張繼聰與謝安琪（Kay）的10歲大兒子張瞻，4日前終於開了個人instagram（ig）帳戶，第一日父母與朋友仔好捧場，有10個粉絲；過了兩日，粉絲人數過100，張瞻開心報喜；然後今日，粉絲過2千了，他當然要拍片鳴謝！
張瞻於短短幾日上載18個帖文，留言同拍片全英語，有同妹妹萌爆合照，又有同靚靚媽咪Kay貼頭合照，偏偏沒有爸爸阿聰！
另外，張瞻雖然大個仔擁有自己社交平台，但似乎自設陷阱給父母即時監察，即如昨晚12點半他都睡不著，於是拍片上網，阿聰就留言叫他小心，老爸要來了！Kay更厲害，留言說或許他玩得太多電腦遊戲，媽咪要考慮減少他打機時間！
(IG / Singtao)
男星吳尊出名係好爸爸，一有時間就會帶囡囡Nei Nei同囝囝Max周圍玩，呢日佢就同一班男友人喺泳池邊搞咗個燒烤Party，仲拖埋Nei Nei出席添！
話明係泳池邊開Party，又點少得剝衫晒肌嘅環節呢？有一身結實肌肉嘅吳尊索性全程赤膊上陣，仲同一班猛男一齊鬥谷肌肉，當中連一個5歲嘅小朋友亦加入戰團，真係隔住個Mon都Feel到肌味濃呀！除咗晒肌外，吳尊仲一邊抱住囡囡，一邊燒嘢食，令網民大讚佢Man到爆！
藝人岑麗香首次披露與老公「強強」的相識經過，自爆二人在朋友介紹下「Blind Date」（盲目約會），兩個陌生的人，不知道對方的長相、背景，直至見面才知道原來大家早有一面之緣，可算是命中注定！強強為她甘願放棄在加拿大建立的事業，來香港重新出發，香香婚後亦事事以老公為先，大小事項都作出匯報，連拍咀戲都先與老公商量！
香香與强强
用短訊作溝通
香香更首次披露與強強是「Blind Date」（盲目約會）而認識，她說：「當時我同朋友講，我想由零去認識一個人，咁就由朋友去安排，其實有好幾個朋友都想撮合我哋，所以我覺得係神嘅安排！」簡單來說，香香與強強是「相睇」而認識，二人起初只用短訊、電話去溝通，對於對方的長相、背景毫不知情，香香說：「第一次知佢咩樣，就係佢嚟我屋企接我去約會！」不過，原來他倆並非首次見面，香香表示讀大學期間曾在一間餐廳做兼職，不時會見到同事好友獲男友前來探班，強強當時就曾經跟過朋友一起出現在餐廳，所以他倆在多年前已有過一面之緣，此事令香香更加相信，二人的緣分是上天的安排！
移居香港遷就老婆
強強在加拿大發展多年，早已建立起事業及朋友圈，但婚後，他為香香甘願放棄多年基業，以及犧牲與朋友及家人的相處，隻身來港由零開始，為的就是成就老婆做演員的夢想，香香當然冧爆，直言老公很Man：「一個男人願意為一個女人去犧牲咁多嘢，就係為咗Support我嘅夢想，佢真係好偉大、好Man！」
成為人妻後，香香說經常聽到別人問她：「幾時生仔呀？」，對於生小朋友，仍為演藝事業打拚的她表示暫時未有計劃：「我有同老公傾過，大家都想順其自然，我哋拍拖時都係Long Distance，依家想多啲二人世界時間先！」
很多人以為香香嫁人後就會收山，做全職太太照顧老公，但其實過去一年她都忙於拍劇，她說：「其實結完婚之後，有段時間我返咗加拿大探吓屋企人，返嚟香港之後就一直拍劇，拍完《果欄中的江湖大嫂》之後又拍《溏心風暴3》！」
婚後一樣搏到盡
香香承認熱愛演員工作，認為只要在工作與私人時間之間取得平衡，就沒有需要退出幕前，甚至強強在來港定居前，也從來沒有要求過她退出娛樂圈，她大可繼續打拚。
在無綫台慶劇《溏心風暴3》中，香香飾演含着金鎖匙出世的富二代，與出身平民的王浩信相愛，卻被飾演媽媽的米雪棒打鴛鴦，二人經歷相愛卻不能愛，幸最後能修成正果！香香指劇集中的愛情橫跨二十年，令她印象難忘：「鍾意一個人，但係又唔可以一齊喎，我睇劇本嗰時已經覺得好慘。之後我喺度諗，如果我唔可以同我老公一齊嘅話，會點呢？我覺得好慘呀！」
只求平淡唔想咁激
被問到會否想在現實生活中有一段如此刻骨銘心的愛情？香香即笑言：「我想過平淡嘅人生，唔想咁多打擊喎！但拍戲就係咁，可以過一啲現實中過唔到嘅生活！」香香亦十分感謝米雪帶她入戲，她說：「劇入面我為咗幫屋企人渡過難關，要嫁比陳智燊，但係我唔鍾意佢，有一場戲係我攬實米雪姐喊！」她指米雪十分願意教她，拍攝結婚的一場戲時，真實地感到一段母女情。
（ON.CC）
10年前主演周星馳電影《長江7號》中周小迪的徐嬌，不經不覺已經長大成人20歲了，現今已是一位美少女，與從前「男仔頭」的她好大差別。近來，其主演劇集《初遇在光年之外》熱播，她終於獻出了熒幕初吻，而且更將自己對漢服的興趣用上電視劇中，再次令大家見到不一樣的徐嬌。
大家有留意徐嬌的都知道，她對漢服情有所鍾，不時化身古人拍照上貼社交網站宣傳漢服文化。而正正新劇中有一場戲必順穿上漢服，徐嬌就把專長發揮在劇集中，令不少人對她加以佩服，「在拍這場戲的时候，我堅持要為所有人準備漢服，但當初時間緊張，離開拍僅有一個禮拜，訂製是已經不可能了。我一個人在拍戲之餘忙活到脱髮好在有翾兒姐姐的鼎力相助，才能讓最難實現的婚服部分得以順利解决。」唔少人都大讚衣服好睇，她功不可沒。
另外，在劇集中徐嬌有一場戲與兩位男主角挑戰舞台劇，兩男為爭徐嬌而大打出手，最後被校園男神陸宇辰（陳若軒飾）錫錫，就這樣她就獻出了熒幕初吻，據知拍這一場戲時，男主角超緊張而徐嬌就冇有怕，反而給予加油打氣表示：「别緊張，你行的。」這一吻不禁令大家覺得周小迪已經長大了。
徐嬌平時對漢服情有獨鍾。（網上圖片）
(HK01)
現年65歲日本著名女星松坂慶子目前演出NHK大河劇《西鄉殿》，飾演男主角鈴木亮平慈母角色，當中一幕鈴木亮平孭住松坂慶子嘅場面感動不少觀眾。
《西鄉殿》飾演男主角鈴木亮平慈母角色
講到松坂慶子，佢80年代已登上事業高峯，松坂慶子喺1990年與寂寂無名音樂人丈夫高內春彥結婚，兩人育有兩個女兒，當年松坂慶子唔理父母反對同高內春彥移居紐約生活，令松坂慶子一度與雙親關係決裂。據消息透露，松坂慶子母親已年屆98歲，雖然母親當年反對佢同高內春彥嘅婚事，但始終血濃於水，松坂慶子斷絕母女關係28年，由於母親年事已高，松坂慶子就算工作忙碌也與丈夫照顧母親，更同於東京居住望方便照顧。
(Apple Daily)
藝人黃夏蕙、魯振順和艾美琦早前擔任電視台綜藝節目《菲你莫屬》的嘉賓，身穿華衣的夏蕙被主持問到為何穿晚裝出席綜藝節目？夏蕙笑着回答：「我成世人都好貪靚，任何時候都要着最靚嘅衣服同化最靚嘅妝見每一位朋友。」她表示最近在內地拍的電影中飾演村姑，雖然村姑應是樸素打扮，但她覺得村姑也可以靚，所以問導演村姑為何不可化靚妝，結果導演無奈地接受她的意見，她可以濃妝到田園拍攝。夏蕙又說：「拍攝當天溫度只有2度，仲要落微微雨，因為我好執着服飾嘅配搭，所以着咗一件短袖衫拍攝，嚟湊熱鬧嘅觀眾都笑我。」
魯振順近期忙於到內地登台，他說今年除了在無綫廠內拍攝電視劇《大日子》以外，還要到中山登台。而艾美琦今年會積極繼續在內地登台，以及抽多點時間準備在綜藝節目方面發展。艾美琦說人長大要收起性感，藝人應該要不斷進修才會成功！
在節目尾聲時，主持人整蠱黃夏蕙、魯振順，玩「猜猜你是誰」的遊戲時，估錯的一方需要吃碗裏的「奇珍異獸」，包括蠶蟲，蠍子，草蜢等恐怖的小食，令現場觀眾嘩然，由於契女艾美琦不想黃夏蕙為難，就豪氣地為契媽頂替吃昆蟲的懲罰。
新加坡女歌手孫燕姿現時懷孕四個多月，在微博貼上兒子坐在當地植物園的雕像上，留言：「初七人日動起來！祝平日快樂。」
孫燕姿道歉貼文，贏得網民點讚；也有網民代為解釋，讓雕像創作者Chong Fah Cheong揭幕這雕像時，都親自坐上去，據悉這雕像含義就是象徵新加坡兒童小時候愛玩的騎馬遊戲，也是向回憶童年致敬。由於新加坡和中國文化不同，孫燕姿本來可以不用道歉，但她考慮到內地的網民有看她的微博，所以刪掉及鄭重道歉，獲網民大讚。
(Singtao)
歌手Kellyjackie小時候是個聽教聽話的小妹妹，是父母眼中的乖女，但原來亦曾與細3歲的弟弟爭寵大打出手，幸好兩姊弟很快和好！Kellyjackie感恩有個「怪媽媽」，她說：「佢係『非常媽咪』，當我哋鬧交同打交，佢會叫我哋入房打飽佢，因為佢覺得如果幫一個，另一個就會唔開心，所以寧願我哋私下解決！」問到有否試過打出血？她笑說：「咁又冇，每次入到房，我同細佬只係唔出聲，最後死死地氣行返出廳。（細佬得父母心？）細個會呷醋，依家感情好好，拍拖會帶另一半畀大家過目。」
Kellyjackie又自爆小時候印象最深是坐爛多架BB車：「每次出街，媽咪都會推住細佬，我就要行，當我行到攰就會同細佬講不如畀我坐，佢坐喺我大髀上面，所以唔知坐爛幾多架BB車！」
組合ReVe成員Kay（劉瑞祈）趁假期回到惠州鄉下度歲。廿四孝的他探望外婆時，被對方說他又長高了，他笑言：「連續唔知第幾年返嚟見親佢都話我高咗，好肯定佢唔係冇嘢搵嘢嚟講，喺佢心目中我就係一個不斷長高的巨人！」不過不知是否回家見番朋友太高興，Kay約齊一班兄弟邊食曲奇一邊電影馬拉松，終於就搞到喪咳，他說：「我哋睇周星馳電影，我好鍾意星爺嘅戲，有啲更睇咗十次以上，嗰日我哋睇咗《食神》，《逃學威龍》1同2，不經不覺我一個人食咗半盒藍罐曲奇！結果第二朝起身就咳到傻，要即刻買藥嚟食，曲奇加周星馳電影嘅威力太大。」放假雖然開心，食嘢都要適可而止呀！
名模蔣怡（CoCo）同珠寶設計師翁狄森（Dickson）婚後育有一女翁容，阿女現時已經4歲幾。曾經講過封肚唔生、現年40歲嘅CoCo，啱啱喺IG再度宣佈喜訊！
CoCo雖然喺杜拜同家人旅行中，但今晚佢仍上載咗一張戒指照片，戒指設計係一條立體嘅蛇同兩朵花，原來呢隻戒指係Dickson為老婆而設計嘅，為送畀愛妻慶祝自己再做爸爸，蛇係寓意屬蛇嘅CoCo，兩朵花當然就係兩位寶貝。
佢留言話：「旅程的最後一天，在杜拜綿亙萬里的金色沙漠中，翁先生為我戴上了他的新作品。經典的方形戒指上盤據着一條眼睛閃亮的金色小蛇，那代表我。小蛇守護著兩朵小花，我的女兒嗡嗡和我生命中即將出現的另一朵小花。一個人生的新階段即將展開！」傳媒打畀CoCo恭賀，身在杜拜同家人旅行嘅CoCo就透過發言人話：「好開心，原本真係諗住唔生，係冇計劃嘅，呢個係驚喜，大家都好開心。聽日出嚟先同大家分享。」
(Apple Daily / ON.CC)
