囡囡只得5歲，啱啱適應到幼稚園嘅生活，但做阿媽嘅黃奕就唔理得個女個咁多，夾硬由上海搬去北京，只係為咗遷就自己嘅新歡。
黃毅清勁心痛囡囡唔習慣新幼稚園嘅生活，更加將一段長約30秒左右嘅錄音放上微博，內容大致係話個女稱喺學校冇同學理佢，相信就係黃毅清同鐺鐺之間嘅對話。
其實除咗今日之外，黃毅清多次喺微博提到自己了解個女，而且願意為咗個女赴湯蹈火，又借用其他人嘅說話，嚟強調個月好黐同好鍾意自己，另一方面就指摘前妻黃奕對個女嘅照顧唔夠好，甚至乎唔理個女云云，更用到「自私的母親」嚟形容黃奕。
「雙黃」到底幾時先會停戰？
(蘋果日報)
前無綫藝員劉曉彤於2004年下嫁商人並息影，現已是三名子女的母親，多年來專心相夫教子，未有再涉獵幕前工作，但仍與圈中人保持聯絡。
汪明荃在微博分享與劉曉彤及其家人的合照，留言透露對方日前帶同一對女兒到家中拜年，享受家庭主婦生活的她應無意復出：「自從結婚後，她（劉曉彤）把全部時間奉獻了給三個子女及家庭，如今大兒子11歲了，新年期間跟爸爸去了英國學校interview。兩個囡囡都好有禮貌好乖。」
(ON.CC)
向海嵐係98年四料港姐冠軍——兼奪最上鏡小姐、都會動感大使及環球美態大獎。當年佢係大熱摘冠，但所謂大熱，唔係坊間，而係因為佢個姓氏令人聯想，而且嗰陣向海嵐個下巴仔都好突出下……
點都好，總之那些年嘅向海嵐，成為無綫旗下藝人，曾參演《刑事偵緝檔案》、《金裝四大才子》、《七姊妹》及《帝女花》等劇集，備受力捧，00年的《楊貴妃》、02年的《無頭東宮》及05年的《胭脂水粉》更擔正女主角，扮演的奸角令人印象深刻。
但向海嵐喺無綫嘅時間線，只係去到2005年。之後，突然工作量大減，08年向海嵐索性告別娛樂圈，轉行去大陸做公關。
經歷都幾似當年張兆輝喺無綫由小生變成林峯身後嘅佈景板咁…當年佢接受周刊訪問，就訴苦謂：「我試過四個月冇工開，當時好迷失，唔知自己有咩唔妥。最後同公司傾，佢哋就安排我做一套新劇，仲話因為係我，所以已經加多咗劇情同俾多啲機會我發揮。不過，當我接咗套劇之後，先知個角色係做一個公司高層，開會我要坐喺度，其實唔係一個好有發揮嘅角色，只係公司啲普通職員咁樣。」
07年底播完佢做第三女主角嘅《建築有情天》（方中信、伍詠薇嗰套），向海嵐就同無綫講Bye bye，由慧妍雅集永遠榮譽會長朱玲玲鋪橋搭路，安排佢入羅康瑞旗下嘅上海新天地、幫瑞安集團擔任公關工作。2013年向海嵐重返娛樂圈，去年5月簽約汪子琦旗下，但最近合作已告終。向海嵐現身商台節目《1圈圈 星光背後》主持梁泰來訪問，佢話，其實呢，佢係唔介意做配角，但希望自己嘅角色，會係重要嘅角色：「喺最後一套劇，我主角變配角，是其中一個令我不想再留喺呢度嘅原因。其實我唔介意我係唔係做主角，我覺得只要我嘅角色喺一套劇裡面係有一個影響力，我已經好滿足。
「譬如有一個例子，我成日講嘅，就係《胭脂水粉》。嗰套劇我唔係主角，但故事最後有一個轉折位，就係原來所有壞事都係我做出嚟嘅，而呢啲事係影響成個家族發生咁多事出嚟。到依家仲有好多人會記得我喺嗰套劇裡面所飾演嘅奸角，我就會覺得咁樣已經滿足到自己。」
至於點解由主角變配角，向海嵐話佢自己都唔明點解公司會有咁嘅安排，但直認同公司發展方向不一，所以離開：「當時真係覺得佢哋不斷俾我嘅角色都係唔特別重要，或者唔特別討好嘅角色，至於備唔備受樂小姐（樂易玲）重用，咁就真係要問佢先至知。」
向海嵐話：「我自問自己係一個幾有禮貌嘅人，亦唔係一個會亂講嘢同容易得罪人嘅人。所以我就好好奇，點解公司會有咁樣嘅策略，呢個真係要問對方。我自己覺得既然我同公司嘅發展方向不一，咁就係時候要分開喇。」唔知係咪心中有刺，所以向海嵐之後復出娛圈，大家問會否重返無綫，佢就答：「有興趣了解新電視台。」明晒。
(蘋果日報)
吳若希今日喺康怡廣場出席新春活動，同財神齊齊派優惠劵、玩遊戲。
吳若希透露新年期間帶囡囡淼淼（Giselle）返鄉下福建：「太公太婆第一次睇佢，佢哋年紀大，平日精神都唔係咁好，但係見到個（曾）孫女就精神晒。」
吳若希笑指爺爺嫲嫲話囡囡似奶奶，令佢很傷心：「唔似自己會唔開心，咁似奶奶，應該係奶奶自己生㗎嘛！嫲嫲仲叫我生對孖嘅畀佢湊，遲多一、兩年先啦。」
吳若希仲話今個新年囡囡成日叫媽媽，原本係好值得記念，不過個女發脾氣先叫媽媽，玩嗰陣就叫爸爸，搞到佢話好傷心。
(蘋果日報)
藝人張栢芝向來都好享受同囝囝親子樂，近日栢芝又帶咗囝囝Lucas同Quintus去咗新加坡旅遊。
早前佢就喺網上為佢嘅手錶品牌發起抽獎，點知嗰名幸運得獎者竟送番兩盒直升機模型畀栢芝兩位囝囝，嘩！真係好貼心呀！難怪着上泳衣兼晒出事業線嘅栢芝拍片多謝粉絲。
粉絲送出兩架模型飛機畀栢芝兩個仔。
另外，佢仲喺社交網分享多張同囝囝嘅遊玩相，並留言：「最珍貴的時刻！」見到兩兄弟玩紋身貼紙，栢芝好sweet同佢哋合照。
隨後，栢芝再晒出抱住一個小朋友合照，搞笑咁話：「實在太可愛了2018年之前必定要生出BB來，this is my goal！」相信此趟旅程佢哋必定玩得樂而忘返喇！見到啲小朋友咁可愛，難怪網民都話栢芝想再做媽咪啦！
蔣怡（CoCo）和李亞男兩位幸福人妻昨日喺旺角出席一個美容品牌推廣活動，噚日蔣怡喺宣佈再同老公翁狄森（Dickson）成功「造人」，CoCo昨日透露今胎係陀仔，已經5個幾月，連同佢哋之前嘅4歲女兒翁容，湊成一個好字，感到好開心。
腳踏兩寸尖頭高踭鞋現身嘅CoCo，身形發福，佢透露預產期係6月尾，可能係巨蟹仔。問到B仔改咗名未呢？CoCo話：「冇咁快，好難改呀，成件事太surprise，嗰陣時幫我個女改名完全冇留過餘地要改第二個名，第一個翁容已經好好聽，第二個男仔真係未諗到，又想簡單唔好太多筆畫咁複雜，但又想好聽，暫時冇乜feel，可能要再遲啲。」
咁會唔會停工待產？CoCo話：「陀BB 4至5個月都好少出嚟見大家，因為真係好辛苦，成個人胃口變晒，又冇力，好多時候都係屋企，o依家啲胃口返晒嚟，大家都見到我都覺得肥咗，我成日同我囡囡講我係媽咪pig。」CoCo指上個月已經肥咗10磅，自己都覺得有啲愕然，仲話：「可能係男仔關係，吸收好多，冇乜食嘢都大，好事嚟，做一個開心嘅媽咪pig。」
CoCo話老公應該都會想揀日子開刀， 依舊會幫BB剪臍帶同入產房，不過估唔到竟然囡囡都話要剪臍帶，仲話要幫BB沖第一次涼，同爸爸爭過。
另外，李亞男同王祖藍結婚3週年紀念在網上放閃，兩人先同家人去了北海道，之後去咗杜拜過二人世界慶祝，順便造人。李亞男話：「希望今年可以成功，當然唔好畀自己有壓力。」李亞男見到CoCo懷胎送上祝福，以及去摸下沾旺氣。至於講到佢個好姊妹苟芸慧（苟姑娘）公佈婚訊，李亞男戥對方高興，希望幫佢做到姊妹同阿四，等緊苟姑娘通知。
(蘋果日報)
