大陸女星楊冪喺2015年電影《我是證人》中，飾演一名因意外失明嘅見習女警，演出後有好深感受，楊冪喺發佈會上，推動一項捐贈盲童物資計畫，仲承諾捐出100枝盲杖同50部盲人打字機。不過，楊冪近日被大陸媒體踢爆，指事隔3年，呢項承諾未有兌現，令外界質疑佢「詐捐」、「假公益」。
事後楊冪透過工作室發聲明，指一直以為中間合作人已完成捐贈，至今先知對方未有履行諾言，但又聯絡唔到對方。楊冪表示會立即完成捐贈事宜，指日後會慎選合作夥伴，並為此事作出道歉。
今日楊冪親自在微博作出交待，佢話﹕「知道這件事時整個人特別震驚難過，一直沒說話是覺得自己沒資格。不管甚麼理由，讓孩子們等兩年就是我和團隊嚴重的工作失誤，任何批評都該接受，也只有真正落實捐贈。才能表達歉意這幾天我們全力推進捐贈，有了實際進展向大家匯報，更要對孩子們說：真的對不起，謝謝給我們機會彌補，未來一定更加嚴謹。」
而楊冪工作室就上載咗兩張採購嘅單據，表示截至昨日，已完成全部捐贈物資嘅採購工作。從兩張採購單所見，楊冪工作室合共購入50部盲文打字機及100枝盲杖，合共50.3萬元人民幣。
(蘋果日報)
羅力威和雨僑今日喺淺水灣舉行婚禮，花了約30萬元訂場地行禮，更邀請200位圈中朋友慶祝，晚上則在另一場地與親友食飯。
一對新人於11時舉行簽紙儀式，容祖兒、王宗堯、關心妍、鍾舒漫、陳嘉桓和莊思敏等人觀禮，最後陳嘉桓成功搶到花球，很多圈中人大讚羅力威父親致辭搞笑，多謝雨僑老闆支持讓羅力威娶到雨僑。
一對新人喺西式花園影相，佢哋仲應要求親嘴，接受訪問時佢哋話因太多事兼顧，所以事前沒有綵排，羅力威指因有好天氣配合，整件事比想像中完美。
婚禮上羅力威沒有講愛的宣言，但訪問時就大耍冧功：「從今日起我哋係夫妻，用最清醒頭腦令佢生活井井有條，用最大力氣同雙臂將分擔佢(雨僑)嘅重擔，只有佢明白我嘅邏輯幽默感令佢開心，希望我哋拖手到老，保持出街傾偈，一直感覺像拍住拖咁過，我唔識講嘢 o依家隨口講，你中計。」
因工作關係，雨僑話佢哋要遲啲先可以度蜜月，工作已排至7月。至於可會急於造人？雨僑話希望生一至兩個：「生之餘都要養要教，現階段未得住，等完成晒工作先。」羅力威則指這個是喜好，要想清楚，好好計劃。另外，祖兒有出席婚禮但沒留低食飯，羅力威指沒有請劉浩龍：「因為我唔識佢，好感動祖兒來到，而且好多賓客一早答應出席。」
陳嘉桓接到花球，唔知下一個係咪輪到佢呢？
(蘋果日報)
藝人朱千雪、岑麗香、張名雅、區永權、岑杏賢（Jennifer）及陳國峰等到荔枝角出席《big big channel x Think Big！Workshop》復活節活動，千雪與現場小朋友玩得相當投契，她表示自己是家中長女，有湊兩位妹妹的經驗，亦很喜歡跟BB玩。問到與男友有否結婚生BB的計劃？千雪說：「玩住人哋啲小朋友先，結婚之前都要享受吓拍拖，依家未Enjoy完，我哋仲住喺兩個唔同地方，盡量都抽時間相處吓先。」
千雪嘆好友難搵男友
而單身的Jennifer則表示隨時Ready再拍拖，但暫時順其自然。問到千雪有否好介紹？她笑說：「都知道你咁問，有都介紹咗啦！」至於Jennifer說：「佢有兩個妹，係都介紹畀妹妹先，我最多排第三！」千雪笑說：「咁都冇辦法，真係有兩個妹，佢哋嫁唔出要我養㗎！而且Jennifer學歷高，都幾難搵！」
Jennifer則表示不覺得學歷高難找男朋友，認為男士應該要有自信，此時千雪卻愈講愈錯，表示跟Jennifer一起會很大壓力：「佢係心理顧問，同佢一齊佢會知你諗乜，會輔導你！我心諗，你咁勁，我唔使講嘢啦！」此時Jennifer顯得相當無奈：「唔好再踩喇！我已經好難揾！你真係好姊妹！」記者着千雪讚番Jennifer，她一時語塞，再說：「佢學歷高、人又靚、心地好，又識心理學……仲有咩呀？」令Jennifer啼笑皆非。
岑杏賢考獲職訓發展師
講到兩人在big big channel主持節目《心理急救室》，Jennifer考獲全球職訓發展師，她表示很開心有平台可讓她發揮所長，為有任何心理問題的觀眾提供意見。
(on.cc東網)
冇諗過會發生喺佢身上，已經報警，佢坦言好忟憎，之後仲係覺得好嬲，返到屋企嗰刻都撳住自己。。。
藝人黃建東（Derek）較早時間在社交網透露母親誤墮「點數騙局」被騙八萬港元並已經報警求助。就此事Derek接受東網訪問，對於媽媽墮入騙局他坦言感到忟憎，從沒想過會發生在媽媽身上：「佢係一名跳舞老師，用緊iPhone，基本上唔係同社會脫節。」
他指媽媽當時收到姨丈WhatsApp要求買點數，在未過問的情況下立即去便利點過數：「本身上緊堂教跳舞，即刻去咗便利店買遊戲點數，嗰八萬係分開碌幾次，便利店職員又唔覺有問題，畀完晒先打畀阿姨同佢啲仔女，但已經太遲。」
Derek表示媽媽剛從警察報完案回家，但由於過數屬於自願，故難以追討損失。問媽媽現時心情如何？他說：「尚可以，但我就好嬲，返到屋企嗰刻我都撳住自己，八百蚊都話，點知係八萬蚊。（損失慘重？）係，佢本身係一個好慳嘅人，教跳舞教到腳斷先得雞碎咁多。（有冇氹佢？）都有，佢氹番我多，但都返唔到轉頭，當買個教訓，但買得都幾貴，媽咪就其實想件事告一段落。」
他亦表示曾收過朋友被Hack訊息，但一睇就知道騙案而未有上當：「媽咪話幾年冇睇警訊，我都叫佢下次有事即刻打畀我同細佬，奉勸所有爸爸媽媽有咩要同子女商量。」
(on.cc東網)
圈中嘅美魔女有唔少，但唔可以唔提同樣係靚媽嘅郭可盈同郭羨妮（Sonija），佢哋有咩共通點？皆因佢哋都係90年代嘅港姐，亦係當時無綫當家花旦之一，拍過唔少為人津津樂道嘅經典劇，如《刑事偵緝檔案》、《酒店風雲》、《尋秦記》、《天涯俠醫》等，最緊要係佢哋至今已為人母，但個樣咁多年嚟依然如一、仲要愈嚟愈靚，你估咁易咩？女人愛美係天性，真係好令人羨慕！
無綫「See See TVB」官方社交平台專頁上載咗一條可盈同Sonija嘅大回顧，大家真係要落力睇真啲，因為佢哋個樣真係冇變過㗎！
片中見到1993年參選香港小姐嘅可盈笑容燦爛，最後仲獲得「最受傳播媒介歡迎獎」同「最佳演藝潛質」獎項。依家喺深宵時段熱播嘅《刑事偵緝檔案》，當中飾演高婕一角嘅可盈人氣急升，嗰時嘅佢塊面仲有啲Baby fat，笑得不知幾可愛，簡直又Pure由True。到10年後，可盈拍咗《酒店風雲》，演技進步之餘，樣貌仲冇咩點變，雖然多咗份成熟味，但塊面都仍然有Baby fat。
而1999年參選香港小姐嘅Sonija，當年獲得港姐冠軍、「最上鏡小姐」、「國際親善小姐」同「千禧才智小姐」獎項，真係美貌與智慧並重。到2001年嘅劇集《尋秦記》，飾演秦清嘅Sonija樣貌青澀，笑起上嚟勁純真。
到2004年嘅《天涯俠醫》，佢個樣依然冇咩變化，仲要愈嚟愈靚。如今可盈同Sonija都榮升人母，散發女人味之餘，個樣仲Keep得好好，唔少網民都話兩個絕對係凍齡美女。兩位靚女喺每個階段都有唔同味道，絕對係真女神。網民仲話當年嘅陶大宇、古天樂同張家輝一樣咁正呀！
網民有話兒：
CXXWIAASX：郭可盈，港劇天后！女神！
TIMXS DDX：郭可盈年輕貌美，郭羨妮愈有女人味。
PIXXNMXX：可盈塊面仲愈嚟愈尖。
GGIFMXCXX：女人愛美係天性，兩個keep得好好！
(on.cc東網)
藝人鄭希怡（Yumiko）嘅囡囡梁浸浸一向都古靈精怪，性格又非常活潑，年紀細細已經識踩單車、游水同滑雪，咁叻女，你話點可以唔鍾意佢？
呢日Yumiko就喺社交網上載浸浸爬樹嘅短片，片中見到浸浸想爬上棵樹度，不過佢爬極都爬唔度，但都依然冇放棄，不停用盡辦法，可惜最後都上唔到。
難怪Yumiko話：「無從入手，爬樹真係征服唔到。」之後老公梁學儲再晒出一段浸浸咬住支飲管，不停揈個水樽片，網友都話浸浸嘅精力真係多到不得了，可愛程度爆燈呀～～
(on.cc東網)
黎明BB嘅媽媽典助手Wing，依家專心安胎，ig同fb都刪晒，求耳根耒靜唔好再俾傳媒起底搵番佢同有米前夫以及富二代男友嘅戀事。不過，收到風嘅，點止傳媒？仲有一班好愛黎明嘅fans。
就咁嘅，黎明同樂基兒熱戀期間，經常去一家叫做RIVA嘅法國餐廳約會，黎明為紀念兩人甜蜜溫馨嘅日子，於是買咗個車牌，就係R1VA。但，原來去年十月嗰陣，R1VA呢個車牌，已經轉咗去Wing嘅黑色福士！
呢個轉變，係黎明fans先發現，但呢架車係AMusic公司登記，所以最初大家都冇為意。今日有周刊報道咗歌迷呢個驚天發現……咦，去年十月？去年十月Wing仲同緊車房之子、富二代Vincent一齊去周國賢細妹個婚禮，但依家，Wing依家已經係黎明BB媽媽，懷孕六個幾月……一言難盡。
講番呢個「R1VA」自訂車牌，黎明喺2010年，曾豪擲500萬元購入法拉利458 Italia型號黑色超級跑車，當時都係掛上「R1VA」呢個車牌。嗰陣仲係Amusic高層王凱文同助手子泉代黎明收車同驗車。依家呢個咁有意義嘅車牌，已經去咗Wing度喇！
(蘋果日報)
英皇藝人羅力威今日迎娶拍拖7年的女友雨僑，早上於淺水灣行禮，繼早前羅力威的新郎look曝光後，網友都好想睇新娘雨僑究竟咁樣靚法呢？
羅力威好友鍾舒漫就喺ig上載一對新人簽字儀式，見雨僑穿上低胸婚紗淺露事業線，兩人笑容一致真係襯到絕，難怪鍾舒漫都話係郎才女貌啦！
而電台主持人梁泰來都將一對新人行禮的盛況拍片放上ig同大家開心分享。
(on.cc東網)
真係甜到漏！對於呢份心意，佢非常感動，亦不諱言之前其實早已疊埋心水單身，想不到命運有此安排。。。
62歲嘅無綫資深演員陳榮峻，與已屆57年、同屬無綫資深演員吳香倫（Helen）譜黃昏戀曲，拍拖三年，婚已經求咗，仲係黃翠如幫手做媒人添。嚟緊就要著手籌備婚禮喇。
早前兩人接受田蕊妮主持嘅《1+1的深情》訪問，陳榮峻個仔仲現身，多謝Helen陪爸爸行過人生低谷，跟住阿田又讀出陳榮峻嘅女兒嘅一封信，同樣亦多謝Helen兼祝福佢哋，令陳榮峻同Helen都感動流淚。婚事籌備得如火如荼，結過婚嘅陳榮峻話好緊張，因為Helen未結過婚，希望可以好似求婚一樣，俾一個美好回憶對方。佢又話希望喺教堂行禮，等未婚妻有機會披婚紗，婚禮預計四、五月舉行。
對於峻哥呢份心意，Helen非常感動，亦不諱言遇到陳榮峻之前，其實早已疊埋心水單身，想不到命運有此安排。今日讀者黃先生就喺灣仔冠南華撞到陳榮峻同準陳太試中式禮服，兩人全程笑不攏嘴，Helen仲試咗幾套「褂皇」、「大五福」（即褂后），精心細選。
由於中國人忌諱「返頭嫁」意頭唔好，所以新娘只可以着一次裙褂，試身時點算？唔著下半部分，以拼湊方法去度。
繡莊師傅會為新娘預留吋半腰圍「走盞」，所以Helen都係下半身照着便服，上半身着褂。至於陳榮峻就試咗兩套，其中一套似皇帝衫，好多職員搵佢哋影相，陳榮峻亦十分樂意合照，成間舖都洋溢一片喜氣洋洋。
(蘋果日報)
藝人林淑敏下午出席活動推廣台灣美食。
林淑敏原來曾在台灣求學兩年，故對台灣美食有一定認識：「不過嗰時放學就要去補習，要追成績，反而之後改去多倫多生活，就真正重獲自由，所以我同自己講，如果我有小朋友，會送佢去外國。（諗住生？）唔得，有病（患癌）之後唔生得嘞，我老公本身好鍾意小朋友，依家證明佢鍾意我多啲。」
談到《愛·回家之開心速遞》添食加集數，她承認此事：「但未知加幾多。（挑戰當年《真情》？）梗係想啦，我哋成組人合作1年，依家感情真係好好。」
(on.cc東網)
