【水中求婚超浪漫】原來已經低調嫁人！

2017-12-20

原來已經低調註冊，恭喜哂！！

被讀者「爆相爆片」到深圳試婚紗，關宛珊Kimmy回覆傳媒驚爆已做咗人妻：「我哋本來打算低調處理婚事嘅，得親戚同幾個朋友知道，其實我哋之前已經喺外地註冊咗，今次係補影番婚紗相咋。之前啲人唔知我哋註冊咗，會覺得點解我哋拍咗幾年拖，Patrick都仲唔求婚，覺得佢拖住我，今次可以還佢一個清白喇！haha。」

問到Patrick Sir 點求婚？係咪感動到喊住嫁？Kimmy甜認：「至於求婚呢，就係我哋喺Melbourne一個海灘游緊水嘅時候，佢突然喺水中拎隻戒指出嚟，所以都好surprised！Patrick諗番起求婚嗰日都好緊張，又唔知收隻戒指喺邊好，最後收咗喺條泳褲度，又好驚會被水沖走，hahaha，最後兩個都感動到流馬尿 (Patrick話一定要講係開心到攬埋一舊)。」

點解喺深圳試婚紗咁貼地？Kimmy表示：「其實係因為我睇到同一件婚紗，呢間公司比起一個美國網站平5倍(都係made in China)，仲可以度身訂造任改㖭，咁我做咗件婚紗返嚟，再去咗深水埗棚仔搵布，再搵香港嘅designer幫我加加減減，自己以前係讀時裝形象設計，重拾番返學做project嘅感覺，覺得好有意思。」

(蘋果日報)

【玩到咁大扮特首】福祿壽首上紅館邀林鄭睇騷！(有片)

2017-12-20

組成嘅福祿壽，唔經唔覺喺明年已經成軍10年，佢哋今日喺尖沙嘴出席記者會，公佈明年3月8及9號喺紅館舉行「福祿壽十週年演唱會」。佢哋3個今日悉心打扮，分別以3位前特首造型現身，其中祥仔就扮成董建華，李思捷就扮曾蔭權，王祖藍就扮梁振英。

佢哋除咗外形似連聲線神情都學到足，3個人仲喺台上輪流發表「思捷報告」，首先係祥仔扮演嘅「董八佰」話希望紅館座位加到8萬5，而且8萬5永遠喺佢心中；而祖藍扮嘅「涼浸英」就話表演會堅持一帶一路，即是一位大人帶一位細路嚟睇，而李思捷就扮「震撼權」。

3人受訪時透露扮特首呢個諗法係由祖藍提出

呢啲搬前特首上台嘅idea，由祖藍度出嚟。

大家聽到都笑到標眼水，仲大讚係絕橋！思捷話：「佢哋見我成日苦口苦面，最啱扮曾特首。」講到今次造型祥仔

阮兆祥扮成「董八佰」發表「思捷報告」

除咗造型，連神態同聲音都學足。

祥仔話佢哋啲造型花個兩個鐘嚟化妝

「花咗兩個鐘頭化妝，要先戴頭套然後逐條白頭髮黐上去，仲要整埋個眼袋。」祖藍話以前喺無綫冇咩機會扮特首同政治人物，最多都係扮過立法局議員，但今次唔係電視節目，所以可以玩盡啲，咁到時演唱會係咪會繼續扮特首？佢哋話：「都希望有機會，睇下到時係棟篤笑定還是係乜嘢表演形式。」現屆特首林鄭你哋又會唔會扮？祖藍話：「好難搵到合適嘅人選似樣，如果有機會想邀請佢嚟睇。」

呢個涼浸英自從尋日「出道」人人叫好個個都話俾佢搞到笑到有腹肌咩話？你未睇？唔緊要向來貼心嘅TM 專頁已經再次為大家預備咗精華片段歡迎share喲❤️#福祿壽十周年演唱會 #王祖藍 #涼浸英

由 TailorMade手工藝創作发布于 2017年12月19日

(蘋果日報)

【隋棠帶萌萌仔女「雪地初體驗」網民驚呼：長腿索媽！】

2017-12-20

台灣女星隋棠與家人到美國過聖誕，一行人日前更遠赴加州附近的雪山滑雪

隋棠嘅長腿真係冇得輸！

佢哋兩個都好可愛呀！

好似對身邊嘅嘢都好好奇咁！

不過網民就話媽媽自己嘅相唔夠多喎～

隋棠女兒LUCY與哥哥MAX齊齊穿上彩虹色外套，今次原來是LUCY的雪地初體驗，一臉好奇的樣子超可愛，而身為媽咪的隋棠則繼續大晒長腿，不少網民都留言說：「好幸福的一家人，但是媽咪的長腿才是亮點吧！」

(東方日報)

【唔知第日梁浸浸似唔似呢…】Yumiko激罕曬媽媽餅印照

2017-12-20

講到歌手鄭希怡（Yumiko）一定會好快就諗起佢可愛嘅囡囡梁浸浸，皆因浸浸憑住萌到爆嘅樣子，加上活潑性格，深受網友喜愛。

不過呢日Yumiko就唔係分享囡囡嘅生活點滴，而係罕有地上載佢媽媽嘅舊照，並留言表示：「我媽媽，真美。」

嘩！驟眼睇真係差啲認錯，以為係Yumiko，見到Yumiko媽媽面尖尖、眼大大，樣子非常清秀，媽媽咁靚，似乎Yumiko絕對係遺傳咗媽媽嘅優良基因。

唔少網民都話真係差啲認錯，大讚佢哋成個餅印一樣，甚有母女相，仲搞笑話有冇啲近照睇吓呀！

(on.cc東網)

【新娘無哂癮！秘密上深圳睇婚紗男友坐埋一邊勁禁電話】

2017-12-20

32歲味之天使「蜜瓜」關宛珊（Kimmy），入行9年只承認一個男朋友，就係「補習天王」林溥來（Patrick Sir）11年兩人去日本拍《勁食日本一》撻着，翌年公開戀情，臨近7年之癢，兩人計劃拉埋天窗，日前孖男友秘密到深圳試婚紗，被蘋果讀者白小姐透過「爆相爆片」分享喜事。

當時白小姐同未婚夫都喺度揀婚紗，認出有份拍劇集《愛．回家之八時入席》嘅關宛珊都喺店內

同Patrick Sir嘅戀情臨近7年之癢(關宛珊IG圖片)

白小姐接受《蘋果》訪問表示：「上星期喺婚紗店見到Patrick Sir同關宛珊，女嘅喺度揀婚紗，男嘅全程坐埋一邊㩒電話，之後婚紗舖啲職員都好識做，叫佢哋到上面嗰層慢慢揀，話上面嗰層冇人，我估應該係試婚紗，關宛珊臨走過嚟指一指我件婚紗，同職員講話要改呢隻布，見佢哋都有做畀錢之類嘅動作，不過唔揀咗邊件。如果真係結婚嘅話，真係恭喜佢哋！」

(關宛珊IG圖片)

準人妻關宛珊赤腳揀婚紗 (轉載蘋果讀者白小姐提供圖片)

從相片中所見，準人妻關宛珊赤腳揀婚紗，着牛仔衫襯闊腳褲嘅佢，企喺婚紗架前指手畫腳同男友商量，白小姐表示：「應該唔係第一次上去，女嘅揀完會嗌過去問男朋友，男嘅話之前嗰件好啲，可能本身揀好咗。」問到兩人有冇拖手甜絲絲？白小姐話：「見Patrick Sir都會主動攬女朋友，都幾親密，男仔警誡心高啲，不時周圍望，不過最後都坐埋一邊㩒電話。」

(轉載蘋果讀者白小姐提供圖片)

名門婚紗位於深圳，佢哋逗留咗一個鐘就走，白小姐笑笑話：「冇諗到佢地都會上深圳造婚紗咁低調。」關宛珊入行後好少緋聞，反而男友Patrick Sir同何傲芝（GiGi）喺12年拍過拖，分手後Patrick速食當時只有25歲嘅關宛珊，兩人大方公關戀情，去年關宛珊生日到大阪旅遊，專程到戀愛石還神，因為早幾年同朋友嚟過，之後就好快有拖拍，所以特登去還神。

(蘋果日報)

【今次堅係嬲！】曹永廉發脾氣：呢兩條契弟把口都唔收

2017-12-20

黎耀祥、曹永廉、蕭正楠及黃浩然拍攝的特輯《公公出埠》昨晚播映第二集，第一集中，四位型男互相送禮物、大談合作點滴，搞出不少火花，原來第二集中，曹永廉一度發火，指蕭正楠與浩然兩個夾擊他，佢講一句，佢兩個就頂三句，向來佢哋都係你單打我，我單打你，不過原來今次真係玩出真火，向來玩得嘅阿廉都扯火。

曹永廉接受東網訪問時謂:「我真係嬲㗎！嗰日我病緊，感冒到聲都轉埋，都病得幾犀利，第一日到埗佢兩個不停咁窒我，窒到我火都嚟埋，我都唔理喇！部機仲Roll緊，我就鬧，我就發脾氣！」

阿廉指之後兩個都唔識死，仲繼續窒，他說:「去到夜晚兩個都有同我傾番，又話唔好意思，算啦！兄弟點有隔夜仇呀！不過第二日佢哋又係咁，呢兩條契弟把口都唔收！佢哋係唔係都窒，都唔攰嘅！咁我不如唔好講啦！我真係發脾氣。」

問到平日甚玩得的他，突然咁躁，是否更年期時，阿廉即笑謂:「過咗更年期啦！之前去泰國拍嘢嗰陣咪更年期囉！依家過咗！」果然不失阿廉的搞笑本色。

(on.cc東網)

【木偶哥求婚！林師傑儲錢買樓娶歐陽巧瑩！】

2017-12-20

林師傑和女友歐陽巧瑩出席明珠台活動，談到聖誕節，林師傑坦言跟女友有共識，節日不會慶祝，因為想儲錢結婚或買樓，所以只會留在家中睇戲兼煎扒吃，又謂愈快結婚愈好，難得找到對的人是開心的。

林師傑自爆被老闆何哲圖追問婚期，但自覺正值事業拼搏期要以工作為先，又爆老闆認為應該以結婚為大前提才拍拖。歐陽巧瑩亦冧爆指願意嫁給男友，不過千萬不要搞大龍鳳求婚儀式，怕覺得尷尬。

(頭條日報)

【有片】胡諾言囝囝飲醉酒咁行超可愛

2017-12-20

藝人胡諾言與陳琪的細仔胡浩錕一歲兩個月大，與爹哋餅印一樣的萌樣深受網民喜愛，近日陳琪更將浩錕學行的影片放到網上，身着比卡超工人褲搖搖欲墜超可愛。

原來浩錕近兩日才學識步行，媽咪陳琪說：「呢兩日先試行，啲粉絲笑佢飲醉酒，行到搖風擺柳，當日都係見商場唔多人，咪畀佢試下行幾步囉，都真係影片裏面嗰幾步，再多都冇喇，要人拖住先得。（識得叫爸爸媽媽？）識得講麵麵、Jay Jay同Jacey（長女與二女的名字），但就係仲未識講爸爸媽媽！」

(on.cc東網)

【情侶裝放閃！鄧紫棋同男友戀情浮面】

2017-12-20

歌手鄧紫棋（G.E.M）、賭王三房千金何超蓮同藝人李蘊一向老友鬼鬼，呢日佢哋三個閨密就約埋一大班朋友預早慶祝聖誕，見到佢哋一大棚人，真係好熱鬧！

鄧紫棋IG

三姊妹感情超好！

李蘊抽到G.E.M嘅男友Mark份禮物。

聖誕大餐勁豐富！

大合照好WARM!!

G.E.M都着住格仔衫，戀情浮晒面。

男友幫手影相留念，睇嚟佢哋嘅關係喺朋友間都唔係秘密。

G.E.M抽到薑餅人屋好開心！係咁大叫好靚呀！

不過呢一日Party嘅Focus就落咗喺G.E.M同佢造型師男友Mark身上！有眼利網民發現佢哋着住情侶裝，但就唔係exactly着住一模一樣嘅衫，而係上身都着住格仔item，低調晒恩愛得嚟不落俗套呀！

佢哋都異口同聲話交換禮物嘅環節好開心，唔知佢哋中間發生咗啲咩爆笑嘢呢？真係隔住個Mon都感受到個歡樂氣氛！

(東方日報)

【早前傳分手】馬國明靠呢樣箍住心穎！？

2017-12-20

今年43歲的馬國明與年輕15載，28歲的無綫花旦黃心穎相戀一年多，兩人每次被傳媒追問戀情時，亦不時隔空打情罵俏，就連最近馬國明憑《降魔的》提名《萬千星輝頒獎典禮2017》視帝，身為女友的心穎亦落力為男友拉票，但一直有傳女方家人指兩人年紀有距離，應要作長時間了解，難怪兩人拍拖至今，雙方仍未見家長。

而戀情受壓的馬國明近日雖然未有新劇在身，但見他卻未有約會女友拍拖，反而一星期內往銅鑼灣做足三次Facial，實行執定靚樣，減齡「回春」箍心穎。

馬國明於昨日下午約三時又出動往做Facial，離開寓所時被問到最近與心穎甚少見面，他說:「唔講咁多啫，無謂講咁多，一路都係了解中，如果有公布，就可能係結婚或者咩囉（意指分手）。我哋唔想食咗咩飯、睇咗咩戲，都要交代得咁Detail，係兩個人嘅事。（點形容同心穎嘅關係？）幾好呀！幾好！（係咪男女朋友？）了解中啦！未一齊之前都一直係了解中啦！（依家係咪去搵心穎？）唔係呀，我依家去做Facial呀！」

之後他便步往取車，途中更被女街坊拉着合照，馬國明之後驅車往銅鑼灣扮靚，其間更不停撳電話，看來是向女友報告。

至於黃心穎接受東網訪問時，似乎與男友夾定口供，她說:「我哋感情冇變，正如馬國明所講，拍拖唔一定要畀人影到嘅，我哋了解中，佢又忙拍戲，我又忙拍劇同排舞，大家各有各忙，我哋有Keep住聯絡。（有冇人斟你哋情侶檔演出？）有呀，我哋倒數會同場。」提到馬國明有時間去做Facial都未有約會她，心穎笑言:「我冇時間做Facial喎。」

(on.cc東網)