今個聖誕，陳法拉由零下2度的紐約飛到沖繩，穿上春裝與家人歡度一個和暖的佳節。明年便畢業的法拉，樂在其中說：「在紐約過去幾年都是走在鬧市的雪地，或在家中圍著火爐吃聖誕大餐過聖誕，今年跟家人決定不如去一個沒有雪的地方，經大會投票後便來了沖繩。一個冰天雪地、一個陽光海灘，各有浪漫。很享受當地寧靜悠閒的感覺。」
盡情享受海灘陽光以外，法拉最愛的節目就是選購美白面膜。她笑說：「自己是很容易曬黑的；來冲繩後，瞬間已變成『黑妹』，惟有到藥房、超市入貨頂住先！要享受由雪地跳到海灘的滋味，背後是要付出代價的。」
(Singtao)
圈中有好多藝人都喺呢幾日瘋狂開聖誕派對，同一班親朋好友相聚一番！而除咗成日見嘅老友，亦有藝人趁呢個機會同啲舊朋友重聚。
呢日藝人李施嬅就喺社交網站上載咗一系列聖誕聚會嘅相，不過今次唔係同胡說八道會，而係同一班好耐冇見嘅港姐姊妹，包括陳茵媺、曹敏莉、戚黛黛同朱凱婷，一齊摸住酒杯gathering！
李施嬅仲留言話：「太久不見了。終於沒有一個人是懷孕或breast feeding（餵母乳），大家都可以喝一杯」嘩！果然係選美出身，個個都仲係咁靚呀，呢啲咪叫做天生麗質囉！陳茵媺都有喺IG晒片，見佢哋全部人揸住香檳，同大家講聖誕快樂，最後陳茵媺仲講咗叫冇人大肚呀，莫非今日想嚟個不醉無歸？
一班港姐仲帶埋一家大細一齊出席，場面非常熱鬧！而「愛妻號」陳豪亦有陪住老婆，見佢哋一個抱住囡囡Camilla，另一個就拖住仔仔，真係超級溫馨！
(on.cc東網)
雖然未到情人節，但要甜蜜幾時都係情人節啦！
鄭嘉穎同細佢22年嘅陳凱琳(Grace)拍拖兩年，感情越來越穩定，早前嘉穎出活動，仲話唔排除有「意外」。今個聖誕節，佢哋一齊出埠旅行，上周六(23號)被讀者影到現身香港機場離境閘口，但就唔知去邊個地方？！
噚日《蘋果》又收到讀者陳小姐透過「爆相爆片」報料，話24號平安夜喺溫哥華機場遇到佢哋。陳小姐表示當晚航班延遲起飛，要到溫哥華時間晚上7點左右先到達，陳小姐話攞行李嘅時候，嘉穎一直企喺好遠嘅地方，但一見到行李出嚟，就好快咁行過去女友身邊幫忙，陳小姐話﹕「我覺得嘉穎cool得嚟都好gentlemen。」
上次陳凱琳同屋企人坐廉航出事，畀人話有特權，今次佢哋決定坐business，搭長途機可以舒服啲。陳小姐話﹕「佢哋係等到其他人入晒機艙先入，見佢哋有傾有講，都幾sweet架。」Grace喺5歲時候舉家移民溫哥華，直至當選香港小姐，一家人又多咗時間留喺香港。
今次Grace決定孖嘉穎一齊返溫哥華，應該都係要帶嘉穎見吓屋企人同朋友。陳小姐表示﹕「其實溫哥華好多華人，聽朋友講，佢(Grace)父母最近都返咗嚟溫哥華，今次嘉穎可能去見家長。」有男友陪住，Grace都心情大靚，噚日喺ig晒愛，雖然冇貼同嘉穎嘅親蜜合照，但簡單一張食物相，喺Grace眼中都係冧到爆。
佢留言﹕「沒有什麼比起與一生中最甜蜜的人一起過聖誕節更甜蜜了，簡單就是最好，你同意嗎？」、「在假期卡路里全部不算數，所以吃吧。」
(蘋果日報)
藝人張栢芝喺社交網甫咗幾張相，內容係佢同仔仔食緊飯，不過佢就攰到瞓着咗，今年十歲嘅大仔謝振軒（Lucas）冇掛住玩，仲識扶住栢芝照顧佢，唔少網友都留言大讚Lucas「好懂事」！
近期栢芝除咗照顧一對仔仔之外，仲話要開戲做導演，真係忙到爆！不過幾忙都好，栢芝趁住聖誕佳節假期最後一日，帶咗仔仔去嘉年華玩吓，見到栢芝都玩得好開心，佢仲贏咗隻好可愛嘅獨角獸毛公仔。
之後一行人去咗餐廳醫肚，不過中途太攰嘅栢芝食食吓就瞓着咗！Lucas見到咁情況就出手扶實栢芝，仲攞咗啱啱贏番嚟嘅毛公仔墊住栢芝個頭，等佢可以瞓得舒服啲。
期間栢芝仲瞓到口擘擘，畀Lucas見到佢有食物殘渣攝咗喺牙罅，Lucas怕整醒栢芝，好小心咁攞支牙籤幫佢撩牙，Lucas嘅動作溫柔又細心，真係睇見都覺得窩心。
難怪栢芝事後都要留言大讚Lucas：「因為我公司太繁忙累了睡着了，他竟然一直陪伴着我還幫我撩牙添，教我如何不愛你！」
(on.cc東網)
因為係暪住屋企人入紙。。。
現年26歲、2012年落選港姐尤蔭蔭，早前入紙申請與圈外男友梁揚提結婚。當記者致電講恭喜時，蔭蔭卻甚為緊張，坦言係暪住屋企人入紙，之後便匆匆收線。
相隔一日，《蘋果》記者再致電蔭蔭，佢話婚事要延期，佢解釋：「雖然申請咗，但因為屋企發生咗啲事，所以會延遲簽紙，到確認結婚日期才通知大家。」再三追問下，蔭蔭坦承家人反對佢太早結婚，佢話：「佢哋覺得我仲細個，加上希望男友事業穩定啲先，咁就遲啲啦。」
蔭蔭比男友細12年，佢透露對方係台灣人，從事金融行業，兩人拍拖已經4年，不過蔭蔭一向對感情事好低調，IG連一張拍拖相都冇。
蔭蔭透露早前同男友一齊去日本旅行，對方跪地向佢求婚，佢話嗰一刻真係好感動：「當時佢帶咗我去一個好靚嘅湖邊，最初唔知佢搞乜，原來係set緊鏡頭，佢突然跪地向我求婚，仲話呢個地方佢曾經嚟過，以前就諗住帶同佢一生一世嘅人嚟呢度，咁我就應承咗。」
蔭蔭現在喺奇妙電視嘅主播，同屆港姐冠軍張名雅已為人妻，而亞軍黃心穎同季軍朱千雪亦名花有主。
(蘋果日報)
你喜歡吃甚麼海鮮呢？在熱量錙銖必較的時代裡，海鮮與其他家禽肉類相比，熱量和脂肪含量相對較低，又富含蛋白質及各種胺基酸和礦物質，屬CP值很高的食材，對此營養師余詔儒提供心中「最推薦海鮮TOP5」，民眾下次在採買時不妨納入口袋名單囉！
1.三文魚（222大卡／100公克，此為鮭魚肚熱量）
三文魚肚除了含有蛋白質，其油脂中亦含豐富不飽和脂肪酸DHA和EPA，是維持身體健康重要的營養素，而三文魚料理相當多元化，像是三文魚生魚片可以直接吃到魚肉本身的甜味，烤三文魚或味增湯能增添料理風味，炒飯、飯糰則是適合需要營養但容易挑食的小孩，可做為孩童成長發育過程中所能攝取之豐富營養素。
2.虱目魚（342大卡／100公克，此為虱目魚肚熱量）
虱目魚是台南小吃特色之一，而虱目魚煮粥或乾煎風味大不相同，不管料理方式如何，其油脂含有豐富不飽和脂肪酸DHA和EPA，魚皮中則富含膠原蛋白，至於常被民眾丟棄的魚鱗還可萃取出膠原蛋白做成美容保養護膚品，幫助維護骨骼關節及皮膚的健康。
▲蛤蠣、蠔可幫助增強體力。
3.蛤蠣、蠔（37-54大卡／100公克）
蛤蠣和蠔富含鐵質及礦物質－鋅，搭配薑絲煮湯，對於缺鐵貧血或是容易疲憊、感冒之人，可幫助增強體力及保護力。
4.丁香魚（111大卡／100公克）
別小看丁香魚小小的體積，其鈣含量卻特別豐富，每100公克丁香魚含有714毫克的鈣，而乾燥過的丁香魚可以直接當零嘴吃，新鮮的丁香魚則可以和豆干、花生拌炒，煮湯熬粥亦很美味。’
5.章魚、貝類（61大卡／100公克）
章魚和貝類富含牛磺酸，這是一種胺基酸，也是身體所需的營養素，可調節生理機能，對於常常熬夜或是工作需要輪班者，能加強補充體力及活力。
▲專家提醒挑海鮮首重新鮮度。
余詔儒除就自身推薦的海鮮做說明外，也提醒民眾挑選海鮮類時首重「新鮮度」，因海鮮類的食材很容易受到溫度影響而腐壞，保存上也要注意存放溫度是否良好、產地來源及標示是否清楚，以及包裝是否完整，若是市場散裝的食材，更要注意販售環境的衛生狀況，買回家後也要趁新鮮食用，不要一次煮過量。
(ettoday)
科學家今天表示，每天吃兩顆以上番茄的成年人，肺功能自然衰退速度較慢，且戒煙者似乎最能因此受益。
法新社報導，科家學觀察每天吃3份新鮮水果以上、特別是蘋果的人，也可獲得減緩肺功能衰退的類似效果。
這份由約翰霍普金斯大學彭博公共衛生學院（Johns Hopkins Bloomberg School of Public Health）研究的報告表示：「這項研究指出，飲食可能有助於修復戒煙者的肺部損傷。」約翰霍普金斯大學彭博公共衛生學院位於巴爾的摩。
報告共同作者賈西亞拉森（Vanessa Garcia-Larsen）於聲明中說：「這也顯示，富含水果的飲食可以減緩肺部自然衰退的過程，即使你從來沒有抽過煙。」
他們發現，肺部衰退通常在30歲左右發生，而吃番茄和其他水果的人，衰退速度較慢。
這個研究團隊表示，對戒煙者而言，這種關聯「更為顯著」，意味他們的飲食有助修復煙草所造成的損害。
但根據他們的觀察，只有新鮮水果及蔬菜才有這種效果，而非加工過的蔬果。
(元氣網)
家蔚又再喺社交網站更新近況，仲上載咗一家四口嘅合照添，今次係天明爆出疑似背妻拖女事件後，兩公婆首次合體。睇番張相，見佢哋一家四口齊齊坐咗喺車上面，身為媽媽嘅家蔚帶頭嘟起嘴仔自拍，兩個仔仔洪大仁（TJ）同洪竟琋（JT）亦都相當興奮咁望住鏡頭，不過洪天明就眼定定咁望住鏡頭，好似好攰咁喎！
家蔚之前已經擺片上ig story，見到TJ同JT坐定定乖乖咁食嘢，聚精會神咁緊睇嘢，而個ig story條片上，家蔚在tag住話喺河南，睇嚟佢哋一家四口喺內地過聖誕呀！
(ON.CC)
文詠珊（Janice Man/JM）今日凌晨喺微博貼文寫，「昨天從芬蘭轉機到聖彼得堡，我的五件行李全給芬蘭航空Finnair弄丟了。所有的禦寒衣物和生活用品都在行李中，未來的兩星期在北歐都不知道怎麼過渡，而芬蘭航空只回覆一句「不清楚」。 這是一個合理的回覆嗎？ 」
同金融才俊男友吳啟楠（Carl）趁聖誕外遊嘅JM，今日回復記者，身在聖彼得堡嘅佢話：「係全部行李冇晒，一件都冇，我係準備去睇北極光，由芬蘭轉機去俄羅斯，五件行李冇晒，一件都冇，芬蘭航空一句回覆都冇。」JM又話，除咗佢哋，同行至少有6、7人都冇咗行李，「噚晚咁啱撞番同機3個美國人，佢哋都話未搵得番，但航空公司只係話No Information，又唔聽電話。」JM嬲爆話：「真係太過份，太誇張，我都好少會咁寫出嚟，但真係覺得好匪夷所思，追佢哋（航空公司）就表現好唔耐煩，一係就電話打唔通。」聖誕去旅行本來開開心心，但因為唔見行李搞到唔開心，JM話：「如果去日本都唔驚，但今次我準備去睇北極光嘅Full Gear冇晒，連啲糧食都冇晒，暖包都冇，呢度又買唔到，所以我已經凍到病咗，噚日先買番個喼，依家準備上機喇！」
(Apple Daily)
聖誕派對最重要當然要交換禮物，不過當男同學收到衛生巾、女同學收到剃鬚膏時，場面就非常「爆笑」！有人歡喜有人愁，就連蘿蔔、百潔布都有人送，搜羅校園最奇怪有趣禮物！
許多學校剛舉行過聖誕聯歡會，交換禮物是重頭戲的環節之一，抽到老師的厚禮固然開心，但抽到奇怪又無用的禮物時，真不知「好嬲」還是「好笑」！有學生在社交網站分享，班上有男同學收到12包「m巾」、女同學收到剃鬚膏、也有同學收到兒童牙膏、蘿蔔、雞粉、五塊百潔布、更有豉油壺和豉油套裝。
一眾網友笑翻，指收到「m巾」和剃鬚膏的同學可以交換份禮物，形容就真是「真交換禮物」，也有人指「老實講，蘿蔔揀得好差，個面太爛，有條似花心，蘿蔔係由芯壞起，姐係D蘿蔔壞咗」認為會煮食的朋友真是不太接受。
也有響應說見到有同學收到兒童牙刷、蘿蔔、粟米，然後「我送咗蕃薯」！有人就笑言「下次買袋米返去搬死佢」！
