內地女星章子怡喺2015年下嫁歌手汪峰，同年年尾囡囡「醒醒」出世。
尋日就係醒醒嘅兩歲生日，章子怡同汪峰搞咗個Party幫囡囡慶祝，現場以粉色系列為主充滿童話氣氛，除咗布置有大量彩虹獨角獸氣球之外，就連其中一個蛋糕都係獨角獸造型，睇嚟醒醒應該好鍾意獨角獸！
除咗佢哋之外，汪峰同舊愛葛薈婕所生嘅女兒「小蘋果」都有出席，四個人黐埋一齊影相又手拖手切蛋糕，畫面既溫馨又有愛！
而章怡亦喺微博感性留言，話依家先明白如果冇醒醒的話世界會係暗淡無光：「我們的醒寶兩歲了！15年的今天，這個小生命的誕生為我的生命畫上了濃墨重彩的一筆，我知道我會很愛她，可我不知道她出現的730天裡的每一分鐘都在讓我明白，沒有她的日子將會多麼暗淡無光，無趣脆弱，她的到來讓我柔軟又堅強，滿足又幸福。感恩有你，生日快樂醒寶！」
(on.cc東網)
郭富城自從娶咗老婆方媛（Moka），又生埋囡囡Chant之後，工作仍然未停過，雖然佢平日受訪鮮有提家事，但係其實佢都係黐家男。
大陸微博用戶「娛樂給我五」今日出post，指城城日前同老婆Moka喺上海過聖誕，仲指佢哋去咗名店，買完禮物之後再去食飯。張相就得個背影，但見到男方孭住個背囊，左手插袋，右手拖住女伴而行。睇番女方嘅打扮，再對比番Moka聖誕節當日發嘅微博相，相信係同一人。而Moka個微博亦有影到當晚晚餐嘅食物相，更有佢企喺商場聖誕佈置前影嘅合照，唔知係咪城城操刀。今次兩人撇低囡囡Chant享受二人世界，可見城城好注重夫妻相處時間，認真識做。
拖埋老婆Moka行名店（微博圖片）
（微博圖片）
（微博圖片）
(微博/蘋果日報)
每年美國電影網站TC Candler都會公佈「全球百大美女排行榜」，每年選舉都公開畀來自世界各地嘅網民投票選出佢哋心目中嘅美女，今日網站就公佈全球最靚嘅百大美女。
當中幾位韓國女神宋慧喬、全智賢、金泰希、允兒等通通都落選，令人大跳眼鏡。
曾經兩年連續封冠軍嘅韓國女團After School成員NaNa就由去年第3名跌至第5名，反而韓國女團TWICE嘅18歲成員周子瑜就由去年第8名躍升至今年嘅第3名，子瑜除咗係台灣惟一一位入選外，佢嘅排位仲係亞洲第一。
至於今年「百大美女」冠軍就由去年嘅亞軍菲律賓裔美國混血女星Liza Soberano撼贏一眾女星，成為全球最靚美女。
其他有份入圍嘅女星包括：
第1名：菲律賓裔美國混血女星Liza Soberano
第2名：法國模特兒布隆多Thylane Blondeau
第3名：女團TWICE台灣成員周子瑜
第5名：Nana @After School
第8名：大陸女星鞠婧禕
第14名：英國女星Emma Waston
第15名：LISA＠BLACKPINK
第18名：JENNIE＠BLACKPINK
第21名：Sana@TWICE
第22名：以色列女星Gal Gadot
第23名：Seulgi＠Red Velvet
第26名：大陸女星迪麗熱巴
第32名：李聖經
第34名：日本女星石原聰美
第38名；日本女星小松菜奈
第40名：泰妍＠少女時代
第49名：大陸女星林允
第51名：「國民初戀」秀智
第55名：Irene＠Red Velvet
第62名：高雅娜
第69名：Jessica
第75名：大陸女星朱珠
第84名：日模丹羽仁希
第88名：朴信惠
第99名：PRISTIN中國成員周潔瓊
(蘋果日報)
在TVB打工的藝人，連踩是常識吧。之前拍TVB 50周年重頭劇《深宮計》的馬國明，因為要趕進度，結果要連續開工27.5小時！收工之後，劇組才「皇恩浩蕩」讓馬明放假一天，一日只得24小時又怎可以彌補超時工作？
馬明連踩27.5小時，唔係最誇張。（資料圖片）
馬明這個例子，證明工時太長在TVB拍劇的最大敵人。工作與健康，永遠都是後者最重要。
聽到不少藝人對TVB工時如此卻步，都會有興趣了解大台的福利制度，到底做藝人有無大假放？一年又有幾多日大假？試過做幾耐才可以真正收工？還是要找有「TVB鐵人」之稱的馬國明為我們深入探討。回顧剛播完的台慶劇《降魔的》
拍攝時間為期4個月，而馬明擔正做主角，基本上日日都要返工：「當時冇咩假放，因為《降魔的》大約廿集戲，唔會有好多演員，所以差唔多日日都要開工，變咗都會辛苦啲。不過拍大劇嘅，有多啲演員拆開唔同線，變咗唔使日日開工，咁樣會輕鬆少少。」
不過，馬明拍《深宮計》連踩27.5小時其實濕濕碎，他回憶起N年前曾經直踩4日：「好耐之前我試過連踩8張Rundown，因為張張都有我，呢8張rundown都拍咗成4日3夜，我就踩足咁耐。」On Call 36小時不是夢，因為馬明試過On Call 96小時…至於藝人能否好似其他人般有年假？馬明就話：「呢個行業又好難概括咁講假期呢樣嘢，始終每個人張合約都唔同，好難講你知。不過都好睇自己嘅，當然可以請假，不過返工就唔會有假放…即係嗰日唔使開工咪就係放假囉！」
歌手吳若希（Jinny）上年認愛澳門闊少Alex，並喺今年四月誕下為誕下囡囡Giselle，今年二人更拉埋天窗。升呢人母嘅佢，不時喺社交網晒相放閃。
呢日，Jinny又喺Instagram分享收到一份Sweet爆嘅聖誕禮物，仲留言：「他問我為甚麼其他人送的禮物喔會post上網，他送的我不post～～🙈🙈好啦～謝謝老公！」
大家估吓Alex送啲乜？其實唔難估嘅，Jinny一向鍾情名牌包包，今次…冇錯！佢又係收到包呀，Jinny勁開心，仲「獎勵」埋老公入鏡添！
(on.cc東網)
邵音音、李龍基、譚炳文及大AL，昨日為明年1月初在麥花臣場館舉行的《音樂過來人唱遊金曲50年》演唱會綵排。
音音姐自誇唱歌難不到她，不需要為演出刻意練歌練氣，跳舞也沒有難度。她解釋：「年輕時已練好底子，現在就不用練。我想唱姚莉、吳鶯音那年代的歌。」患癌正康復中的音音姐，寧推掉不少登台及拍外景工作，怕太操勞辛苦自己：「有人叫我出海上郵輪登台我都推了，寧願過年留在香港。因為驚出到海，死了怎樣算？留在香港過年人多最好，四圍人迫人，我最喜歡熱鬧！」
李龍基透露屆時唱3首歌，不過他嫌未夠喉，又謂剛返港幾日，之前到內地走幾個地方登台，在工作中過聖誕，問到是否豬籠入水？他謙稱不是：「1月這個演唱會後，4月會在新伊館做雜錦騷，6月和8月都會演舞台劇，最快2018年年底，才有時間開個人騷唱夠本，正籌備中希望成事。」
(明報)
內地女星趙麗穎今年憑劇集《楚喬傳》再迎演藝路上另一高峰，「戲」勢直逼楊冪與范冰冰！入行11年，她一直飽受批評及惹來不少是非，但農村出身的她由「村姑」搖身一變成為「千億點擊女王」，身家更以億計，而且今年只有30歲，的確夠傳奇！ 
內地女星趙麗穎
要說趙麗穎為「千億點擊女王」絕無花假！近4年主演的劇集《花千骨》、《老九門》、《陸貞傳奇》以及今年的《楚喬傳》等，至今網上累計的合共播放量突破1,500億！至於《楚》劇與楊冪的《三生三世十里桃花》之鬥，亦是今年內地視界最矚目一戰。《三》劇由今年1月播放，直至昨日網上累計播放量突破455.5億，而今年6月開播的《楚》劇直至昨日，網上累計播放量已突破459.5億，並成為首部在播期間突破400億點擊量的電視劇！氣勢如虹的《楚》劇不單在YouTube創下華語劇突破2.3億的觀看人數紀錄，同時更有多達23種語言的譯本在全球85個國家及地區播放，又獲法國康城電視節選為全球24部最熱電視劇之一，成為唯一入圍的內地劇集！
《花千骨》逾280億點擊！
《陸貞傳奇》突破100億點擊！
《楚喬傳》逾459.5億點擊！
《老九門》逾200億點擊！商業價值力壓范冰冰
趙麗穎與楊冪今年齊被內地傳媒及網民稱為「收視女王」，兩人的「劇」鬥更蔓延到明年！有指趙麗穎有五劇在手並將會陸續在明年推出，包括時裝劇《你和我的傾城時光》、古裝劇《知否知否應是綠肥紅瘦》等，實行圍剿由楊冪主演的新劇《扶搖》！雖然論收入，趙麗穎今年以1.9億元打入褔布斯名人收入榜位列第4位，與排第三的楊冪相差2,000萬元，但本月初公布的「2017中國明星商業價值榜」中佔第2位，力壓第3、4名的楊冪及范冰冰，全因《楚》劇效應令她成為多個國際品牌的代言人，登上女星之首！
出道以來，趙麗穎最受批評的是農村出身以及只得中專畢業的學歷，比起其他來自北京或上海戲劇學府的花旦，自然成為話柄，加上她曾言：「感謝爸媽給了我這麼一張臉，沒把我生得像農村人。」隨後立刻被狂批指看不起農村人！雖然心直口快，但她多次表示以出身農村而自豪：「祖輩都是農民，父輩祖輩都喜歡文藝，但就是這樣的農村經歷，磨練了我堅強的意志，造就頑強的個性，這些經歷成就了今天的我。」
捱足七年配角 《陸貞傳奇》爆紅
趙麗穎（右）捱足七年配角，喺《新還珠格格》終於把握機會發圍！
所言非虛，趙麗穎靠個人努力做足七年配角才攀上一線地位，本身畢業於航空服務專業的她未有投考空姐，反而有次與朋友見到劇組招聘臨記，以貪玩的心態嘗試，結果一試即有戲癮！2006年，她參加馮小剛與陳凱歌等名導參與的選秀比賽奪冠入行，並展開長達七年的配角生涯，常演丫環與孫女等角色，直至在《新還珠格格》憑角色「晴兒」開始嶄露頭角，2013年與陳曉合演的《陸貞傳奇》更成為其演藝生涯轉捩點，正式走紅。趙麗穎在三年前成立個人工作室，近年簽了不少新人培訓，旗下的金瀚就是因其之名而在《楚》劇演出。
身家過億 慳己唔慳人
身家過億兼為國際品牌寵兒的趙麗穎，私下只是慳妹一名，衣食住行全冇暴發味，常被發現選坐經濟位、掃減價貨、一對鞋着多次以及慳食兩餸飯，應使得使！慳自己唔慳人，趙麗穎豪待員工，曾送價值近百萬名車外，亦常有善舉，早年有指曾捐錢返鄉下修路，雖被指只修「小破路」兼是「豆腐渣工程」，但網民粉絲力撐她有心不忘本！富得低調，理財投資有道，早前有內地傳媒踢爆趙麗穎是超過十間公司的股東，去年更成為一間擁有秒拍、小咖秀等app產品的內地科技公司副總裁，還是《楚》劇的投資者之一。
—————————-
(東方日報)
汪明荃（阿姐）、薛家燕及李家鼎等錄影賀年節目《新春辦年貨》，家燕姐多謝阿姐百忙中抽空做嘉賓，又爆李家鼎曾追過阿姐，鼎爺笑言發夢發過，阿姐是他的偶像。家燕姐稱節目共10集，鼎爺負責入廚煮賀年菜，郭晉安、蔡思貝及傅嘉莉等做嘉賓，還會到台灣及內地拍攝，不過鼎爺表示不會隨隊到台灣。
問阿姐平日有沒有入廚？她表示會煮蕃茄炒蛋，由於以前外婆紮腳不便出街，所以她負責去買餸及洗切材料，不太喜歡下廚的她笑指老公羅家英只識彈，亦甚少入廚，還說吃不到以前媽媽餸菜的味道。阿姐又讚鼎爺的私房菜排到4月，家燕姐與姊妹試過鼎爺的私房菜大讚好味。春節期間黎小田開演唱會，家燕姐表示會撐場，阿姐亦會留港度歲。
(Singtao)
劉青雲同郭藹明結咗婚19年，不過佢哋依然好鬼sweet，係圈中出咗名嘅模範夫婦！青雲喺15年嘅金像獎拎影帝嘅時候，佢對住老婆冧爆咁話：「多謝我太太，女性觀眾鍾意聽，每次當我揸住太空船，飛到宇宙唔知邊度，你總有辦法令我安全返回地球。」郭藹明聽完之後梗係感動到喊，仲惹嚟唔少女性葡萄嘅目光！
今日有周刊報道，日前郭藹明同青雲去咗西貢橕枱腳，雖然餐廳坐滿人，但係郭藹明依然懶理，經常用好仰慕嘅眼光望實老公，離開餐廳嘅時候，手拖手邊行邊傾，講到興起，仲好肉緊咁攬實老公，青雲當然好熱情咁回咀！
最難得嘅係，今年郭藹明已經50歲，不過佢依然keep得好好，而且佢仲有少女心，又會成日用心心眼望實個老公，難怪結咗婚咁多年，依然keep得好激情！
郭藹明曾經講過，之前好努力經營婚姻，o依家係收成期，所有嘢係得來不易，好似青雲對飲食有要求，但係佢嘅廚藝麻麻，所以青雲唔係好鍾意喺屋企食飯，之後郭藹明好努力咁去學整嘢食，結果o依家成日見到佢哋去買餸返屋企玩煮飯仔，青雲仲會喺朋友面前讚老婆嘅廚藝！郭藹明仲話青雲係一個唔肯妥協就唔肯妥協嘅人，佢從來都唔會囉唆同管住青雲，通常等佢撞板之後，先叫老公用自己嘅方法！
(蘋果日報)
藝人謝霆鋒以一身Cap帽黑超運動裝打扮，現身赤鱲角機場，兩點左右出閘的他心情大靚，見到記者便笑住講聖誕快樂。之後，他便邊行向停車場邊受訪：「啱啱去完吳君如新戲北京首映，佢哋冇出嚟咩？（冇去Party？）我唔去Party嘅，我都唔知咩係Party，我日日都係節日。（除夕點過？）除夕？咩嚟？年年都係咁過啦！」當記者問他屆時是否要工作時，他便點頭默認。提到文詠珊去芬蘭遺失行李，問他有否到芬蘭時，他謂：「冇去芬蘭，去咗挪威。（冇唔見行李？）冇試過唔見。」
最近有指其父謝賢與女友分手，問霆鋒是否知道有關消息，他擰住頭答：「唔知。（聖誕有聯絡？）冇聯絡。（返嚟會見？）梗係會，一定見。（會安慰佢？）唔使啦，佢咁大個人！」至於有否陪女友王菲？他謂：「我哋日日都係節日。（有冇見小朋友？有送禮物？）唔話你知！」又指自己的新年願望20多年來始終如一，都是希望自己不斷進步。
提到《鋒味》第四季中「素食女王」Daphne拒絕煮肉而被Foul，霆鋒就指不用再次回應：「喺節目度都講晒，我其實就絕對支持任何習慣嘅，但呢個係比賽嚟，同埋呢個比賽喺世界各地搞，規矩就唔係我定。（會聯絡番Daphne？）個比賽仲進行緊。」又指剛剛節目在挪威完成第十一場比賽，最後一場比賽將於下月七日在北京新搭建的實驗室舉行，屆時最後三強會爭奪180萬獎金。
(on.cc東網)
