【平安通過~】張繼聰：懷住感恩嘅心向大家宣佈

2018-03-30

張繼聰凌晨貼出自拍照，高舉V手勢，留言：「懷住感恩嘅心向大家宣佈，2次！」佢仲話自己有僥倖嘅感覺，恭喜終於得咗啦～

有冇試過用自己身份證同回鄉卡，但過關被扣查，唔係因為晶卡壞或者張證過期，而係因為個樣出事，講緊嘅就係之前每次過關都被人捉走嘅—張繼聰，發生夠一定次數就fans開心share。

張繼聰凌晨貼出自拍照，高舉V手勢，留言：「懷住感恩嘅心向大家宣佈，2次！今日來回都順利過關，我覺得好幸運，不過明白幸福唔係必然，我會抱住謙卑嘅心去迎接下次嘅關口。」佢仲話明明張證係堅，但過到嗰吓有僥倖嘅感覺，反問係咩人生。

事緣佢張回鄉證四年前影，嗰陣冇留鬚，每次上大陸做嘢，過關都會被扣查，成日聽到後面有人講：「喂！嗰個張繼聰被人拉咗喎！」

通常出示埋身份證仲大件事，張身份證嘅相係十幾年前影嘅，由於張身份證同回鄉證又未到期換，呢個情況係唔會改善，佢更澄清自己冇走私、冇被人拉，只係證明唔到自己嘅身份，搞到每一次過關，每一次過關，拎住回鄉卡就有啲「心虛」，試過笑住過關、又試過扮認真、扮到精神啲嘅樣，「命運」都係一樣，直接被叫入房。

睇嚟喺IG講完之後，似乎有啲作用，佢平安「闖關」兩次都冇晒事，希望阿聰事事都順利「過關」。

(蘋果日報)

【廿幾年後再次合體！】古巨基重遇⋯

2018-03-30

歌手古巨基就嚟開演唱會喇，最近佢四出為個唱宣傳，早前仲突襲《東張西望》錄影廠做主持，回憶吓當年佢做娛樂新聞節目《娛樂新聞眼》主持時嘅情景。

開心事梗係唔好畀佢停啦，基仔呢日就相約一班《娛樂新聞眼》嘅台前幕後飯敍，最令人驚喜係好耐冇見嘅細龜（黃一山）都有嚟呀！佢同基仔攞住個《娛樂新聞眼》咪牌合照，真係好似返咗去細細個睇電視咁樣，基仔留言話：「來！假期來個回憶殺！娛樂新聞眼飯聚，超懷念～」

而黃一山都有上載照片上微博留言話：「90年代TVB皇牌節目“娛樂新聞眼”今晚在香港聚會晚餐，重遇當年拍檔古巨基，劉秀萍和一眾幕後工作人員，有些更是20多年未見，大家仍然健在，開心呀。」

(on.cc東網)

【恭喜恭喜～】生完囡囡之後宣布簽返⋯

2018-03-30

離婚一年後閃嫁機師，好快仲有咗，上年九月生咗囡囡，原來唔經唔覺BB已經六個月大啦！有仔又有女，一家四口幸福滿瀉！而家仲宣布。。。

37歲嘅何嘉莉（Lillian）與前夫育有一子Jean，2015年再婚下嫁機師男友Gerald Sze，冇耐就再懷孕，並於去年9月誕下小公主Zoe。

唔經唔覺Zoe已經半歲大，哥哥Jean好錫妹妹，今日何嘉莉就喺ig放咗一段短片，見哥哥好用心咁餵妹妹食嘢，真係好有暖男feel，而妹妹就口擘擘咁食得好開心，媽咪何嘉莉留言﹕「今天吃了第一口米糊，看來很喜歡啊！有最窩心的哥哥餵吃，我沒份吃都覺得甜甜的。」

一家四口生活美滿，何嘉莉最近亦復出幕前，簽番俾舊公司英皇，但唔係做歌手，而係做KOL，所以近呢幾個月，何嘉莉都好勤力，不時拍片講吓媽媽經，分享一啲養生心得，同教一眾媽咪做運動keep fit。

(蘋果日報)

【網民鬧爆】被爆偷食後老婆肚凸凸疑懷第二胎

2018-03-30

之前一直都係好老公好爸爸形象，竟然突然爆出醜聞，雖然老婆力挺丈夫，但他的深情形象依舊破功，今日更被爆出佢肚凸凸，有網民就話如果佢趁妻子懷孕出軌就真係。。。

大陸男星高雲翔演出《羋月傳》，在劇中飾演「義渠王」，驚爆涉性侵在澳洲被捕，當地法院拒絕保釋，妻子董璇力挺丈夫，但他的深情形象依舊破功。董璇30日被爆出疑似懷了第二胎，有網友發現她日前現身機場時，肚子明顯隆起，引起外界諸多揣測。

▲高雲翔爆性侵，老婆疑似懷孕。（圖／翻攝自微博）

董璇和老公高雲翔日前飛往澳洲拍攝新戲《阿那亞戀情》，她提前12天離開，沒想到高雲翔後腳就爆出性侵風波，她一開始關機不予回應，數小時後才發文力挺丈夫：「抱歉讓大家擔心了，我相信他。」有網友發現20日她現身機場時，肚子有些微隆起，雖然不是很大，但仍看得出來變化。

▲高雲翔爆性侵，老婆疑似懷孕。（圖／翻攝自微博）

當天的機場照在網路上瘋傳，外界揣測董璇可能已經懷了第二胎，高雲翔卻在她懷孕期間涉嫌性侵，引起熱烈討論，有人說：「如果董璇真的懷孕，高雲翔還偷吃，那真的罪該萬死。」但也有人認為一切事實尚未明朗，可能其中有陰謀論也不一定。

▲高雲翔爆性侵，老婆疑似懷孕。（圖／CFP）

高雲翔工作室聲明中指出，「近日，本工作室藝人高雲翔在澳洲工作期間接到合作方某負責人相關指控，網絡上隨即出現諸多與之有關的不實消息。」文中表示，澳洲警方已經介入核實狀況，希望大眾能耐心等待警方給出定論，官方同時表態相信事實與法律。

▲高雲翔爆性侵，老婆疑似懷孕。（圖／翻攝自微博）

(ETTODAY)

【網民超驚訝勁送祝福】終於公開婚紗照：謝謝大家的祝福

2018-03-30

真係好低調！終於公開婚紗照，仲好開心咁話多謝大家嘅祝福。。。

曾演出經典韓劇《冬日戀歌》、《天國的階梯》嘅42歲女星崔智友，噚日突然宣佈閃嫁拍拖近一年嘅圈外男友，震驚演藝圈。而友姐就表示因顧及對方係圈外人，所以未有刻意公開結婚一事，僅邀請家人出席。友姐嘅婚禮亦貫徹低調，直到噚晚先透過所屬嘅YG事務所公開婚紗照，不過老公仍然只得背影出鏡。

友姐憑《天國的階梯》打開海外知名度，喺日本、大陸都好有人氣，友姐亦曾拍攝大陸劇《第101次求婚》及《城市戀人》。

對於友姐噚日爆婚訊，中、日兩地嘅媒體同樣大感驚訝，大陸粉絲亦紛紛湧到友姐嘅微博留言祝賀。雖然友姐噚晚先公開婚照，不過其實佢昨午5點半左右已經喺微博發文，以中文寫道「謝謝大家的祝福」感謝粉絲。

(蘋果日報)

【同場仲有周汶錡】陳冠希N年前女友激罕現身

2018-03-30

全城盛事的Art Basel在灣仔會展舉行。Christian Dior今年亦加入展覽行列，舉行「LADY DIOR AS SEEN BY藝術展」，日前開幕禮，吸引了Wyman、周汶錡、琦琦、馬詩慧等，林心兒及周汶錡更穿透視紗裙，性感曬美腿。

當中，陳冠希N年前女友、楊受成姪女楊永晴(Vincy)亦有出席，Vincy和霍英東孫女霍詠詩一齊合照，神隱幾年的Vincy，甚少出席公開活動。她穿上一件應是Gucci的外套，清麗樣子和多年前差不多。

「LADY DIOR AS SEEN BY藝術展」展出Dior和藝術家就Lady Dior手袋創作的照片和雕塑藝術品，當中包括國際知名的藝術家，如：Olympia Scarry、 Kate McCgwire、名和晃平 (Kohei Nawa)等的作品。有將手袋變作X光照片、陶瓷作品，或透明、冰封等。

(蘋果日報)

【重點係⋯】鍾嘉欣佗住B都仲咁Fit！

2018-03-30

藝人鍾嘉欣（Linda）宣布懷有第二胎後，日前同家人去咗夏威夷度假，連日來都有透過社交網上載靚相。

今日，Linda又上載咗喺當地旅行嘅相，見佢着住黃色短裙仔大騷白滑長腿，身形依然纖瘦、仲散發出一股少女味，真係得天獨厚！佢留言話：「Where are you now？（你現在在哪裏？）lovelovelove。」

其後佢又換咗件牛仔褸，仲喺沙灘「行騷」咁擺出不同甫士影相留倩影，見佢一時撥髮、一時按肚，猶如模特兒一樣專業。佗住B都咁有仙氣～

雖然佢戴住太陽眼鏡，但原來當地天氣並唔係咁好，佢留言：「Where’s the sunshine？It’s so windy，grey and rainy here。（陽光在哪裏？這裡很大風、天灰灰和下雨）」，不過天氣明顯冇影響佢嘅心情，網友仲大讚佢係美麗嘅媽媽呀。

(on.cc東網)

【突然發現】立即入院做七個小時大手術：做完都唔係好郁得

2018-03-30

手術後住院兩星期，做完手術都唔係好郁得，出院要坐輪椅，瞓床期間腳肌肉有收縮，最初嘗試行路要用柺杖，又做水中行運動，初時行會失平衡。。。噚晚喺IG貼咗張佢返醫院接受治療嘅相片，仲話好想快啲好返，網民都紛紛為其打氣，希望佢早日康復！

剛40歲牛一有線前主播劉家聰今年初發現腦有瘤，1月底即入院開腦，接受7個小時大手術，割走一個6cm腦瘤，佢話個瘤良性第二期，住院兩周便返家休息，家聰憑住堅毅意志，康服進度比預期快。

家聰噚晚喺Ig貼咗張佢返醫院接受治療嘅相片，仲留言：「為求加快康復時間，有必要使用脈衝機。」原來家聰係返醫院接受物理治療，一星期要做兩次。

家聰今日接受《蘋果》電話訪問：「我腦瘤壓住行動區，影響手腳運作，開腦後住院兩星期，我做完手術都唔係好郁得，出院要坐輪椅，瞓床期間腳肌肉有收縮，最初嘗試行路要用柺杖，又做水中行運動，初時行會失平衡，要靠右做重心，又要烏低身行，後來做多咗復健運動，o依家有好大進展，但都要定期做物理治療。」家聰話噚日就返咗醫院接受物理治療，始終大病初癒，佢體力仲唔係好夠，身體容易疲倦，佢話：「我同醫生講好想快啲好番，重新投入工作。」

(蘋果日報)

【傳大台因為千嬅換走鄧萃雯】丁子高就回應話⋯

2018-03-30

有金牌編劇之稱嘅陳寶華，最近回巢返咗無綫拍《多功能老婆》，仲搵咗10幾年冇拍劇嘅楊千嬅做女一，早前佢哋仲搞咗個記者會宣佈呢件事，千嬅話今次係好有緣份同奇妙嘅事，佢話：「對上一次拍劇已經係2001年同林峯拍《美味情緣》，舊年12月中我開演唱會嗰陣，余詠珊搵丁生（老公丁子高），話陳寶華想搵我拍劇，仲話覺得呢個角色好似我！」

不過有周刊報道，查實呢套劇嘅女主角最初屬意係鄧萃雯，而雯女講過話等緊寶華姐嘅劇本，佢預留檔期演出，點知去到開記者會嗰日，先知道個角色唔係自己，空歡喜一場。報道仲話丁子高喺舊年決定成立經理人公司，一方面希望千嬅更加「入屋」，另一方面新公司又會搵新人，於是好積極同TVB傾合作，希望大家可以保持良好關係，報道又爆寶華姐都覺得同千嬅合作有新鮮感，喺收視有一定嘅保證，最後雯女錯失咗合作機會。

事後雯女接受周刊訪問話一直好想用廣東話對白，而且亦有同TVB傾緊，等緊啱嘅劇本同夾得到個期，佢又話可能之前去台慶頒獎禮，啲人覺得佢會返嚟拍劇，所以佢咪順應大家去講。

丁子高今日接受《蘋果》訪問話：「呢個真係一個非常莫名奇妙嘅報道，成件事係喺舊年12月，Sandy聯絡我，話寶華姐有一套劇要開，所以我哋咪一齊出嚟食個飯，第一次見面已經傾得好愉快，大家好有興趣，之後我哋咪一直傾落去，TVB俾嘅條件好好，好有誠意，所以最後決定試吓做，相信今次千嬅係一個幾突破嘅嘗試，佢都好耐冇拍劇，咁啱呢套劇嘅英文名叫做《Wonder Woman》，同千嬅演唱會想講嘅message一樣。」

丁子高解釋呢個故事出咗嚟，大家都覺得呢個角色似千嬅：「我都識得鄧萃雯，雖然唔係關我哋嘅事，但係都覺得有啲唔好意思，好似無端端有呢啲花邊新聞，好古怪。」

(蘋果日報)