藝人陳嘉寶（Anjaylia）去年11月與比她年長8年、任職滑水教練的富貴初戀情人黃頌祈拉埋天窗，榮升人妻的Anjay婚後與老公一直表現甜蜜，趁着大前日（22日）人日，黃頌祈就孖老婆外出拍拖過婚後首個佳節。
昨下午兩公婆拍拖前往中環行街，沿途見Anjay翹着老公，原本兩人邊行邊傾相安無事，但黃頌祈期間掛住撳電話，冷落了身旁的老婆，搞到Anjay即時黑晒口面，全程擰歪面唔望老公。
擰歪面唔望老公
帶老婆去時裝店「出血」任買，雖然只是平民化時裝店，但Anjay都睇得好開心，不一會已有斬獲，老公負責做阿四拿着大袋戰利品，見老婆買得咁開心，於是繼續同Anjay到附近購物，期間見到有記者，Anjay亦笑着揮手打招呼。
「出完血」他再去買雪糕補鑊氹老婆，果然甜品一出，Anjay當堂笑番晒，甚至邊行邊餵老公食雪糕，認真sweet！最後雙雙往停車場取車離開。
（on.cc）
依家各有家室，想約埋食餐飯都有啲難，貼相嘅Yumiko留言﹕「係香港都難見，日本先可以見到。」
唔知大家仲記唔記得「雷神」呢？唔係Marvel系列，而係三級系列嗰位，曾經拍過港產賣座三級片《3D肉蒲團之極樂寶鑑》嘅雷凱欣。雷凱欣當年憑住36F上圍，喺電影中一秒露點而成為佳話，被封「雷神」。不過有人質疑露點嗰個唔係佢，而係用剪接替身，被人話係「老點」。
但呢啲都係過去式，因為雷凱欣已經變咗一位賢妻喇！佢喺2012年撻著擁有近200架的士嘅車行太子爺陳智聰（Jack），自此絕跡娛樂圈，閒時同Jack周圍旅行，坐私人飛機吃喝玩樂，生活寫意。為咗「洗底」，雷凱欣都刻意低調，平時喺社交網多數貼食物或環境相。
點知噚日鄭希怡(Yumiko)竟然唔小心洩密，Yumiko近日一家三口去咗東京旅行，喺街上遇見雷凱欣都係一家三口，因為除咗Jack之外，佢仲揹住一個肥嘟嘟好得意嘅BB，面形圓碌碌，但樣似雷凱欣多啲，相信係二人嘅愛情結晶品。
據悉雷凱欣去年喺ig story貼咗一隻巨型鑽石戒指，當時好多人都送上祝福，但張相僅存24小時就冇咗。Jack同Yumiko嘅老公Andy好老友，Andy結婚當日，Jack都係兄弟團之一；但現在各有家室，想約埋食餐飯都有啲難，貼相嘅Yumiko留言﹕「係香港都難見，日本先可以見到。」
由於東京都幾凍，雷凱欣都係着住厚衫，但就戴咗頂帽同紮孖辮，一副賢淑look，與昔日性感女神形象相差甚大。
而雷凱欣隨後都有喺ig貼大頭相，但就得佢一個人，周子駒都驚訝留言﹕「終於見到樣！」
《蘋果》問過Yumiko關於雷凱欣嘅事，佢就回覆：「人哋嘢我唔講咁多⋯ 希望明白。」
(蘋果日報)
藝人梁嘉琪與電台監製金志堅（阿金）拍拖四年，早前爆出阿金有小三，小三更疑似懷上對方骨肉，未幾嘉琪就表示「已一個人上路」，宣布與對方已經分手。嘉琪今日透露初六起已密密工作，覺得相當感恩與充實，拍完廣告又有商演，新一年希望身體健康、每日開心。被問到現在心情如何？她說：「開心，我好簡單，有工作就開心。（想行桃花運？）隨緣啦！」
失戀的她被問心情回復未？她直言沒有甚麼大起伏，至於可有與阿金聯絡？她說：「其實我從來都冇乜點樣交代感情，今次都收到好多朋友關心，但係要講嘅嘢已講晒，私人嘢唔想公開講，呢個先係真實嘅自己！」
(ON.CC)
找到一個同居閨蜜十分幸福！
「少婦聯盟」的龔嘉欣和「胡說八道會」的姚子羚一直以來也是同居閨蜜，她們經常以「愛人」相稱，甜蜜滿瀉。二人於數年前收養了一隻被遺棄的唐狗，並將牠改名為「通仔」，好姊妹與狗狗一起生活得十分快樂。
嘉欣和子羚於數年前收養了一隻被遺棄的唐狗，並將牠改名為「通仔」。（網上圖片）
能成為同居閨蜜，對方定必有其吸引之處，問到嘉欣覺得子羚如何時，她大讚子羚：「心地好、心軟，同埋佢真係一個好好嘅女仔嚟。佢都係一個好好嘅聆聽者，又玩得，佢好玩得、好講得笑。」
談到當初為何決定住在一起，嘉欣說：「無㗎，大家話不如搬出嚟。」二人就這樣開始同居了，嘉欣表示因為當時住得很遠，駕車來回十分費時，令她缺乏休息時間，便決定要搬近一點。縱然「相處好同住難」，嘉欣卻從沒試過與子羚吵架，或許這就是二人的緣份。
嘉欣和子羚性格相互配合，生活中不乏快樂事件，嘉欣分享一件小趣事：「佢（子羚）成日打爛野，好得意嘅，佢係唔會救嗰樣物件。例如佢見到隻杯跌落去，我會同佢一齊（大叫）『啊！』但大家係無Action諗住去救隻杯，咁佢就跌咗落地下，大家就係度笑。你又唔郁我又唔郁，係呀佢都跌落去㗎啦，都幾搞笑。」
「天下無不散之筵席」，談到子羚出嫁之日將會是二人「分居」之時，嘉欣直言不擔心：「佢如果嫁得出快啲嫁喇！為佢開心，反而我唔會諗驚佢搬走或者點，都會想佢搵到一個好錫佢嘅男仔，有佢嘅家庭，希望佢嘅愛情又好事業又好。」若然有天任誰要搬走，相信她們也不捨得對方。
一名聲稱是內地醫院急症室的醫生，在微博發貼講述日前一名2歲女童因為發燒及身體抽搐，家人竟無知地給強灌半杯滾水急救，造成女童險些送命的病例，引起網民關注及熱議，當中有人直斥女童家人的愚蠢行為如同謀殺，也有人指出，內地仍有不少人迷信於坊間流傳的偏方療法，隨時搞出人命。
「2歲孩子發燒抽搐，家裏人為了促醒，居然往她嘴裏灌了半杯滾開水，後來可想而知，這個孩子口腔全部燙傷，嘴唇腫得跟驢一樣，關鍵是喉頭水腫呼吸困難」，發貼者稱，當時女童被送到醫院搶救時，已出現呼籲衰竭及心跳微弱，「還不好氣管插管，聲帶全水腫了，一插管就損傷黏膜，血直冒」。
發貼者更在貼中呼籲民眾不要用一些愚蠢、愚昧的辦法折磨孩子，「甚麼挑馬牙、挑喉嚨、灌開水、在燙傷的傷口上撒鹽……這些事我們兒科醫生都曾經碰到過」。發貼者直言，這些行為只會給孩子帶來更大的痛苦，甚至危及孩子的生命。
發貼者還透露，除夕當天度過了「驚心動魄」的一夜，除了2歲女童被家人強灌滾水急救，同時還有一名在路邊玩耍時遭汽車撞飛10多米的7歲男童。經診斷，該男童顱骨及雙腿骨折、脾破裂出血和失血性休克，幸好送院後經多個診科醫生會診，並進行4個小時的手術後，暫時保住了男童的生命。此外，當晚他們還接診了一名被電單車撞至顱骨骨折及腦出血的3歲孩童。
（ON.CC）
前年10月退出韓國綜藝節目《Running Man》（RM）的韓星Gary，去年4月宣布與圈外女友閃婚，並於11月宣布妻子一索得男的喜訊，雖然一直有傳Gary的妻子是內地人，但其後Gary身邊的友人透露Gary的妻子是其事務所的職員，比Gary年輕十歲。而Gary自從榮升父親後，亦不時透過Instagram上傳他抱着兒子的照片，雖然兒子一直未有露面，但從照片可見，Gary十分疼錫囝囝。
今日是Gary的40歲生日，亦是他榮升人夫及父親後的首個生日，故近日有不少韓國及海外粉絲留言向Gary送上祝福，Gary昨晚特地透過IG Story與粉絲分享他與兒子外出的照片及動態，更以英文寫上「Thank you so much」，感謝各地粉絲的祝福。此外，上周有網民在日本捕獲Gary，更興奮上傳與偶像的合照，未知Gary是否跟Rain一樣偕老婆到日本慶祝情人節呢？
成軍14年的台灣組合F.I.R.（飛兒樂團）曾經創作無數經典好歌，《我們的愛》﹑《Fly Away》﹑《Lydia》等等都係年輕人唱K必點之歌，陪伴了一代人成長。然而近年團體很久無出唱片，不過大家仍然期待他們三人的新作，但萬萬沒想到其中一位團員飛就在社交網站自爆，已經無預警被退團變成「局外人」了，搞到唔少歌迷驚嘆，紛紛上飛兒樂團的官網問個清楚。
事緣團體要出新歌，不過身為團員之一的飛就完全不知情，透過不同人的轉貼才得知這件事，後來更發現自己被移除了管理員的資格，求證之下才清楚已被踢出局：「親愛的所有團朋友，真抱歉過完年迎來的是這則消息，但這也應該是件好事。這兩天有許多人轉貼給我看才知道，原來團要出新歌了！後來上了專頁才發現我已經在2/16被移除管理員資格了，剛與兩位老師求證也得知他們即將有新的計劃，雖然這個計劃不包含我，我也在不知情的情況下被刪除管理資格，但無論如何能聽到兩位老師又有新作品我也是非常期待！祝福他們能夠寫出更棒更優秀的歌曲。」
其實就在去年11月阿飛已經表明，團員之間存在一些問題不過要等待時間解決，自己好愛F.I.R.：「我是Faye，也是F.I.R.的一員。這是永遠都不會變的。」短短3個月之後，這個結局就改變了，雖然唔再係F.I.R.一員，不過飛仍然好大方：「沒關係，雖然我已是局外人，但過去三人一起努力的成果，都願意與彼此分享，這是我愛F.I.R.的方式。」
而另外一名團員阿沁就在凌晨時份發文回應此事，表明飛被退團自己完全不知，為了避免誤會，他自己都退出粉絲管理員資格，由官方公司統一管理。更揚言三人一直無法達成共識，只好給予彼此祝福：「祝福我的音樂戰友。」言語中已經睇得出F.I.R.正式解散了。
飛被踢出局搞到唔少歌迷都為她抱不平，紛紛上官網問個清楚，表明無預警退出太唔尊重人「不懂得尊重人也不值得別人尊重」﹑「沒有飛只好退讚」﹑「沒有Faye就不要叫F.I.R.了」等等，大家都唔相信有呢一日到來。
對於飛被踢出局，團長陳建寧亦已經證實，表明因為之前有太多人一齊管理一個帳號太亂，有這個動作只是想有一個官方統一管理，強調若果飛未來想再回來，絕對歡迎。
(hk01)
「Morning…坐月子，這一刀，知道媽媽的愛，是如此偉大。大叔日記」
呢位坐月大叔林利，即係前小虎隊成員、《學警狙擊》周海媚個社團大佬老公杜亦天——現年52歲嗰個林利。
點解坐月？如題，因為腸癌，發現時已是第二期末期，就快第三期。林利一直生活作息都正常，十點就瞓，清晨五點起身，又鍾意晨運，但癌魔還是找上門。但亦托賴因為林利個底打得好，所以手術後康復進展不錯，話咁快已經跑上台，為隊友胡渭康演唱會又唱又跳。
胡渭康當然知道林利出咗事，擔心到不得了，但林利一上台唱唱下歌已經唔記得痛。兩人合唱咗首《伴我啟航》，胡渭康笑老友：「佢真係好兄弟，今日病，割完包皮都撐我，你今日唔好咁用力。」
林利首次透露患癌一事。他稱這半年來不時發現大便帶血，最初自我安慰是痔患，後來見政府呼籲年過半百者最好接受腸道檢查，林利就去了，一驗之下發現是腸癌第二期尾。林利表示當時佢仲接咗個美國登台Job，所以登完台先至入院做手術，仲識講笑話自己好似孕婦生仔咁要剖腹。
因為腫瘤太大，超過11cm，做唔到微創。醫生手勢好，病人又聽話，手術順利。林利亦乖乖咁好似孕婦產子後在家中坐月——話就話係「坐月」，但林利上月29號做完手術出院，今個月2號就跑咗上台同胡渭康RE-U。睇番林利fb上嘅大叔日記（佢真係咁樣嗌自己），篇幅唔長，但有心思。入院當日一大早貼一張懸崖上的人嘅罐頭相，寫道：「Morning…07:00生命中很多事情不能做主的時候，也默默的挺過去，經歷了什麼都不重要了，反而如何堅強和樂觀的向前走著，進入時光隧道^^大叔日記」
出院後keep住寫報平安，得閒坐下巴士、同媽媽行街市，話：「正面態度，抵抗身上惡毒，第八天出關了，感謝密友們和家人支持，放在心底深處….出院第一件事要做的，與媽巡視業務，另外2月2號胡渭康演唱會見^^大叔感恩」
林利：「癌症並不可怕，態度決定一切」。祝大家身體健康！
(Apple Daily)
李璨琛(Sam)在年初二涉醉酒駕駛被捕，雖然已獲准保釋，但三月下旬需返警署報到。
原來42歲嘅李燦琛即將為人父，同佢結婚5年、任職時裝設計師嘅太太梁志瑩(Pae)懷孕8個多月，預產期喺今年3月。據悉李璨琛對於自己醉駕被捕都好後悔，原本想親自駕車送老婆入院，依家都做唔到。
但其實李璨琛真係好錫老婆同即將出世嘅BB，早前Pae就喺ig貼咗老公專登報讀新手父母程，學習點樣餵奶同換尿片，老婆Pae留言﹕「加油呀爸爸! 我對你好有信心！你是最好的!」而在今個情人節，李燦琛都有陪喺老婆身邊。
Sam個多月前已經去上新手父母課程。(ig圖片)
Pao臨盤在即，但身形都keep住纖瘦。(ig圖片)
今個情人節，兩人一齊慶祝，Sam仲俾老婆笑佢開心到反白眼。(ig圖片)
而李璨琛喺醉駕之後一直潛水，希望佢做咗人爸爸之後，真係要生生性性，為人為己，唔好再醉駕喇！
(ig / apple daily)
楊思琦係出名嘅慳妹，慳慳埋埋，有傳聞話佢買咗5層樓……係咪真？！思琦梗係唔會話俾大家知啦！不過，思琦確實係一個好念舊嘅人，未選港姐前，細細個就住喺大坑西新邨。2001年，思琦當選香港小姐冠軍，即被冠以「屋邨港姐」之名，但佢一啲都唔介意，因為呢個係佢成長嘅地方。
思琦重遊大坑西新邨，咁長嘅屋邨走廊，現在好少見。
保安員會喺屋邨內種小植物，綠化環境。
思琦身手仍然好敏捷，三步就跑咗上小斜坡。
現在屋邨人口開始老化，思琦都係過年過節先返去探親友。
思琦話﹕「我由細到大都住喺大坑西，直至選完港姐後先搬走。依家每逢過年都會帶埋囡囡(楊卓穎)返嚟探親，但呢區都開始老化，好多年輕一輩都搬走咗。」思琦話以前屋村嘅設計夠闊落，同新樓冇得比，佢話﹕「依家啲樓好密集，但以前屋村嘅走廊多好長，隔籬鄰舍都會打開門，只關鐵閘，所以夏天唔使開冷氣都好通風。」思琦話舊區嘅人街坊仲好守望相助，連保安員都好似當自己屋企咁，會喺屋邨種吓花草綠化環境。思琦記得小時候有好多幾層樓咁高嘅大樹，佢話﹕「以前有好多高樹，細個會好驚行去大樹附近，因為有好多老鼠，真係成千上萬呀！所以好多樹都通咗窿，搞到打風時冧咗，好傷心呀，因為啲大樹係陪住我哋成長。」外表斯斯文文嘅思琦，原來小時候都好百厭，經常同哥哥一齊落公園玩，見到小斜坡，思琦兩、三步就跑咗上去，身手非常敏捷。
以前中秋節，思琦最喜歡喺背後嘅亭園玩。
佢笑笑口話﹕「依家年長咗喇，好彩仲跑到！」除咗鞦韆、滑梯、高低杆，思琦仲鍾意玩滑板，佢話﹕「呢度仲有個大公園，我最鍾意中秋節，可以賞月、點蠟燭，仲有玩火，哈哈，現在梗係唔可以啦，呢度實在有太多回憶喇。寶寶(囡囡)似我都係勇字行先，玩滑梯都好似跳水咁，頭向下，睇住佢玩就會安全啲。」玩完，當然仲要搵好嘢食啦！思琦就推介一間與大坑西新邨相隔一條馬路，有47年歷史嘅車仔麵檔，佢話以前放學後就會約埋一班同學仔去食。
呢檔車仔麵有47年歷史，老闆讚思琦妹個樣冇乜點變。
麵檔老闆一見思琦就認得，話﹕「你由Form 1就已經嚟食。」老闆仲讚思琦妹十年(應該係接近30年)如一日，話﹕「你着番學生裝都仲可以呀！」之後思琦仲返咗母校瑪利諾神父教會學校，見番以前嘅同學仔，佢話﹕「嗰位同學仔已經做咗呢間學校老師喇。」昔「屋邨港姐」變5層樓小富婆 楊思琦重遊大坑西日校外仲有一個雪糕伯伯，令思琦勾起好多回憶﹕「以前伯伯有賣凍嘅菠蘿，好好味，但伯伯離世後，佢嘅屋企人就送咗雪糕車俾學校紀念喇！」
思琦仲返咗母校一遊，見面以前同學，現在變咗老師。
(蘋果日報)
