台灣天后張惠妹出道21年，雖然被指身型略胖，不過阿妹係實力派，仍憑歌聲俘虜fans嘅心，噚晚身在上海嘅阿妹，於推出新歌《身後》嘅MV前夕，喺facebook直播講差唔多6分鐘，阿妹講講吓，有啲眼濕濕。
據台灣報道指，阿妹應該係諗起病逝嘅二姐，2015年3月11號，阿妹第一場烏托邦演唱會，阿妹於台北完成總彩排，之後收到家人電話告知「二姐走了」，阿妹即回台東奔喪，再趕返台北表演，一個人承受悲痛。噚日阿妹直播，忽然情緒低落，阿妹話上海剛結束彩排演唱會，覺得有啲嘢想同大家講，「剛才也在台上和家人看了這支MV，大家都很感動，我自己也哭了，這支MV對我是很重要的MV 」；阿妹首先很感謝林俊傑作曲、Hush填詞完成《身後》呢首歌，講起呢首歌眼淚就忍唔住。
阿妹指可以藉著《身後》，讓佢想念家人及朋友，希望大家睇完，能畀身邊嘅人較多嘅愛同關心，「也可以想念、你們想念的那個人」；阿妹強調：「之前都不敢看這首MV，剛剛才看了，大家可以感受一下這支MV和這首歌」。新歌《身後》描述失去至親嘅沉痛，MV呈現往生者從解剖台到進塔位嘅過程。
阿妹好欣賞MV構思，但擔心自己控制唔住情緒阿妹因親二姊離世，體會人生無常，此外，2016年3月發生冷血殺害女童小燈泡事件，亦令阿妹痛徹心扉，所以呢首歌同時亦為咗紀念4歲女童「小燈泡」，「失去親人的痛很難用言語說出來」，呢個MV係阿妹唯一冇入鏡嘅MV。據知製作團隊喺拍攝MV時，特別訂造冷凍櫃，確保葬禮花海嘅鮮花可以喺強光下存活，另外，仲搭咗一條長隧道，讓攝影機通過火焰高溫，製作費高達約155萬港元(600萬元台幣)。
(蘋果日報)
左起：Riley,Toffee,Ceci,Jovi
Riley（霍柔心）話見到啲小朋友流晒鼻涕跑出嚟接收物資覺得好心酸！
Toffee（唐菲）直言感到受寵若驚和超感動，會提醒自己更珍惜食物。而Jovi（周汶希）就很驚訝為何仍然有人居住在這麼惡劣的環境，深感香港人很幸福，自己亦是幸運的一人，希望日後可以幫助更多有需要的人。
Ceci
